يا جماعة انا اقترح نعمل استفتا على كل المرشحين يعنى يتعمل تصويت على كل المرشحين وونسبة التصويت هى اللى ممكن تحدد فعلا اتجاه الناس ورغباتهم

اقتراح جميل محمد باشا بس عاوزين صيغة السؤال

يا حمد نزل الاربع اسامى والتصويت يبقى تحت كل اسم والسؤال يبقى زى عنوان الموضوع من تؤيد ليكون عضو مجلس الشعب الفترة القادمه او اى الاعضاء تؤيد

شوف الاستاذ شريف عشان كده التصويت بتاعه ال على الصفحة الرئيسية هيتشال من على الصفحة الرئيسية

اوك يا احمد خلاص استنى لما الناس كلها تصوت وبعدين اعمل الاستفتا الجديد ولا يهمك يا admin قـــــــــــــــــــــــــــــــــشــــــــــــــــــــــــــطـــــــــــــــــــة

ونعم الاقتراحات ياابو حميد بس انا اعتقد انها باينه

على فكرة انا بااطلع على كل مواضيعك وافكارك جميلة تسلم دماغك يابرنس

مشكور اسامه باشا وشرف ليه مرورك بصفحتى ومشكور على كلماتك الجميله وربنا يعزك وان شاء الله تكون معرفة خير

قشطة

موضوع جميل وانا اشارك معكم فى هذا الاقتراح استاذ محمد

موضوع جميل يابرنس وربنا مايحرمنا من مواضيعك الجميلة دايما

852

انا ارشح محمد عز العرب
يعنى مش معقول هيكون عز العرب كلهم وميقدرش يعز البلد

هههههههههه ربنا يعزك يا ابو مصطفى ويبارك فيك العزة لله وحده وعز البلد او العرب انا شايف انه ممكن يتحقق لو كل واحد اتقى الله فى شغله وفى دينه وفى اولاده او فى المنصب اللى وصل ليه وبقدر يخدم الناس من خلاله وميستغلوش طبقا لاهواءه الشخصيه او بمعنى اصح طبقا لمصلحته الشخصيه يعنى لو كل واحد مسئول اتقى الله وخاف من ربنا وكنا كلنا ايد واحده كالبنيان المرصوص كما امرنا نبينا صلى الله عليه وسلم الذى اعز الله به الاسلام بل والكون باسرة وشرفه بارساله رحمة للعالمين اكيد فى ده بتكون العزه والصلاح للجميع --------
مره تانيه بحييك يا ابو مصطفى وبعدين ايدى على كتفك مالصبح ننزل نترشح ههههه هى كيميا ولا كيميا الموضوع كله

قشطة

تسلم ايدك يا حماده وبجد الله ينور تمااااااام ربنا يباركلك يا بقوش على مجهودك الجميل فى المنتدى

قشطة

الموضوع جميل بس ياريت يكون فية مناقشة حول الشخص اللى يستحق او يكون لة برنامج فعلا يخدم البلد

للاسف انا لا اؤيد اي منهم

لا احد وبدون تعليق

سامى محمد عيسوى حامد دا اسمه مش سامى عبد الباعث

الوضع محرج جدا
( صوتك امانه اعطه لمن يستحق )
على ما اعتقد انه مفيش ولا مرشح من المرشحين الاربع سوف يتبنى هذا الشعار
لانه على حد علمى انهم لو صادقين مع نفسهم مش ممكن هيكون ده شعارهم
بالنسبه لنا احنا لو منتخبناش هنكون سلبيين طيب لو انتخبنا هنكون .....
( هل ممكن انتخب واحد لمجرد انه المفرض اشارك فى الانتخابات ) الوضع محرج جدا

بالنسبه ليا انا لا ارشح اى احد منهم لانه ببساطه جدا
لازم اكون امين مع نفسى

الاخ العزيز رامى مش شايف احراج بالموضوع الموضوع سهل جداااا جربنا اثنين35عملوا ماعملوش جربنا خلينا نشوف الجاى والدنيا علام دنتوااااااااا ناااااااااااااااااس عسسسسسسسسسسل

