هههههه تحياتى للاخ maw 2010 اظن محدش هياخد باله من 2010 دى وبعدين هنخسر ايه يا اخويه لو مترشحتش هى ناقصه مهى بايظه بايظه ههههههههه وبعدين لو خلى بالك انا ممكن اسيحلك رسمى وانزل الcv بتاعك كله maaaaaaaaaaaaaaaaawwww

أنا لسه مسجل فى المنتدى ودى لسه أول مشاركه ولما قرأت الموضوع فى الأول كانت لغة الحور راقيه ومتزنه ولكن بدأت فى النزول ومع هذا المعدل أعتقد إن حنشوف شتيمه مع إقتراب موعد الإنتخابات خصوصا إن فى الأيام الجايه حتلاقى ناس مسجله بس علشان تبس الفرقه والكذب والأكاذيب والميزه الوحيده إن الأغلبيه خارج شباس يعنى بعيد عن الأحداث ونغمة مصلحة البلد ..وكأن مصلحة البلد دى تعنى ضرب العبايده وبعدين القطانين مع بعض وأخير عائلة خطاب وياترى الدور على مين

اولا اوجه خالص تحياتى الى جميع ابنا ء شباس عمير وبالاخص المغتربين

ثانيا لماذا نأخذ الموضوع بنظرة ضيقة عقيمة وهى عائلة المرشح ومكانته ولم نلتفت الى شئ مهم جدا وهو القدرة على التعامل ممع المسئولين والوعى السياسى والاندماج مع الجماهير والتى اعتقد انها موجودة فى النائب الحالى فقط

تحية الى اخوانى ابماء شباس عمير فى كل مكان
اولا يجب ان نتفق ان الاختلاف فى الراى لا يفسد للود قضية
اما عن السادة المنتقدين للوضع فى البلد والعايشين فى احلامهم واوهامهم واضح من كلامهم ان وراه مصلحه شخصية لم تتحقق وهل لو كانت اتحققت كان هيبقة ده كلامهم ؟
وارجو ان تتابعوا الموقف ماذا لو تحققت المصلحة ؟
ثم اللى وظفهم النائب هم الاحق بكل المقايس ولاسباب يعرفها الجميع والكل مقتنع داخليا بها.
ام عن الخدمات بالبلد فهى سلسلة متصلة ببعضها وهى ان ماينفغش رصف بدون صرف صحى اولا
ومياه الشرب كل يوم خطوط جديدة بتركب فى البلد اما عن قرارات العلاج فيجب ان نشكر النائب عليها فالرجل يقف بجانب المرضى ولا يقصر معهم ويعالجهم فى ارقى المستشفيات

وفى النهاية اذكر بقول المولى عز وجل ( يا أيها الذين امنوا اتقوا الله وفولوا قولا سديدا )

صدق الله العظيم

حسبى الله ونعم الوكيل
هم يضحك وهم يبكى

اولا شكرا احمد على نصائحك
ثانيا المحترم حاتم الكاشف
يعني عشان النائب وظفني مثلا اقف اخرس واقول على المجاري اللي ناس بتشربها شربات وابقى منافق ذى ناس
ثانيا ردا على القران
الم تسمع قول الله تعالى
( أتامرون الناس بالبر وتنسون أنفسكم وأنتم تتلون الكتاب أفلا تعقلون)44 سورة البقرة

ثانيا منيين حكمت ان اللي وظفهم النائب احق
هل هم الاوائل على دفعنهم وانا كان نفسي اذكر اسماء ولكن وعدت الاستاذ احمد بعدم ذكر اسماء عشان انتو ما تزعلوش وكما قال الاستاذ محمد ابوبكر حبيب قلبي حسبي الله ونعم الوكيل

تسلم ياشريف
قولت اللى كنت عاوز اقوله

اولا انا بشكر احمد على الروح الحلوة
وشكر خاص للاخوه شريف ومحمد ابوبكر
لانهم بس اللى بيتكلمو بموضوعيه
وبقول للعضو حاتم الكاشف اجابه عن سؤاله
اولا مش كل واحد يقول كلمه حق يبقى كان عايز مصلحه وما اخدهاش
ولو اخدها كان دا هيكون كلامه
فانت بس اللى تقدر تجاوب على سؤالك لان اظنك من اوائل المستفيدين
فهل لو كنت انت زى عامه شباس كنت هتتكلم كده الله اعلم
وبعدين مجارى ايه ورصف اللى بتتكلم فيهم الحاجات دى كان المفروض
انها موجوده فى البلد من 10سنين فاتو
بس خلاص كل واحد خد مصلحته مش همه بقى مجارى من رصف من مستشفى
المهم نفسى وكلمه الحق خلاص بقيت تقيله على اللسان وحتى بقيت تقيله على الاذن انها تسمعها
فعلا حسبى الله ونعم الوكيل

