ليه دايما خايفين من المجهول
ليه دايما نقول اللى نعرفه احسن من اللى منعرفوش
مش يمكن اللى احنا خايفين منه يبقى احسن كتير مما نتوقع مش قالوا
لنا زمان اللى تخاف منه ميجيش احسن منه
تعالوا نتكلم بوضوح وصراحه ونقيم الوضع الحالى للانتخابات فى شباس عمير لالالا احنا هنقول بلدنا لان معنى كلمه بلدنا لما تقولها وتحس بها هتعرف قد ايه لها معنى حلو البلد اللى اتولد فيها واتعلمت فيها ولعبت فيها وصحبت فيها وحبيت فيها كل الذكريات الحلوه فى حياة الانسان يبقى البلد دى لها حق علينا لازم نتمنى لها الافضل والاحسن لان لها دين علينا لازم نرده
بالضبط زى اى عضو مجلس شعب تنتخبوا البلد عليه دين للبلد والناس اللى انتخبته وماتت بسببه وسهرته علشانه وعلى الاقل الناس اللى اتمنت انه
ينجح الله يكون فى عونه كلنا ممكن نقول كده بس فى حاله لما نحس فعلا انه بيحاول يخدم الناس بجد الغلابه واللى مش لاقين والناس جميعا على حد سواء
بس لازم نعرف ان المطلوب من عضو المجلس اكبر من كده بكتير لازم الناس تحس ان عندها عضو مجلس شعب فعلا بيعمل لصالح البلد مش مصالح شخصيه له ولناس معينه الكلام كتير والمسئوليه كبيرة ولو فتحنا فى الكلام مش هنخلص

ليه خايفين دايما من التغير
ليه دايما احنا خايفين من التغير ليه دايما نقول اللى نعرفه احسن من اللى منعرفوش
يلا نجرب ونشوف ما يمكن التغير افضل نجرب خمس سنين اخرى
ايه المشكله ما جربنا اربعين سنه ايه اللى جد علينا الوضع زى ما هو متغيرش نشوف الجديد يمكن يكون احس ولو مش احس نجرب غيره لحد ملانقى الاصلح اظن لو عندنا الفكر ده واستطعنا اننا نشوف الاصلح ونقف معاه واللى لا يصلح نبعده ونستبعدة مكنش ده هيبقى حلنا لمده اربعين سنه فى مجلس الشعب
لانه لما احس ان الكرسى اللى جالس عليه ممكن ينسحب منى
يبقى هحافظ عليه ولكن لما احس انه مش ممكن ينسحب مش
هفكر فيه واظن اننا كلنا عارفين ممكن احافظ على الكرسى
او على الاقل احنا نتمنى ان تكون المحافظه على الكرسى ممكن
تكون ازاى اما بالنسبه لعدم المحا فظه على الكرسى
كلنا عندنا مثل حى لذلك وعشناه
على فكرة اللى بيحصل دلوقت فى البلد من خدمات خلال الست شهور
الاخيرة قبل الانتخابات اكبردليل على المحافظه على الكرسى
بس للاسف الشديد تأتى الرياح بما لاتشتهى السفن
لما حاول المحافظه على الكرسى الناس كلها استغربت لما ممكن
تقدم كل الخدمات دى خلال سته شهور مش حرام تحرمنا منها
خلال المدة دى كلها والله حرام خلاص الناس فهمت اللعبه
كنا زمان نقول احنا احسن من غيرنا عندنا احلى عضو مجلس شعب
فى العالم بيحب مصلحه البلد بس لما يتم حجب الخدمات الى قبل
الانتخابات يبقى لازم نقف ونقول لا ده بقى زيه زى غيرة