شكر وتقدير لكل الشباب اللى زى الورد المرور الكريم وتحياتى ليك استاذ محمد الزيات انا شايف ان الوضع مش محرج زى رامى ما قال الوضع محزن ويدعو للحسرة ان فعلا شباسي اكبر قريه فى المحافظة ---- اقل بلد فى الخدمات ( عضوية مجلس شعب 35 سنة ) ولو شفنا الاعضاء الاربعة المرشحين تحت شعار مصلحة البلد هتلاقى الاول مترشح لحماية مصالحة الشخصية والثانى بحثا عن مجد شخصى او حنين لزمن العمده والثالث بيدور على ترضية فى مقابل التنازل والرابع فاكر الموضوع (فرح ) وماشى على منهج اوباما فى التغيير يا جماعة احنا قلنا من الاول الموضوع مش عسل بس يا استاذ محمد ده

قـــشـــــطــــة وجبنة وبيضضطييييييييييييين

صباح الفل عالناس العسل ومنهم طبعا الاستاذ شريف المحترم بجد وصفك جميل للمرشحين بس باعتقد انة لازم اننا نناقش الموضوع على انة واقع وعلية نختار والمهم التغيير وبعدين زمن العمدة راح وولا ومش ممكن يرجع تانى مهما حصل ولا اية دانتوا ناس عسسسسسسسسسل وسلام ليك خاص استاذ شريف

مرحبا بيك استاذ محمد المنتدي منور بوجودك

الموضوع جميل بس الحقيقة انا لا اؤيد ولا واحد منهم ويا ريت نضيف بند خامس لا احد وكمان لو فيه شخصيات تستحق ان احنا نفكر فيها للمستقبل حتى لو ما ترشحوا السنة يكون العام القادم
وشكرا على سعه صدوركم

والله فعلا اضافة جميلة يا سيد باشا حقيقى كان لازم نعمل بند لا احد من المرشحين ده كان هيريح ناس كتير وفعلا هتبين وجهة نظر الناس بجد تحياتى ليك وان شاء الله احمد يضيف البند ده

قشطة

يا جماعة يا جماعة كل يوم عاملين اشاعة دى الحكاية بسيطة خالص شيىء بيحصل كل ساعة دى مسائل عائلية تبدى ويا الرضاعة
مينفعش يا أهل الخير أكثر من مرشح يرشح نفسه والا يسقط الكل لازم يكون مرشح واحد عشان نعمل اتحاد من بلد تانية مع مرشح تانى
يعنى مثلا فئات من عندنا وعمال من المنشية
أو عمال من عندنا وفئات من قلين البلد وهكذا
احنا كدا بنضحك على نفسنا
وعلى العموم وجود عضو مجلس الشعب حتى ولو معملش للبلد حاجة أحسن من عدم وجوده يعنى المصلحة العامة أهم من المصلحة الخاصة
قال رسول الله صلى الله عليه وسلم كل كان له فضل علينا فكافأناه عليه الا الصديق فأن أجره عند ربه
بمعنى كل واحد عاوز يشتغل أو يشغل مراته او عاوز يتنقل أو ينقل مراته أو عاوز شقه أو عاوز فلوس أو أو أو لما ميتعملوش يصول ويجول ويهدد ويتوعد ويقول كلام وحش فى العضو المرشح كل دا كلام فاضى لازم كبار البلد يجتمعو على كلمة رجل واحد يشوفو مين الأنسب ويقفو وراه واذا منفعش فى الدورة دى يجيبو غيره ويقفو وراه وهكذا ومن الآخر من كان همه الدنيا جعل الله فقره بين عينيه ومن كان همه الآخرة جعل الله غناه فى قلبه وآتته الدنيا وهى راغمة
وكل عام وأنتم بخير بمناسبة شهر رمضان

انا اؤيد من يستحق
ان يمثلنا في البرلمان وان يكون نائبا عنا بصدق واخلاص
لان احنا كاهل البلد محتاجين خدمات عامة للبلد كالرصف وغيرها واليوم ظهر لنا مشكلة اخري وهي مشكلة انقطاع التيار الكهربي في اكثر الايام
علينا يا اهل البلد اختيار الاصلح وبس
وكل عام وانتم بخير يا اخ admin
وسلامي لك ولكل اعضاء المنتدي

