الله الله عالموضوع من أوله قمة فى الروعة . لو انا كنت قريت الموضوع ده من فترة كنت قبل الثورة يعنى كنت قولت مكانك مش هنا يا الضوء الشارد مكانك مع المعارضة تعرف لو مكانتش قامت الثورة كل كلامك اللى فات ده كان كأنك بتنفخ فى قربه مخرومه لا مشرومه لانك مكنتش هتعرف تنفخ من أساسه بس سبحان الله الثورة جات وكلامك هيتاخد فى الحسبان بس يا أستاذ ضوء كل كلامك اللى فات مكانه المفروض ميكونش فى المنتدى بس لا المفروض كان نزل فى جرائد عامة ولا قنوات فضائية ولا فيس بوك الناس كلها بتشوفه لكن إنت كنت بتخاطب مين أعضاء المنتدى أهل القريه ؟ يا عم إحنا ناس غلابه كنا بننضرب على قفانه ونقول كمان حتى الثورة اللى كنت بتمنى إنها تكون نابعة من قلب مصر نابعة من قلوب الناس ومهما كانت نتائجها قويه وعملت إنقلاب برده ثورة منتج تقليد مش منتج أصلى . الناس اللى كانت المفروض تصرخ وتقول كفايه عمرك كام دلوقتى يا اخ ضوء على حسب ما قولت سابق وكان شكلك زعلان من كلمة ولد إنك أصغر من الاستاذ جمال عباده بست سنوات يعنى فوق الاربعين كنتوا ساكتين ليه لحد دلوقتى وديتوا شبابكم فين إستنيتوا ليه لحد ما شباب فى عمر الزهور قدم حياته فداء لحياتكم عاوزين إيه من الدنيا تانى كان المفروض الثورة دى تكون نابعه من جيلكم انتوا و اللى قابليكم عشان ولادكم وأبناءكم يعيشوا فى خيروامان ورخاء وسعاده مش هو دا كل اللى يهمكم فى الفترة اللى جايه ولادكم ؟ دا حتى فى مرة شوفت الاستاذ جمال بيقول فى أحد التعليقات وكأنه كان بيفتخر وله الحق يفتخرطبعا إن إبنه قاعد فى الميدان ( التحرير) يعنى وهو فى البلد وكان بيقول كنت متواصل معاه بالتليفون كل شويه ليه كان ابسط حاجه يعملها إن يكون أبنه فى البيت وهو فى مكانه وعلى غرار كده كان المفروض أباء كتير يعملوا نفس الحكايه لكن للأسف أجيالكم هى اللى إتعلمت الخوف مش عاوز أقول كلمة تانيه خليها الخوف أحسن وورثتوه وكل اللى شوفناه منكم دلوقتى كلام بس كلام بس كلام بس كلام كلااااااااااااااااام مشفناش منكم حاجة غير الكلام لحد ما إتحرك الشباب على غرار ثورة تونسسسسسسس وأعتقد لو ثورة تونس ماكانتش جابت نتيجة و الله ما كان حد متحرك وكنا هنفضل زى ما إحنا لكن ربنا عالم بأحوال الشباب اليومين دول وقد ايه كنا شايفين المستقبل المبهم بتاعنا فربنا طبعا مبيرضاش بالظلم لكن إنتو رضيتوا .

سبحانك اللهم وبحمدك أشهد أن لا إله إلا أنت أستغفرك وأتوب إليك

فيه شوية أسئله اتوجهت لي منها :

انت كنت بتخاطب مين في المنتدى ? أهل القريه الغلابه ?

وديت شبابك فين ?

انا كان ممكن أقولك مكانك فين قبل الثور ?

انته عايز ايه من الدنيا ?

انته ورثتنا الخوف و مش عايز اقول حاجه تانيه ......
‏*‏***
و كلام غريب كده في التعليق الاخير ....

هوه انا مطلوب مني أجاوب على الأسئلة دي ?