على فكره يا استاذ حاتم مع كامل احترامى لشخصك الكريم
انت ردودك مستفزه وحظك كويس لان كل الناس اللى فى المنتدى ناس مؤدبه ومحترمه ومتربيه كويس وبتعرف تحكم عقلها ولن يندفع احد وراء استفزازاتك
وانت شايف انت لوحدك بتدافع ومصمم على رايك مش ممكن تكون كل الناس دى غلط وانت صح
ياريت تراجع ردودك وقول كلمة حق ربنا هيحاسبك عليها افتكر ان مافيش حد هينفعك يوميها
لا عضو مجلس شعب ولاحتى اجعص منه
واسف ياشباب على اللفظ ده

تسلم يا اخ محمد

فى البداية اذكر بقول المولى عز وجل ( يا أيها الذين امنوا اتقوا الله وفولوا قولا سديدا )

صدق الله العظيم
سوف استأذن الكيميائي حاتم الكاشف في لأن أبدأ بالآيه الكريمة التي انتهي بها لا لشيء إلا لأن المتصور الآن أن نناقش سويا وبموضوعيه حصاد خمس سنوات من 2005 حتي 2010وما قدمه نائب اعتقد اننا من أجل أن يصبح نائبا ضحينا برجل آخر نعرفه جميعا ونرف أياديه البيضاء المرحوم الأستاذ عبد العزيز خطاب كان قاب قوسين أو أكثر من دخول مجلس الشعب مع العضو الحالي أو بدلاً منه ورفم ذلك ضحينا به وانتخبنا بدلا منه رجلا من خارج شباس لا لشيء إلا انه لايجوز ان يكون عضو مجلس الشعب من أي عائله أخري غير عائله ( مش عارف ايه ) وفي سبيل ذلك نضحي بأي شخص أو أي عائله ميهمش المهم الكرسي ده يقعد عليه صاحبه ننتخب اي حد ونسيب ابناء شباس عمير عادي نسيب الكابتن مصطفي حامد ابن شباس عمير وننتخب الدكتور حسين حجازي عادي ننتخب مرة فتحي صلاح ونقف معاه في الاعاده ويسقط مع اننا كنا مع حجازي عبيد في الدور الأول عادي مدام ده الخط اللي احنا تملينا فيه لازم نطلعه للآخر وإلا مش هنقبض الأجرة آسف يا جماعه بقي لأصوات شباس سعر وبقينا من غير رأي ومن غير مخ نفكر بيه اسيب اخوي وانتخب اي حد انا شفت قله من عائلة خطاب بتنتخب جمال سعد الدين وسايبين الشيخ عبد العزيز خطاب ابهم أخوهم عشان ايه قالولهم مصلحه البلد عشان كده يا استاذ حاتم لابد ان يكون هناك موقف نتحاسب فيه ونسأل ايه المصلحه اللي حصلت لشباس مياه الشرب تعالي اقعد معايا وشوف عدد جراكن المياه اللي الناس بتملاها والعربيات اللي بتبيع الميه الجركن بجنيه لكل أهالي شباس وكمان للشارع اللي منه النائب ، سيبك من الميه بتاع الشرب تتدبر نبص علي مياه الري اسأل أي حد له أرض في الجزيرة والمشيعه كام طلمبه مبه الناس دقتها هناك زي منكون في الصحراء بالظبت كمان دي عديها القرارات لا مش هتكلم في دي عيب اني اقول حاجه فيها بعد الجرايد والأمن العام وأمن الدوله بلاش احسن تعالي في دفن الموتي هسأل سؤال واحد بس هو فيه مستشفيات بتدفن الموتي فيها لو مراحلهمش عضو مجلس شعب يطلعهم مش عارف يمكن نكون كرهنا بعض وعادينا بعض عشان نطلع الميتين يمكن المهم بلاش دي كمان هو فيه حاجه اتعملت تانيه نتكلم فيها باين مفيش وفى النهاية اذكر بقول المولى عز وجل ( يا أيها الذين امنوا اتقوا الله وفولوا قولا سديدا )