مسا الفل مهندس سعيد بس تعليق بسيط انتة بتقول وجود نائب ولا عدمة هو اصلا بدون فايدة يبقى العدم افضل حتى الحجة انة مفيش وبعدين صباعك اللى يوجعك من الافضل بترة كدا ولا اية دنتا راجل عسسسسسسسسسسسسسل

شباس عمير كده هتضيع بكثرة المرشحين
صحيح إن محي القطان لا يستاهل يكون نائب في البرلمان لكن مع الآسف لا يصلح غيره اردنا أم لن نرضى هذا هو الواقع الأليم
كان الله في عونك يا شباس

كيف نبدأ مسيرة جديدة وتغيير جديد بصوت الطلقات والنار
هل هذا الفكر الجديد

الاستاذ الفاضل رامى لا يغير الله مابقوم حتى يغيروا مابانفسهم اهم شىء انتا عاوز

اية وعاوز مين وصدقنى هيحصل اللى انتا عاوزة وبعدين تبقى عبرت عن رائك اية اللى يحصل بعد كدا 00000000000000000000



دانتو ا ناس عسسسسسسسسسسل

سمعنا ان كان هناك خناقة بين انصار محي ا لقطان وانصار سامي حامد

[quote="رامي حجاج"]شباس عمير كده هتضيع بكثرة المرشحين
صحيح إن محي القطان لا يستاهل يكون نائب في البرلمان لكن مع الآسف لا يصلح غيره اردنا أم لن نرضى هذا هو الواقع الأليم
كان الله في عونك يا شباس[/
تحياتى للجميع المرور الكريم وان كان كل التعليقات تنم عن عقليات متفتحه
وعن شباب بالفعل غيور على مصلحة بلده ولكن بالفعل يا استاذ رامى الله يكون فى عون شباس لوان الشباب شافوا ان التغيير متمثل فقط فى وجود عضو مجلس الشعب او عدم وجوده طيب احنا فين ودورنا فين وايه اللى ممكن نعمله نساعد بيه نفسينا ونغير بلدنا للاحسن وصدقنى من غير عضو مجلس شعب ولا حاجه
انا مش عراف ليه احنا رابطين اى تغيير او اى مصلحة بعضو مجلس الشعب
مع اننا لو فكرنا شويه هنلاقى ان فيه حاجات كتير ممكن نساعد بيها ناس كتير فى البلد مثلا الجمعيه اللى ان شاء الله تتنفذ وهتكون ان شاء الله وسيلة مساعده لناس كتير فى البلد انا كانت فكرتى من اقتراح الموضوع اننا كشباب نشوف
اقد ايه الوضع مخيب للامال انا متاكد ان اى واحد احتار وهو بيختار يدى صوته لمين وده هيبقى الوضع فى الانتخابات هتلاقى نفسك بتدى صوتك لحد انت مش مقتنع بيه احسن الوحشين يعنى هو عشان اكون ايجابى انتخب حد وخلاص وشئنا ام ابينا هو الوضع كده واقع اليم لازم شباس تعيشه طيب لو الكابتن محى مترشحش شباس هتموت يعنى وعلى فكره انا مش مقتنع باى حد من المرشحين مع كامل الاحترام لشخصهم اللى انا مقتنع بيه ان اللى ممكن يغير البلد للاحسن او ممكن يعمل حاجه هو دور الشباب حتى فى تحديد دور عضو مجلس الشعب الفكرة من الموضوع ده هى اننا نقدر نحدد مين من الاعضاء هيكون اقرب للفوز ويبقى هنا دور الشباب انه يقعد معاه ويشوف ايه البرنامج بتاعه وايه اللى ممكن يضيفه ويبقى الكلام قدام كل الناس وبحضور شخصيات كبيرة من البلد ولو العضو عرف انه ملتزم قدام الناس بكلامه وانه لو متنفذش يكون متاخد عليه التزامات بعدم الترشيح مرة تانيه ويترشح حد تانى
مكانه هيشتغل وهيعمل اقصى جهده لخدمة البلد ولكن ومع احترامى الكامل ليك استاذ رامى لو احنا فكرنا بالطريقه دى زى ما عملنا من 35 سنه قبل كده عمرها ما هتتغير شباس وهيبقى الوضع كما هو عليه وشباس مليئه بالكوادر والعقليات اللى تقدر تغير وتقدر تمثلها فى اى مكان الموضوع ليس حكر ولا ورث لشخص بعينه وعلى فكرة انا اختر ت رقم 5 فى التصويت
لانى قناعتى الشخصيه ان دور الشباب لو فكر واشتغل صح اهم بكتير من عضوية مجلس الشعب والامثله كتير على كده ومع ان ممكن تكون نسبة الواقعيه فى كلامى متتعداش 40 % ولكن بردك لازم يبقالنا دور ولازم يتعمل مناظرات ومناقشات للاعضاء ومسيرة التغيير اللى يعملها الشباب مش الاعضاء لازم نعرف اولا احنا عاوزين ايه من عضو مجلس الشعب
ونعرف مدى امكانياته فى تحقيق المطالب دى ولو ميقدرش فيه غيره واحسن منه وشباس مليانه ميبقاش الموضوع تقليدى وتهليل وانصار فلان وانصار علان والناس تخسر بعضها وتخاصم بعضها والعضو فقط هو المستفيد
لازم نفوق ونعرف احنا عاوزين ايه الاعضاء الللى الناس بتتخانق عشانهم دول لو حصل مشاكل فى الانتخابات مبتلاقيش ولا واحد من عيلة المرشح
ومحدش بينفع حد وانتخابت 95 شاهد على كده وبردك انا قناعتى الشخصيه ان دور الشباب اهم وهو اللى ممكن يغير او يفيد الناس او البلد لو فكرنا فى مشاريع اجتماعيه منظمه من خلالها نعمل حاجه للبلد وكل سنه وانتو طيبين
ولكن وبرغم كل الظروف بردك لازم نقول