إقرى الكلام كويس أخ الضوء الشارد وإربط الكلام ببعضه هتلاقينى بتكلم على جيلكم والاجيال اللى قبلك .عموما
انا مقولتش انت كنت بتخاطب مين فى المنتدى ؟
أنا قولت سؤالين فى سؤال واحد الاول إنت كنت بتخاطب مين ؟ والسؤال الثانى أعضاء المنتدى وأهل القريه ؟ وكملت بتوضيح صغير ياعم أهل القريه ناس غلابه .
وقولت أجيالكم إتعلمت الخوف وورثتوه مخصصتكش يا حج .
اما وديتوا شبابكم فين فبرده مخصصتكش إلا إنك أدرى بشبابك قضيته إزاي إلا إن عموما كل واحد فيكم تقريبا كان بيقول يله نفسى ومحدش كان مفكر فى حد ولا يهمه حد وواضح قوى أنكم يعنى الاجيال اللى قبلكم وجيلكم كنتوا ماشيين جنب الحيط وأظن الحاجة الوحيده اللى ممكن تقنعنى إنكم تقولوا لا كلامى غلط وتقولولى فيه مواقف انتو عملتوها غيرت أنظمه ولا عدلت أحوال .
عموما إنت طلبت كلمة حق وأنا إتكلمت باللى شايفه حق .


سبحانك اللهم وبحمدك أشهد أن لا اله إلا أنت أستغفرك وأتوب إليك

تحياتى ليك يا ابو كمال
بس يا ريت يا كيمو توضح ايه هى وجهة نظرك من التعليق ده بصراحه مش فاهمها ا و مش فاهم انت عاوز توصل لايه وايه هى فكرتك عن الاجيال اللى قبلنا اللى هى جيل ابويه وابوك جيل اكتوبر ؟؟
يا ريت يا كيمو توضح اكتر انت عاوز تقول ايه

قشدة

تم حبس الرئيس المخلوع و ندليه جمال و علاء ,,,,

أكيد همه اللي سرقو الفلوس ....

اللهم انتقم من كل من ظلم
اللهم أرنا فيهم عجائب قدرتك

يا عدل يا قوي ياجبار

يا عم كيمو يا محيرني معاك عمر الموضوع ما كان كده بمعني
إن جيل الشارد مثلا نفس جيل وائل غنيم و علاء الأسواني والبرادعي و ناس كتير فجروا هذه الثوره والناس دول ال إتكلموا في وقت خرست فيه الألسن .
ولو هنتكلم عن شخصيات فأظن هنقتصر كده الثوره ع ال كان ف الميدان بس .لأن حتي أنا وأنت ولو كنا من نفس جيل الثوره الا إنا في خارج مصر.
وأظن برده يا كيموا يا حبيبي إن الأجيال القديمه دي كان أفضل حد فيهم كان ال بيجاهد بقلمه أو بكتاباته أو بكلمه.
وممكن نحاسب جيل الشارد من هذا المبدأ مين كان أخرس ومين كان حر بيتكلم.
تقبل تحياتي كمال الدين

ههههههههههههههههههههههههههههههههههههههههههه
حلوه يا أستاذ محمد الجرن اللافتة الجميلة دى منك ( جييييييييل أكتوبر )
لا و الله يا أستاذ محمد عز العرب إنت عارف قوى إنى بتكلم عن الثلاثين سنه اللى مضو فى عهد الرئيس السابق حسنى مبارك وبعدين البلد بعد فضلوا فرحانين بالنصر لحد إمتى سنه 1980 تقريبا وبعهدها إيه اللى حصل تم الاحتلال الجديد إحتلال الذل و الاستبداد و الاستعباد و الانكسار و الانهيار والسرقة و النهب وبيع البلد للمستثمرين الاجانب و الصهيون وبقت مصر أغلبيتها عبيد لرجال السلطة على إختلاف أنواعهم فى كل الوزارات ومش عبيد للريس لوحده . خلال الفترة دى بقى لحد سنة ألفين كان فين الشباب بقى يأسياذ محمد عز العرب إيه مكنش فيه شباب باين فى الايام دى ولا كان فيه وساااااااااااااااااااااكت وراااااااااااااااااااضى . ولا ايه يا حج محمد .