صدق الله العظيم

http://shabasamer2010.inmyclan.com





اادخلوا علي الرابط ده ويالله سوا نتناثش لمصلحتنا كلنا ........... دعوه عامه لجميع مثقفي شباس عمير

مفيش فتنه ولا حاجه يا جماعه الموضوع بسيط كلها شوية شد وجذب فى الكلام والخلاف فى الرأى لا يفسد للود قضيه لان الناس اللى موجوده كلها وعى وثقافه وطبعا دى مجرد ترويح عن النفس وكمان يا احمد احنا مش هنحجر على فكر حد الاستاذ حاتم له منا كل تقدير واحترام ورأيه هو حر فيه بس مجرد رجاء لا امر يعنى بلاش تبريرات مستفزه واستخفاف بعقلية الناس اللى بتقرأ المواضيع بس واحنا كلنا اخوان
ورجاء شخصى من كل الناس اللى موجوده ياريت نتكلم فى حدود اللياقه وكل واحد يعبر عن رأيه بدون ذكر اسماء
وشكــــــــــــرا

يا احمد مع احترامى الشديد لمبادىء المنتدى بس انا شايف ان مفيش فتنه ولا حاجه ده موضوع كلنا بنتناقش فيه وكل واحد له كامل الحريه فى التعبير عن رايه والاختلاف فى الراى لايفسد للود قضيه وانا شايف ان كل الناس اللى فى المنتدى على قدر كبير من الوعى والاحترام ده ميمنعش ان فيه بعض التجاوزات فى ردود حاتم الكاشف يعنى الراجل المتفتح اللى معندوش فكر عقيم يعنى كلنا عارفين انه لما كان ليهم مصلحة واتاخرت شويه كل صور العضو المحترم اترمت فى الشارع واتقطعت فياريت يفهم ان اغلب الناس اللى بيتناقشوا فى الموضوع ده مش فى البلد ومعنقدش ا حد فيهم بيدور على مصلحة شخصيه ولا حاجه ارجومنك يااحمد انك تبلغه انه بكده بيضطر الناس انها تنزل بمستوى الحوار للمستوى اللى انت خايف منه وانه فعلا بدل ما نقرب ونعرف اخبار بعض هتلاقينا بنشتم بعض ويبقى السبب للاسف برده الانتخابات ارجو من الجميع تقبل مرورى وسلامى الشخصى لحاتم بعيدا عن اختلافى معاه فى الراى لانه صديقى وصاحبى وزميل دكه واحده

يا احمد بلاش تهديد بغلق المنتدي
المفروض تكون عقليتنا اكبر من كده بكتير لان ممكن تكون دي اصلا هدف لبعض الفئات بغلق مثل هذة المنتديات

فيه ايه يا جدعان
الدنيا مولعة هنا كده ليه

هو الواحد يغيب يومين ويرجع يلاقى الناس هتقع فى بعضها كده



ارجو من جميع الناس الـــترقــى بستوى الحوار
احنا ناس متعلمة يا جماعة وعارفه هى بتقول ايه
واكيد كل واحد مسؤول عن كلامه

لان فعلا لو كده هيكون اسلوب الحوار يبقى اكيد هيكون فيه مشكلة


وفى الاخر لازم نقول



قــــــــــــــــــــــــشـــــــــــــــــطــــــة

قشـــــــــــــــطة

لا قشطة علي واجب

السلام عليكم
الأخ / maw
ربنا يروق بالك
شكلك مش متزوج

خير يا استاذ محمود هو الجواز ماله ربنا يطمنك

تخيل الدنيا بدون حريم
1- اسواق هاديه
2- فلوس زيادة
3- شوارع فاضيه
4- افلاس شركات المحمول
5- شيطان عاطل
6- مفيش دوا ضغط
والاهم من ده كله
كــــــــــــــــل الرجالة فى الجنه

شكلك عندك عروسة
لو كدا انا اشوف
ويبقي المنتدي تعارف وجواز ويا بخت من وفق راسين في الحلال

يبدو أن كلام الأخ على بابا سوف يتحقق قريبا لأن لغة الحوار بدأت فى النزول جامد وبدأ بعض الأخوه فى إستفزاز الأخريين للنزول إلى لغه لا ترضى أحد وتمنياتى للجميع أن يضع الحكمه التى تقول أن الإختلاف فى الرأى لا يفسد للود قضيه ومن لا يوفق فى الإنتخابات يذهب إلى الناجح ويباركله وسلامى للجميع وتقبلوا تحياتى

