نريد ترشيح عمدة للمنتدى يختارة الأعضاء ويكون مصدر ثقة لحل مشاكل الأعضاء وفى أى أمور أخرى وان يختار له اثنين مساعدين له يسشيرهم ويأخذ برأيهم وان يختارهم هو بعد توليه هذه المسئولية

أعطونى رأيكم

والله فكرة جميلة يا فريد
بس العمدة ده هتبقى وظيفته ايه؟

والله يا ابو محمد فكرة جميلة جدااااااااااااا ..

فكره كويسه بس تكون بالإنتخاب وتكون بالرقم القومى

ياشباب ده منتدى يعنى من حق أى حد يقول رأيه فى أى وقت وفى أى موضوع يحب يتكلم فيه ده راى انا بس لو انتم اتفقتم على ذلك فانا معاكم

ومن الافضل ان كل واحد يصلح من نفسه بس

انا مرشح نفسي

فكره كويسه بس ياترى مين هيترشح للمنصب ده وهيكون ايه وظيفته زى ما الاخ ابو صهيب هيعمل ايه يعنى والترشيح هيكون على اى اساس

شباااااااااس عمير
ما بتصدق تسمع كلمه اسمها انتخابات
بلد ديموقراطى ديموقراطى

قشدة

من اجلكم رشحت نفسي
وانا تحت امركم
وهدي يا ابا عمر ويا ابو صهيب
فانتم الاثنان من الناس العقلاء
وعيب كدة

وسمعوا كلام العمدة احسن لكم
ما ارسل اتنين غفر ومعاهم قانون الطواري

فكرة حلوة قوى يا صاحبى

وأنا هأنتخب عمى وعم عيالى ( شريف باشا)

وهأدى صوتى لاتنين مساعدين
أخى الكبير الأستاذ محمود حشلة ,,, وحبيب قلبى أبوصهيب

شفت بقى ياعم شريف أنا بأصيتك أهه بس متنسنيش بقى فى التعيينات يا ريس ( البترول ماشى ).



قشطة

حبيبى يا كينج
كل أما واحد يتسأل انت هتترشح يقول:
أنا لن أترشح الا اذا طلب منى الشعب

وأنا قافل بؤى ياعمدة مفتحتوش .
الراجل هو كل مايشوف اسمى فى حته يزعل

هههههه
الله يكرمك يا أخ أحمد على الترشيح اللي اقصد بيه ترشيخ الأخ شريف
انا أؤيد ترشيح الأخ شريف كعمدة لمدة ستة اشهر الي سنة على ان تجري انتخابابت شفافة وحرة بعد المرحلة الإنتقالية دي
بالنسبة للأخ شريف فهو أنسب شخصية لهذه المهمة للأسباب الآتية :
1- دوامه على المنتدي واهتمامه به
2- اهتمامه بالشأن العام في البلد وخارج البلد
3- سلامة نيته وطيب سريرته
4-استعداده للتطوير الدائم وقبوله للآخر وهما ضماناتان للتطوير
بالنسبة للمساعدين أنا طبعا يشرفني اني اكون مساعد للأخ شريف لكن انا مشكلتي هى أني ممكن انقطع عن المنتدي مدة طويلة نظرا لظروف سفرياتي المفاجأة وهي طبيعة عملي فأنا لا اصلح
وارشح الأدمن وابو صهيب وابو الزهراء و الضوء الشارد لنفسس المدة على ان تجري انتخابابت بعد كدة
في حين يكون الأدمن امين سر المنتدي بصفة دائمة وأعتقد انه أظهر مهارات تؤهله لذلك وكمان اظر حياد والدليل على ذلك انه لم يحذف اي تعليق حتي ايام الإنتخابات اللي كان الضغط عليه فيها عالي خالص
وعايزين نشوف الشغل بقى يا عم شريف خلال المدة المقترحة دي
أعتقد اأن الأدمن لديه فكرة ممتازة وهى جعل المنتدي صحيفة يومية او اسبوعية

