اولا مرحبا بيك يا طارق فى منتدى ابناء شباس عمير ثانيا كل الاعضاء الموجودين فى المنتدى لهم اصوات انتخابية لانهم من ابناء شباس عمير

اخواني
واخواتي
نطوي هذه الاساءات
ونبدأ من جديد
بكل ادب
وكل محبه
واحترام
بيننا

اخى سليمان انك من المحظوظين ليعتذر بالنيابه عنك
اثنان نراهم من الاشخاص المحترمين
الاخ محمود سعد والاخ محمد ابوبكر
ولكن مازال لى لوم عليك ان تذكر شخصا بعينه
وهو الاخ حسام الذى نحسبه من الاشخاص المحترمين فى هذا المنتدى
ولا نقبل ابدا ان يوجه اليه او اى من اعضاء المنتدى الافاضل اى اهانه
وشكرا

اشكرك ابو انس على كلماتك الرقيقه وده شرف لينا
ثانيا انتهز الفرصه لاعتذر لحسام شخصيا واشكره على سعة صدره
بعيدا عن اى شئ هو اخ وصديق اعتز به

من حقك ادمن المنتدى انك المشرف الرسمي للمنتدى ونفوضك تماما بمن تراه خرج عن الذوق العام احذفه فورا حتى لو داخل باسمه كاملا

بجد بأحيى الأستاذ/دارك على كلامه وكمان على ثقافته العاليه مع إنى لسه ماعرفتوش بس بجد الوحيد اللى كلامه شدنى لأنه فعلًاً كلامه واضح وصريح ...بشكرك يادارك وأحب أتعرف عليك( )

[img][/img]

الى اعرفه واقوله وكلى ثقه ولا يوجد فرد واحد يختلف معى فى الرا ى هو ان تنصرو الله
ينصركم ويثبت اقدامك
صدق الله العظيم
اخوانى النصر والثبات والتو فيق من عند الله ليس من عضو مجلس او رئيس جمهو ريه او غيره

الى اعرفه واقوله وكلى ثقه ولا يوجد فرد واحد يختلف معى فى الرا ى هو ان تنصرو الله
ينصركم ويثبت اقدامك
صدق الله العظيم
اخوانى النصر والثبات والتو فيق من عند الله ليس من عضو مجلس او رئيس جمهو ريه او غيره

السلام عليكم ورحمة الله وبركاته،،،،،باشكرالأدمن وباحييه على الشغل الجامد ده،وباحيى الأستاذ/محمد الكاشف اللى جاب من الآخر وقال(إن تنصروا الله ينصركم ويثبت أقدامكم) صدق الله العظيم..لكن بالنظر لمصلحة القرية والعضو الحالى باعتقد إن فيه الأفضل أو بمعنى آخر غيه اللى هايعمل أكتر من كده بكتير للقرية، طبعاً كلنا فاهمين ايه يعنى عضو مجلس شعب يعنى يعمل أكتر من كده يعنى يقدر يوظف ناس أكتر من كده ومش أى ناس أنا قصدى الناس اللى تستاهل طبعاًلأن حضراتكم عارفين بل متأكدين إن فيه ناس كتير مش واخده حقها مش بس فى القريه لا فى مصر والعالم اجمع،وفى النهاية باسلم على كل الناس فى قريتنا الجميله وياريت تتقبلونى وتاخدونى صديق فى المنتدى وانا آسف إنى ماطلعتش على المنتدى من زمان (عرفته من واحد صاحبى معايه فى السعوديه) وباحيى الأخ اللى دايماً بيقول (قشطه)....وكلنا لازم نقول (قشطه)

اهـــــــــــــــــلا وسهلا
يا اخ ؟؟؟؟؟؟؟
لوسمحت
اكتب اسمك بالعربي
واهلا وسهلا بك مره ثانيه

كلنا بعدنا عن الموضوع الاساسى وهو استفتاء على عضويه مجلس الشعب
انا شايف يكون محور الحوار ايه اللى نتمناه من عضو مجلس الشعب ومن هو
عضو مجلس الشعب اللى عاوزينه او مواصفات عضو مجلس الشعب