اعجبنى كلامك يا دكتور ايمن والاختلاف فى الرأى لايفسد للود قضية

شكرا دكتور أيمن ...وأنا لم أكتب إلا الذى رأيته من أن لغة الحوار بدأت فى النزول ومن واقع خبرتى بالإنتخابات سيتم مهاجة الإخوه الموجوديين فى المنتدى بأن يشتكوك لوالدك أو أى حد إنت بتعزه ويقولوا دا شتمنا فى المنتدى وحينها سيصبح كل همك إن إنت تثبت إنك لم تشتم أحد وبعدين تقول سيبك من المنتدى ده وتبطل حتى تدخله .وأرجو من جميع الإخوه عدم الإنسياق وراء هؤلاء وإلى أن تنتهى الإنتخابات

اخواني اسمحوا لي بمعاتبتكم وتقديم استغرابي الشديد حيث ارى المواضيع تصاغ
هنا وهناك

وقد تعودنا من أعضاء المنتدى أخذ المواضيع في مكمل الجدية

وتعودنا أيضاً الإحترام الشديد المتبادل بيننا

أخوة صادقة

حب في الله متبادل


وانا اوافق الرأي مع الأخ علي


وأخيراً


من
لم يكن صادقا مع نفسه لايكن صادقا مع الآخرين

يبدو من كلام الأخ على إنه فى شباس وأن الأجواء أصبحت مكهربه وتوقعاته ليست من فراغ ...أرجو أن نتعرف عليك أكثر

شباس حتفضل شباس طبله تجمعها وعصا تفرقها
لما حولنا نتكلم بشفافية قالك حاسب هتزعل مننا الملايين
واحد يدخل يقلب الحق باطل وعايز نقوله امين
واحد عايز نقول على المجاري شربات ونصفق لمحي الدين
واحد عايز نقول على الكبد والفشل الكلوي دي رحمة للعالمين
واحد عايز نقول على القرارات اخر احلام شباس التعبانين
وواحد عايز يقول لابو انس اسكت حتصحي الناميين
هما كدة طول عمرهم فرحانين ومبوسوطين


اسف على الازعاج وهبوط الكلام لان لو سكتنا ما نستاهل غير ضرب الكرابيج

يا جماعه انتوا لو فى البلد هتعرفوا ان الكلام ال على المنتدى بتنقل بصورة تانية وكان هيحصل مشاكل كتيرة جداااااا



ده كان كلام احمد بقوش

ياريت ياابو حميد توضحلنا الصورة اكتر شوية
وتفهمنا ايه اللى بيحصل وبيتقال علينا من وراناااااا.



وبرده فى الاخر لازم نقول



قــــــــــشـــــــطـــــــة

تحيه لكل اعضاء المنتدى اخوانى واخواتى الاعزاء زى ما قال احمد احنا نقول كل اللى نفسنا فيه بس بلاش نذكر اسماء احد .لان انتو عارفين فيه ناس بتحاول تجر رجلينا للغلط ودول كتير
واحب اخبركم انى رجعت البلد والوضع اسوء ممن كنت اتوقع وان شاء الله سأخبركم اول بأول ماذا يفعل الفساد بقريتنا ولاى مدى وصلت العشوائيه فى كل شيئ

الأخ / حسام
حمد لله على سلامتك
و نورت المنتدى
و متشوقين منك على آخر الأخبار الجديدة فى البلد
دعواتى بالتوفيق

حمدا لله على وصولك يا فاكهة المنتدي
وياريت ما تطول الجلسة عندك
وطمنا عليك اول باول

مشكوووووووور حبيبى شريف على الكلمتين الحلوين
واحب ارسل سلامى لكل الموجوديييييييييييييييييييييييييين
وبقول اهل بلدنا دولا مش مجانييييييييييييييييييييييييييييييين
فاهمين كل حاجه بس مطنشيييييييييييييييييييييييييييييييييييين
والعيب مش على فرعوووووون العيب ع الساكتيييييييين
خلو الوحوش تتكبر وخلونا المساكيييييييييييييييييييييييييين
لو مره صوتنا هيعلى دفنونا وسط الطيببببببببببببببببببببن
والحق عين الغلط والكذب هوه الزييييييييييييييييييييييييين
لو ايدنا هنا تتجمع هنفهم الباقييييييييييييييييييييييييييييييين
ان احنا صوت الحق مش احنا المنافقيييييييييييييييييييين
ولا لينا يوم مصلحه زى ما قااااااال(الف.....انين)ء
وحمد الله على سلامتك يا حسام وعقبال الباقييييييييييين
ويجو لارض الوطن بعون ربنا سالميييييييييييييييييييين
واخيرا مساكم قشطه وعنبر وياسمييييييييييييييييييييييييييين

