حدث بالفعل و سوف أسرد لكم الموضوع و اريد من كل ما يهمه الأمر ان يقول كلمة حق ,,,
في الجلسة المسائيه لمجلس الشعب يوم الاثنين 22 مارس 2010 و أثناء مناقشة الحساب الختامي لميزانية الدوله 2008 -2009 أثيرت موضوعات تتعلق بالحساب الختامي للدوله تصل لدرجة الفضائح بل أم الفضائح دون جدال ,,
أثار النائب / أشرف بدر الدين قضية اختفاء مبلغ 1272 مليااااااار جنيه لم يدرجو ا في تقرير لجنة الخطه ولا يعرف احد اين ذهبت هذه الأموال ولا كيف صرفت ولمن ? ولم يجب أحد ..
سأل النائب حمدي حسن : هل ما ذكره الزميل النائب اشرف بدر الدين من ارقام صحيحه ?
هل فعلا الصناديق الخاصه بها مبلغ تريليون و 272 مليار جنيه ?
لم يجب احد
قال : ان مسؤلية المجلس خطيره , مبلغ بهذا القدر ليس مبلغا بسيطا ليست ملاليم ولا فكه حتى لا يهتم بها احد ..
لماذا لم يدرج هذا المبلغ في تقرير لجنة الخطه و الموازنه و لصالح مين ?
نريد مسؤلا يرد علينا ,,
لماذا لا تجيب يا سيادة المستشار رئيس الجهاز المركزي للمحاسبات ?
لماذا لا تجيب الحكومه ? اين هذا المبلغ ?
و كيف صرف ?
لماذا لا ترد يا سيادة رئيس المجلس ?
قال : يرد رئيس الجهاز
و لم يجب
سأل وزير الماليه ,,,
قال : لن يرد عليك أحد ,, تحدث براحتك,,
,,,,,,,‏ ‏ ,,,,,,,, ,,,,,,,,
هذا المبلغ 5 أضعاف الايرادات العامه للدوله ,,( البترول , قناة السويس , الشركات و المصانع ,, الجمارك , الضرائب ) ,,,
ملاحظات:
النواب اللذين أثارو الفضيحه ليسو من الحزب الوطني ,
لم يتفوه كل نواب الحزب الوطني بحرف ,
هذه الاموال المختفيه هي حصيلة صناديق تحصيل من الشعب عن طريق الدمغات و الرسوم و التبرعات و خلافه ( يعني من جيوب المواطنين الغلابه ) ,
,,,,,
,,,,,
هل توافق ان يستمر الحزب الوطني و رئيسه و أعضائه و نوابه و أمين عامه و أمين سياساته و أمين تنظيمه و حتى أمين الهنيدي ,,, هل توافق ان يستمروا في حكم مصر ?
هل يصلح فتحي سرور رئيس برلمان مصر ?
هل يصلح بطرس ابن بطرس غالي وزير مالية مصر ?
هل يصلح ان ينفرد الحزب الوطني بالبرلمان المصري دون معارضه تكشف على الاقل مره واحده في السنه الرقم المنهوب من جيوب الغلابه ?
الا توافق على ان شعبا مثلنا يستحق الفقر و ان يسحل و ينكل به على صمته و خنوعه و جهله و تجاهله لما يحدث له?
بالله عليك قل كلمة حق ,,,

يا أخ شارد لك ان تعلم ان للرئيس ميزانيه للاتفاقات مثل شراء أسلحة وغيره ولا يجب لأحد ان يسأل علي ميزانية هذه الاتفاقات. فحتي لو أجابوا علي هذه الأسئلة فلهم عده اجابات




قشطه

قل كلمة حق فيما طرح من تساؤلات

طبعا الاجابة معروفة
لا لا لا لا لا لا لا لا لا لا لا

لا
لا
لا
لا
لا
لا

مستني ردك يا سليمان

اكيد لالالالالالالالالالالالالالالالالالالالالالالالالالالالا
بس انت اكيد عارف استاذى الضوء الشارد اننا الشعب الوحيد فى العالم اللى بيعتبر بلده امه يعنى متلاقيش سعودى يقلك السعودية امى ولا كويتى يقلك الكويت امى انما احنا مصر دى امنا وام الدنيا ولك الله يا مصر وحسبنا الله ونعم الوكيل وتاكد والله انى من خلال كلامك وصلى نفس شعوز الاسى والغضب على حال البلد فعلا لكى الله يا مصر ولكن يا ضوء يا شارد برده لازم نقول
***بلدى وان ضنت على عزيزة **اهلى وان بخلوا على كرام**