مجرد رأي !!
اولا : اشكرك يا ( ادمين ) علي ترحيبك
ولي مشاركة ورأي بسيط اسأل الله
أن يكون سديد.
من خلال ما قرأت من أراء حول عضو مجلس الشعب
أري أن المساهمين انقسمو إلي اربعة اقسام:
* مؤيد - صاحب وجة نظر - محترمة -
* معارض - صاحب وجة نظر - محترمة -
* مؤيد أو معارض صاحب مصلحة ( كداب زفة )
* ببغاء ( عايز طلقة في فرح ونخلص منة )
فيا أخي إعلم يرحمك الله أن رأيك سوف تسأل عنة أمام الله , والرجل الكيًس الفطن هو من يسأل نفسة هل رأيي هذا لله خالصا أم تدخلة مصلحة شخصية - حتي لو كان رأيك صواب _ فبمجرد وجود هذه النسبة الضئيلة من المصلحة الشخصية يفسد الرأي .
وأريد أن اعرف يا أخي الكريم عندما تعادي ابناء بلدك من اجل عضو مجلس شعب ( سواء كنت مؤيدا أو معارضا) هل هذا صواب ؟
والله عضو المجلس لا يهمة كل هذا ........
ولم يرشح نفسه من اجلكم ولا من اجل البلد..
فإني أري و الله أعلم أن جميع الأعضاء علي مستوي مصر بالكامل ( الا من رحم ربي ) لا يري عنما يرشح نفسه الا شيء واحد - نفسي ثم نفسي ثم نفسي ........... ثم نفسي
وتولع البلد باللي فيها طالما هتبقي معايا حصانة........ يا حلاوة الحصانة !!!!
اصحوا يا بشر ... فوق يا عم منك ليه ....
يا حلاوة الحصانة؟؟؟؟؟؟؟؟؟؟
والبلد بلدنا والمجلس بتاعنا ...
وسلم لي علي المنتخبين ؟؟؟؟؟؟؟؟؟
وازيك يا رامي يا بني؟؟؟

احييك اخى الكريم واتفق معاك تماما والله كلامك زى الفل اى والله زى الفل

قشطة

إلي الاستاذ محمد الكاشف
بالفعل : إن تنصروا الله ينصركم........
النصر والثبات كما تقول من عند الله وليس من عند عضو مجلس أو رئيس جمهورية.
اسمح لي بسؤال يا سيدي....
هل لك صوت انتخابي ؟ هل انتخبت عضو المجلس من قبل؟
هل قام بخدمة البلد كما ينبغي؟
البلد مش الاشخاص !! البلد مش الاشخاص !!
لو لم يقوم بما هو مكلف به طالما اصبح عضوا فكيف يصبح عضوا مرة اخري ومرتين وثلاثة وابنة من بعدة ( لا اقصد شخص بعينة - اتكلم علي عموم القطر المصري )
ان كان نجاحة بمشاركة منك ومني ومن اخرون فسوف نحاسب علي هذا !ّ!
( من اعمالكم سلط عليكم )

مش كده ولا ايه؟؟؟
وسلم لي علي مصلحة البلد!؟

الاخ العضو المحايد
من المفروض
ان يكون هذا المنتدى للتعارف ولم الشمل
فاريت لوسمحت تعرفنا علي حضرتك
وبعدين محايد كيف
انحن في حرب بين جبهتين
فارجوااا منك ان تكتب اسمك لكي
نعرف مع من نتواصل
وتقبل مرورررري

الي الاستاذ / محمد السعدني
تحياتي لك ولكل أبناء شباس
لو ذكرت لك كل بيانات بطاقتي الشخصية فلن تعرفني .....
لذلك فليكن تعارفنا من خلال أرائنا ....
فإن رأيت في مشاركاتي خطأ ما أو تجني علي أحد أو انحياز لأحد
فانصحني مشكورا ......
ولك مني الف تحيه

الاستاذ عنصر محايد اولا مرحبا بك فى منتداك منتدى ابناء شباس عمير ولكن بعد اذنك يا ابو هايدى الاستاذ عنصر محايد زميل اخينا الاستاذ رامى الجرن والاستاذ عنصر محايد ليس من شباس عمير ولكن اعتبرها بلدك الثانية استاذ عنصر محايد.
وارجو ان تتقبلوا مرورى