اما الاخ الكبير الفاضل الاستاذ الضوء الشارد اللى معرفش إنت مين عموما أنا حابب أسألك سؤال وحابب إنك انت اللى تقول كلمة حق وخد بالك إنما الاعمال بالنيات وكل كلمة هتقولها مش فى محلها هتتحاسب عليها وأكيد حضرتك عارف الكلام ده كويس وأنا لما قولت حضرتك دلوقتى فدا بدافع الاحترام لفرق السن اللى بينى وبينك ومش تريقه فى الكلام . فالسؤال هو:-

هل يوجد صلة ترابط بين سبب كتابتك للموضوع وتوقيته وبين تزامنه مع إنتخابات مجلس الشعب فى نفس الوقت وفوز مرشح الحزب الوطنى فى البلد ؟

انا أعرف أجاوب على السؤال ده من حكم خبرتى على الناس وتعاملى معاهم ولو حتى من بعيد لكن لا ترد حضرتك أحسن .اصل الواضح لكل الناس فى البلد إن فيه مليارات أكتر من المبلغ اللى انت ذكرته إتسرقت قبل كده والناس كلها عارفه. هى الناس المستعبده كانت هتعمل ايه يعنى .عموما كفايه كده .

إزيك يا عبده يا حبيبى فى الله عامل ايه . حلو النيولوك الجديد للصورة.
يا عبده يا حبيبى هو كان حد بيقدر يتكلم اللى كان بيكتب كلمة ولا بيقول حتى كان مبيبتش فى بيتهم .
يا عبده يا حبيبى مازلت بقول لو حد من اللى انت ذكرتهم كان عمل الثورة دى قبل تونس عمرى ماكنت فكرت ولا تجرأت انى أكتب كلمة عن الموضوع ده لأنى سا عتها هكون خاين لبلدى لكنى قولت الثورة منتج تقليد لثورة تونس مش منتج أصلى طول عمرنا و البلدان العربيه هى اللى بتعمل زينا أول مرة إحنا مصر تعمل زى حد عشان شوفنا ثورة تونس عملت نتايج . فقولنا نجرب يا صابت يا خابت و الحمد لله صابت.
تقبل منى يا عبد الردود وجميع الاخوان .
أنا مازلت بقول أنا مش ضد الثورة الا فيه ناس بتفهم الكلام وتحلله غلط.

يا كمال

مالك ? بتغني و ترد على نفسك ?!

سبق و قلتلك اني مش عايز اتناقش معاك و ذلك لان أسلوبك مش عاجبني , , بس انته مش بتشوف كل اللي بيتكتب ,,,
او بتشوف و ما بتفهمش بعض الكلام ,,, ماتزعلش انا مش قصدي غير اني أوضحلك انا شايفك ازاي ,,,, رأيي فيك يعني ...........

سؤالك الاخير ده يدل على انك محدود تماما و ما كنتش بتشوف في الحياه غير الحزب الوطني و اتباعه و حبايبه و اللي ضده ,,,,
مش بس كده ,, دانته كنت بتشوف اللي ضد الحزب الوطني كلهم أنصار مراد القطان او أتباع فلان أو علان من اللي بيجرو ورا مجلس الشعب ,,,,,
عشان كده سألتني إذا كان هناك علاقه بين كتاباتي و بين انتخابات مجلس الشعب و نجاح مرشح الحزب .......

شوف عشان تفهم :

‏*‏- تعبت نفسك و عمال تخرف و تحسب في السنين و مين الجيل اللي كانو شباب واتحملو و رضو الذل والاستعباد ,,, عشان تقول ان انا و جيلي كنا شباب و ماتكلمناش فمينفعش اتكلم انا دلوقت ,,

يؤسفني اوضحلك التالي :
انا /مدحت محمد زغلول

أكيد ماتعرفنيش لان بيني و بينك مايقارب 20 سنه .....
لكن اسأل هتعرف ان عمري ماكنت تابع لحد ,,, لا لمحي ولا لمراد و لا لغيره ...
يعني مافيش علاقه بين ما كتبته و بين انتخابات ولا محي ولا غيره ...

كل ماهنالك اني عرفت المنتدى ده ايام الانتخابات ,,, وليس بيني وبين الكابتن محي القطان أي خلاف شخصي ... بالعكس تماما ,, هو يعرفني و انا اعرفه و ليس بيني و بينه الا الاحترام ......