لازم يبقى عندنا سياسه التغير ومنخفش ونجرب لاننا لو خفنا
وجلسنا نتفرج عمرنا ما هنتقدم ولو لخطوة للامام
على فكرة انا مش مع عضو معين ومش ضدد عضو معين بس بقول
كده كفايه لازم العضو المرشح يعرف انه بيتعامل مع ناس بتفهم كويس
جدا والناس تتمنى منه الكتير وخدمات اكثر ولازم العضو المترشح يعرف
ان المسئوليه كبيرة ويكون على قدر المسئوليه العامه على فكرة انا لو
المرشيحين اراجع نفسى 100 مرة قبل ما اترشح العضو السابق
لازم يسأل ما هو سبب تراجع الشعبيه الجارفه اللى كانت عام 95 *2005 ويشوف ممكن يرجعها ازاى ويسأل نفسه ما هو السبب اللى
وراء ان الناس كانت معايا ودلوقت مش معاه وينسى كلمه اكيد كانت له
مصلحه لم تتم والناس للى وراة بلاش تخدعه
( يا بخت من ضحكنى ولا ............................)
ارجو تقبل النصيحه
العضو المرشح الجديد لازم يسأل نفسه ايه اللى ممكن اقدمه للناس

والناجح منهم يسأل نفسه ازاى ممكن اكسب حب الناس واقدر اخدم الناس ازاى واكسب حب الجميع ازاى واحافظ على شعبيتى واكبرها

اتمنى من الجميع ان يرد ما يتمنا فى عضو مجلس الشعب

شوف يا رامي يا بني ....
مفيش احسن من الجديد .... لو نركز شوية
عربية جديدة ولا قديمة؟
بيت جديد ولا قديم ؟
فكر جديد ولا قديم ؟
ست جديدة ولا قديمة ؟
وعلي رأي المثل - الجديدة تحلي ولو كانت وحلة -
وسلم لي علي القديم !!!
ويجعله عامر .....

الاستاذ محايد اتوقع لو انت مش محا يد كنت عملت ايه فى القديم
عموما الحمد لله انك بس محا يد
ونصيحه راجع نفسك ان كنت فعلا محايد اولا

يا محمد بك الكاشف
( رجاءا لا تفهمني غلط )
لا اقصد بتاتا التملص من القديم
فلا عاقل يقول ذلك
( اللي ملوش قديم ملوش جديد )
ولكني قصدت عدم الخوف من الجديد, ليس إلا
والله يا استاذ محمد انا محايد جدا
وانا اتابع المنتدي منذ فترة ليست بقصيرة
ولم اكتب فية الا هذه الايام
لما لاقيت من مناوشات ... تحيد في بعض الاحيان الي اقصي اليمين او اقصي اليسار
ولن اقول اختلافات او جبهات
لانه في النهاية اظن انكم جميعا علي مستوي من العلم و الاخلاق يحول بينكم وبين ان تصبحوا مختلفين.
وتقبل تحياتي

يارامي يا ابني انت بتنده في مالطة

والله انا معرفكش يا رامى بس انته شاب متعلم فعلا وفاهم وربنا يكتر امثالك الله ما امين لو العقلبات فى شباس زيك كان شباس دى اجمل قريه باذن الله

اولا السلام عليكم
نعالي نشوف البلد فيها كام مرشح هنجدهم اكثر من اربعة صح ولا خلط
احنا كاهل البلد علينا اختيار الاصلح والاكثر فائدة للبلد
فمن الممكن ان يكون الاعضاء الجدد افضل من القدامي
وممكن يكون العكس
فنحن نري ما تراه البلد في مصلحتها
وسلامي لكم

انا معاك اخ /رامى
ولكن جميع المرشحين فى البلد داخلين علشان السلطة والفلوس
ومفهمشى واحد عايز يخدم واللى بيقولك انا هعمل قرعة للوظائف والافشخنات ديه احنا سمعناها قبل كده يامة وبعدين قلى على مرشح فى البلد يستاهل حد ينتخبه
والكابتن الحالى بتاع مصالح ووظائف على اساس عدد الاصوات فى العيلة
والتانى الدكتور اعتقد انه مينفعشى لاسباب كثيرة معظمكم عرفها