:
قشطة

وبرده لسليمان فيه موضوع لمحمد جمال اسمه (بتحبها ابكى) شوفة يا ريت

قشطة

الاجابة
ليس لها البديل عن لا لا لا.......................
ولكن
ما الحل
هل ننتظر ماذا سيحدث لنا أكثر ماحدث وماسيأتي ؟
أرى
ان ماحدث يكون دافع للجميع من وضع ايديهم في أيدي بعضهم
وليس ضد أحد ولا تحزب
ولكن للتعاون والمحبة وانجاز الاعمال في الحياة
حتىتسير المركب وتستمر المعيشة ونوفر حياة كريمة لاولادنا

لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالا

أبو أسامه : اجابتك كانت في البدايه ب لا لا لا ,
و كان اقتراحك للحل ان نضع ايدينا في ايدين بعضينا ليس ضد احد و لا تحزب .....
يعني ايه ?
هذا الكلام غير واضح ,
ماذا تريد ان تقول ?
و فقط اسمح لي ان اوضح للجميع انه بتقسيم المبلغ المنهوب دفعة واحده على تعداد سكان مصر شاملا المهاجرين و الاطفال و النساء و الشيوخ و حتى الموظفين و قوات الجيش و قوات الرعب المركزي ,,,,
لو قسم المبلغ سيكون نصيب الفرد في ميزانية سنة 2009 مبلغ 16000 جنيه تقريبا ,,
شكرا لك

ياللهووول

ومين هيحاسب الحكومة وهما 95 % هل الحكومة هتحاسب نفسها فقول ياالله

الاخ الكريم ماهر
لما الجريمه التاريخيه دي اتكشفت كان فيه 88 عضو في البرلمان من الاخوان لوحدهم ,,
و طبعا الحكومه كانت عارفه بوجودهم ,,
و برضه كان النهب زي ما شفت كده ,,
تخيل بقه اما يبقوا عارفين زي ما الشعب المصري و العالم كله عارف ان الاخوان بح خلاص ,, هتعمل ايه الحكومه !!
هيستكتروا ع الشعب هدومه اللي لابسها بعد ما جوعوه و شربوه مجاري و ولعوا فيه بغاز ,, اسف بجاز .
و بعدين مين قال ان همه 95 % ?!
انته بتحسب الباقي دول معارضه ?!
دول لو عندهم شرف ماكانوش دخلو اساسا ,,
دول بس عشان اخراج الفيلم اللي من انتاج حبيب العادلي يبقى هاه له منظر و يتعرض في السيما ,,
و برده نقوول
يااااللللللله
كل دوره و كل مصر و كل شعب و كل وطن و كل اخوان برده وانت طيب

ما حدش عايز يقول كلمة حق كمان ?!
رايك مهم ....
ولا انته خايف تقول الحق ?
ولا الكلام مش داخل دماغك ?
لو مش داخل دماغك عادي ,,
انته حر في دماغك و دماغك حره فيك ,,
احنا في وطن ديمقراطي ,,,,,

والله يا شارد شاكلك مش حتجيبها لبر لحد ما نروحوا ابوزعبل

ما تقلقش خالص لو بصيت من بعيد شويه بعد ما تعرف معنى الحريه ,
هتلاقي البلد كلها بقت أبو زعبل بس كبير شويه,,
......
الشعب كله خايف ,,,
أسير الحزب الوطني و الأمن المركزي ,,,,
أغلب شباب مصر نفسهم يهربوا منها ,,,
الشعب بياكل أكل سجون ,,,,
و بيشرب مية مجاري ,,,,
و بيشم تلوث ,,,,
و بيشتغل غصب عنه مش عشان يرفع بلده ,,,,
ما حدش في البلد دي بيخاف عليها ولا بيحبها ,,,,
الحكم كله عسكري ,,,
المحافظين أغلبهم رتب عسكريه ,,,
رؤساء مجالس المحليات أغلبهم عسكر ,,,
رئيس مجلس الشورى و أمين عام الحزب الحاكم ظابط مخابرات قديم زي فلاديمير بوتين كده ,,,,
لجنة الانتخابات في وزارة الداخليه ,,,
اى عسكري شرطه يقابلك ف اي عنبر ,,قصدي ف اي شارع يقدر ياخدك تحري ,,,,
و غيره و غيره و غيره
من مظاهر السجن و المساجين ......
تبقى بقت أبو زعبل كبير ولا ايه ? ...
صبح

صح يا كبير

الضوء الشارد كتب:

حدث بالفعل و سوف أسرد لكم الموضوع و اريد من كل ما يهمه الأمر ان يقول كلمة حق ,,,
,,,,,
هل توافق ان يستمر الحزب الوطني و رئيسه و أعضائه و نوابه و أمين عامه و أمين سياساته و أمين تنظيمه و حتى أمين الهنيدي ,,, هل توافق ان يستمروا في حكم مصر ?
هل يصلح فتحي سرور رئيس برلمان مصر ?
هل يصلح بطرس ابن بطرس غالي وزير مالية مصر ?
هل يصلح ان ينفرد الحزب الوطني بالبرلمان المصري دون معارضه تكشف على الاقل مره واحده في السنه الرقم المنهوب من جيوب الغلابه ?
الا توافق على ان شعبا مثلنا يستحق الفقر و ان يسحل و ينكل به على صمته و خنوعه و جهله و تجاهله لما يحدث له?
بالله عليك قل كلمة حق ,,,