الاخ عنصر محايد بعد السلام عليكم طبعا اود انو اوضح لك شيئا انا لا يوجد لدى صوت انتخابى ولا عمرى انتخبت عضو لانى خارج البلاد من 15 سنه
ثا نيا انت متفق معى على ان النصر والثبات من عند الله يبقى ما ننتظر من شخص بعينه
وبعدين لو فيه تقوى الله سوف تنير طريق كل انسان
التقوى تنير الطريق وتوضح لنا ما هو الصواب وما هو الخطاءفالعيب ليس فى عضو معين وانما العيب فينا ونحن هنا ونتكلم عن مصلحه عامه يشرف عليها اكثر من 50 شخص ويتبرع لها اكثر من الف شخص ومن هنى نتقى الله فى ضعفاء القريه وفقراء القريه وشكرا لمدا خلته وسوف اسلم لك على مصلحة البلد كما طلبت منى

الاخ عنصر محايد وفر ناصائحك لنفسك وبعدين لما انت مش من شباس ليه بتتدخل فيما لا يعنيك فلدينا ولله الحمد العناصر والعقول المستنيرة التي تعرف مصلحة بلدها كويس جدا ولسنا في حاجة للاستعانة بالغرباء وعلى راي المثل الفلاحي (داركم ناقصة عدل يامة روح عدل فيها ) وتقبل مروري يا فيومي

الاخ/ عنصر محايد

( فيومى )

( يارامى يا ابنى )

( بيت الشواية )

صح كده ولا ايه ؟


قشطة

يبقى لازم نقول قشطة بالهبل

قشطة

الاخ المحترم / شريف عز العرب
لست من ابناء شباس عمير
وتعمدت كتابة كلمة ( يا رامي يا ابني )
لكي تعرف من انا
ويعلم كل مثقف بل وكل عاقل ان ما تعاني منه شباس ليس حكرا عليها بل يا سيدي جميع بقاع مصر تعاني ولها نفس مشاكل شباس بالضبط ..........
فأنا لا أنصح أحدا.....
( ولو تعبت نفسك شويةوفهمت كلامي ) هتلاقي كلامي عام وليس علي شباس وحدها
فلو ذكرت لك المشاكل التي تعاني منها بلدي أو أي من البلاد الاخري سوف تشعر أنني أصف بلدكم ..... فاهمني يا استاذ
ثم يا اخي دارنا لا تحتاج الي تعديل !!
هل تعرف لماذا ؟؟؟؟
لاننا قرية اصغر منكم مساحة وعدد سكان وكان لدينا عضوين بمجلس الشعب _ عن الدائرة - والان .......... لدينا عضو واحد !!! هل تعرف لماذا ؟؟ فكر انت.
وخلاصة الكلام يا حاج شريف ( لن اكتب بالمنتدي ثانية ...... علشان خاطرك - وتجنبا لان اسمع منك او من غيرك ملا لا يرضيني )
واخيرا ..... سعدت بمشاركتي لكم.... وشكرا

( شكر واجب )
الي السيد ( ادمين المنتدي ) جزاكم الله خيرا
واشكرك جزيل الشكر علي ترحيبك بي
واشكر لك رجاحة عقلك ...
لقد اخجلتني بأسلوبك المحترم
واتمني مقابلتك - إن شاء الله - في أول فرصةتتاح لي لزيارة شباس عمير ( مع أ/ رامي الجرن المحترم)
وسلام الله عليكم ورحمته وبركاته

يا اهالى شباس عمير دى مش حرب ربنا يوفقكم فى اللى هتختاروه وانا اؤيد الاستاذ شريف

الاستاذ /عنصر محايد
بعد التحيه
ردا على رسالتك لقد اسأت الفهم سيدي
انا اقصد من انت وليكن انك لست من شباس
فما المانع من معرفة الاسم عسى وعل ان تكون معرفة خير
واحيط علم سيادتكم ان شباس ومنتدها فيهم من الجود والكرم باستضافة اي شخص ما ولو حتى عنصر محايد
فاعلم استاذي مادمت صديقا لرامي فانت
ابن من ابناء شباس