اختار من خارج البلد وريح نفسك
قد يكون عز جوده او خليفى الاصلح فى الوقت الحالى

شكر اخ مدحت القطان على فكرة انا اعرفك شكلا واعتقد انك لو شفت صورتى هتعرفنى لاننا اكيد اتقبلنا كتير وشكرا على ردك الجميل
اخ ابو شوشو شكرا على مرورك الجميل
انا معاك ان مفيش عضو فى الاربعه مقنع ويمكن يكون ده قدرنا وانا برده كتبت موضوع كنت طارح فيه فكرة ان يكون فيه اجتماع بين الاربع مرشحين
وكل واحد يطرح اجندته الانتخابيه ونشوف الاكثر اقناعا ونختاره ويتعهد امام الجميع انه لو منفذش اللى اتعهد بيه ميرشحش نفسه فى الانتخابات تانى
ويكون امام الجميع اعتقد انه اى عضو يحس انه موجود لخدمه الناس
والناس انتخبته علشان يقوم على مصالحها ويحس انه فى فتره اختبار لمده خمس سنين لو اقدر يخدم الناس ويراعى مصالحهم هتكون دى شهادة النجاح او بوابه المرور لفترة انتخابيه جديده هيفكر الف مرة علشان يكسب حب الناس ويكون فى خدمتهم ولا انتوا ايه رايكم

صح لسانك

بسم الله الرحمن الرحيم
اللهم ولي من يصلح هذه البلد المظلومة في كل الخدمات وياريت كل الشباب المقيمين في البلد يختارو بعقلهم من يخدم البلد

اظن دلوقتوقت الحساب لازم الكل يراجع نفسه

للأخ رامي
أولا زي ما تكرم الأستاذ شريف وقال مالطة . بس ولله الحمد
ظهرت عقليات كثيرة أصبحت مؤثرة . وال ما كنش ليه صوت بقاله صوت
والصغير كبر بعمره وعقله . كبر فى وقت ظهرت فيه الحقائق من الأكاذيب
عرف جيد .. النافع من المضر الذبد من ال ما ينفع .. تعبنه وتعبت الناس
وبعدين مين ال قال مفيش واحد نافع من الأربعة حكمنا عليهم بالفشل قبل ما يبدؤا
طاب فيه واحد وجربناه وعرفناه .. وتعبنا وتعبت الناس وياه
خلينا نجرب واحد من الثلاثة الباقيين أ~

شباس عمير مستقبل وامل لاى مرشح وقوة كامنة لا يمكن الوقوف امامها وعشان كده صوتك امانه وكفاية بقى السنين الى راحت بدون فايدة شوفوا الجديد وامالنا فى العمال

إنا لله وإنا إليه راجعون
أفيقوا يامسلمين أنتم أوشكتم على خسارةالدنيا والدين الرضي بمشرع ( البرلمان الذي يشرع للناس قوانين مخالفة للشريعة الاسلامية) غير الله شرك بالله أي خروج عن دين الاسلام لأن المشرع هو الله والشرك جزاءه دخول النيران والعياذ بالله لأنه لا يدخل الجنة إلا نفس مسلمة كما قال النبي صلى الله عليه وسلم والنفس المسلمة هي التي لا تشرك بالله شيئا
الانتخابات والرضا بها شرك مع الله فأفبقوا رحمك الله قبل خسران دينكم وقوا أنفسكم وأهليكم نارا ألم تعلموا ما هي النار فان كنتم لا تعرفوها فجربوا وضع أيدكم على نار شمعة ولانقول شعلة لمدة سنه أتستطيع فليكن شهرا بدلا من السنة أتستطيع فليكن يوما أتستطيع فليكن ساعة فما بالكم بنار وقودها الناس والحجارة مع الخلود فيها أبدا أي لا خروج منها لأنه تعالى يقول في سورة المائدة
" إِنَّهُ ُ مَنْ يُشْرِكْ بِاللَّهِ فَقَدْ حَرَّمَ اللَّهُ عَلَيْهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنْصَارٍ (72) " أفيقوا رحمكم الله وانجوا بأنفسكم لأنه لايغني أحد عن أحد شيئا "

