قول يا عمنا يا حلو قول وسمعنا

طبل الرصاص والبارود طبب مسامِعنا

و كلامنا أصبح بُكا من كتر أوجاعنا

كلام ف حب شباس ولُه معنى

يمكن ف عز المحن يقدر يطلّعنا

لفجر لسه وليد... لنهار يِجَمّعنا

لساك يا ضمير شباس بتنده واحنا ما سِمعنا

باهت اوى صمتنا وما عدشى ينفعنا

كُتر الخَرَس هدنا ولاّ خلاص ِضعنا

دا الدم دا دمنا..ولا احنا ايه؟ بيعنا !!!

*****

والله ما عاد بيطيب لى طبل واخواتى

اسرى ف حضن الوطن والكل بيطاطى

مكتومه يا صرختى يا طول مُعاناتى

غرقنى دمك يا نعمان ,, يا صرخه بتهاتى

واللهِ ما اخد عزاك الا ف نهار ...آتى

تطيب معاه الطبول..... ِليّا ولخواتى

*****

عرفت يا عمنا امتى يطيب طبلى

لما تكون الطبول بتقول دا فاض صبرى

والديك يصيح بالقوى والكل قال وياه

يا شباسنا يكفاكى قولت اه

راجعين يا موطني

راجعين نقول الاه

الفارس المنتظر

هانت خلاص لقياه

ويا فرحة وطارحة الحب فـ كل مكان

ليه ناسيانا وليه فيتانا للأحزان

صفحات العمر البيضة هتحكى للأيام حكايات

من غير ماتلومك ولاّ تعاتبك

ولا هتنادى ف مرة عليكى

او تركع وتبوس رجليكى

صفحات العمر البيضة الشاردة ف قلب كتاب

وسحاب بيمر يغيّر لونها

يهز كيانها

يموّت فيها طعم ومعنى وشكل ولون

وتكون

اشلاء....اطلال

او فرع بفعل الريح يصبح رحّال

ولا عارف رايح فين...... رحّال

ولا عارف جاى منين......رحّال

واهى كلمة خفيفة وسهلة

وف أى مكان تنقال

لو واحد تاه فى الغربة

أو ضل الناس والصحبة

أو حتى سفينة وسايرة ف قلب محيط

أو واحد سابح وحده ف بحر غويط

*****

وبرغم الرحلة الصعبة

صفحات العمر البيضة مسافرة

من غير متقولك عدى عليها او ضميها

أو تطلب منك كلمة

أو حتى مجرد بسمه

صفحات العمر خلاص

مش محتاجة لونّاس

****

وانت يا حزن يا ساكن

يا معتّم فى القلب ضياه

لسة بتنطق كلمة لكن..!

آه من كلمة لكن آه

لكن ايه؟ وازاى هقبلها

وانت مليت الصفحه بحالها

اسمع منى كلمه هقولها

اوعى تفكر ان مكانك هنا هيدوم

او انى معجب بجنابك

راحل راحل من صفحاتى دا شىء محتوم

عارف ....عارف ايه اسبابك

قــــــشــــــــــطـــــــة

الله عليك
تسلم الأيادى

قدر يا صاحبى تدلنى

وتاخدنى وياك بين آلامك والهموم

يمكن ف لحظة متْوجع

انهض واقوم

تقدر؟

تقدر تشيل من جوه جوايا السكات

اللى شنق صوتى وخلانى ما حسش

قلبى صاحى ولامات

تقدر؟؟؟؟؟

تقدر تعلمنى كلام

لساك يا صاحبى ما قلتهوش

اصل اللى كنت بقول فهمته

اه للاسف.....

مفهمتهوش

الوشوش ممكن بتضحك

والملامح فرحانين

بس فيه احزان دفينه

جوه شريان الحنين

لِسه فيه احوال تحير

لسه برضه عيون قلوبنا مدمعين

م اللى محبوس واللى غايب

والعيال متشتتين

واللى احزانه...

بتتعبى ف زكايب

واللى مات م الجوع ...

