لقد اخذت شباس عمير المركز الاول ووسام الاستحقاق فى خيبه الامل
وكلاكيت تانى مره الوفاه فى احدى بند المجارى دون ادنى رده فعل
اليوم صباحا ( الخميس 20مايو)نزل الحج ابراهيم النشرتاوى شفاه الله فوجد مياه الصرف
تملا الانتر الخاص به وتفيض فى الشارع كما هو الحال فى معظم الشوارع طبعا لان الناس
مش عارفه المجارى اشتغلت ولا لسه وناس كتير وصلت واشتغلت
والمجارى لسه مشتغلتش فى الخط اللى همه فيه وطبعا محدش سائل فيه
فتطوع من نفسه ونزل البنده (اللى عمقها 8متر)علشان يسلكها والميه متقفش عنده
وابنه الشحات رحمه الله وجارهم ويدعى فتحى البسيقى شفاه الله واقفين بره
ولما اتاخر تحت الشحات نزل واتاخر قام فتحى نزل ولم يصعد اى منهم فتجمع الاهالى
وقام بعض الشباب بربط انفسهم والنزول فوجدوا الابن يحمل ابيه على كتفيه وكلاهما فاقدا للوعى
ومعهم فتحى وحينما اخرجوهم كان الاب والجار فاقدان للوعى بينما الابن فاقدا للحياه
وتم ترحيل الاحياء منهم لغرفه الانعاش بطنطا ويقال بان حاله الاب غير مستقره
وكل ما يحيرنى هذه الحادثه مسئوليه من:1
المسئولين عن المشروع الذين افتتحوه دون اتام تنفيذه
2-الحج ابراهيم اللى حب يحل ازمه دون الدرايه بالعواقب
3-الابن الذى لم يستطيع رؤيه والده يموت فنزل لانقاذه
4- ام الجار الذى راى الموت يحيط بجيرانه فنزل لاغاثتهم
5-ام مستشفى التكامل التى اصبحت وحده صحيه خاليه من الاجهزه الطبيه
ولم تستطيع اسعاف المصابين (ودى لوحدها موضوع تانى).
ارجو من جميع الاعضاء المشاركه بالراى
على من تقع المسئوليه
وكيفيه الخروج من هذه الازمه
لعل الله يجعلنا سبب للخروج من تلك الكارثه

إنا لله وإنا إليه راجعون
وربنا يشفي المصابين
اما عن شباس عمير والي بيحصل فيها
فهذه مسؤولية كل فرد من أفراد البلد

مشكور على الرد ابو يوسف
طيب المخطئ يتحاسب ازاى ومين اللى يحاسبه

اللهم أسكن الفقيد فسيح جناتك وإشفى المرضى ...