مشكووووووووووووووووووووووووووور
أبو أنس

مشكور يا شريف على ذوقك ومشكور اخ محمود على ذوقك والف شكر على ذوقك ابو انس وشكر خاص لابدعاتك

حمد الله عالسلامه يا حسام ومنور البلد اكيد وتحياتى لابو انس و بجد جميل اوى اسلوبك وهادف جدا بس بردك بقول لاحمد بقوش يبنى المنتدى خلاص بقى بتاع كل الناس وكل واحد مسئول عن كلامه وله كامل الحريه فى التعبير عن رايه وانت كتر الف خيرك انك عملت المنتدى وارجو من الجميع تقبل مرورى وبردك فى الاخر لازم نقول قــــــــــشـــــــطــــــــة ولا ايه يا كينج

ايه الروعة دي يا ابوانس يا صحفي المنتدي وبلبله كمااااااااااااااااااااااااااااااااااااااااااان

شكرا لكل شباب شباس اصحاب الفكر العظيم واللي نفسهم في حركة التغير
دا الاسلام بدا بردة بشوية عظماء ماهمش كتير
وكل حركة تصحيح في العالم مش شرط يكونوا ملايين
كل واحد فينا من بيت وله اصحاب نفسهم في التغير
نفهم بعضنا البعض بلغة الحوار حتى لو كنا بعيد مش قريبين
ووردة محبة اهديها لكل اعضاء المنتدى المنورين

تحياتى الى جميع اعضاء المنتدى
الاخ شريف احنا اتفقنا فى البداية ان الاختلاف فى الراى لا يجب ان يفسد الود بيننا وما كنت احب ان اقرا بعض الالفاظ مثل منافق وغيرها
عموما انت ستظل اخ كريم لك وافر الاحترام

شكرا اخ حاتم على مرورك

ياهوووووووووووووووووووووووووووه
يا دين النباااااااااااااااااى
ايه الحلاوه دااااااااااااااى
شفت يا عم احمد الناس لما بتتكلم براحتها بتبدع ازاى بعد كده هنسميه منتدى الشعراء جميل والله يا ابو امال وبردك فى الاخر لازم نقول قــــــــشــــــطـــــة

خالص تحياتى الى جميع ابناء شباس عمير

الاخ العزيز محمد ابوبكر
اولا لك منى خالص تحياتى وتقديرى

يجب ان نتفق جميعا ان هدفنا فى النهاية واحد وهو مصلحة البلد والخير للجميع

طبعا يا استاذ حاتم احنا يهمنا مصلحة البلد فى الاول والاخر
وصدقنى اقسم بالله احنا لو شايفين ان فيه حد هيفيد البلد حتى لوكان فلاح وحاشا لله ان يكون كلامى سخريه من الفلاح فانا فلاح ابن فلاح ولكن انا اقصد اى حد يفيد بلدنا هننتخبه وهنقف وراه
وعاوزين بقا نفكر بحكمه قبل كده كنا بننتخب من غير وعى لكن دلوقتى ما شاء الله البلد مليانه عقول مثقفه وواعيه
وفى الاخر دى حرية وامانه ربنا هيسالك عليها انت اخترت ده عشان شايف انه هو اللى هيفيد البلد جميل جدا رايك وحريتك
لا نستطيع ان نحجر على فكر الاخرين ولكن من حق كل واحد ان يعبر بحريه ويختار من يحب وليس من حق احد ان يفرض مرشح على الناس لانه شايف من وجهة نظره ان المرشح ده فى الكويس
كل يرى بعينيه وليس بعيون الاخرين
واشكرك على زوقك وتقديرى لك ولكل ابناء شباس المحترمين
لكن احنا لما بنتكلم فى الموضوع ده وفايدة البلد منه بنتكلم بواقعيه وعن وضع قائم فعلا البلد لم تستفد شيئا على الاطلاق من 30 سنه مجلس شعب نسيبنا بقا من النعره بتاعت القرارات والاستاد والكلام اللى مش هيوكل عيش احنا عاوزين بلدنا ترتقى وتكون شكلها نظيف وفيها خدمات ونظام وبلاش نلعب على وتر المصالح الشخصيه
مش كده ولا ايه
اسف على الاطاله ودمتم طيبين