بالنسبة للسؤال الاول اخى الكبير ..... فأنا اوافق فقط على إستمرار أمين الهنيدى

وطبعا باقى الأسئلة تجاوب على نفسها بنفسها
فلا وألف لا لحكومة تسرق شعبها

قشطة
ونتقابل جميعا بقى فى أبوزعبل إن شاء الله

مع احترامي الشديد ,,,,
الا ان أبو زعبل ده بقى عامل زي كلمة حرما كده ,,
اما حد يشوف واحد بيصلي يستنه اما يخلص صلاه و يقوله حرما ,,,
الواحد بقه كل ما يتكلم كلمتين يتقاله أبو زعبل ,,,,
هوه أبو زعبل ده كبير قوي كده ?
يعني ممكن ياخد 80 مليون مصري ?!
ده اذا كان أبو زعبل ده مش المقصود بيه مصر كلها ,,,
أعتقد مستحيل ياخد كل الشعب ....



بالمناسبه دي و السيره العطره بتاعة أبو زعبل دي ,,
أهديكم أغنيه جميله من السجن ( و أكيد كان سجن أبو زعبل ).
غناها الشيخ إمام و ممكن تكون كلمات الفاجومي أحمد فؤاد نجم و اسمها البشاير ,,تقدر تنزلها من موقع السواري دوت كومsawari.com ‎‏ ‏

سلميلي يا حبيبتي ع الحبايب سلميلي
كل حب (بكسر الحاء) و له نصيبه من سلامي بلغيله
احضني العالم عشاني
بين عيونك و ابعتيلي
نظره منهم دول حبايبي
نبض قلبي و اسأليلي
كل عالم في بلدنا
كل موجه وكل مدنه
كل عيل من ولادنا
كل صاحب من صحابنا
حد فيهم شاف علامه من علامات القيامه
قبل ما تهل البشاير
يوم 18 يناير
أما قامت مصر قومه
بعد ما كانت في نومه
يلعن الخوف و المذله
و كل ظالم في الحكومه



افتكر كان بيتكلم عن اعتقالات سبقت احداث يناير 77
و اللي سموها انتفاضة الحراميه
و هيه كانت بسبب الغلاء
و حصل حظر تجول في القاهره أيامها

دوشتكم
شكرا لكم

ياضوء

انت تسطر كلمات من نور

كلمك كبير ومفهوم طبعاً والله الاإحنا بنشوفه من الحكومه شيء ممكن
نقوال عادي بالنسبة ليهم

لأن الحكومه بتنظر للشعب من اعلى البرج

فلابد أن تغيب الحكومه عن الشعب وكأنها في غيبوبه
عن الذي يدور بالشعب

فلابد عندما تطرح مشكلة

نرى جدال حوال المشكلة ونخرج بدون حل للمشكلة

فإذا نظر لأبناء السلطة بيتاجرو في المصالح العامه للبلد كأنهم

وخدنها وراثه من أجدادهم

ولانقوال الا

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

اللهم انصر مصر بلدنا من كل مكروه وسوء

وولي أخيارنا

الاخ الكريم فتح الله
اشكرك جزيل الشكر

و ادعوك لقراءة موضوع ( ابحث عن 720 مليار ) ,,
هتلاقي فيه سؤال بيقول : لو جاء معاويه (اللي هوه اول واحد ابتدع التوريث في التاريخ الاسلامي ,, الله يسامحه بقه )
لو جاء الان و صعد اعلى برج القاهره ماذا سيفعل ?
اختر اجابه من الاجابات المطروحه .

شكرا لك

الاخ محمد عز العرب
تحيه طيبه و بعد :
مافيش أم بتسرق ولادها يا محمد ,
مصر أما تسرقك و تسرقني ما ينفعش أقول عليها أمي
تبقى مصر مش أمي
مصر مرات أبويا
ولا ايه ?!!

نفسي حد يقول المبلغ ده ما اتسرقش .
عشان اعمل ليله لأهل الله

و لو كان اتسرق طب ليه ?

و الناس الفقراء اللي في البلد يعيشو إزاي ?

طب في ميزانية 2010 هيسرقوا كام ?

و الناس برده هتفضل ساكته ? ?
و بعد كل ده يموتوا ف بعض عشان حكومة الحزب الوطني تفضل و تبقى و تنتشر و تتوغل و تنتعش و .... ووو

والله حاجه تزههههأ

حسبنا الله ونعم الوكيل ... حسبنا الله ونعم الوكيل
والله حرام .. كفاية سرقة ونهب .. كفاية ظلم ونصب ..