ولا تسئ الظن بالاستاذ شريف فهو كريم ابن كريم فلو عرفته لعرفت معني الصداقه
والمحبه
والاخوه
واعلم عزيزي انك مرحب بك في منتداااك منتدى ابناء شباس 0
ممكن سوء التعبير من قبلكم قد اثار هذه التعبيرات الجافه
لكن اهل شباس بقلوبهم الكبيره دائما اهل
ترحيب
وتهليل
بالضيف
فمرحبا بك ضيفاعزيزا علينا
استاذي العنصر المحايد
وتقبل مرورررري

السلام عليكم
الأخ / رامى الجرن
تحياتى لك و لصديقك الأخ / عنصر محايد
فى البداية حبيت أوجه كلامى للأخ / رامى بإعتباره حلقة الوصل بينا و بين الأخ / عنصر محايد لكه سبق و قال لن أدخل المنتدى فأتمنى توصيل هذه الرسالة على لسانى و لكم جميعا منى كل إحترام و تقدير

1- الأخ / عنصر محايد : دخولك على المنتدى زى دخولك ضيف على بيت أى حد فينا و بناءاً عليه لك منا كل إحترام و تقدير و تشرفنا بالدخول على صفحات المنتدى فى اى وقت تشاء - دا بعد إذن الأخوة أعضاء المنتدى طبعا - و انا على يقين كامل بإن جميع أعضاء المنتدى بلا إستثاء بيرحبوا بيدخولك و مشاركات فى المنتدى .

2- أما بالنسبة لكلام الأخ / شريف الجرن معاك : فمن الواضح أنه فيه صداقة و معزه خاصة بينكم و الكلام اللى قاله دا من باب المزاح أكيد . ولما يكون لى شخص عزيز أكيد لازم أتحمله . وبعدين دا قدرك إنك بتتعامل مع شريف الجرن - إسألنى أنا -

3- و الأخ / شريف الجرن - عز العرب - إتصرف و رجع الراجل للمنتدى و إلا ............................ لالالالا خلاص ... دا إنت حبيبى من أيام الجيزة .

و فى النهاية دعواتى بالتوفيق للجميع

با اخي بلا ش وجع راس احنا عارفين نصالحوا اللي في شباس عشان نروح ونصالحوا بتاع الفيوم خلوه علي وانا كفيل به وشكرا يا اخ فرعون على تايدك

والاخ سمير اه العنصر المحايد انا لما بقول داركم لم اقصد المعنى الضيق اللي انت فهمتوا ولكن اقصد بلدكم واو العزبة اللي انت منها والقرية سواء او المحافظه باكملها

شفت بقه يا ابو محمود شباب شباس كلهم شباب زى الورد ازاى وبعدين يا باشا المنتدى منتداك وتنورنا فى اى وقت وبعدين انت خبطت مع شريف وانت احرار بقه مع بعض المهم ربنا يسترها