والله إنها لمأساه ، لكن في النهاية لا نقول إلا ما يرضي ربنا الحمد لله وإنا لله وإنا إليه راجعون : فكل ما جري وما يجري في بلدنا بل وفي الكون كله بتقدير رب الأرض والسماوات لا راد لقضاءه ولا معقب لحكمه ولا شك أن هذا قدر الله وهذا أجلهم .نسأل الله أن يرحم موتانا وموتي المسلمين وأن يخلف علينا خيرا وأن يجعل بلدنا آمنا مطمئنا وسائر بلاد المسلمين .
يقول الله عزوجل (إن الله لايغير ما بقوم حتي يغيروا ما بأنفسهم وإذا أراد الله بقوم سوءا فلا مرد له ومالهم من دونه من وال ) وأري أيها الإخوة أن كل واحد منا يتكلم من جهة معينه فمنا من هو ناقم علي بعض الأشخاص ويري أنه السبب في كل المصائب والمشاكل التي حلت وتحل ، وهذا يتكلم لهواه ،ومنا من يحمل هم المسلمين فعلا ويحرص علي المصلحة العامه، ومنا من ينظر للأمور نظرة المتشاءم ويثبط عزائم الناس وهممهم ، فهو يري أن هذا البلد لن ينصلح حاله ، وما أكثر هذا الصنف ، وهناك من يتكلم لمجرد الكلام ، يتكلم ولو بالباطل بعلم أو بجهل المهم أن يكون له كلمه وهذا أيضا كثير عندنا .
أيها المخلصون من أبناء هذا البلد ، والإخلاص لله عزوجل في القول والعمل : اعلموا أن الله عزوجل يوفق المخلصين وأن التغيير لابد أن يكون في أنفسنا أولا حتي نستطيع أن نغير الآخرين ، وأنه ما نزل بلاء إلا بذنب وما رفع بلاء إلا بتوبة صادقة لله عزوجل ، فإن الله تبارك وتعالي قال (ظهر الفساد في البر والبحر بما كسبت أيدي الناس ليذيقهم بعض الذي عملوا لعلهم يرجعون )
تسألون عن السبب ؟؟؟!!! هذا هو السبب (الذنوب والمعاصي )
كل واحد فينا يفتش في نفسه وفي بيته سيجد ذنوبا مهلكات لولا لطف الله (ولو يؤاخذ الله الناس بما كسبوا ماترك علي ظهرها من دابة ولكن يؤخرهم إلي أجل مسمي) ولا زلت عند رأيي أن الجهل سبب كل المصائب ولابد من التوعية ولا أقصد الوعي الديني فحسب بل الوعي بكل مناحي الحياه . هل علم هؤلاء المصابين والموتي من قبلهم خطورة نزولهم وفتحهم هذه الأماكن وما يترتب علي ذلك من مخاطر ، لو علموا لفكروا قبل أن يقرروا ، قدر الله أولا وآخرا ،
وفي النهاية لي نصيحة أوجهها لهؤلاء القوم الذين لا يكادون يفقهون حديثا ، هؤلاء الذين لا يجيدون إلا الهتاف والتهليل ولا أقصد بالتهليل قولهم لا إله إلا الله فهذه قد انشغلوا عنها ولو شغلوا بها لكفتهم كل الهموم لكن أتكلم بلغتهم لغة التهليل والتصفيق : اتقوا الله ولا يكونن أحدكم إمعة إن أحسن الناس أحسن وإن أساءوا أساء فهذا بلدكم وبلد أبناءكم من بعدكم ، لا تقدموا مصلحة الأفراد علي مصلحة الجماعات واعلموا أنكم موقوفون أمام الله عزوجل ، (والله يعلم المفسد من المصلح ) لن ينفعكم أحد فقدموا لأنفسكم واتقوا الله في المسلمين .من استطاع أن يزرع شجره في شباس عمير لا يبتغي بها إلا وجه الله فليفعل وهي في ميزان حسناته يوم لا ينفع إلا الحسنات
ثم نصيحة لكل من يكتبون في هذا المنتدي : اتقوا الله ولا تقولوا إلا خيرا والدال علي الخير كفاعله وأخص بالنصيحة الذين يكتبون في دين الله ، لا تنشروا إلا الصحيح الموثق من كتاب الله وسنة نبيه صلي الله عليه وسلم فليس الهدف هو شحن صفحات المنتدي بالكتابات والأخبار ، تثبتوا مما تنشرون وتكتبون رحمكم الله
ثم أبشركم بقول الله عزوجل (قل يا عبادي الذين أسرفوا علي أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم )وقوله (ولا تيأسوا من روح الله إنه لا ييأس من روح الله إلا القوم الكافرون ) واعلموا أن هناك مصلحون وصالحون موجودون معنا دائما وأن الخير قادم بإذن الله وعلي أيدي أبناء هذه القرية لا بيد غيرهم
و أعتذر للإطاله وآمل ألا أكون قد شققت عليكم فوالله هذه نصيحة محب لكم ومشفق عليكم أسأل الله أن يهديني وإياكم سواء السبيل

جزاك الله خيرا يا شيخ عبده واحشنا والله
وربنا يوفقك ويكرمك وترجع البلد سالم غانم ان شاء الله
وانا بايدك ان لازم التغيير وقبل ما نطالب حد بالتغييرلازم نغير نفسنا الاول
ووالله يا اخوانى انا مش قاصد ان كل اخبارى تكون غم ومصائب
وانا بكون اول واحد زعلان وانا بكتبها بس انا عايز انقل الصوره
كما هى دون زياده او نقصان لربما نستطيع بتبادل الاراء خلق حلول
لتك المشاكل ولو حتى اقتصرت على الافكار فقط

إنا لله وإنا إليه راجعون


والله إحنا لم نتكلم عن المسؤلية

فمن الممكن أن نقول دي

مسؤلية

شباس عمير بالكامل

لأن هي السبب

في جعل مجلس الشعب

بين أيدينا

25 سنة

بدون فائده للبلد

وطبعاً دي مصلحة البلد الأولى والأخيرة

والبطبع لاتتوقف المشكلة على ذلك

بلا وبنسبة 80 في المائه مشاكل بين الأهالي والجيران بسب المياه دون أي تدخل بشكل جدا في المشكلة ومحاولة