كوني معارضا لحزبه , هذه حريه شخصيه ..

أما عن الاجيال التي عاشت الذل في ريعان شبابها ,, فيسأل في ذلك والدك ,,,
تستطيع ان توجه هذا الكلام له .......

انا كان عمري 14 سنه اما حسنى مبارك مسك رئيس ,,, أما أبوك فكان في عز شبابه .... إسأله انته لأن أخلاقي ما تسمحليش اني أكلمه بالطريقه اللي انته بتكلمني بيها .......

‏*‏- انت كتبت مره إنك ما كنتش متابع الثوره و كنت بايت بره تقريبا وقتها ,, و قلت كما انك ما سمعتش عن الثوره المضاده الا بعدها بفتره ... فاكر انك كتبت الكلام ده ?
و برغم كده مش عاجبك اني اتكلم عشان انته شايف ان جيلي هوه المسؤول عن العار و الذل ,,, و مش عاجبك ان الاستاذ /جمال عباده بيفتخر ان ابنه كان في التحرير , و شايف ان الأب هوه اللي المفروض كان راح التحرير ......

انته أساسا ماتابعتش ثوره ولا ثوره مضاده باعترافك ,,, مالك انته اللي راح راح ليه و اللي بيتكلم بيتكلم ليه ??

طب انته معذور عشان مسافر السعوديه ... يا ترى ممكن اسألك : أبوك ماراحش التحرير ليه ?
انا باسألك زي انته ما طلبت من الاستاذ جمال انه كان المفروض يروح هوه التحرير ..........

‏*‏- انته اسلوبك مندفع جدا ليه كده ?
مش عيب تتكلم مع جيل أبوك بالشكل ده ?!

انته ليه مش بتفرق بين ابداء الرأي و بين احترامك للغير ?

فارق كبير بين حرية الرأي و التطاول على الغير .... انته ماعندكش الفارق ده خالص .....
عشان كده بأكرر طلبي ليك و بأرجوك تخليك في حالك ,,, او على الأقل خليك موضوعي ,,, ناقش الفكر بفكر ؛ او انتقد بدون ما تتعدى حدود الاحترام ...

وياريت لو تبطل تتناقش معايا ...
طلعني من دماغك احسن ليا و ليك

و الله يا عم مدحت لو كنت كبير بعشرين سنه وكان عقلك فى راسك فعلا كنت عرفت تقابل السيئة بالحسنة كويس دا لو كنت اللى قولته أنا سيئة . ولو رديت عليك المرة دى هرد بقة بصورة مش حلوه لكن ياعم مدحت يؤسفنى مش زى ما كان يؤسفك لا أسفى أشد شويه أنى كنت عمال أقولك حضرتك والاخ الفاضل وأستاذ ويؤسفى كمان إنى عرفت إسمك برده وإنى إتحاورت معاك لأن فعلا وبجد صدقت الاخت ريم و الله فى كل كلمة قالتها قبل كده .
إلا إنك فتحت عنيا على حاجة مهمة .

طب ما تسكت أحسن
اسكت
و للمره الأخيره
بقولك أسكت
أو
خليك محترم
عيب
هوه انته شايف نفسك بلطجي ??
انته بتقل أدبك
عيب

و على فكره
احتمال كبير ان انته تكون الاخت ريم نفسها
و انا شاكك فيك من يومها
و ده لعب عيال صغيره
و قلة أدب

عايز تسمع حاجه تاني ?
لو عايز تسمع إغلط تاني

بالله عليكم يا جماعة نحترم وجهات نظر بعض ونتناقش من غير خناقة ومن غير ما نجرح فى بعض وعلى الاقل ولو سمحتوا بلاش كلام فى الموضوع اكتر من كده اما بالنسبة للردود والتعليقات فبعد اذن الجميع انا هراجع التعليقات كلها والتعليق غير الرغوب فيه هيتمسح لان مينفعش نتكلم علشان نتخانق وشكرااااااااااااااااااااااااااااا ....