وبعدين سجن أبو زعبل دا خلاص راحت عليه
كل سنة وإنتوا طيبين فيه سجن جديد يقام حالياً على مساحة 400 فدان
عشان يلم الشعب كله وال مش عاجبه ...


متجمعين إن شاء الله

حتى السجن الجديد ده ما ياخدش مليون من 80 مليون و احسبها . الفدان 4200 متر ,,,
حتى لو عملوه متعدد الطوابق ,,,
و لاحتى ناطحة سحاب ...

ده حتى يبقى سجن جميل و ريحه حلو ..
تخيل كده انك مسجون في الدور ال 30 مثلا ...

سجن أوريجينال خالص...

حتى السجن الجديد ده ما ياخدش مليون من 80 مليون و احسبها . الفدان 4200 متر ,,,
حتى لو عملوه متعدد الطوابق ,,,
و لاحتى ناطحة سحاب ...

ده حتى يبقى سجن جميل و ريحه حلو ..
تخيل كده انك مسجون في الدور ال 30 مثلا ...

سجن أوريجينال خالص...

حرما ,,

قصدي اوعه تتكلم احسن تروح أبو زعبل,,,,

و قبل ما نقول حرما بنسمع

استقيموا يرحمكم الله

دايما يارب

852

الغريب من شعبنا الطيب
ان تلاقي ناس تقولك و احنا هنعمل ايه ?!
اتسرق 1270 مليااااااااااار جنبيه ,,,, من جيوب الناس ,,,,,

و يقولو الكلام في الحاجات دي مش مفيد ....
واضح ان سرقة مبلغ زي ده من اللي شايفين ان الكلام مجرد الكلام في مبلغ زي ده كلام مش مفيد .....
طب بالله عليك ياللي شايف ان الكلام ده مش مفيد ,,
مش السرقات دي بالمبالغ الفظيعه دي مش هيه اللي أفقرت الناس ??

ازاي تشوف ان الكلام في الظلم و الافترا اللي بيحصل في الناس غير مفيد ?

هوه انته مستفيد من فقر الناس ?
ليك مصلحه انهم يبقو فقرا ??

سبحان الله

أضف 70 مليار دولار أمريكى
ثروة اسرة مبارك التي كشف النقاب عنها حتى الان + ثروة أحمد عز + ..... + ......+ .........

يبقى الطبيعي ان تقول :

تحيا الثوره
يسقط النظام الفاسد
يسقط حسني الحرامي
يسقط حزبه الواطي

ثروة 42 عضو من أعضاء الحزب الوطنى 2000 مليار دولار أمريكى
أنا لية فيهم 12 ألف جنيه رافع بيهم قضية من يوليو اللى فات
ومش هأسيب حقى

الحمد لله ان ملايين من شعبنا اتخلصو من الخوف على مرأى و مسمع من العالم كله ,,,و قالوا كلمة حق
مش بس كلمة حق ,,دول زلزلو عرش الظلمه اللي سرقو و نهبو الشعب و يارب انصر المظلومين ,,
يارب أرنا في كل من ظلم أهلنا و افترى و تجبر عليهم يوما أسود ,,

يسقط النظام الفاشي البوليسي الظالم .
تحيا الثوره و تحيا مصر

الله حي .. شعبنا حي وسع سكة لبكرة الجاي
ورد شبابنا المصري البلدي ولا فيه شبهه ولا له زي
قالوا شباب قاعدين في كافيه عفاريت طلعوا ولاد الايه
عارفين امتى وفين مع ليه شايفين كل طريق للضي
من دمهم الغالي اتوضا وطن الخوف والموت والرِدّة
طلع الصبح وصلى وعدا من ليل أمس لاجمل ضي
ياه على وطن اتهان وباع ياه على شعب اتعرى وجاع
سمسروا حتى في الاوجاع لحمنا كانوا بياكلوه ني
أيوب نبي علشان كان صابر شوف المصري النبي والصابر
يطغى عليه الطاغي وقادر يفضل ثوري ووطني وحي
التحرير كان اسم ميدان أصبح للثوار عنوان
الشبان قلب الاوطان هم الفرحة وهم الضي
يوم 25 يا يناير هو تاريخ الشعب الثاير
رجعتونا لعزة ناصر بعد الموت الوطن اهو حي
المولوتوف ورصاص مطاطي غلبه جبين وضاء ما يطاطي
لبنى بسادة وعبدالعاطي عمره ما سلم ولا قال أي
الله حي شعبنا حي شعبنا حي
منقولة من جريدة الوفد

بص يا ضوء انت ولد زي العسل أقولك حاجه انزل روح التحرير هتلاقي ناس كتير تجاوبلك علي الأسئلة دي كلها لو عايز تليفون حد في الميدان قولي وانا ابعتهولك تسأله بنفسك