قشطة

طبعا نحن نر ان كثرة المرشحين في البلد عك ذلك علي البلد ولكن كم الاستفادة من العضوية في البلد طبعا نحن كاهل البلد نريد ان يكون من يمثلنا ان يخاف الله ويرعي رعيته بعناية وحرص حيث قال صلي الله عليه وسلم
(كلكم راع وكلكم مسئول عن رعيته)
مشكورين جميعا

said okasha كتب:

وعلى العموم وجود عضو مجلس الشعب حتى ولو معملش للبلد حاجة أحسن من عدم وجوده يعنى المصلحة العامة أهم من المصلحة الخاصة

لازم كبار البلد يجتمعو على كلمة رجل واحد يشوفو مين الأنسب ويقفو وراه واذا منفعش فى الدورة دى يجيبو غيره ويقفو وراه وهكذا ومن الآخر من كان همه الدنيا جعل الله فقره بين عينيه ومن كان همه الآخرة جعل الله غناه فى قلبه وآتته الدنيا وهى راغمة
وكل عام وأنتم بخير بمناسبة شهر رمضان

استاذى الغالى : اقتبست جزء من كلامك أرجو أن تتقبل بصدر رحب تعليقى على الجملتين أعلاه .

الأولى :وعلى العموم وجود عضو مجلس الشعب حتى ولو معملش للبلد حاجة أحسن من عدم وجوده يعنى المصلحة العامة أهم من المصلحة الخاصة

مع كامل احترامك لشخصك الكريم : الكلمه دى اللى جابتنا ورى لسنين جدا .

الكل يمشى بمبدأ كلب البلد ......... الى أخر المثل .

الفكره مش فكره شباس وقلين ولا عضو فى البلد ولا مفيش .

بل بالعكس من وجهه نظرى المتواضعه جدا . عدم وجود عضويه فى شباس تزيد من كم الخدمات الموجهه للبلد .

لان شباس كم أصوات ف الىل هينجح لو من بره عارف لو خدم البلد دى وادتله مع بلده مثلا يبقى عدى شوط كبير جدا لطريق النجاح .