وانا اول واحد موافق عالعمده يا عم الحج
وكمان العمده واللى يقول عليه هههههه
امال بيزنس از بيزنس احسن ميكون فيه خصومات والعمليه مش ناقصه ههههه

قشدة

لساني يعجز عن الرد استاذي الحبيب محمود بيه حشلة
وهذه شهادة اضعها على صدري

وشكرا لاخي ابو صهيب واخي احمد عقل

عز العرب كتب:

من اجلكم رشحت نفسي
وانا تحت امركم
وهدي يا ابا عمر ويا ابو صهيب
فانتم الاثنان من الناس العقلاء
وعيب كدة

ياريت يا ابوامال تشرحنا برنامجك الانتخابى

انا خايف ياشريف بعد كده نقوم بثورة عليك ونخلعك وممكن ما تلقيش منتدى يقبلك خليك بعيد عن السلطة انت عندك عيال

لازم يكون فيه شروط
اول شرط يكون العمدة عياله بنات علشان التوريث

وينتخب دورة واحدة بس وليس له حق الترشح مرة أخري

الشروط مطابقة

ههههههههههه السيد كده بيرسم عالدورة اللى جايه

قشدة

هو الكلام ده بجد ولا هزار ؟؟

السلام عليكم ورحمه الله
وبركاته

انا أرشح الشيخ |عادل الجرن [

احنا عاوزين العمده يكون قاعد في البلد

بلاش يكون العمدة شيخ علشان يقدر يخبط براحته
وانا ارشح شريف وهى العمدية مش هتروح بعيد هو مفيش الا عيلة الجرن

السلام عليكم
ابو الزهراء
اية ياريس هو مفيش رنه ولا سؤال حتي
واحشني ــــــــــــــــــــــــــــــــــــــ أنا أرشح الشيخ عادل
شريف لالالالالالالالالالالالالالالالالالالالالالا
مينفعش

اذيك يا ميمى حمد الله بالسلامة
انت قلبك جامد قوى مش خايف من شريف
على العموم انت حر

الشعب يريد اسقاط العمودية

سامحنى ياشريف

رغبة الشعب بالاسقاط

صدر امر فوري باعتقال ميمي بهنسي وفرض
حظر تجوال في السلي مخرج 18 في الرياض بالمملكة
وفرض نفس الحظر في عزبة العبيد في جمهورية شباس بدول مصر 25 يناير
امر الى المجلس العسكري بتفيذ ما سبق وابلاغنا باي تطورات
وبعدين فيد حد اسمه ميمي يعترض

إيه يا عمدة
هو من أولها كده ولا إيه

طيب خد عندك :
بعدما أعلن أبو خالد أن الشعب يريد إسقاط العمودية

فالآن

( الشعب يريد محاكمة شريف )


قشطة

عشان بحبك يا شريف و خايف عليك يؤسفني أقولك:

اطلع على شرم بسرعه .......

ههههههههههههه
انا حجزت على اول طيارة

انا بجد اسف يا شريف....

بس مش اسف يا ريس ..
مش اسف ايه !!
نفسي تتحاكم في التحرير يا ريس..
لا
نفسي تتعدم في التحرير يا ريس...
ريس ايه !!
عمره ما كان ريس ... كان كذاب , و نصاب , و صهيوني , و زعيم عصابه , سفاح , و , و , و ,
ربنا ينتقم منك و من عيلتك و من اللي كانو مشغلينك و من اللي شاركوك في تخريب مصر و تدمير شعبها ,,,,,




لو جيت مسكت اي منصب تاني يا شريف إوعه تعمل زيه ,,

تاني : انا اسف يا عمده

انا مع ترشيح اخوية وحبيبي شريف

مانت اللي لعبت في عداد عمرك يا ميمي

شكرا حبيبي ابو محمود بعينك المستشار القانوني

أنا فى الثورة المضادة
احنا معاك يا عمدة .
مظاهرات من 15 نفر فى ميدان الجسر تأييد للعمدة
ومظاهرة على مزقة خلاف 6 أنفار تطالب بالتنحى وفيه ناس من قزمان بتوزع عليهم بطاطا ورافعين علم عزبة الحجر