وصاحبنا واهله شبعانين

مششششششششششششششششششششششششششششششششششششكور حبيبى

الله عليك يا شريف
والله مافى كلام بعد كلامك يتقال
والله كلام فيه حكم وامثال
واللى يقول غير كده يا كذاب يا محتال
الله عليك والله تسلم يا بن الحلال

مرورك اسعدني ابو سيف
وذادت سعادتي بمرورك ابو انس

يا دمي خليك حبر

وارسم علي الجدران

بيت في قصيدة شعر

موزون بأحلى ميزان

يبقى كفعل السحر

في الحِس والوجدان

ومن قمقمقه يظهر

المارد الكسلان

يضرب بإيده الصخر

يتفجر البركان

يحرق سنين القهر

والسجن والسجان

تغرب شموس المُر

شمس السعاده تبان

بمرشح تاني غير

يا محي يا قطان

الناس غلابه

استسلموا لإيد القطان

يرسم لهم شكل الملامح

يتهجي ليهم حرفهم

والناس ياعيني اتعودت

واقفه حياتهم في انتظار

فتوي الأمير

ومحددين ليهم مسارهم

ومخّتّمين حتي المصير

ممنوع ياخطوه تحددي

ف يوم اتجاهك

وبدون أوامر م الكبير

الناس غلابه ومطحونين

مابين رحاية حضرة النائب المٌهاب

و بين رحاية الاحتياج

ومافيش علاج

لافي الانتخاب

ولا الانتحاب

ومشواورنا ويا الليل طويييل

والفجر رافض حتي إنه نشوف ضياه

الحلم تاه

والناس ماعدشي بتفتكر غير بس

آآآه

النائب راجل مستقيم ؟

آآآآه

النائب حُكمه في السليم؟

ويردوا

آآه

والنائب يحكم في الرقاب

وبشرع غاب

والناس خلاص استعذبت

طعم العذاب

والحلم غاب

وماعدشي فاضل ف الصدور

غير بس

آآآآآآآآآآآآآآآآآآآآآآآآآآآآآه

السلام عليكم
موضوع جميل
يمكن انا داحل متأخر شويه بس انا ليا وجه نظر تانيه يجب انا نعطى لكل ذى حق حقه بمعنى
انا شايف ان فيه اجتماع او شبه موافقه على ان الجميع لا يرغب فى دورة انتخابات يقودها النائب الحالى طيب ليه لازم يكون عندنا سب واضح لكدة مش مجرد كلام وخلاص يا جماعه بلدنا حلوة جدا وعاوزين تتأكدو من ذلك انظروا الى قريتنا بين جميع قرى المركز الحمد لله احنا احسن من غيرنا بكتير اقولكم نتكلم بصراحه
عاوز اى حد يذكرى قريه احسن من بلدنا اقولكم انا ( عزبه الحجر - قزمان - قونه - البكاتوش - صروة -..................الخ
انا شايف وبدون مبالغه ان بلدنا اقل بلد فى المركز ......اخر بلد هتترصف فى المركز اخر بلد دخلها المجارى يا جماعه احنا عندنا عضويه مجلس الشعب اربعين سنه اتخيلوا كده بلد فيها عضويه مجلس الشعب اربعين سنه ولسه ده حالها لك ان تتخيل لو ان عضويه مجلس الشعب فى اى بلد غير بلدنا كان هيكون وضعها ايه عارفين معنى ايه ( 40 سنه فى مجلس الشعب )
1- قريه كمدينه
2- وظائف مرموقه
3- على الاقل 80 ظابط شرطه بمختلف الرتب من مختلف العائلات
4-
5-
6-
....................... الخ
اتمنى ان يذكر كل منكم ما هو تخيله فى ( 40 سنه عضويه مجلس شعب )

