الاخ العزيز احمد ارجو الايضاح د/مصطفى ابوبكر مين
استاذ الجامعة
ولا الدكتور المتخصص في الطب البيطري
اذا كان استاذ الجامعة فاولا قبل ما ترشح العضو
السؤال
هل العضو المرشح من قبلك موافق على الترشيح
هل فكره السياسي مقتنع اصلا بمجلس الشعب
اولا اسئله
ثانيا انا شخصيا موافق عليه لاني اعرفه جيدا لانة قبل ان اعرفه من شباس عرفته من الجامعه لانه ببساطة استاذي في جامعة المنوفية

انا اقصد طبعا / الدكتور مصطفى

استاذ الجامعة

واجابة سؤالك يا عز باشا

أعتقد إن مفيش حد عاقل فى الدنيا هيرشحه اهل بلده شباس عمير ويساندوه ويختاروه انه يبقى عضو مجلس شعب ................. ويرفض


لان البلد بتاعتنا لو طلع منها مرشح واحد بس كلنا اتجمعنا وراه
اكيد لازم ينجح .... البلد كبيرة واصواتها كتيرة جدا

طب اسئله الاول

الساده الأعضاء المحترمين أولا انا لا ادافع عن هذا العضو وانا على يقين ان هذا العضو ملى بالأخطاء ولكنى أحب ان أنوه عن شىء مهم كان الهدف الأول من كلامى هو اعطاء الأخ / حسام الكاشف حقه الذى هو اقل مما كتبت ردا على الأخوه الذين قالو ان نسبه المصلحه لم تصل 100 فى 100

ازيك ياحماده اخبارك ايه معاك فريج عماره وعلي العموم ميهمكش حاجه انا عارف انه خطأ بدون قصد وطمني عليك

الله يخليك يا ابو حمزة وكل سنة وانت طيب وتحياتى للجميع والهدف الرئيسى من المنتدى هو التعارف والتواصل بين ابناء القرية فى كل مكان واختلاف الرأى لايفسد للود قضية.

أنا أتفق معك على ما قلته فعندما تخرج الأمور على السيطره يجب أن يقف الجميع ويراجعوا كل شئ فشباس تحتاج جهود المخلصيين من أبنائها وليس عضو مجلس شعب

الله المستعان

أراء تستحق الدراسة وانا مع الدكتور ايمن والاستاذ جمال

بجد كلام جميل جداااااااااااااا
وأراء بتنم عن عقليات جبارة و طبعا اصحاب شخصيات قوية
المهم :
الكل متفق علي مبدأ واحد ودا كان نادر لما بيحصل
يبقي خلاص نشوف حنعمل اية عشان نحقق اهدافنا العامة و الخاصة زي ما قال شريف الجرن
مش نتعب وبعد كدا مش نلاقي مقابل مهما كان
انا من رأي المتواضع
ان لازم في سياسة معينة لازم تتحط والكل يلتزم بيها مهما كان مين حينفزها
و طبعا اللي حينفزها هو الشغل الشاغل للكل
مع اني انا شايف ان المفروض التخطيط ثم التنفيذ

اما بالنسبة للتنفيذ يعني مين ينفع يترشح فلابد ان الكل يكون متفق علية وخاصة الناس اصحاب الثقافات
ذي اصدقاء المنتدي الكرام وناس كتير في البلد غانيين عن التعريف

اولا الاستاذ توفيق محدش يختلف علية بس مش ينفع(السن وباعدين ولادة مش يرضو ومن غير تفسير)
و الدكتور مصطفي حاليا بقي استاذ زائر يعني مش فاضي(اما احمد عقل شاكلة متاكد من حاجة)

بس انا ممكن ارشح :
الدكتور/ سامي حامد دا بعيد عن انة حامد
الراجل دا مثقف جدا و ذكي و حويط وسياسي ولية علاقات جبارة داخلية وخارجية
والدليل وظيفتة في وزارة الصحة
(بس في الاخر حامد ودي طبعا عقبة ... بس انا شايف ان العقليات اتغيرت)

و ممكن الاستاذ/ عبدالقادر الجرن

دا تقريبا نفس صفات الدكتور سامي بس مش حامد

بس مهما كان مين لابد من سياسة معينة ينفذها

متأسف للاطالة بس مستني التعقيب من حضراتكم

شوف يا اخ موا اولا عشان التغير يكون صح
ابعد عن الحاشيه ايها
وبعدين عبدالقادر الجرن مين
وانا اول المعترضين علية

الأخ MAW

احب اولا اصبح عليك وبعدين أحب اعرف انت مين ياباشا

ثانيا احب أأكد لحضرتك إن أحمد عقل اصلا لا متأكد من حاجة ولا يعرف حاجة لانى بعيد عن البلد بقالى فترة كبيرة
وترشيحى للشخصيتين دول ( الاستاذ توفيق او الدكتور مصطفى ) من وجهة نظرى المتواضعة
فقط ولانهم من الشخصيات القليلة المحترمة فى البلد

اما بالنسبة للاستاذ / سامى حامد فانا بصراحة ماأعرفوش نهائيا وياريت حضرتك توضحلنا

C.V الخاص بيه

لانه تقريبا ناس كتير زى حالاتى متعرفوش
اما بالنسبة لحتة انه حامد فانا عن نفسى مش شايف ان دى مشكلة ابدا المهم الشخص نفسه مش اللقب

لاننا لو هنفكر ونختار بعقلية 10 سنين لوراء مش هنحقق اى حاجة من اللى فى دماغنا كشباب