شارد ايه رايك يا كبير دى الوقتى
انت زعلت منى مره لما قلتلك اننا الشعب الوحيد فى العالم اللى بيعتبر بلده امه
قلتلى لا دى مرات ابويه
الحين واش رايك فى هاد الشغلى

قشدة

يا استاذ / جمال
انا اصغرك سنا ب 6 سنين .............
اعتقد حضرتك فهمت انا عايز اقول ايه ....
و لو عايزني اقولك انا مين علنا في هذه الصفحة لتعرف انني استحق احترام حضرتك ,, انا مستعد .
و أسئلتي دي موجوده من قبل الثوره بزمن بس انته مارديتش و لا قلت كلمتك ..

شكرا لك ......


اخي /محمد عز العرب
مصر ليست ام الشعب ولا مرات ابوه ...
لو كانت امه لطلعو ولادها يدافعو عنها و ما كانش مبارك قعد يومين بعد الثوره ...
ولا يمكن ولادها نايمين لسه ولا مساطيل ولا مش فاهمين ايه حق الام ......
همه فين ولادها ?
مش ممكن تكون الام انجبت الكام مليون ابن بار اللي بيطلعو يطالبو بحريتها ,, و باقي الملايين اللي همه اغلبيه نايمين و مطنشين و تقول عليهم بيعتبرو مصر امهم ,,,
ولا انته مش معايا ?!....

يا سيدي الموضوع الموضوع ان الاجابة مش صعبه بس المشكلة الأصلية ان الناس كانت خايفه ومرعوبه من البلونه اللي اسمها أمن الدولة وقانون الطواريء والمباحث والامن المركزي وامن الرئاسة والامن العام بالونه كانت منفوخه قوي ومغطية مصر كلها كان كل واحد فينا حاسس ان فيه حد بيراقبه الوهم ده اتاصل فينا من زمان قوي يمكن من اول 53 لحد يوم 25 يناير 2011 الرجاله بتوع التحرير اخدوا معاهم دبوس فرقعوا بيه البلونه دي فخلصت الحكاية كلها وربنا يتمم بخير
علي فكره انا متابع لكل اراءك وسعيد بيها

شىكرا أستاذ / جمال

ربنا يتمم بخير ?!!

الحقيقه ان الجملة دي أضحكتني جدا و الله ,, لان الجمله دي اتعودنا نسمعها في مشاريع الزواج ,,,بنقول للعريسين كده :( ألف مبروك و ربنا يتمم بخير )
مش كده ?....

و بمناسبة الجمله دي يسعدني انا و المعازيم الكرام ان نوجه الدعوه عامه لكل الاحرار و الاشراف و الراغبين من كل الاطياف ,, الدعوه عامه لحضور حفل طلاق المدعو /حسني مبارك من أمنا الغاليه مصر ,,,
و ذلك في اي وقت قبل ما تموت الثوره ,,
في أي مكان على وجه الارض ,, في تظاهرة سلميه تطالب باسقاط النظام ..

و ان لم يطلق المذكور أعلاه أمنا بالذوق و من سكات حتى لو خد كل فلوسها و غار ,,
أمنا انشاء الله هترفع عليه قضية خلع في المحكمه الجنائيه الدوليه لارتكابه جرائم ضد الانسانيه ....

و العاقبه عندكم في الانتخابات ..........


شكرا

تحيا الثوره ,, تحيا مصر
يسقط النظااااااام

في 5 ديسمبر 2010 كتبت هذا الموضوع ,,
أي قبل قيام الثوره ب 50 يوم بالظبط ....

و اليوم تتناقل مواقع الأخبار أن التحقيق مع المخلوع و مع ولاد سوزي ,, بدأ اليوم ..

بدأ التحقيق معهم في سرقة مال الشعب و المتاجره بقوته ,,

أتمنى من الله أن يجيب المخلوع أو إبنه ,, من كان يدعى يوما (أمين السياسات) ,,, أمين ?!!
سبحان الله كل اللي كان حرامي كبير كانو بيسموه أمين ..........

أتمنى أن يقولو أين ذهبت هذه الأموال ?
مبلغ واحد في ميزانية سنة واحده من ميزانيات 30 سنه .......

أكيد هيتسألو عن المبلغ ده 1272 مليار جنيه ,,,, خبطه واحده.......