على فكرة انا لست مؤيد لعضو معين او معترض على عضو معين انا طرحت موضوع قبل كدة وقلت لازم نفكر بأكثر عقلانيه واكثر وضوح
( نحو بلد افضل )
ده مش هيكون بعضويه مجلس الشعب لا والله لازم احنا نتغير من داخلنا لازم نوزن الامور بشكل افضل واصح على سبيل المثال عندنا عضو مجلس شعب اربعين سنه ايه اللى جد على بلدنا لا شئ بإستثناء ظاهرة تجارة المخدارت لازم الناس المثقفه تغير من ثقافه البلد وتفكر مع الناس وتحترم وجه نظر الكبير قبل الصغير وسيبك من اللهجه المتبع ان اناس مش فاهمه حاجه لا بالعكس الناس فهمه كل شى بس فى الاخر تحكمنا ( العاطقه ) لا التفكير بأكثر عقلانيه
شوفوا لازم نعمل اجتماع لجميع البلد يحضره كل المرشحين بمنتهى الديمقراطيه
احنا بلد واحده وكلنا اهل واصحاب وهدفنا واحد ( نحو بلد افضل) صح
الكل يحضر وكل واحد يذكر الاجنده بتعته فى الانتخابات وناوى على ايه لصالح البلد ويوضح وجه نظرة ويتعهد بتنفيذها اجتماع بين اربعه مرشحين
وجميه اهل البلد ولازم نختار بعقلانيه

نحو بلد افضل
لدى وجه نظر ايه رايكم يتعمل اجتماع فى البلد يحضرة الاربع مرشحين وكل واحد يذكر الاجندة الخاصه به لتطوير البلد فى حاله نجاحه فى الانتخابات ويحضرة كل اهل البلد ونشوف مين اكثر اقناعا وكلنا نقف خلفه
فى الاخر احنا عاوزين مصلحه البد صح
على شرط ان يتعهد امام جميع اهل البلد انه فى حاله عدو الوفاء بما ذكرة فى الاجنده لا يترشح مرة اخرى ابدا ويترك البلد نهائيا مع انى خايف ان يكون لكل منهم هدفه الخاص يريد ان يحققه فى دورة واحده ويخلع

أنا سعيد جدًا وأنا أقرأ هذه الأفكار لكوكبة من أبناء شباس يهتمون بشئون بلدهم ويحللون الأحداث وأود أن أقول لكم هذا جميل وكنا نحلم أن يكون في جيلنا ولن احذروا أن يكون سببا في الفرقة بينكم أو يكون ظلما للآخر فالأمر يحتاج إلى روية ودراسة وتقييم شامل لكل من يريد الترشح وهنا يكون الاختيار نوعا من الشهادة وهي إما أن تكون شهادة صدق أو شهادة زور والعياز بالله ( ولا تكتموا الشهادة ومن يكتمها فإنه آثم قلبه ) أدعوا الله أن يوفقكم لاختيار الأفضل علما وخلقا ودينا وفهما وما فيه مصلحة للقريب والبعيد ، وفقكم الله لكل خير وسدد خطاكم .

مشكورين جميعا على الافكار
الجيده والمساهمات الرائعه
والله انا سعيد جدا
ان فيه ناس جديده ودماء جديده للمنتدى
وبتفكر التفكير ده
وده اللى كنا بنسعى اليه
منذ دخولنا الى المنتدى
واشتراكنا فيه
وهو النقد الفعال
والمشاركه بالحلول وتدعيم الصواب
واشكركم جميعا مره اخرى

شباس عمير ورجالها يخصون بالشكر ابنهم الكابتن / مصطفى حامد وابن شباس الحاج / عبدالفتاح عباده لحضورهم مؤتمر شباس عمير ومباركتهم استكمال ابن شباس محى الدين القطان لمسيرته.
فنقول لهم تلك هى معادن الرجال
وهؤلاء دائما رجال شباس عمير وابناءها المخلصين الذين نفتخر بهم وبفكرهم ورأيهم وحرصهم على مصلحة شباس عمير