عموما ياريت بلاش النبره دى . لأنها قدمت جدا للأسف . كلمه قلناها من سنين السنين . ان ابن البلد أحسن .
لكن بكل أسف اكتشفنا ان اللى مش ابن البلد ربما يكون اولى .

انا مش بعترض ولا ب أيد . لكن انا ضد الكلمه دى عموما .

لانى مش أجيب حاكم ظالم وأقول ابن بلدى أولى . وانا فى ايدى انى . أضع حاكم عدل .

النقطه التانيه : لازم كبار البلد يجتمعو على كلمة رجل واحد يشوفو مين الأنسب ويقفو وراه

بكرر مع كامل احترامى لشخصك الكريم : فين كبارات البلد اللى بتتكلم عنهم ؟؟؟
لو حابب اذكر اسامى مفيش بالنسبه ليا مشكله . لكن انا شايف انهم كلهم اتحطو تحت طائله الخدمات الخاصه الملجمه للأفواه . أعتقد كلمتى مفهومه .

وفضلا عن هذا استاذى الغالى . فرضا فيه كبارات فى البلد زى متفضلت . هل هما المفروض يختارو بدلا مننا ؟
مش الكبارات يااستاذى اللى يختارو . كل واحد فينا من جواه يختار اللى هو شايفه من وجهه نظره أنسب وأصلح حتى لو كان من بره البلد مش عيب ولا مشكله أبدا . المهم أرضى ضميرى أمام الله .
مش لمجرد انى طلعت لقتهم بيقولو . أووو أوووو أبقى تابع بغياب للعقل وبعمى . حزب الأووو الأووو.

تقبل احترامى

استفسار بسيط من ادارة المنتدى كم عدد المشتركين بالمنتدى الى تاريخة



اامل الرد للاستفادة

استفسار تانى بس من الاخوة الاعضاء

شايف الاستفتاء انقلب راسا على عقب

والعضو المنتقد بالامس هو دلوقتى اى نسبة حسب اراء البعض

كل واحد طبعا حرررررررررررررررررر براية طيب لية نظام

الحكومة داااااااااا انتقض النهار دا واصوتلة بكة هههههههههههه







والله انتوااااااااا ناس عسسسسسسسسسسسسسسسل

محمد مسعود الزيات كتب:

استفسار بسيط من ادارة المنتدى كم عدد المشتركين بالمنتدى الى تاريخة



اامل الرد للاستفادة

استفسار تانى بس من الاخوة الاعضاء

شايف الاستفتاء انقلب راسا على عقب

والعضو المنتقد بالامس هو دلوقتى اى نسبة حسب اراء البعض

كل واحد طبعا حرررررررررررررررررر براية طيب لية نظام

الحكومة داااااااااا انتقض النهار دا واصوتلة بكة هههههههههههه







والله انتوااااااااا ناس عسسسسسسسسسسسسسسسل

ده العدد استاذ محمد

هذا المنتدى يتوفر على 312 عُضو.

شاكر الاهتمام استاذ خالد وياريت كل الاخوة الاعضاء 312

نشوف ارائهم عشان نشوف اتجاههم لان رايك حر وصوتك لازم يكون صوت حق كل منا مسئول عنة مش معنى اننا اشتركنا بالمنتدى انة اننا صفوة المجتمع او اننا فقط المثقفين بالبلد


طبعا انا مع راى الاخ خالد القطان مع انى لا اعرف شخصة الكريم للاسف
ولكن راية جميل وصريح

ومش معنى كدااااا انى بقول مع اوضدد بس المهم ارجع واقول احنا


312 عضو بالمنتدى مع كثرة المرشحين شايفين مصلحة البلد مع مين لانة للاسف اخر انتخابات اشتركت فيها كانت ايام المرحوم الحج فتح الله

فكل المطلوب مننا
1 احنا شايفين مين ممكن يشيل مسئولية اللبلدويخلينا حتى زى الحصة
2 اية اول طلب عاوزينوة ينفذة من البرنامج
اسف بس دا راى حاص بى ارجو مايزعل اى احد من الاعضاء او
المرشحين انا من سوف يضع برنامج العضو

