ياريت تفسرنا الصورة يا مصرواى كل شوية تجيبها والحمد لله ربنا ادانا عقل نفكر بيه ونميز مع العلم ان فرحان من ال بيعمله الشباب يوم 25 يناير وبؤيدهم من قلبى ومعاهم وحزين من ال حصل يوم الاربعاء الماضى ومع اننى مع عدم وجود مبارك وعدم وجود اى اشكال الفساد فى بلدى ولكن مع الاستقرار وعد التجديد ..

الناس كلها عارفة ايه اللى فى الصورة . وكل الناس عارفة ايه اللى حصل طول 30 عام من الفساد . وكل الناس عارفة الصورة دى بتاعت ايه . وبعدين هو اللى زعلك الصورة دى بس . ماشوفتش عربيات المياه اللى كانت بترش مية على الناس اللى كانوا بيصلوا يوم الجمعة 28 يناير .؟ ماشوفتش عربية الشرطة اللى كانت بتدهس الناس بعد سيادة الريس حسحس ما غير شعار( الشرطة والشعب فى خدمة الوطن ) إلى ( الشرطة فى خدمة الشعب )؟ ورغم كده بيقولك الشرطة ملهاش وجود امال عربية الشرطة دى طلعت منين ؟ ممكن يقولك دا واحد جاى من المريخ علشان يعمل انقلاب فى مصر . وسرق عربية الشرطة وعمل بيها كده .
هو انت ماشوفتش العربية الدبلوماسية اللى قالوا كانت مسروقة قبل الشرطة ماتخلع رغم ان مفيش بلاغ عنها . ماشفتهاش وهى بتدهس الناس ؟\
هو انت ما شوفتش عربية المطافى اللى كانت فى البحيرة وهى بتدهس الناس علشان تطفى نار حسحس؟
هو انت ما شفتش الشرطة اللى قتلت الراجل فى اسكندرية بنار باردة؟
ولا عايز أقولك كمان ؟

عايز أقول لسيادتك حاجة : اللى يشجع الظلم يبقى ظالم أو له مصلحة علشان كده الناس بتقولك المنتدى تبع الحزن الواطى اللا ديمقراطى
واللى يرضى بالظلم يبقى ظالم . واللى يقمع الحريات يبقى ظالم . قول رأيك من غير أن تقمع رأى غيرك . والنت مش حكر على حد .

انت نقلت صورة وانا بطلب تعليق عليها توضحلنا ال فيها علشان ربنا ادانا عقل ...


والمنتدى مش ملك لحد ومش ملك للنظام الواطى الفاسد المنتدى ملك لنا كلنا ويادكتور لما نتحب نتكلم اظن ان فيه لغة حوار .
ومين قالك ان النت حكر على حد .

الفساد والظلم في الدولة والحكومة واضح للجميع والكل عايشه مش محتاج صور توضح تعامل الحكومة مع الشعب والى يشوف الاستقرار موجود في ظل هذة الحكومة المتمثلة في نظام اللامبارك فهو واحد من اثنين
أما أن يكون مبيشوفش أو
أناني يبحث عن راحته فقط دون الآخرين لأنه أكيد لديه وسطة بيستنفع منها في ظل هذا النظام القائم على الرشوة والواسطة ويخاف على سقوط هذة الواسطة مع سقوط هذا النظام الخالى من الاستقرار الذي نوهم نفسنا بوجوده

فواجب علينا أن لا نكون أنانيين ولا نبحث عن مصلحنا فقط ونحب لغيرنا ما نحبه لأنفسنا ولينظر المستفيدين من محسوبية هذا النظام إلى غيره من أغلبية هذا الشعب المظلومة اقتصاديا واجتماعيا ودينيا ويضع نفسه في مكانهم

وما المانع من أن تسود العدالة المفقودة في هذا النظام ويعيش الجميع سواسية


هذة وجهة نظر ولا أتهم أحد بشئ

كلنا نعلم ان عصر مبارك ملئ بالفساد وانا كل واحد فينا وجهة نظره ولكن نحن الان فى وقت لازم الشعب يقف جنب بعضه ونرجع الاستقرار تانى لبلدنا .
كلنا مع الثورة ومع الشهداء ولكن كفانا دماء والتغيرات المطلوبة حصلت فعلا وبلاش ندى فرصة لقناة صفراء تناصر الشيعة واليهود على اهل السنة والفلسطنيين .

وتعليقا على الصورة اساسا ملهاش علاقة بالثورة دى صورة قديمة لان العربية لورى والشهيد راكب عجلة والناس واقفة ورا العربية عادى جدااااا ..