--------------------------------------------------------------------------------

بسم الله الرحمن الرحيم
لو انفق ما فى الارض جميعا ما الفت بين قلوبهم

صدق الله العظيم

سجل يا تاريخ الخميس 1/7/2010
اشهد يا عالم
شباس عمير قالتها للعالم
قالتها بكل لغات العالم
قالت رأينا واحد ومرشحنا واحد
فنحن بلد الرأى الواحد والمرشح الواحد
اختارت شباس عمير مرشحها
اختارت محى القطان ليحمل رايتها
فقد ضربت شباس عمير المثل بفكرها ورجالها
اتحد رجال شباس على كلمة سواء
اتحدوا ووضعوا نصب اعينهم مصلحة شباس
قالوا له اكمل على بركة الله مسيرتك
ولا تلتفت للمضللين الحاقدين
قالتها شباس بكل حرية
قالتها مدوية
وجاء المؤيدون من جميع قرى المركز
قالوا يا محى لا نعرف مرشح سواك
يا محى لا نعرف مرشح يحمل طهارة قلبك ويدك
قالوا له بكل الحب جئنا نبايعك يا محى
فالحب يا سادة لا يباع ولا يشترى
تلك هى الاغلبية
تلك هى الاغلبية
تلك هى ألسنة الحق
تلك هى شباس عمير

فالحمد لله
الحمد لله وحده لأنه وحده يعلم النوايا والقلوب
يعلم ما تكن الصدور

ولا تلتفت للمضللين الحاقدين
يا حاتم صن لسانك

فيه ناس

تتمنى تعيش ولا نص العيشة اللى عايشها في الدنيا كلاب

فيه ناس منداسة ومحنية

مرقوعة ميتين قبقاب

اتخنقوا فول أو طعمية

وكلاب بتلُغ كباب

عايشين على الهامش طول العمر

دايقين الفقر كاسات من مر

ومناهم بس الحظ فـ مرة يرق يحن

عشان العيشة تروق تحلو

جاهزين علشان اللقمة يقول الهو

هوهو هوهو

هوهو هوهو

وبجد قالوها ببساطتهم

والدنيا قالتها صريحة كمان

هههأأو ههأأو

أنا نِفسي فلان يفوق وبس

أو حتى باللي صاب فلان جاره يحس

الترس داير ع شباس ودائرة قلين

في كلّ فجر بيتولد مواطن حزين

شباس مزلزلها الدمار

والدائرة عايشة العمر نار

والأمس باتت في حسرة الانتظار

وعمى عنيها الدمع من طول الفساد

طب بكرة مين ؟؟

كل الدائرة مستنين

عارفين بإن الدور هييجي بعد حين

كل الشموس واقفة بتستنى الأفول

بس الأمل هيعيش ويتحقق ولو

متنا ضحايا بكف غول

رغم اني سعيد اني بقرأ الكلام ده بس في غاية الحزن والاسف لان شايف ان احنا مازلنا لانستطيع ان نطبق سياسة الرأي والرأي الاخر وفي ايه لما يكون واحد معترض معاك في وجه نظر ايه المشكلة وزي ما بيقولوا الاختلاف في الرأي لا يفسد للود قضية (وبعدين شوفوا اللي حوليكم واتعلموا احنا كعرب بقالنا كام سنة عمالين نتحاور ونتناقش بينا وبين اسرائيل ودايما في خلاف ورغم كدا الود مازال موجود واللي يقول غير كدا يبقي ......... وعشان مفيش حد يفهمني غلط انا بتكلم علي الناس الكبيره مش علي الشعوب)ومفيش حاجة تانيه اقولها غير اني من اول ما وعيت وعرفت يعني ايه انتخابات وانا مش موافق عليه لاني مش شايفه يصلح لشئ وده رايئ وانا حر فيه وحاجة اخيره احب اقول سبحان مغير الاحوال والحدق يفهم وتقبلو مروري مع خالص تحياتي لكم (ابو اياد)

وجميل الكلام الكلام ده ياابو امال مع تحياتي

الله ينور يا معلم لا تقولك
قشطة

شكرا يا عم ياسر فينك من زمان
ومشكور مرة تانية على مرورك العطر وتعليقك الجميل وسبحان مغير الاحوال