1 0 عمل استكمال شبكة الصرف الصحى للبلد كاملة مش جزء وجزء
2 0 اعادة شبكة مياة الشرب للبلد ودا ابسط حق علشان انتخبك
3 0 تهيئة سوق الخضار المسمى بمستشفى والعمل عليها وتجهيزها
كمستشفى تليق بالبلد واستوعاب البلدوجعلها تقوم بدور فعال غير
بدل بهدلة اهل البلد وانا انتخبك
4 0 عمل اسفلت جيد يليق باهل البلد واسفلتش امام او شارع اللى انتخبونى
واللى ماانتخبك لا
5 0 مساعدة الفلاحين اللى احنا منهم بمياة الرى ومايخصهم
6 0 الوقوف على بيت مال المسلمين باشخاص تثق الناس بهم وجعل الاستفادة
للمحتاجين
7 0عمل موقف سيارات خارج نطاق البلد
8 0 ردم جميع الترع الموجودة بالحيز العمرانى واستبدالها بقنوات صندوقية
للمحافظة على اهل البلد من الوباء واتقاء شرورها
9 0 مساعدة البسطاء الطموحين منهم بسلك الشرطة كى يخفف الضغط على
السئول

طبعا كلامى دااا راى الخاص بى وطبعا داا طلبى من اى من المرشحين

لو واحد تقدم وقال انا هعمل داااا من حقة علينا ان نقف جميعا اهل البلد
خلفة ومساندتة حتى خارج البلد






والله انتوا ناس عسسسسسسسسسسسسسسسسسل

وعلى فكرة لو ماعرفوش ينفذوا البرنامج انا برشح نفسى الدورة اللى بعدها

هههههههه عسسسسسسسسسسسسسسسسسسسسسسل

جميل اوى رايك استاذ محمد بس ده مش رايك الشخصى ده حلمنا اللى احنا اتكلمنا فيه من اول المنتدى متعمل ودى هى متطلباتنا وعاوزينها تتحقق والله العضو من البلد مش من البلد نستناك الدوره الجايه على ما تترشح مفيش مشكله المهم عندنا ان الاحلام دى تتحقق بغض النظر مين هيكون عضو مجلش شعب او غيره

قشطة

صباحك فل استاذ محمد ويارب اكون خفيف على الناس وبحمد ربنا ان راى من رايكم

بس نفسى اى حد من المرشحين الاربعة يكون شاف افكرنا دى يرد عليها او

يوعد بتنفيذها واكيد كلهم متابعين المنتدى





وكمان عسسسسسسسسسسسسسل

انت بتنده في مالطه
ذيك ذي الاستاذ خالد القطان برده بينده في مالطه
اذا كان فكر المثقفين كدة
يبقى فكر الفلاحيين ايه
اقول لك فكر الفلاحين والناس الكبار اللي الاستاذ بيقول عليهم
ياخي ربنا هو اللي عايز محي كده وه هو اللي جابه عضو نقوم نكفر ونتعترض على امر ربنا والله الشيخ عبدالهادي قالها لي بنفس اللفظ
مفيش فائدة

كـــــــــــــــــلام جمــــــــــــــــــــيل كــــــــــــــلام معــــــــــــقول
ومقدرش اقول حاجة عنه لكن حبيب قلبي المجهول مش لاقيه فيك حاجه منه