شباس عمير بلدي
يا أبناء شباس عمير ...........
تعالوا إلي كلمة سواء بيننا أن لانختلف إلي درجة الخصومة ليكن هدفنا فعلا الصالح العام وليكن لكل منا رأيه لايجوز أن يكون لأحد حق فرض وجهه نظره علي الآخر ليس لنا في النهاية إلا رفعة قريتنا والعمل علي تحقيق هذا الهدف بالأسلوب الذي لايتعارض مع آراء واتجاهات الجميع دون غلو في الحب ودون شطط في الكره لنكن منصفين ليأخذ كل حقه دون جور أو ظلم فجميعنا علي هدف واحد هو الصالح العام ، جميع المرشحين هم أبناء شباس عمير لافرق بينهم في ذلك وجميعهم لديهم الرغبه في خدمة شباس عمير فلا فرق بينهم في ذلك لنعطهم الفرصة لنري أي منهم أقدر علي تحقيق ما نصبو إليه فاحتياجاتنا كثيرة :
2- رصف شوارع القرية
3- مياه شرب نقية
4- مياه ري دائمة
5- مستشفي عام بدل المستشفي الذي أغلق دون وجه حق
6- مدرسه إعدادية للبنات
7- سيارات لجمع القمامة
8- تليفونات للشوارع
9- مصانع أو شركات في نطاق القرية يعمل فيها أبناء القرية العاطلين بدلا من إقامتها علي أرض محافظات أخري
10- وظائف للمحتاجين فعل أو للفقراء من أبناء القرية دون تمييز بين من كان معي ومن كان ضدي
11- ربط القرية بالقرى المجاورة بطرق مرصوفة
12- خط مواصلات حكومية لربط القرية بقلين وكفر الشيخ
13 - إشهار نادي رياضي باسم شباس عمير يعطي الحق للشباب في اللعب في الدوري العام
14- إنشاء أفران جديدة وزيادة حصة القرية من الدقيق المدعم لتوفير رغيف الخبز بدلا من أن تحصل كل أسرة علي عيش لا يكفي وجبه واحدة
15- سوق للقرية ثابت
16- مقر للتأمينات الاجتماعية
17- مقر للوحدة البيطرية
18- مقر للكهرباء
19- مقر للتموين
20 - بناء المعهد الديني الأزهري الابتدائي
21- بناء المعهد الديني الأزهري الإعدادي للبنين
22- إنشاء كليه لجامعة الأزهر علي الأرض التي تبرع بها المرحوم الأستاذ أحمد راضي حامد
23- موقف ثابت للسيارات
24- ............ الخ
هذا بعض من كل لو أن كل أبناء شباس أراد أن يعدد احتياجات شباس من الخدمات لذكر الكثير كما لو كنا ملناش صحاب
وبعدين يقولونا مصلحة البلد ................................ عجبي

بسم الله الرحمن الرحيم

اولا احب ان ابين مدى سرورى بهذا الانسجام للاعضاء واود ان اشكر كل من ساهم فى انشاء هذا المنتدى لانه ولله الحمد اصبح مصدر فخر لهذه البلده
واود ان ابدى براى البسيط عن عضو مجلس الشعب الحالى والقادم
واقول عصفور فى اليد خير من عشره على الشجره والى احنا شيفينه فرصته فى النجاح اقوى وهيفيد البلد لاز م البلد كلها تقف جانبه وتاذره بدل متطلع من البلد ومنشفهاش مره تانيه وهذا ليس من اجل شخص عينه ولاكن من اجل مصلحه البلد والتى نسعى للرقى بها ونجعلها مصدر فخر لنا ولابنائنا من بعدنا
sayezedan