بسم الله الرحمن الرحيم
ادعو اخواني كلهم قبل ما يعلقوا على اقتراح الأخ الفاضل انهم يستمعوا الى قصيدة نزار قباني واسمها على ما أظن السياف وده ارابط بتاعها أعتقد انهم بعد ذلك ممكن يكون رأيهم أكثر وضوحا
https://www.youtube.com/watch?v=lWvDAxIwrbU

اى اقتراح اخى الفاضل
ومين الاخ اللى طرحه
وايه علاقته بالقصيده دى

عايزين يكون في حوار راقي نقدر نستفيد منه ونقدر نقيم الظروف واللي بيحصل صح وتتضح الصورة للكل عشان نكون علي بينه ونقدر نخدم البلد دي وبعدين كل واحد له عيوب ومحاسن بس المشكلة بقي لما يكون الواحد مساوئه اكتر من محاسنه دي تبقي المشكلة وخصوصا لما تكون واضحه وباينه زي عين الشمس واحنا بنحاول نغمض عليها مبنحولش ان احنا نكشفها

وسلامي ليكم

الاخ حاتم انا شايف حضرتك المتحدث الرسمي
وماشاء الله قاتل نفسك بالدفاع
ياترى اااااااايه
السبب؟؟؟؟؟؟؟؟

واد بتاع انتخابات

صح

اين الحوار الراقي ياشباب شباس عمير؟

على فكرة لازم نكون ارقى من ذلك لان الاختلاف لايفسد للود قضيه اول شئ ان كان العضو هى دى فايدته يجيب واحد مات فى الجنوب يطلع واحد من السجن ابقى قول على الدنيا السلام لان كلمه عضو مجلس شعب اكبر من كدة بكتير او المطلوب منه اكبر من كدة بكتير ان الفكرة ان خدمات العضو تقتصر على كدة بس انا اؤكد ان اى واحد فى شباس عمير يصلح يكون عضو مجلس شعب لان بكدة ان المطلوب منه انه يعرف حارس كل مصلحه علشان يقدر يقدم الخدمات دى وشكر
ارجو نفكر بوعى شويه

الاخوه الاعضاء من ردودكم لازم يسمي
المنتدى باسم معركة الاعضاء وليس لم الشمل وعيب على كل واحد يخرج الالفاظ البذيئه دي وراعوا ان المنتدى فيه جنس آخر فاعتبروهم اخواتكم ولا يجوز التلفظ بهذا الكلام امامهمواستعيذوا من الشيطان الرجيم وتحلوا بروح الاخوه والمحبه يجزيكم الله خير

ارجوا من الاخ سليمان التزام الادب والحاجة اللي هو مقتنع بيها يخليها لنفسة
ميفرضهاش على احد وكذلك الاخ العربي بلاش الردود المستفزة
وسيبك ده من عائلة مين ولا دة من عائلة مين
المهم كلنا من شباس ولو بتنقاس بكبر العائلة
عائلتك يا عم اكبر عيلة في البلد
وعلى فكرة اقل عدد اصوات بتنتخب
والكل عارف كدة طبعا
واذا كنت جاي للخناقة واخراج الفاظ بذيئة فهذا المنتدى ليس مكانها
ولو سمحت نرجو عدم تكرار ذلك

ايه يا بقوش انت فين من الليله دى
المفروض فيه اعضاء تتحذف عضويتها
مش كل يوم والتانى واحد يدخل ويعكر صفو
المنتدى وارجو من جميع الاخوه
عدم التعليق على اى تعليق خارج عن حدود الادب
وبعدين الاخ سليمان انت اللى من الاول كتبت
اذا لم تدرك مدى التيار : قم فعتلف تبنا فانت حمار
يعنى كده انت بتسب اى حد معارض لفكرتك
يعنى انت من الاول محترمتش رايه
يبقى عايزه ازاى يحترم رايك