استاذ مدحت لو سمحت بلاش اسلوب بالطريقة دى لان دى مش خناقة

يعني انته يا أدمن شايف انب غلطان ?
وان أسلوبي مش كويس ?
و ان انا اللي بدأت بالغلط ?

ياباشا انا مش شايف حاجة انا شايف اننا مبنتخنقش المسألة مش مسألة مين ال غلطان المسألة اننا لو طولنا الكلام فى الموضوع اكتر من كده احتمال نشتم بعض وياريت تقرا التعليق الاخير يا استاذ مدحت وانت تعرف لو اتكلمنا اكتر من كده مش عارف ايه ال هيحصل وياريت نتقبل اراء بعض علشان نعرف نتناقش مش كل حاجة خناقة وياريت نقبل بعض بصدر رحب

ههههههههههههههههههه
لا و الله العظيم مش الاخت ريم يبقى أنا لأن ليا لسان وشكرا يا كبييييييييييييييييييييير على زوقك وإحترامك انت كده بقة يكون فعلا دا آخر رد ليا عليك لأنى بجد مش عارف أقولك إيه و الله .

مشكور يا أحمد على التنبيه وسامحنى لو تعديت على حدودى شويه بس انا فكرت إنى بتحاور مع مع واحد........ بلاش أكمل أحسن

ياريت يا كمال بلاش كلام فى الموضوع اكتر من كده وياريت يا كمال الكلام بالطريقة دى علشان لو طولنا الكلام ممكن نتخانق مع بعض .
وياريت يا جماعة بلاش سوء الظن فى بعض

احمد :
تقصد تعليقي انا الاخير ?
ده مش تعليق ,, ده وصف للشخصيه دي

و برده هوه قليل الادب

و انته شايف كلامه ده من حقه ?
الكلام اللي قاله قبل تعليقي الاخير ده مش قلة أدب منه ? مش خناقه ?

هوه من حقه يقل أدبه , بس انا مش مفروض أرد ....

هوه قل أدبه , و سبق قلتله مش يتناقش معايا ,,, و برده مصمم يقل أدبه ....

يا قليل الأدب ,, عيب

انته لما تشتمني أو تشتم غيري ده مش هيعمل منك راجل ........
و شتيمتك ليا مش هتهز شعره فيا ,,, لأني عارف و متأكد ان الدنيا فيها منك و أوسخ كتير

مع احترامى لك يا استاذ مدحت اى عضو هيقول لفظ خارج سيتم ايقافة وارجوووووووووك كفاية

ممكن يابقوش بعد إذن الجميع تحذف التعليقات كلها سواء كانت حلوة أو سيئه.

الرجاء يا كمال متردش انا اخوك الكبير وبطلب منك بعد اذنك متردش فانا اعلم مدى طيبه قلبك وتقبل منى انا الاعتذار
و لا تنساق وراء هذا الاسلوب الرخيص
واطالبك ايضا ان لاتدخل او تعلق على موضعات من هذا القبيل ولهذا الشحص فانا اعلم مدى حسن خلقك
من السهل ان تقل فى ادبك وترد باقذر الكلمات ولكن حسن خلقك يعفيك من هذا .

وللعلم المنتدى كان مستريح من مثل هذه التعليقات المنتنه القذرة ولا ادرى من استدعاها مرة اخرة فهذة التعليقات لاتصدر الا بوجود اشخاص يعرفون انفسهم كنا قد استرحنا منهم ولكن ابت افواهم واقلامهم انا اعلم يقينا ان اعضاء المنتدى الافاضل لايريدون مثل هؤلاء بيننا .كنا زمازلنا نتعلم من الكبار سناومقاما الاستاذ حمال والاستاذ محمودشهاب والاستاذمحمود حشله.فن الحوار والتعامل والصدر الرحب واللسان العفيف وتقبل الرأى الاخر .لدرجه الاستاذ محمود حشله كتب مرة اللى عايز يشتمنى ده اميلى يشتمنى فيه وكان بهذا قد اكتسب حب واحترام الجميع
لكن هذا الاسلوب المتدنئ الركيك البايخ لابد ان نلفظه من بيننا حافظا على سلامه المنتدى ومن لايتقبل الرأى الاخر فلا يكتب ولا يعلق
والجميع يعلم جيدا ان الاناء ينضح بما فيه
وانا بطلب منك يا كمال الهدؤ لان من سمات الرجوله عفه اللسان ومن سمات الرجوله الادب ومن سمات الرجوله الحوار راجل لرجل كلمه بكلمه وانت فيك كل السمات دى
لكن فرش الملايه ده مكانه خارج المنتدى بعيد عن مسامع الناس المحترمه