قشطة

قالولى ايه ثروتك؟

قلت إنعدام الجاه

قالوله ايه اسمك؟

قلت إبتديت أنساه

قالولى فين روحك ؟

قلت الجسد باعها

قالولى ايه حزبك ؟

أنا قلت حزب الله

نفسي مره لو تصيب

ييجي النصيب

واكسب ف سحب اليانصيب

مليوون دولار

دول مش كُتار

دي العيشه نار

ود مش هزار

مليون دولار

أدخل بهم جنة بلادي

مالجنه دي

يادوب بيدخلها الكبار

أما الصغار

مبروك عليهم الانتحار

علي الرصيف

او م الرغيف

أو الانتظار

حتي ف حروبك يابلد

دم الفقير هو المدد

والأغنيا هما يادوب

يجنوا الثمار

أما الفقير

فمايلاقيش تمن الكفن

واللي اندفن

عايش مع زميله اللي عايش

في مقابر للإيجار

علشان كده

مليون دولار

لو جُم يادوب

يبقوا السند

أصل البلد

اللي معاه

بتكون معاه

تتبع خُطاه

ويكون هواها

علي هواه

اما اللي حظه مادالوش

ومامعاهوش

فمالوش بديل

غير الانتحار

علي الرصيف

أو م الرغيف

أو الانتظار

تلغراف للباب العالي

بسم الليل والنجم الهارب

خايف من زوار الفجر

بسم النيل والموجه التايهه

بفعل السحر

بسم الذُل وبسم المُر

بسم العدل المقتول علنا

بسم القسوه وبسم القهر

بسم الحِمل اللي شايلينه

حِمل بيكسر أيها ضهر

بسم الصبر اللي وصفوه كمُسّكن لينا

وضحكو علينا

بسم مآسينا وبلاوينا

بسم الجلاد اللي موجود علشان يحمينا

بسم اللُقمه اللي رجلينا بتحفي يوماتي

عشان نلاقيها

بسم رجوله بنبكي عليها

بسم الشئ لو كان بالأمر

بسم الصُبح الغامق لونه

باسم الشمس وهى بتغرب

حتى ان كنا فى عز الضهر

بسم العصر

بسم العِشه وبسم القصر

بسم الشعب الشباسي المعصور

إرحمها وبس
إرحمها وبس
إرحمها وبس

حُكم العسكر

دمر كسر

طفي كل

شئ بينور

حُكم العسكر

حُكم العسكر

ياحضرات

خربوا بلدنا

بالشعارات

عِشنا في ذُل

وانكسارات

خلوا طعم

الحلق ممرر

حُكم العسكر

حرب وحرب

واكلنا الضرب

بعد ماسجنوا

كل الشعب

ويا شتيمه

وقذف وسب

الإنسان جوانا

إتكسر

عسكر عسكر

ماتعسكرشي

لم عساكرك وارحل

وامشي

عِشنا سنين واحنا

مانسألشي

بعد ما منعونا

نفكر

مليون لاءه لحكم العسكر ..

التعلب فات فات

عمال بيوزع سلامات

واللي في مره قاله هات

إداله وفي بيته أهو بات

والتعلب بيلف يدور

علي كل ضحيه بالدور

في

مرايته الساحره البللور

بينادي اشتوت

أشتات

التعلب د طويل وتخين

وبيلعب

في سياسه

ودين

والبُعدا قال مش فاهمين

ويعبوا بس في

دولارات

التعلب لم المحصول

علي جُحره وداه

علي طول

التعلب بيجول ويصول

ماهو عاشق أرضنا

بالذات

التعلب محتل الساحه

وبيلعب وحده

وبراحه

وما بيسمعشي لبقره حاحا

ولا حتي لجيفارا

مات .

جرح شباس نزف

والجرح جواني

بان المخبي وكشف

وصرخت آه ياني

جرح شباس غويط

صار له زمان مجروح

ومن العرب لقزمان

وفي أي حته تروح

تلقي النزيف بالكوم

فاير كما البركان

حتي الوجع مكتوم

خايف من السجان

جرح شباس يطيب

لو خف جرحي انا

عايش في بلدي غريب

وكرامتي متهانه ..

الباشا ماشي بحرس

ممنوع ياانت تفوت

طب هس واكتم نفس

أو غور في داهيه وموت

هو انت ايه مركزك

ولا ابن مين انت

د هوا باشا انما

انت يا دوب هلفوت

طالبت انا بحقي

اني امشي في الشارع

لقيت كبير الحرس

شاورلي بيمانع

شتمني ما استحملتش

صرخت م القهره

وصوتي اخر شئ

كنت انا ليه سامع

ومابين شتيمه وضرب

وبوليس ونيابه

الاكل اتمنع والشرب

مضوني علي اجابه

اجابة ايه مااعرفش

كان المهم أمضي

يارب احنا في بلدنا

ولا احنا في الغابه

حتة وكيل مرتشي

حربايه ب 100 لون

وقف شويه ومشي

وكأنه سيد الكون

وقاللي احنا حماة البلد

ولأمن الوطن بنصون

كتب كلام علي الورق

طلعني بيهمجنون

هو أمن الوطن في جنوني

أوحبسي من ورا سور

أو حتي قلع عيوني

وابقي جريح مكسور

ما زمان عملتوها

مع نجم ومع سرور

الله يرحمك يا ابو شهدي

كنت اول المجانين

واديني صرت التاني

طب مين عليه الدور؟

أمن الوطن بينا

بس احنا حراسه

حفرنا بايدينا

لنعلي ف أساسه

بدمنا رويناه

اما انتو مصاصه

ايديكوا عايزه القطع

وايدينا يتباسوا

احنا صحاب البيت

لو كنا يوم هلافيت

بكره نعود أحرار

وانتوا اللي تنداسوا ..

