ما إن انتهت المحكمة من النطق بالحكم على الرئيس حسني مبارك وأركان نظامه حتى بدأت تعليقات المصريين تتوالى عبر وسائط التواصل الاجتماعي هنا بعضها:
• أنباء عن موافقة الرئيس السوري بشار الأسد على التنحي والامتثال للمحاكمة بشرط أن تكون أمام القضاء المصري.
• حسين سالم أخذ براءة من غير ما يحضر المحاكمة... أمال لو كان حضر كان زمان القاضي سجن واحد من المستشارين اللي جنبه.
• مش كانوا بيقولوا مبارك كويس واللي حوله فاسدين... أهو طلع كخه واللي حواليه زي الفل.
• إدانة الشعب المصري بالبلاغ الكاذب وحبسه في طرة بدلاً من علاء وجمال.
• إلى كل الناس اللي قالوا مبارك لو متحكمش عليه بالإعدام هننزل ميدان التحرير ملط: جهزوا روحكو مولد سيدي العريان وصل...!
• اضطرينا نضحي بالأب علشان الجنين يعيش.
• بن علي لمبارك: الآن فهمتكم يابوعلاء... عموماً مبروك البراءة مقدماً.
مبارك لبن علي: ما تفهمش كتير الله يخليك استنى شوية ما تفضحناش.
• بعد الحكم الناس بتسأل: في احتمال جمال يخش الإعادة ؟