إخواني الأفاضل
والله أفضل لنا أن نعيش من غير هذة الاحتياجيات السابقة " الرصف والسوق والوظائف و............ " إذا جاءت من خلال مشاركتنا في إقامت هذا الاله الآخر " البرلمان" لأن المشاركه في إقامت مشرع آخر من دون الله أمر مخالف لأصول ديننا فلقد عشنا أعوام طويله من دون هذة الاحتياجيات ولكن لا مانع أن جاءت من خلال طريق شرعى
فلقد عاش الصحابة في ظروف أصعب من ظروفنا من أجل التمسك بأمر دينهم وبهذا التمسك إستطاعوا أن يكون أسياد العالم وفتحوا البلاد وازداد الخير في كل المجالات في العلوم حيث قامت الحضارة الغربية على علوم الاسلام وفي الاقتصاد ففي فترة من الفترات لم يجد المسلمن فقيرا يعطوه الزكاة فتصدقوا علي أهل الكتاب
وفي المجال العسكرى فهم اللذين فتحوا البلاد
يقول تعالى " { وَلَوْ أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالأرْضِ وَلَكِنْ كَذَّبُوا فَأَخَذْنَاهُمْ بِمَا كَانُوا يَكْسِبُونَ (96) أَفَأَمِنَ أَهْلُ الْقُرَى أَنْ يَأْتِيَهُمْ بَأْسُنَا بَيَاتًا وَهُمْ نَائِمُونَ (97) أَوَأَمِنَ أَهْلُ الْقُرَى أَنْ يَأْتِيَهُمْ بَأْسُنَا ضُحًى وَهُمْ يَلْعَبُونَ (98) }
ونحن مسلمون فواجب علينا أن نتمسك بكلام الله ونثق فيه فالبركات مرتبطة بالايمان بالله وطريق البرلمان " المشرع من دون الله " مناقض للايمان بالله و لدين الله ولن تكون معه بركات

ويقول تعالى " وَعَدَ اللَّهُ الَّذِينَ آَمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا يَعْبُدُونَنِي لَا يُشْرِكُونَ بِي شَيْئًا وَمَنْ كَفَرَ بَعْدَ ذَلِكَ فَأُولَئِكَ هُمُ الْفَاسِقُونَ (55)"
فهذا وعد من الله ولن يخلف الله وعده ولكن هنا شرط مقابل الاستخلاف والتمكين في الارض والأمن والذي يكون بداخلهم كل احتياجلتنا الذي نبحث عنها مع المشرعين من دون الله " الأعضاء " وهذا الشرط كما هو في الآية الكريمة " يَعْبُدُونَنِي لَا يُشْرِكُونَ بِي شَيْئًا " ونقول أن اتخاذ مشرع من دون الله هو الشرك بالله فنحن نفتقد الشرط الذى به تتحقق هذة الوعود من الله فالواجب علينا أن نتمسك بديننا حتى لو ترتب عليه الجوع والعطش والقتل وبتمسكنا هذا سوف يتحقق وعد الله الذي يشمل كل احتياجاتنا لان الله لا يخلف وعده
فواجب علينا تعلم أصل ديننا لكي نفهم هذة الأمور وبعد التعلم لابد من أن نحقق ما تعلمناه في أرض الواقع ولا يكون مجرد ثقافة فقط وبهذا يتححق وعد الله لنا هذا ما فعله الصحابة لذلك فازوا بمتاع الدنيا والأخرة
" وما متاع الحياة الدنيا في الآخرة إلا قليل " صدق الله العظيم وليس هذا معناه ألا نبحث على متاع الدنيا ولكن نبحث عنه بالطرق المشروعة لكي لا نخسر متاع الاخرة فإذا لم نجد طرق مشروعة فلا تخسر دينك مقابل متاع قليل لا يدوم واصبر حتى تفوز بمتاع الأخرة إن شاء الله