والله أنا مش عارف أقول أيهههههههههههههههههههههههههههههه حرام إلابيحصل دة لكن أنشاء اللة إلاجيي يكون أحسن ولا كل زي بعضة ياهههههههههههههههههههههه أية الظلم دة

الله الله عالموضوع من أوله قمة فى الروعة . لو انا كنت قريت الموضوع ده من فترة كنت قبل الثورة يعنى كنت قولت مكانك مش هنا يا الضوء الشارد مكانك مع المعارضة تعرف لو مكانتش قامت الثورة كل كلامك اللى فات ده كان كأنك بتنفخ فى قربه مخرومه لا مشرومه لانك مكنتش هتعرف تنفخ من أساسه بس سبحان الله الثورة جات وكلامك هيتاخد فى الحسبان بس يا أستاذ ضوء كل كلامك اللى فات مكانه المفروض ميكونش فى المنتدى بس لا المفروض كان نزل فى جرائد عامة ولا قنوات فضائية ولا فيس بوك الناس كلها بتشوفه لكن إنت كنت بتخاطب مين أعضاء المنتدى أهل القريه ؟ يا عم إحنا ناس غلابه كنا بننضرب على قفانه ونقول كمان حتى الثورة اللى كنت بتمنى إنها تكون نابعة من قلب مصر نابعة من قلوب الناس ومهما كانت نتائجها قويه وعملت إنقلاب برده ثورة منتج تقليد مش منتج أصلى . الناس اللى كانت المفروض تصرخ وتقول كفايه عمرك كام دلوقتى يا اخ ضوء على حسب ما قولت سابق وكان شكلك زعلان من كلمة ولد إنك أصغر من الاستاذ جمال عباده بست سنوات يعنى فوق الاربعين كنتوا ساكتين ليه لحد دلوقتى وديتوا شبابكم فين إستنيتوا ليه لحد ما شباب فى عمر الزهور قدم حياته فداء لحياتكم عاوزين إيه من الدنيا تانى كان المفروض الثورة دى تكون نابعه من جيلكم انتوا و اللى قابليكم عشان ولادكم وأبناءكم يعيشوا فى خيروامان ورخاء وسعاده مش هو دا كل اللى يهمكم فى الفترة اللى جايه ولادكم ؟ دا حتى فى مرة شوفت الاستاذ جمال بيقول فى أحد التعليقات وكأنه كان بيفتخر وله الحق يفتخرطبعا إن إبنه قاعد فى الميدان ( التحرير) يعنى وهو فى البلد وكان بيقول كنت متواصل معاه بالتليفون كل شويه ليه كان ابسط حاجه يعملها إن يكون أبنه فى البيت وهو فى مكانه وعلى غرار كده كان المفروض أباء كتير يعملوا نفس الحكايه لكن للأسف أجيالكم هى اللى إتعلمت الخوف مش عاوز أقول كلمة تانيه خليها الخوف أحسن وورثتوه وكل اللى شوفناه منكم دلوقتى كلام بس كلام بس كلام بس كلام كلااااااااااااااااام مشفناش منكم حاجة غير الكلام لحد ما إتحرك الشباب على غرار ثورة تونسسسسسسس وأعتقد لو ثورة تونس ماكانتش جابت نتيجة و الله ما كان حد متحرك وكنا هنفضل زى ما إحنا لكن ربنا عالم بأحوال الشباب اليومين دول وقد ايه كنا شايفين المستقبل المبهم بتاعنا فربنا طبعا مبيرضاش بالظلم لكن إنتو رضيتوا .

سبحانك اللهم وبحمدك أشهد أن لا إله إلا أنت أستغفرك وأتوب إليك

فيه شوية أسئله اتوجهت لي منها :

انت كنت بتخاطب مين في المنتدى ? أهل القريه الغلابه ?

وديت شبابك فين ?

انا كان ممكن أقولك مكانك فين قبل الثور ?

انته عايز ايه من الدنيا ?

انته ورثتنا الخوف و مش عايز اقول حاجه تانيه ......
‏*‏***
و كلام غريب كده في التعليق الاخير ....

هوه انا مطلوب مني أجاوب على الأسئلة دي ?

إقرى الكلام كويس أخ الضوء الشارد وإربط الكلام ببعضه هتلاقينى بتكلم على جيلكم والاجيال اللى قبلك .عموما
انا مقولتش انت كنت بتخاطب مين فى المنتدى ؟
أنا قولت سؤالين فى سؤال واحد الاول إنت كنت بتخاطب مين ؟ والسؤال الثانى أعضاء المنتدى وأهل القريه ؟ وكملت بتوضيح صغير ياعم أهل القريه ناس غلابه .
وقولت أجيالكم إتعلمت الخوف وورثتوه مخصصتكش يا حج .
اما وديتوا شبابكم فين فبرده مخصصتكش إلا إنك أدرى بشبابك قضيته إزاي إلا إن عموما كل واحد فيكم تقريبا كان بيقول يله نفسى ومحدش كان مفكر فى حد ولا يهمه حد وواضح قوى أنكم يعنى الاجيال اللى قبلكم وجيلكم كنتوا ماشيين جنب الحيط وأظن الحاجة الوحيده اللى ممكن تقنعنى إنكم تقولوا لا كلامى غلط وتقولولى فيه مواقف انتو عملتوها غيرت أنظمه ولا عدلت أحوال .
عموما إنت طلبت كلمة حق وأنا إتكلمت باللى شايفه حق .


