هتكتب تأرخ تسجل زمانك
وتفضح شويشك د باعك وخانك
وقالك حكاوي غناوي ربابه
وسهَّر عيونك وملَّص ودانك
***
وكسَّر مكانك ولطَّم عيالك
يسوَّد حياتك ويهبر ف مالك
إذا قلت أَيْ أو تناهد شيطانك
وفرت دموعك وينطق لسانك
***
يقولَّك تعالي وينهش عظامك
ويسجن لروحك ويحبس كلامك
ويقطع ف لحمك وتاكل كلابه
ويفرح لخيبتك ويمسك لجامك
***
هتطلع تقاوم بصبر المحارب
وتنطق تناطح تحارب تحارب
تكمِّل جهادك وتنصر بلادك
وترفع شعارك بلاها تجارب
سامح لطف الله
*********