بسم الله الرحمن الرحيم اولا حزين جدااااا لما يحدث فى المنتدى من الفاظ خارجة وتجريح فكلمة اقولها لجميع اعضاء منتدانا المنتدى له قوانين واى عضو مهما كان اذا اخطأ فلابد ان يفكر فى قوانين المنتدى فأنا اخطأت من قبل واعتذرت وليس عيب ان نعتذر ولكن ارى التعليقات صدمت لما يحدث فلو اختى مثلا مشتركة على المنتدى سوف اقول لها لاتتدخلى هذا المنتدى لان هناك تعليقات خارجة وقد تم من قبل ايقاف اعضاء لسوء ردودهم وسوف اذكر على ذلك العضو صقر مصر وهناك ايضا اعضاء كثيرين حتى ان محمد ابوبكر طلب منى ايقاف عضو قريب له على اسلوبه رغم انه لم يعلق بمثل هذه التعليقات الخارجة .
فسامحونى جميعا كل من تلفظ لفظ خارج فعليه الاعتذار لان من قوانين المنتدى احترام الاخرين وعدم التعليق بالفاظ خارجة ...
كل من اخطأ وتلفظ بلفظ خارج عليه الاعتذار فالمنتدى له قوانين وكل من يخطئ ولم يعتذر فيتم ايقافه وشكرااااااااااااااااااااااااااااااااااااا

ايه ياجماعه مالكم اتحسدوا ولا ايه
صلوا علي النبي
احنا اخوات وأهل
لو كل واحد منكم قرا كلامه تاني هيحس بالندم كلكم غلطنين ( كمال ومدحت وحسام ) بالترتيب كده
يا كمال روق ......... يا مدحت اهدي ........... يا حسام انت المفروض تصلح متبوظش

استاذ جمال كل من اخطأ وتلفظ بلفظ خارج عليه الاعتذار .

باااااااس خلاص مش عايز أي حد يعلق على الموضوع ده بقه خالص .
أنا آسف يا مدحت بالنيابة عن كمال وحسام
أنا أسف يا كمال بالنيابة عن مدحت .
اللي مش عاجبة وكالتي عنه يقولي وانا معاي توكيل عنكم جميعا.
يا أدمن بعد اذنك فورا احذف الموضوع كله
وأدعو أخوانا انهم يشاركوا في موضوع اسمه النقد البناء

لا لو سمحت يأدمن لاتحذف حاجة علشان خلاص الموضوع خلص ولو مافي نقض أصبح المنتدي بلافايدة أرجوا منكم التكرم بعدم قطعة أسف ياأستاذ مدحت وخلي كمال وحسام علية ونرجو أتساع صدورنا بعضنا لبعض علشان لو ندور كلنا أقارب

مشكور يا استاذ محمود والاستاذ ياسر على الروح الجميله وحزنت شديد الحزن لما قراته ومن الحده التى وصلت ليها التعليقات واضم صوتى لصوت الاستاذ محمود وانا اول من اوكله عن المنتدى وبالنيابه عن اخويه حسام واخويه كمال واعرف ما لى عندهم نعتزر للضوء الشارد وبالنيابه عن الضوء الشارد اعتزر لكمال وحسام ورجاءا ان نتحلى بالصبر لكى نتخطى هذا الموقف وارجو قفل باب المناقشه فى هذا الموضوع لكى لا تتصاعد حده التعليقات اكثر من ذلك