سبحانك اللهم وبحمدك أشهد أن لا اله إلا أنت أستغفرك وأتوب إليك

تحياتى ليك يا ابو كمال
بس يا ريت يا كيمو توضح ايه هى وجهة نظرك من التعليق ده بصراحه مش فاهمها ا و مش فاهم انت عاوز توصل لايه وايه هى فكرتك عن الاجيال اللى قبلنا اللى هى جيل ابويه وابوك جيل اكتوبر ؟؟
يا ريت يا كيمو توضح اكتر انت عاوز تقول ايه

قشدة

تم حبس الرئيس المخلوع و ندليه جمال و علاء ,,,,

أكيد همه اللي سرقو الفلوس ....

اللهم انتقم من كل من ظلم
اللهم أرنا فيهم عجائب قدرتك

يا عدل يا قوي ياجبار

يا عم كيمو يا محيرني معاك عمر الموضوع ما كان كده بمعني
إن جيل الشارد مثلا نفس جيل وائل غنيم و علاء الأسواني والبرادعي و ناس كتير فجروا هذه الثوره والناس دول ال إتكلموا في وقت خرست فيه الألسن .
ولو هنتكلم عن شخصيات فأظن هنقتصر كده الثوره ع ال كان ف الميدان بس .لأن حتي أنا وأنت ولو كنا من نفس جيل الثوره الا إنا في خارج مصر.
وأظن برده يا كيموا يا حبيبي إن الأجيال القديمه دي كان أفضل حد فيهم كان ال بيجاهد بقلمه أو بكتاباته أو بكلمه.
وممكن نحاسب جيل الشارد من هذا المبدأ مين كان أخرس ومين كان حر بيتكلم.
تقبل تحياتي كمال الدين

ههههههههههههههههههههههههههههههههههههههههههه
حلوه يا أستاذ محمد الجرن اللافتة الجميلة دى منك ( جييييييييل أكتوبر )
لا و الله يا أستاذ محمد عز العرب إنت عارف قوى إنى بتكلم عن الثلاثين سنه اللى مضو فى عهد الرئيس السابق حسنى مبارك وبعدين البلد بعد فضلوا فرحانين بالنصر لحد إمتى سنه 1980 تقريبا وبعهدها إيه اللى حصل تم الاحتلال الجديد إحتلال الذل و الاستبداد و الاستعباد و الانكسار و الانهيار والسرقة و النهب وبيع البلد للمستثمرين الاجانب و الصهيون وبقت مصر أغلبيتها عبيد لرجال السلطة على إختلاف أنواعهم فى كل الوزارات ومش عبيد للريس لوحده . خلال الفترة دى بقى لحد سنة ألفين كان فين الشباب بقى يأسياذ محمد عز العرب إيه مكنش فيه شباب باين فى الايام دى ولا كان فيه وساااااااااااااااااااااكت وراااااااااااااااااااضى . ولا ايه يا حج محمد .

اما الاخ الكبير الفاضل الاستاذ الضوء الشارد اللى معرفش إنت مين عموما أنا حابب أسألك سؤال وحابب إنك انت اللى تقول كلمة حق وخد بالك إنما الاعمال بالنيات وكل كلمة هتقولها مش فى محلها هتتحاسب عليها وأكيد حضرتك عارف الكلام ده كويس وأنا لما قولت حضرتك دلوقتى فدا بدافع الاحترام لفرق السن اللى بينى وبينك ومش تريقه فى الكلام . فالسؤال هو:-

هل يوجد صلة ترابط بين سبب كتابتك للموضوع وتوقيته وبين تزامنه مع إنتخابات مجلس الشعب فى نفس الوقت وفوز مرشح الحزب الوطنى فى البلد ؟

انا أعرف أجاوب على السؤال ده من حكم خبرتى على الناس وتعاملى معاهم ولو حتى من بعيد لكن لا ترد حضرتك أحسن .اصل الواضح لكل الناس فى البلد إن فيه مليارات أكتر من المبلغ اللى انت ذكرته إتسرقت قبل كده والناس كلها عارفه. هى الناس المستعبده كانت هتعمل ايه يعنى .عموما كفايه كده .