يا ســـــــــــــلام عليك يا ابني
والله ولدت للابداع
يا شاعر المنتدى
سلمت
وسلمت
وسلمت يداااااك

دائما مرورك يدفعنا الى الامام

شريف باشا والله ما عارف اقول ايه ياعم احنا نروح نقعد فى بيوتنا بقا

يا ابو امنية بعض ما عندكم

تخليت لو رحل العضو الحالي ففرحت فرح شديد وغنيت هذة الابيات طبعا بعد رحيل العضو المحترم

ولبستى ثوب الفرح

والكل غنالك

يوم الفرح كان فرح

باين على شالك

يا شباس افرحى وافرحى

يا بلدنا هنيالك

وعرفتى طعم الفرح

بعد الألم بسنين

ودقتى طعم الهنا

بعد الضنا يا سنين

مين يقول إن شباس

فيها شباب ملايين

فيها اللى فنى عمرة

وقضى عمرة حزين

وفيها اللى كتب اسمه

قبل الميلاد بسنين

فيها جدع منك

عاشق تراب بلدى

زرع بذور الخير

لأبويا قبل ولدى

ع تراب بلدنا الطيبة

إبنى البنى البلدى

وابعت تحية حب

أجمل تهانى العصر

لكل مواطن حر

قال للظلم لا

لكل بيت فى شباس

وابعت تحية حب

لمن فنى عمرة

في خدمتك بلدي

ابننا هو البطل

رافع رايات النصر

لولاك إنت يا وطن

مكناش هنا اجينا

ولا بنينا قصور

وف بنانا علينا

وعملنا مصنع كبير

شرف كبير لينا

الشعب هو البطل

وسام شرف بلدي

ومرحب بكل الناس

للى ايجا يهنى

للى أخذ بالثار

من بلدي جاى يبنى

يبنى مصانع خير

من خير جبل لبنى

دا كل خيرك يابلدي

لأخويا وابوى وابنى ..

هذة الرسالة موجة لابي العزيز بعد عتابة على هذا الموضوع

أبتاه لا تعتب علي..


سترى دموع الحزن تحملها بقايا.. مقلتين..

فأنا أحن إلى االحق المبين ..

ويشدني قلبي إليه فلا أرى.. قدمي تسير

القلب يا أبتاه أصبح كالضرير

أنا حائر في الدرب.. لا أدري المصير!!

* * *

أنا في المدينة يا أبي مثل السحاب..

يوما تداعبني الحياة بسحرها..

يوما.. يمزقني العذاب

ورأيت أحلام السنين كأنها

وهم جحود.. أو سراب

وعرفت أن العمر حلم زائف

فغدا يصير.. إلى التراب

زمن حزين يا أبي زمن الذئاب

* * *

أبتاه لا تغضب إذا

ما قلت شيئا.. من عتاب

أبتاه قد علمتني حب التراب

كيف الحياة أعيشها رغم الصعاب

كيف الشباب يشدني نحو السحاب

حاسبت نفسي عمرها

حتى يئست من الحساب

وضميري المسكين مات من العذاب

أبتاه..

ما زال في قلبي عتاب

لم لم تعلمني الحياة مع الذئاب؟!!

أبتاه لا تغضب إذا

ما قلت شيئا.. من عتاب

بسم الله الرحمن الرحيم
في البدايه احب ان شكر الاخوه الاعضاء علي ردودهم .ولكن الموضوع لا يحتاج كل تلك الجلبه اوان يهين عضو الاخر وكما وضحت من قبل فان الموضوع كلام وبس وانه ان كان هناك شخص من المعارضين لعضومجلس الشعب الحالي فاريد ان اوجه له سؤال واريد له جواب .لمازا لا توافق علي عضو مجلس الشعب الحالي ؟ في راي هناك جوابان لا ثالث لهما الاول انك اردت مصلحه شخصيه لم تستطع تحقيقها من خلاله والثاني انك تريد مصلحه البلد والتي لا تراها في العضو الحالي . وفي راي ستكون الاجابه الاكثر علي السؤال هي الاولي .اما لوكانت الاجابه الثانيه ففي راي ان تتقدم انت للانتخابات ونحن نؤيدك ولكن اعلم انك لن تكون مسؤل امام بعض البشر من اهالي شباس عمير بل ستكون مسؤلا امام رب البشر لانها مسؤليه كبيره.وشكرا