++اولا : - لابد ان يكون هناك مصالح لاننا اصبحنا في زمن المصالح والتربيطات ومنقدرش نقول غير كدا الا من رحم ربي واحنا بقي دورنا ندور علي اللي ربنا رحمه ده وميكنش بتاع مصالح ؟؟؟؟؟
ياجماعه ياريت تستحملوني شويه انا قريت كل الكلام الموجود واللي يخص الموضوع ده وبصراحه كلام كله يجنن وهما دول اولاد شباس بجد اللي يارب نكون جميعا سبب في رفعه هذه البلد الصغيره شباس والذي سيعم اكيد بالفايده علي البلد الكبيره مصر وفي خدمة ديننا الغالي ( امييييييييين)
بس عذرا انا عارف ان كلامي ده ممكن يكون جديد بس اكيد مش غايب عن حد
كل الاحلام والاراء المكتوبه والامنيات المطلوبه جميلة جدا بس حابب اضيف عليها حاجة صغيرة بس في اعتقادي دي اهم حاجة عايزين واحد يقدر يقول للحكومة ( لأ) ومش اي(لأ) وخلاص ومش علي اي حاجة لازم يكون متحنك سياسيا وفاهم كل اللي بيحصل حوليه ويبقي عارف امته يقول لأ وامته يقول اه لان للاسف دور المرشح في مجلس الشعب مش انه يقدم خدمات ولكنه دوره انه يدرس ويوافق علي قوانين وتشريعات وزي ما احنا شايفين حولين كل يومين يطلعوا بقانون جديد يلموا بيه فلوس ويدوسوا بيه علي رقاب الناس ومفيش حد يقدر يقول لأ عشان الاغلبية للي هما عاوزينه لسه قريب خالص قانون الضرائب العقارية اللي طلعت فتوي من مجمع البحوث الاسلامية ببطلان هذا القانون وان مينفعش الناس تدفع ضرائب علي بيوت اشتروها او بنوها بحر مالهم وده حتي مش في الاسلام وعلي حد علمي مسعناش بيه في اي مكان غير مع السيد (غالي) ولسه الاتي اسوأ اذا مكناش نتحرك لان حاجات زي دي هتأثر علي مصر عموما بالتالي علي كل البلاد والقري ومش معني كلامي اننا نهمل الاصلاحات الداخلية الموجودة والمهمه للبلد ولكن يجب علينا عند اختيار المرشح وضع هذه الفكرة في اذهاننا جنبا الي جنب مع هذه المتطلبات


وشكرا لكم

كلام جميل استاذ ياسر بسسسسسسسسسسسسسسسسسس
اذاكانا رب البيت بالدف ضاربا فشيمة اهل البيت 00000000000000000
فعلشان نعمل اللى انتا بتقول علية لازم نبدا بانفسنا اللى هى متمثلة فقريتنا الصغير ة لانة وباختصار لو كل القرى الصغيرة اختاروا من يمثلهم اختيار موفق
وجميع المدن والاقاليم اختاروا صح هيوافقوا على القوانين اللى بتقول عليها

وربنا


يستر

ولا زم نبدا بالاصلاح الداخلى اولا

ياريت نشوف تداخلات من باقى الاخوةة الاعضاء لانى شايف اليومين مفيش حد







ذنتوا ناس عسسسسسسسسسسسسسسسسل

اهم حاجة عايزين واحد يقدر يقول للحكومة ( لأ) ومش اي(لأ)
والله كلام زى الفل اى والله زى الفل

ايه ياد الحلاوة دى ياله
قشطة

انا معاكم فى الليله دى
بس هل فيه حد من المرشحين
يقدر يعمل كده
ولو فيه حد ناوى ينفذ برنامج انتخابى كان قال عليه
وحتى لو باقل من الى الستاذ محمد قال عليه هنرضى بيه
وهنسانده بكل طاقاتنا
بس للاسف مفيش

اذاكانا رب البيت بالدف ضاربا فشيمة اهل البيت 00000000000000000

شكرا لك يا استاذ / محمد
وشكرا علي مرورك واعذرني مش فاهم معني الجملة دي
فاذا كان قصدك البلد واللي بيحصل فيها فانا لم اقل شئ غير ذلك وكان قصدي زي ما احنا بندور علي مصلحة القرية بتاعتنامفيش مانع ان احنا كمان ندور علي مصلحة العامة الكبيره معاها ونبص لقدام شويه ونعرف ان الهدف الاساسي من مجلس الشعب هو سن القوانين والتشريعات ومتابعة الحكومه مع الخدمات وانا بكرر مع الخدمات ولكن احنا اختزلناه بس في الخدمات ونسينا اهم حاجة وبالنسبة الي التغير ماهو ده
اللي انا بقوله ولازم زي ما قولت حضرتك يبدأ من انفسنا مع اصلاح اللي حولينا
وتنبيههم واظن ده من التغير