السلام عليكم
دعواتى للجميع بالتوفيق
و نشكركم على الإرتقاء بمستوى الحوار
و لكن حتى نخرج من هذا النقاش بفائدة و لا نعود إلى مسألة الشد و الجذب فى الحوار لازم نحدد بعض النقاط اللى تساعدنا سواء على المستوى العام أو على المستوى الشخصى لكل واحد من أبناء البلد فى تحديد أهدافنا و إحترام بعضنا .
و ياريت من الكل الدخول و الإجابة على الأسئلة الأتية :-
السؤال الأول : إيه الخدمات اللى محتاجين تكون فى ا لبلد خلال الفترة القادمة ؟
السؤال الثانى : إيه اللى مطلوب من عضو مجلس الشعب خلال الفترة القادمة ؟
السؤال الثالث : إيه المواصفات المطلوبة فى عضو مجلس الشعب بناءاً على الإجابة على السؤالين السابقين ؟؟؟

رجاء خاص : أرجو الإجابة فى نقاط محدد وبلاش نتعرض للماضى سواء خير أو شر لأنى أعتقد إن الكلام فى الماضى غير مجدى على الإطلاق إذا كنا عايزين نطور فى المستقبل .
و فى النهاية لكم دعواتى بالتوفيق

تحياتى ليك استاذ محمود وانا شايف ان من اهم الخدمات اللى البلد فعلا محتاجاهاهى تشغيل المستشفى احنا عندنا مساحة مستشفى تنفع لمستشفى عام ولكن للاسف هى ليست الا عباره عن وحده صحيه لو محتاج ربطة شاش مش هتلاقيها وعن تجربه ثانيا لو حضرتك تابعت الفلاحين فى الفترة اللى فاتت هتلاقى ففعلا فى ناس اراضيها بارت عشان مش لاقيين ميه يرووا اراضيهم فيا ريت يتعمم مشروع الرى المطور وهذا طبعا على سبيل المثال وليس الحصر

برافو محمد عز العرب برافو محمد ابوبكر برافو محمود سعد اتحنى امام عقليتكم وفكركم الناضج
ويا استاذ محمود يسعدنا ان نرى اجابتك على هذة الاسئلة يا حكيم المنتدي ولكم مني

يااااااااااه
الحمد لله ان بعض الناس بدات اخيرا تتكلم بعقلية وبفكر



أعتقد يا جماعة إن إحنا أصلا ماعندناش اى حاجة
علشان نقول احنا نقصنا ايه وايه اللى محتاجاه شباس
لانه ببساطة
احنا ناقصنا كل حاجة


كل حاجة علشان تعيش عيشة بنى ادمين


ناقصنى أشرب مياه نظيفة

ناقصنى مشوفشى المجارى ضربة فى كل شارع فى شباس
ناقصنى اشوفها متسفلتة ولو حتى شهر واحد

ناقصنى لما اجى اركب من الموقف الصبح متعذبشى
ناقصنى لما يجيلى ضيف فى الشتاء مبقاش مكسوف من كمية الترمبات اللى ناس لابساها
ناقصنى ان اخويا لما يروح الكلية فى الشتاء مايبقاش معرووف انه من شباس والدليل طبعا معروف كمية الطينة اللى فى جزمته

ناقصنى انى لما ابنى يتعب بالليل الاقى مستشفى اوديه فيها مش اطلع على كفر الشيخ ولا دسوق

ناقصنى ان المصلحة تبقى للكل مش لناس معينة فالمسرح يتسع للجميع

كفاية كده وزى كل مرة
لازم نقول مهما حصل
على راى محمد الجرن


قــــــــــشــــــــطـــــــة

قشطة ابوكريم

قــــــــشـــــــطـــــات يا باشا


بس الرياض عندكم ( نــــــار ) يا حبيبى نــــــــار

يعني جدة اللي جنة ما الحال من بعضه

زبده

أخوى شريف
خليك فى الرياض
سيب جدة فى حالها

انا حاسس انى فى معمل لبن. قشطه وزبدة وحليب احمدك يا رب

بشكر الاخ محمود على اسئلته والاجابات بتاعتها هى الحلم اللى حلمته وكتبته فى الموضوع

وانا برضه بكرر كلامى عشان نعرف نختار ويبقى لنا راى لازم نعرف حقوقنا وواجباتنا تجاه بلدنا .على افتراض ان لنا حقوق فى بلد اصبح شعارها الفساد فى كل شيئ.