يا جماعة احنا اتفقنا ان كل واحد حر فى كلامه ولازم نتعلم بقه نقبل اراء الغير وبعدين اعتقد انا الفكرة والهدف من المناقشه فى الموضوع دوت وصلت من زمان فياريت اى حد يتكلم يكون عنده فكرة جديده او راى جديد مش مجرد انى اشوف فلان قال ايه واعلق على كلامه لازم يكون ليك راى مش مجرد انك ماشى مع التيار وخلاص والناس اتكمت فى الموضوع بشكل عام وليس شخصى
يعنى النقاش كان بيدور احنا عاوزين ايه لبلدنا وازاى تكون احسن بغض النظر مين هيكون عضو مجلس الشعب الفترة القادمه نحن لسنا مع احد ضد احد والمنتدى ليس بوسيلة دعايه مع او ضد اى مرشح المنتدى هدفه التواصل بين ابناء شباس فى كل مكان ولكن كان من الطبيعى ان عضو مجلس الشعب الحالى يكون هو محور الحوار بحكم موقعه وبحكم المسئوليه المحمله على عاتقه تجاه البلد وللمره الالف بناكد ان الموضوع ليس شخصى بالمره وبردك كالعادة لازم نقول


قشطة

مشكور اخ محمد على كلامك وهو ده الكلام
وبعدين يا اخ سليمان احنا كنا بنضحكوا على الناس زمان بالكلام ده والاخ شريف يعرف بس الحمد لله ربنا تاب علينا.ويا اخ سليمان طول مبنفكر بطريقتك عمرنا ما هنعرف يعنى ايه كلمه ديمقراطيه ونربى اولادنا مقيدى الفكر والعقول وخلاص.وبعدين يارب النائب ينجح من البلد هيكون خير لكن دورنا احنا اولاد البلد اننا نعرف النائب ده هو الى متعملش فى البلد وايه البلد محتاجاه هو ده دورى ودورك لكن احنا مش بنهاجهم واللى يفكر كده يبقى اعمى والاخ احمد بقوش يعرف اننا لسنا مع احد ضد احد

السلام عليكم
السادة / أعضاء المنتدى المحترمين

ياريت تتقبلوا إعتذارى بالنيابة عن الأخ / سليمان أبو بكر
و لكم منى أطيب الدعوات بالتوفيق

و فى النهاية بأكرر أسفى للجميع

مقبول اسفك يا كبير ويكفينا ردك

فعلا كبير احييك استاذ محمود

قشطة

ياجماعة الخير انا قصدي اي واحد مش هيختار العضو الاقوي والله مش شرط محي القطان او غيره على فكره انا معرفش مين المرشحين في البلد ويمكن يكون فيهم اقوى من محي يعني لو واحد اختار الاضعف يبقى دا مش عاوز مصلحة البلد يبقا ايه دا ايه قولو انتو وابقوا افهموا الراي مش تشتموا وخلاص وانا ما شفت واحد رد على الاخ العربي ولا دا علشان معاكم

الاستاذ محمود ابوبكر
دا رائي في اللي ضد مصلحة البلد سواء محي او غيرة يعني الناس اللي غلطت مافهمت الكلام كويس هما خدوا كلمة حمار وعلقوا عليها ومش فهمين هي منطبقه على مين الاخ اللي بيقول تخصص زرايب ياريت ما يغلط تاني ولا اي حد غيرة يغلط علشان ميسمعش كلام مش كويس

يا سليمان انت لو اخدت بالك هتلاقى مساهمات العربى ده مساهمه واحده يعنى مفيش حد فى المنتدى يعرفه لسه يعنى ايه معانا يا عم احنا كلنا اخوات مفيش حاجه اسمها معانا ومش معانا وبردك لازم نقول
قشطة

انت داخل تهددننا ولا ايه
ثانيا اي واحد يعبر عن بيئتة وعن ما بداخلة
سواء كنت انت او العربي هذا
الكلام السيئ يعود على صاحبه اولا وليس على الاخريين
ثانيا ياريت تعرفنا بنفسك اكتر
سليمان ابوبكر مين
عائلتك كبيرة وفيها الف سليمان
وتقبل مروري