وشكرا لكم

اهلا بيك استاذ ياسر
اولا بالنسبة للجملة اذاكانا رب البيت بالدف ضاربا فشيمة اهل البيت هى 00000000000000000 اذا كانت الحكومة مش عارفة تسن قوانين العضو بتاعك اخرة يرفع ايدة او يهز رقبتة اذاا اهم شىء يخذم البلد






عسسسسسسسسل

السلام عليكم ورحمة الله وبركاته
من متابعتى لتعليقاتكم على الموضوع وهى تعليقات اكيد جميلة وبترسم الحياه المستقبلية فى شباس وانت كلكم ناس احرار فى اختياراتكم بس اهم شى المبدا وما يكونش ان بهاجم فلان علشان لم يقضى لى مصلحة واذا وقفت ضده يبقى موقفى ما يتغيرش ( ثبات الموقف حتى لا يحدث خلل عند العوام) اوووه انت ناسين العوام من الناس فى شباس وهما الغالبية العظمى والمؤثرة فى الانتخابات وال هيغير شباس مش المثقفين او ال بيشيتو ع النت ال هيغيرها ال بياثروا فى هؤلاء العوام ربنا يكفينا شرهم ال ماشيين بمثل ال نعرفو وال يجى فى الحزب
وال معاه ناس ياما وال بيخوف اكتر وكمان انتم ناسيين البلاد الأخرى وكأن شباس مركز وبصراحة انا لم اقابل احد معارض فى حياتى فى بلدنا الكريمة لوجه الله اما يكون معارض لمحى علشان مصلحته او هو معاه علشان مصلحته دورو فى خبايا النفوس هتلاقو الكلام ال بقوله صحيح

وعلى فكره انا معارض لمحى من البدايه وبدون اى سبب شخصى وعمرى ما كنت معاه من اول ما اترشح ولكن زى ما هو ليه سلبيات كتييييييييييييييييير له بعض الايجابيات القلييييييييييلة وبصراحة الناس ال مترشحة فى المركز مش عاوزة تخدم الناس احنا عارفين ومتاكدين انهم عاوزين يخدمو نفسهم بس ومصالحهم فقط لذلك لا يستحق اى فرد منهم ان الواحد ينزل من نفسه ويبقى تابع لهم والله يرحمه الأستاذ عبد العزيز خطاب هو الوحيد ال كان ممكن ينفع البلد
ربنا يرفع عنا ظلم حكامنا ويحرمنا من رؤية وجوههم وينور بصيرة كل واحد حتى يدرك ماذا يفعل فلا يفعل الا مافيه مصلحة الدين والبلد


وشكرا

كيف حالك يا محمد عبد الستار وكل سنة وانت طيب

حبيب قلبى سيد باشا اخبارك يا ابو الزهراء كل سنه وانت طيب يا باشا يا رب تكون بخير

السلام عليكم
على فكرة انا من الاول قلت انى مش شايف اى حد يصلح من الاعضاء الاربع
واخترت لا احد
مهو مش ممكن ارشح واحد وهو لا يصلح وانا من هنا ومن موقعى هذا ارفع
شعار لازم كلنا نتبناه ( صوتك امانه اعطه لمن يستحق ) طيب ممكن واحد يسال طيب لو مفيش حد يستحق نعمل ايه ببساطه شديده جدا احتفظ بصوتك ولا اعطيه لحد والله يا جماعه ان الله لا يغير ما فى قوم حتى يغيروا ما فى انفسهم لا محى ولا سامى ولا عبدالحميد هيعمل اى شئ لنا لازم يكون عندنا يقين بالله ونزهد الدنيا شويه ونبص شويه للاخرة ونعرف ان اقدار وارزاق ربنا موزعها مفيش حد هياخد اكثر من رزقه يعنى محدش هيفيد حد الحرامى لو صبر ومسرقش كان هياخذ السرقه بالحلال بس استعجل ولو رجعنا الى القراءن والحديث الشريف هنعرف انه لو اجتمعت الدنيا على ان ينفعونا بشئ لن ينفعونا الا بشئ قد كتبه الله لنا والله الموفق ولكم تحياتى