لذلك أعود وأقول " إنا لله وإنا إليه راجعون
أفيقوا يامسلمين أنتم أوشكتم على خسارةالدنيا والدين الرضي بمشرع ( البرلمان الذي يشرع للناس قوانين مخالفة للشريعة الاسلامية) غير الله شرك بالله أي خروج عن دين الاسلام لأن المشرع هو الله والشرك جزاءه دخول النيران والعياذ بالله لأنه لا يدخل الجنة إلا نفس مسلمة كما قال النبي صلى الله عليه وسلم والنفس المسلمة هي التي لا تشرك بالله شيئا
الانتخابات والرضا بها شرك مع الله فأفبقوا رحمك الله قبل خسران دينكم وقوا أنفسكم وأهليكم نارا ألم تعلموا ما هي النار فان كنتم لا تعرفوها فجربوا وضع أيدكم على نار شمعة ولانقول شعلة لمدة سنه أتستطيع فليكن شهرا بدلا من السنة أتستطيع فليكن يوما أتستطيع فليكن ساعة فما بالكم بنار وقودها الناس والحجارة مع الخلود فيها أبدا أي لا خروج منها لأنه تعالى يقول في سورة المائدة
" إِنَّهُ ُ مَنْ يُشْرِكْ بِاللَّهِ فَقَدْ حَرَّمَ اللَّهُ عَلَيْهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنْصَارٍ (72) " أفيقوا رحمكم الله وانجوا بأنفسكم لأنه لايغني أحد عن أحد شيئا "

شكر خاص للجميع على الرد
علينا جميعا ان ندعوا الله ان يوفق من يصلح
ولكن علينا البدايه بانفسنا لازم نصلح احنا نفسنا من الداخل ونعلم جميعا ونكون على يقين بان النفع بيد الله سبحانه وتعالى والضرر يد الله سبحانه وتعالى فلو اجتمعت الدنيا على ان ينفعونا بشئن ينفعونا الا بشئ قد كتبه الله لنا وان اجتمعت على ان يضرونا بشئ لن يضرونا الا بشئ قد كتبه الله علينا
وليعلم كل عضو مرشح نفسه ان الله سبحانه وتعالى عرض الامانه على السموات والارض فابين ان يحملنها وحملها اللانسان وكان ظلموا جهولا فهو الان فى وضع حمل الامانه فاتمنى من الله ان يكون على قدر المسئوليه والله الموفق

يقول تعالى في سورة الشعراء" اسْتَجِيبُوا لِرَبِّكُمْ مِنْ قَبْلِ أَنْ يَأْتِيَ يَوْمٌ لَا مَرَدَّ لَهُ مِنَ اللَّهِ مَا لَكُمْ مِنْ مَلْجَأٍ يَوْمَئِذٍ وَمَا لَكُمْ مِنْ نَكِيرٍ (47)
ويقول تعالى في سورة الأنفال " يَا أَيُّهَا الَّذِينَ آَمَنُوا أَطِيعُوا اللَّهَ وَرَسُولَهُ وَلَا تَوَلَّوْا عَنْهُ وَأَنْتُمْ تَسْمَعُونَ (20)وَلَا تَكُونُوا كَالَّذِينَ قَالُوا سَمِعْنَا وَهُمْ لَا يَسْمَعُونَ (21) تفسير هذة الآية في تفسير بن جرير الطبري شيخ المفسيرين " قال أبو جعفر: يقول تعالى ذكره للمؤمنين بالله ورسوله من أصحاب نبي الله صلى الله عليه وسلم: لا تكونوا، أيها المؤمنون، في مخالفة رسول الله صلى الله عليه وسلم، كالمشركين الذين إذا سمعوا كتاب الله يتلى عليهم قالوا: "قد سمعنا"، بآذاننا= "وهم لا يسمعون"، يقول: وهم لا يعتبرون ما يسمعون بآذانهم ولا ينتفعون به، لإعراضهم عنه، وتركهم أن يُوعُوه قلوبهم ويتدبروه. فجعلهم الله، إذ لم ينتفعوا بمواعظ القرآن وإن كانوا قد سمعوها بأذانهم، (1) بمنزلة من لم يسمعها. يقول جل ثناؤه لأصحاب رسول الله صلى الله عليه وسلم: لا تكونوا أنتم في الإعراض عن أمر رسول الله، وترك الانتهاء إليه وأنتم تسمعونه بآذانكم، كهؤلاء المشركين الذين يسمعون مواعظ كتاب الله بآذانهم، ويقولون: "قد سمعنا"، وهم عن الاستماع لها والاتعاظ بها معرضون كمن لا يسمَعُها."