بعد اللى قراتة من الجميع

بسم الله الرحمن الرحيم
الحمد لله والصلاة والسلام علي حبيبنا رسول الله
احبتي في الله اعضاء منتدانا العظيم
السلام عليكم جميعا ورحمة الله وبركاته
ثم اما بعد
يقول الحق تبارك وتعالي في كتابه الكريم(ياايهاالذين أمنوااتقوا الله حق تقاته ولا تموتن الا وأنتم مسلمون واعتصموا بحبل الله جميعا ولا تفرقوا واذكروا نعمة الله عليكم اذ كنتم اعداء فالف بين قلوبكم فاصبحتم بنعمته اخوانا وكنتم علي شفا حفرة من النار فانقذكم منهاكذلك يبين الله لكم أياته لعلكم تهتدون)
ويقول تعالي (ولاتنازعوا فتفشلوا وتذهب ريحكم واصبروا ان الله مع الصابرين)
فيا احبائي جميعا يجب ان نناي بانفسنا عن التفرق والاختلاف وان نكون علي قلب رجل واحد
ويجب علينا ان يعذر كل منا اخاه فيما يراه فلكل منا رايه وهو ليس بالضرورة حجة علي الاخر
فالحجةفقط لله ولرسوله وأيا ما بلغ الخلاف في الراي بيننا من مدي يجب الايكون تعصبا للنفس
فالواجب ان تتسع صدورناله ولا مانع حينئذ من المناقشة الهادئة التي يراد بها التوصل اليكلمة الحق المنشودة فهذا هو طريق الصحابة رضوان الله عليهم اجمعين
ولذا
فنصيحتي لكم احبائي مدحت وحسام وكمال وجميعكم تعرفون قدركم عندي ومدي ما اكنه لكم من حب واحترام ان نتقي الله جميعا في انفسنا وان ننبذ خلافنا حتي لا نفشل وتذهب ريحنا ونكون اخوة متحابين في الله مقتدين بحبيبنا رسول الله صلي الله عليه وسلم القائل(ليس منا من لا يرحم صغيرنا ويعرف حق كبيرنا)
فلوجه الله ادعوكم كل في مكانه يكتب كلمة اعتذار رقيقة لاخيه ولا يدع فرصة للشيطان وعندها باذن الله ستذوب كل الخلافات وتنصهر ونعود اخوة متحابين في الله ولله
وفق الله الجميع لما فيه الخيروالسداد
وتقبلوا تحياتي لكم جميعا
دمتم بخير ودام منتدانا العظيم
والسلام عليكم ورحمة الله وبركاته

أستاذ محمود شهاب الدين جزاك الله خيرا على كلماتك الإسلاميه التى و الله ما إن قرأتها إلا أن مست قلبى فوجدت وازع الخير الذى هو فى قلب كل مسلم يقول لى حرصا على أنك مسلم ولاتدع للشيطان مجالا لأن يضعك فى شبهة مخالفة تعاليم ديننا الحنيف فقم بالمبادرة ولا أقصد مما سأقوله الآن إلا إبتغاء مرضاة الله . وعليه فأتقدم لجميع أعضاء المنتدى وللأخ مدحت بإعتذارى لكل ما حدث ويعلم الله أنى حينما تكلمت فى هذا الموضوع ما قلت كلمة واحدة بدافع شخصى إنما كان على وجه العموم لجيل بأكمله وكان الرد الاول نابعا من عنوان الموضوع كله كلمة حق وجدتها فى قلبى فأردت أن أقولها إلا أنه تدخل الشيطان بيننا وأعيطيناه مجالا كبيرا وعليه فأقول لا وألف لا للشيطان ليس من جابنى وأخيرا أرجو من الاخ الفاضل الادمن حذف أي تعليق قمت بالرد فيه بحده أو حذف كل تعليقاتى لو أراد هو ذلك فلن يغضبنى ذلك فى شئ و الله .

سبحانك اللهم وبحمدك أشهد أن لا إله إلا أنت أستغفرك وأتوب إليك

مشكووووووووووووووور يا ابو كمال على الروح الجميله وفعلا انت جدير بالاحترام كل التحيه والتقدير ليك يا ابو حسناء يا اخويه

قشدة

الله يبارك فى صحتك وعافيتك يا أخى الاكبر محمد عز العرب دا بس من زوقك وكرم أخلاقك