الإنجاز في المشروع

ثأنياً

لله مأخذ ولله مأعطى ولانقول إلا مايرضي ربنا وإنا لله وإنا إليه راجعون

دي مشكلة الشركة المنفذه للمشروع

الواجب عدم تدخل الأهالي لأي عطل ولكن المفروض من الشركة التوصيل لكل بيت من بيوت البلد

دون تدخل الأهالي محافظة على أرواحهم

ثألثاً لبد من إتخاذ موقف من اهالي البلد حفاظاً على أبنائنا وأخواتنا

عافنا الله وإياكم

مشكور جدا اخ فتح الله وانا بايدك الراى ان فيه ناس كتير مسئوله عن اللى حصل
ومنهم الاهالى ومكنش المفرض ان حد من الاهالى ينزل البنده
بس لو كل حاجه مظبوطه مكنش نزل ده لو الشركه المسئوله شايفه شغلها على اكمل وجه
بالاضافه ان لو حد مهم او قريب حد او ليه واسطه المجارى بتوصله مش لحد البيت لا دا
لحد غرفه نومه لو عايز وكمان كل الشارع بتاعه انما الغلابه اللى ملهمش دهر استنه دورك
ويا عالم الدور ده بيجى امته وبرده هيفضل السؤال يطرح نفسه ليه ناس امرت ببدء المشروع
وهوه مش جاهز؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اولا انا حابب ارسل سلامى للشيخ عبده واقوله وحشتنا
ثانيا بشكر ابو انس على الموضوع ده وانه حابب انه يخرج من الموضوع ده
بحل للازمه دى حتى لو كان الحل ده مجرد فكره تكونت من خلال اعضاء المنتدى
اللى بنو ارائهم بعيدا عن اى مصلحه شخصيه بس كل ده سدى لان حتى لو الفكره
كانت الحل الوحيد مين اللى هيسمعها المشكله هى ان حتى صوتنا مش واصل لاى حد
ودلوقتى اللى قريب من المسئولين مبيتكلمش غير فى مصلحه شخصيه
وانا شايف ان المشكله مش كلها عدم وعى وسوء تصرف من السكان
لان مش همه السبب فى كل حاجه لوحدهم على سبيل المثال بنده فى شارع جنبنا
عمقها3متر مش 8ولا10 والميه طالعه منها مبهدله الدنيا محدش نزل بعتو للمسئولين
عن المشروع جم تانى يوم ونزل احد العمال وكان هيموت تحت لولا تدخل الاهالى همه
اللى طلعوه وطبعا ده مش ذنب الاهالى لانهم اتصرفو صح والمشكله حصلت برده
المفروض يكون فيه رقابه خاجيه على المشروع ولجان تتابعه وتعمل حملات لمعرفه مدى كفاءته
ولو فيه خلل مش عيب ان المشروع يتوقف لحد ما كل الاعطال تتصلح والمشروع يكون جاهز للبدء
وفى الوقت اللى المشروع يتوقف فيه تفرض غرامه كبيرهعلى اى حد يوصل
ولو الوضع استمر كما هو عليه دلوقت يبقى كل يوم هيحصل مشكله ويبقو علشان يريحو
دمغاهم يعملو لافته على كل بنده مكتوب عليا
احترس خطر الموووووووووووووووووووت

والله يا جماعه انا من وجهة نظري ان اللي حصل قضاء وقدر في الاول والاخر مع اهمال من المسئول عن المشروع لان من المفروض ما كان حد يوصل بدون اذن من الجهه المختصه وبلاش اللي يلحق دي يا جماعه ده مش اكل لازم يكون فيه صبرو نظام ومحاسبة المخالف ولازم اللي يوصل يكون مختص ولا احنا ما شاء الله بنفهم في كل حاجه وبنعرف في كل الاعمال ولازم نصبر المجاري مش هتروح وبعدين الخص لكم الموضوع في مثل بسيط ما يصعب على العريان الا يوم الخياطه ما المجاري يا جماعه من يومها مغرقه البلد ولا ايه

الله ارحم المتوفي واسكنه فسيح جناتك
واشف المرضى برحمتك يا راحم الراحمين
وشكر لكل من ساهم بالرد على هذا الموضوع
وشكر خاص لابوانس
وحسبي الله ونعم الوكيل في المتسبب الرئيسي عن كل هذة المهزلة في مجاري شباس