إزيك يا عبده يا حبيبى فى الله عامل ايه . حلو النيولوك الجديد للصورة.
يا عبده يا حبيبى هو كان حد بيقدر يتكلم اللى كان بيكتب كلمة ولا بيقول حتى كان مبيبتش فى بيتهم .
يا عبده يا حبيبى مازلت بقول لو حد من اللى انت ذكرتهم كان عمل الثورة دى قبل تونس عمرى ماكنت فكرت ولا تجرأت انى أكتب كلمة عن الموضوع ده لأنى سا عتها هكون خاين لبلدى لكنى قولت الثورة منتج تقليد لثورة تونس مش منتج أصلى طول عمرنا و البلدان العربيه هى اللى بتعمل زينا أول مرة إحنا مصر تعمل زى حد عشان شوفنا ثورة تونس عملت نتايج . فقولنا نجرب يا صابت يا خابت و الحمد لله صابت.
تقبل منى يا عبد الردود وجميع الاخوان .
أنا مازلت بقول أنا مش ضد الثورة الا فيه ناس بتفهم الكلام وتحلله غلط.

يا كمال

مالك ? بتغني و ترد على نفسك ?!

سبق و قلتلك اني مش عايز اتناقش معاك و ذلك لان أسلوبك مش عاجبني , , بس انته مش بتشوف كل اللي بيتكتب ,,,
او بتشوف و ما بتفهمش بعض الكلام ,,, ماتزعلش انا مش قصدي غير اني أوضحلك انا شايفك ازاي ,,,, رأيي فيك يعني ...........

سؤالك الاخير ده يدل على انك محدود تماما و ما كنتش بتشوف في الحياه غير الحزب الوطني و اتباعه و حبايبه و اللي ضده ,,,,
مش بس كده ,, دانته كنت بتشوف اللي ضد الحزب الوطني كلهم أنصار مراد القطان او أتباع فلان أو علان من اللي بيجرو ورا مجلس الشعب ,,,,,
عشان كده سألتني إذا كان هناك علاقه بين كتاباتي و بين انتخابات مجلس الشعب و نجاح مرشح الحزب .......

شوف عشان تفهم :

‏*‏- تعبت نفسك و عمال تخرف و تحسب في السنين و مين الجيل اللي كانو شباب واتحملو و رضو الذل والاستعباد ,,, عشان تقول ان انا و جيلي كنا شباب و ماتكلمناش فمينفعش اتكلم انا دلوقت ,,

يؤسفني اوضحلك التالي :
انا /مدحت محمد زغلول

أكيد ماتعرفنيش لان بيني و بينك مايقارب 20 سنه .....
لكن اسأل هتعرف ان عمري ماكنت تابع لحد ,,, لا لمحي ولا لمراد و لا لغيره ...
يعني مافيش علاقه بين ما كتبته و بين انتخابات ولا محي ولا غيره ...

كل ماهنالك اني عرفت المنتدى ده ايام الانتخابات ,,, وليس بيني وبين الكابتن محي القطان أي خلاف شخصي ... بالعكس تماما ,, هو يعرفني و انا اعرفه و ليس بيني و بينه الا الاحترام ......

كوني معارضا لحزبه , هذه حريه شخصيه ..

أما عن الاجيال التي عاشت الذل في ريعان شبابها ,, فيسأل في ذلك والدك ,,,
تستطيع ان توجه هذا الكلام له .......

انا كان عمري 14 سنه اما حسنى مبارك مسك رئيس ,,, أما أبوك فكان في عز شبابه .... إسأله انته لأن أخلاقي ما تسمحليش اني أكلمه بالطريقه اللي انته بتكلمني بيها .......

‏*‏- انت كتبت مره إنك ما كنتش متابع الثوره و كنت بايت بره تقريبا وقتها ,, و قلت كما انك ما سمعتش عن الثوره المضاده الا بعدها بفتره ... فاكر انك كتبت الكلام ده ?
و برغم كده مش عاجبك اني اتكلم عشان انته شايف ان جيلي هوه المسؤول عن العار و الذل ,,, و مش عاجبك ان الاستاذ /جمال عباده بيفتخر ان ابنه كان في التحرير , و شايف ان الأب هوه اللي المفروض كان راح التحرير ......

انته أساسا ماتابعتش ثوره ولا ثوره مضاده باعترافك ,,, مالك انته اللي راح راح ليه و اللي بيتكلم بيتكلم ليه ??

طب انته معذور عشان مسافر السعوديه ... يا ترى ممكن اسألك : أبوك ماراحش التحرير ليه ?
انا باسألك زي انته ما طلبت من الاستاذ جمال انه كان المفروض يروح هوه التحرير ..........

‏*‏- انته اسلوبك مندفع جدا ليه كده ?
مش عيب تتكلم مع جيل أبوك بالشكل ده ?!

انته ليه مش بتفرق بين ابداء الرأي و بين احترامك للغير ?

فارق كبير بين حرية الرأي و التطاول على الغير .... انته ماعندكش الفارق ده خالص .....
عشان كده بأكرر طلبي ليك و بأرجوك تخليك في حالك ,,, او على الأقل خليك موضوعي ,,, ناقش الفكر بفكر ؛ او انتقد بدون ما تتعدى حدود الاحترام ...

وياريت لو تبطل تتناقش معايا ...
طلعني من دماغك احسن ليا و ليك