يعلن المجلس الاعلى للعمودية عن فتح باب الحوار وان استدعى امر سوف نقوم بفتح شباك ومنورين اضافية
هذا وقد اكد المجلس ان حرية التعبير مكفولة لكل الشعب حتى وان كان اسمه ميمى هههههههه
والله الموفق والمستعان

قشدة

شكرا لوزير خارجية العمودية ابو صهيب

وشكرا للمتحدث الرسمي محمد عز العرب

قال شاهد عيان قوى ان فيه خمستاشر عيل من سنتين الى تمان سنوات شايلين اعلام بيضا وحمراء وزرقا وبينادوا يسقط العمدة ولما سالوهم الأعلام دى بتاع ايه قالوا دى اعلام الدويلات المستقلة داخل شباس واتضح ان وراء المظاهرة دى ايدى اجنبية والمعلومات انها من السعودية وبيحركها ميمى بهنسى وكمان فيه مظاهرة حب وتايد بتقول شريف اووووووووووو اووووووووووو

شكرا للمذيع قناه الاخبار العمودية ابوالزهراء والنائب القادم
بما ان الشروط تنطبق عليه

يعلن مجلس العمودية دائم العضوية
بان العمدة سوف يلعن بعد سبعة سنوات من الان
عن موعد للانتخابات النايبية للمجلس القروي
والتي سوف يتحدد على نتائجها الجاهزة في الصناديق سابقة الصنع والمغلفة باتقان وكل شفافية والتي ستحدد انتخاب العمدة القادم بعد اعلان النتيجة بخمسة وثلاثون عاما بمشيئة الله
وهذا ان دل يدل على اليموقراطية والشفافية
والنزاهة وان العمودية ليست حكرا على العمدة الحالي والسابق والقادم بمشئة الله ان كان في العمر بيقية

تنفسنا الديمقراطية بقدومك يا ابو امال وطالما انا ليه نصيب فانا معاك يا ملك ملوك شباس والعزب المجاورة

ثورات شعبيه..البلد تريد اسقاط النظام..وفعلا بعد استشهاد 23 واحد يسقط النظام..ويتم حصر ممتلكات العمده...وهى كالتالى..150 فدان فى السلكاوى...70 فدان فى المحجره..20 فدان فى مبانى فى الشقفه...والناءب العام يطالب الدول المجاوره بتجميد ارصدته والدول تدرس تجميد الارصده المحتمله للنظام السابق وتعلن تاييدها للثوره...فاحسن ياابو امال تتنحى من دلوقت..ههههههههههه

يعلن المجلس الاعلى للعمدية عن تقدم العمده باقرار الزمه المالية للنائب العام وذلك لضمان الشفافية فى الحوار ومن اجل كفالة حرية التعبير مادة واحد
يعلن المجلس عن محاسبة من تسبب فى تسريب معلومات من داخل ديوان العمودية حيث يوجد مصادر بان هناك اشاعات مغرضة من حركة تطلق على نفسها ( الميميه وواحد حرية وصلحه )
ويهيب المجلس بمراعاة المصلحة العليا للبلاد
ويحث فيكم روح الوطنية والحرص على مصالح البلد وممتلكاته
ايضا يعلن المجلس بتعديل المادة الخاصة بالترشيح للعمودية عن اعلان النتيجة للانتخابات فى مده لا تتعدى 25 عام
حفظ الله شباس واهل شباس
والله الموفق

قشدة

فيما وصلت أخبار لقناة الشبساوية عن قيام اهالى شباس عمير بعمل مظاهرات ضد العمدة لما اشيع عن امتلاكه ملايين من الافدنة وان غفر العمدة قاموا باطلاق الرصاص الطينى على المتظاهرين فى ميدان الجسر وهذا ما اكده شهود عيان ..
فيما نفت قناة العمدة الكبير هذا الخبر .

ومعانه دلوقتى اتصال ام حمكشه من عزبة صباح الوو ...الحقونا المساجين اللى فى النقطه هربوا ودخلين علينا يالااا اااااهواىىىىىىىىىى الحقونا يا حمومه