السلام عليكم ورحمة الله وبركاته
اولا احيى ابو انس لطرحه الموضوع ونقله للخبر وهذا ليس عيبا ابو انس انك تنقل الاخبار حتى لو كانت سيئه بالعكس لك منا تحية اعزاز وتقدير وعلى فكره انت ممكن تبقى صحفى روعه اومراسل بجد طريقتك فى نقل الاخبار روعه والعنوان مثيير تسلم ايدك
احيي الشيخ عبده على تعليقه الرائع ونصائحه الغاليه وكمان اؤيد رأيه بقوه فى موضوه نقل الاحاديث النبويه والرويات ان تكون دقيقه وموثقه بادله شرعيه وانا جف حلقى فى هذا الموضوع ولا حياة لمن تنادى ولا اكل او امل من النداء بهذا لان الموضوع جد خطير لان النتدى مكان عام للاعضاء والزوار ويتردد عليع الناس فلابد ان تكون المعلومات دقيقه
اما حكاية شباس عمير والصرف الصحى فدى عاوزه كتاب عشان نقدر نحكيها او كتب ومش عارف بجد اقول ايه بس فى الاول والاخر ارجع واقول دى ثقافة شعب كل حياتنا مبنيه على عدم النظام والهمجيه والتعنت والعناد وكل واحد فكر نفسه ابو العريف
وهو بس اللى بيفهم واسفاه واسفاه
هذه ليست نبره تشاؤميه ولكن تعبير عن الواقع وان شاء الله القادم احسن
دمتم فى حفظ الله
ابو امنيه

اولا شكرخاص للاخوه الافاضل عز العرب وابو امنيه وابوهايدى على ردودهم ومشاركتهم فى الموضوع
ثانيا ده قضاء وقدر اللهم لا اعتراض بس لكل شئ سبب واحنا يا ابو هايدى اللى خلينا نفسنا عريانين
لاننا علطول ساكتين (وانا مالى )اكتر كلمه هتضيعنا
والمجاى طول عمرها تعبانه بس مسمعناش حد مات فيها ولما مشروع مصروف عليه ملايين
ويبقى الوضع كما هو عليه يبقى فيه مليون حاجه غلط وكل مره بنطلع الغلط على السكان لحد امته هيكونو
شماعه لاخطاء الغير لازم اى حد اخطا يتحاسب بغض النظر عن المنصب والمكانه الاجتماعيه
وكلامنا فى المنتدى ما هو الا راحه نفسيه علشان ضمايرنا ترتاح مش اكتر لان زى ما الاخ مصطفى الكاشف قال
صوتنا مش واصل لحد ومش مسموع وكل اللى بنساهم بيه فكره لحل الازمه وبتموت لما كل واحد فينا يقفل جهاز الكمبيوتر الخاص بيه علشان كده عمر ما حد هيسمعنا
وكمان اوافق ابو امنيه ان اللى يلحق دى من اكبر الاسباب ودى مش غلطه السكان بس
لو فيه رقابه مكنش حد عرف يوصل مش ماسوره لا خرطوم بدون اذن من السؤولين عن المشروع
ومره تانيه بشكر كل من سا هم بالرد على الموضوع

مشكور ابو انس على نقل الخبر بالرغم انه مفجع ولكن طريقتك فى النقل محترفه وشيقه ومثيرة
اما شباس فلها الله هو القادر على كشف الغمه وازاحتها وهو القادر على دمغ الفساد المنتشر فيها وهو اعلم بنوايا الناس وما يضمرون فى صدورهم .وانا بقصد من ده ان كل اللى بيحصل ده كان هدفه فى الاول والاخير الانتخابات ولكن انقلب السحر على الساحر

مشكور يا اخ حسام على الرد
وانا بوافقك فى كل كلمه قلتهالكن فيه ناس مش فاهمه كده واى حد بيقول
الحق بيعتبروه متعصب وبيفروحو بالناس الطبيله اللى كل همهم المصلحه
الشخصيه لا غير وعلشان منكنش متحاملين على حد لازم كلمه الحق تتحبس جوانا
فعلا اخر زمن

اولا شكر لكل الاعضاء على المشاركه فى الموضوع المهم ده
وشكر خاص لابو انس على طرح الموضوع باسلوبه الرائع
وطبعا انا بايد الاستاذ حسام(ابو فطيمه)ان ربنا قادر انه يزيل الغمه
وتحقق ما كتب فى موضوع النائب الخارق قول الله تعالى
(ويمكرون ويمكر الله *والله خير الماكرين)

مشكووووووووور اخ مصطفى وجزاك الله خيرا