أخي الكريم ندعو الله على ماذا ؟ على أن يجعل أله آخر في الأرض ؟ يشرع الله شرعا وهو يشرع شرعا آخر ؟ وما علاقة الأمانة التي عرضها الله بهذا الموضوع ؟ فالأمانة التي عرضها الله مخالفة تماما لهذة إرجع إلى كتب التفسير وستجد أن أمانة الله هي كلمة التوحيد التي هى عبارة عن توحيد الله في أفعاله ومن أفعاله التشريع فلا مشرع غير الله مثل أعضاء المجلس " ألهه آخرى من دون الله " لأنهم يشرعون هذا هو عملهم
وتوحيد الله في ذاته وتوحيد الله في أسمائه وصفاته وأن يكون النسك لله بلا شريك وأن يكون الحكم لله بلا شريك وأن يكون الولاء لله وفي الله
هذة هي الأمانة التي عرضها الله
وصدق الله في أن كل جاهل بها ظالم لنفسه سيضيعها لانه لا يعرف معناها ومن طرق تضيعها المشاركة في مثل هذة الانتخابات لأنها تجعل مع الله شريك في أفعاله وهي التشريع والحكم

" إنا لله وإنا إليه راجعون
أفيقوا يامسلمين أنتم أوشكتم على خسارةالدنيا والدين الرضي بمشرع ( البرلمان الذي يشرع للناس قوانين مخالفة للشريعة الاسلامية) غير الله شرك بالله أي خروج عن دين الاسلام لأن المشرع هو الله والشرك جزاءه دخول النيران والعياذ بالله لأنه لا يدخل الجنة إلا نفس مسلمة كما قال النبي صلى الله عليه وسلم والنفس المسلمة هي التي لا تشرك بالله شيئا
الانتخابات والرضا بها شرك مع الله فأفبقوا رحمك الله قبل خسران دينكم وقوا أنفسكم وأهليكم نارا ألم تعلموا ما هي النار فان كنتم لا تعرفوها فجربوا وضع أيدكم على نار شمعة ولانقول شعلة لمدة سنه أتستطيع فليكن شهرا بدلا من السنة أتستطيع فليكن يوما أتستطيع فليكن ساعة فما بالكم بنار وقودها الناس والحجارة مع الخلود فيها أبدا أي لا خروج منها لأنه تعالى يقول في سورة المائدة
" إِنَّهُ ُ مَنْ يُشْرِكْ بِاللَّهِ فَقَدْ حَرَّمَ اللَّهُ عَلَيْهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنْصَارٍ (72) " أفيقوا رحمكم الله وانجوا بأنفسكم لأنه لايغني أحد عن أحد شيئا "

اللهم اهك الظالمين بالظالمين

وخذهم عنا ياارحم الراحمين

امين يارب العالمين

استاذ جمال
اه لو فيه اى احد من الاعضاء يتبنى طلباتك

السلام عليكم كتبت الموضوع ده فى شهر7 / 2010
والحمد لله جه التغير وجه اليوم اللى نشوف فيه شباس عمير اتغيرت
واتعلقت اعلانات لمرشحين من خارج البلد وفى كل مكان فى البلد
وبقى ممكن تختار اللى على كيفك مش تروح تنتخب تلاقى صوتك ؟؟؟؟؟
التغير جه وجه على مصركلها ويلا خلينا نجرب يمكن
والله اعلم
اللهم ولى من يصلح

موضوع فى غاية الأهمية .... كل عام وأنت بخير