والله يا ابونورة ياللي احنا ما نعرفكش
ارجو قراءة الموضوع جيدا وموضوع النائب الخارق وصانع المعجزات
ده طبعا اذا كنت غريب عن البلد وانت سوف تعرف ايه المطلوب من النائب وايه اللي النائب مقصر فيه وايه المطلوب من اي احد يصل الى هذا المنصب ودئما بنكرر سوؤلنا بلد فيها العضوية لها اربعون سنة كيف شكلها ؟؟؟؟؟؟ّّّّّّّّ!!!!!!

بسم الله الرحمن الرحيم
احترم ردك يااستاز عز وانا من البلد . وكما قلت سابقا انا لا انحاز الي اي احد سواء العضو الحالي اوالقادم ولكني دخلت المنتدي علي ان اجد من يعمل علي الابتكار وانشاء جديد ولكن لم اجد الا الكلام . وانا لا اخالف ريك حيث ان حال البلد لايعجب لا عدو ولا حبيب ز في النهايه اعتزر ان لم يلق تعليقي الترحيب

ابدا ابو نورة ولكن للايضاح فقط
وشكرا على ذوقك العالي في الحوار
بل يسعدنا التعارف عليك

أبتاه..

ما زال في قلبي عتاب

لم لم تعلمني الحياة مع الذئاب؟!!

اهم شى المصلحه العامه للجميع وللبلد وللاهالى المحتاجه ممكن تكون الخدمه للجميع واهالى دائره قلين وانامن وجهه نظري المتواضعه ارى ان عضومجلس الشعب الحالى حتى الان لم يفعل شى من وجهه نظرى وشكرا

بسم الله الرحمن الحيم اسمحولى فى اول مشاركه لى فى المنتدى ان اقول الى كل المشتركين سلام الله عليكم وبركاته... وان اشكر كل من ساهم فى عمل المنتدى له منى ارق التمنيات بالتوفيق...ومن اللافت الى النظرومن دواعى سرورى ان المنتدى يشمل باقه كبيره من الاعضاء يتميزون بحسن الخلق وادب الحوار وحرية الرئى للجميع. تقبلو مرورى.

مرحبا ابو محمد واهلا بحضرتك فى المنتدى

ايه يا بقوش اخبار البلد واخبار الشغل فيها
اخبار المجارى وصلت لحد فين والرصف واخر اخبارا لانتخابات ايه ايه يا معلم انت اكلت حلويات كتير ولا ايه وابقى سلملى عالعريس

قشطة

وتقريبا يا جماعة كده
الرصف خلص لحد هنا....
وباقى البلد بقى فى الخطة الخمسمية الجاية
ربنا يدينا ويديلكم طولة العمر



قــــشــطـــة

والله يا ابو اكرم الظاهر عمرنا مهنشوف الرصف فى كل البلد وربنا يدينا ويديكم طولة العمر ان شاء الله..

بالله عليك يا ابوكرم وصي كرم يوصي احفادة ان شافو حاجة يجوا عند قبورنا ويقولنا عليها

هههههههههههههههههههههههههه الظاهر كده والله يا استاذ شريف

خطة خمسيه مين يا ابو اكرم قول يارب احنا هننهب مهما رصفوا يجى عشرة متر وحلو اوى كده
عشان لو حد مالولاد نفسه يتصور جمبها ولا حاجه
ويقلك الرصف مرحلة تانيه بعد المجارى طيب ما نص البلد من فوق المجارى فيه خلصت ولا اعضاء المجلس المحلى اتخانقوا زى ايام التحجير وعملوا 13 خطة كل واحد عاوز يبدا بقدام بيته الاول والباشا قال مليش دعوه ده شغل الاستاذ احمد نعيم يلا زى شريف ما قالك ابقى خلى الاحفاد
يحكولنا بقه ويقولوا


قشطة

شكرا على ترحيبك يا استاذ محمد ولك تحياتى