السلام عليكم ورحمة الله وبركاته
الاخوه الاعزاء اعضاء المنتدى الحبيب
بكل كلمات الاسف والاسى انعى اليكم وانقل لكم خبر وفاة الاخلاق
انا لا اصدق ما اراه فى المنتدى من تدنى المستوى الفكرى والثقافى ولشديد الاسف ان معظم الناس اللى فى المنتدى هم خلاصة التعليم العالى والفكر المهذب والثقافه طبعا جيل الكمبيوتر والانترنت ياحسرة على العباد
طبعا لا يوجد اى كلام يعبر عن الوضع الحالى ولكن احب ان انوه عن شئ وهو اعتذارى واسفى الشديدين لكل اعضاء المنتدى فكلهم اخوه واصدقاء عن الالفاظ التى صدرت على صفحة المنتدى نيابة عن الاخ سليمان ابو بكر وارفض تماما الاسلوب الذى تكلم به وارجو من كل الاخوه قبول اعتذارى فهو الذى يخصنى اما الاخ محمد احمد العربى الوم عليه فى رده بهذه الطريقه وليعتبرها عتاب من اخيه الصغير وفقكم الله لما يحبه ويرضاه بس اسمحولى اقولكم كلمه فى النهايه يا خساره ياشباس

جزاك الله خير يا اخ محمد وجعله في ميزان حسناتك

بعد اذنكم جميعا تم ايقاف عضوية الاخ سليمان والاخ محمد العربى وذلك لعدم احترامهم لقوانين المنتدى...

تحياتى
لأدمن المنتدى

سلاام عليكم اشكركم على الاهتمام بس بالنسبه لموضوع النقاش شباس عمير مش هتتغير زى مصر مش هتتغير نصف الفى الموقع ملهمش اصوات والنص
فالتانى مش فى البلد

اولا مرحبا بيك يا طارق فى منتدى ابناء شباس عمير ثانيا كل الاعضاء الموجودين فى المنتدى لهم اصوات انتخابية لانهم من ابناء شباس عمير

اخواني
واخواتي
نطوي هذه الاساءات
ونبدأ من جديد
بكل ادب
وكل محبه
واحترام
بيننا

اخى سليمان انك من المحظوظين ليعتذر بالنيابه عنك
اثنان نراهم من الاشخاص المحترمين
الاخ محمود سعد والاخ محمد ابوبكر
ولكن مازال لى لوم عليك ان تذكر شخصا بعينه
وهو الاخ حسام الذى نحسبه من الاشخاص المحترمين فى هذا المنتدى
ولا نقبل ابدا ان يوجه اليه او اى من اعضاء المنتدى الافاضل اى اهانه
وشكرا

اشكرك ابو انس على كلماتك الرقيقه وده شرف لينا
ثانيا انتهز الفرصه لاعتذر لحسام شخصيا واشكره على سعة صدره
بعيدا عن اى شئ هو اخ وصديق اعتز به

من حقك ادمن المنتدى انك المشرف الرسمي للمنتدى ونفوضك تماما بمن تراه خرج عن الذوق العام احذفه فورا حتى لو داخل باسمه كاملا

بجد بأحيى الأستاذ/دارك على كلامه وكمان على ثقافته العاليه مع إنى لسه ماعرفتوش بس بجد الوحيد اللى كلامه شدنى لأنه فعلًاً كلامه واضح وصريح ...بشكرك يادارك وأحب أتعرف عليك( )

[img][/img]

الى اعرفه واقوله وكلى ثقه ولا يوجد فرد واحد يختلف معى فى الرا ى هو ان تنصرو الله
ينصركم ويثبت اقدامك
صدق الله العظيم
اخوانى النصر والثبات والتو فيق من عند الله ليس من عضو مجلس او رئيس جمهو ريه او غيره

الى اعرفه واقوله وكلى ثقه ولا يوجد فرد واحد يختلف معى فى الرا ى هو ان تنصرو الله
ينصركم ويثبت اقدامك
صدق الله العظيم
اخوانى النصر والثبات والتو فيق من عند الله ليس من عضو مجلس او رئيس جمهو ريه او غيره