اما بالنسبة للاستاذ / عبد القادر الجرن
فده حبـــــــيبـــــــى

ولو اترشح يبقى ضمن اول صوت معاه


انا خلصت كلامى ومعلش اذا كنت طولت

بس بردك لسه عاوز اعرف انت مين ؟

السلام عليكم
الأخوة اعضاء المنتدى
رجاء خاص
الرجاء عدم التعرض لأسماء الأفراد و العائلات فى حالة عدم الرغبة فى الشخص او العائلة
و ياريت نتعلم ثقافة الإختلاف و نتقبل وجهة نظر الطرف الآخر بشكل أفضل من كده
لأن لكل واحد وجهة نظره الواجب إحترامها من الجميع

السلام عليكم
الأخوة أعضاء المنتدى
الحمد لله جميع الموجودين بالمنتدى على قدر كبير من الثقافة
و عليه أرجو أن نتقبل ثقافة الإختلاف فى وجهات النظر لأن لكل منا وجهة نظره التى من حقه الدفاع و التعبير عنها
مع ملاحظة
عدم الإهانة و التجريح لأسماء الأشخاص و العائلات كما ور فى المساهمات السابقة عن نفس الموضوع
مع دعواتى بالتوفيق

بالنسبة لاحمد عقل

محدش يقدر يقول علي الناس دي ولا كلمة لا الدكتور مصطفي ولا الاستاذ توفيق
وانا مقلتش انت رشحتهم لية انا بس كنت بقول لية هما ممكن مش يترشحوا
دا انا نفسي حد في عقليتهم يترشح

وعجبتني كلمة احنا مش حنفكر بعقلية 10 سنين ورا انت عندك حق وانا بحييك

اما الدكتور سامي عيسوي حامد
فهو في الاساس دكتور اطفال بس مشتغلش بالطب كتير
وبعد كدا ولحد دلوقت هو ماسك حاجة في وزارة الصحة
وتقريبا هو اللي والدة كان مترشح قبل كدا
بس سامحني لاني مش عارف تفاصيل اكتر من كدا بس لو حبيت ممكن اسالك


اما بالنسبة لشريف دا حقك تختار انت عايز مين وبعدين دا عمك وانت حر معاه هههههههههه

وفي الاخر وبقول تاني انا مش يهمني مين ييجي المهم يبقي علي قدر المسؤلية وينفذ الخطة المحطوطة
والسياسة الوطلوبة حتي لو قعد طول عمرة نائب واللي بعدة ينفذ من بعدة
يا جماعة دا دي سياسة الامريكان من عقود ما بالكم احنا يا مسلمين

معلهش أنا بعيد عن البلد مين اللى أعلن رسمى ترشحه لإنتخابات

بالنسبة للاخ خفيف الظل موا
اولا نحن بعدين كما قال الدكتور ايمن عن البلد
فيا ريت لو احد رشح نفسه غير العضو الفاشل
تزودنا بمعلومات دقيقة عنه حتى نسطيع نعطيك رائينا

الاخ ...... MAW


ده احنا طلعنا قرايب اهه

انا مش قاعد في البلد علي طول دا انا بنزل زيارات علشان كدا مش متابع
بس اول ما اعرف حاجة علي طول
بس اعتقد ان احمد بقوش ممكن يزودنا بكل المعلومات دا اذا كان عندة وقت

شفت بقة يا احمد يا عقل ادينا طلعنا قرايب وقرايب قوي كمان
وبعدين انا كنت بناغشك اما دلوقت انا حتكلم براحتي

براحتك يا معلم.......... عيش

قشطة

شكرا لك يا احمد على الافاده

شكرا يا احمد على الايضاح ولكن عايزيين لو وقتك يسمح توضح لنا اكتر مين اسامة حامد دة
وايه برنامجة الانتخابي
وسيرة ذاتية عنة
اما الباقين فنعرفهم جيدا ويرتنا ما نعرفهم

هى دى المشكلة الأساسيه حامد وقطان والأهداف والصراعات الشخصيه يا رب نخلص من ذاك الكابوس شوفو لنل حل بالله كابوس الحوامد والقطانين

مشكورة ريناد
و انا معاكى لأنها مش وراثه

وانا معاكم محمود فعلا هي مش وراثة

يا جماعة احنا لو فعلا عاوزين نفكر صح ونغير البلد للاحسن فالموضوع مش عضو مجلس شعب او مجلس محلى يعنى مثلا ابسط مثال على كده قزمان لا فيها عضو مجلس شعب لمدة 35 سنه ولا حاجه وشوفوها عامله ازاى دى الوقت جمعوا فلوس المجارى بالجهود الزاتيه ولما جتلهم من الحكومه قامو رصفين البلد وموسعين الكوبرى والطريق التانى للبلد ونوروا شوارع البلد بالكامل انما احنا عندنا عضو مجلس شعب ومجلس محلى فاشلين كانو بيتعاركو مع بعض عشان كل واحد يحجر قدام بيته الاول يعنى مش مصلحة بلد ولا حاجه ولاسف من حظنا الوحش ان كل الاعضاء اللى قلت عليهم يا احمد عليهم علامات استفهام كتير ياريت يااحمد تقدروا تعملوا قعدة مع كل عضو وتعرفوا ايه الرنامج بتاعه بالضبط يعنى شوف الشباب واعملو قعدة مع كل واحد عشان نقدر نشوف مين الاصلح وراى المتواضع ان الاعضاء الاربعة المترشحين هههههه قشطة على راى احمد عقل ؟؟؟؟؟؟؟؟؟؟؟؟؟

قــــــــــشـــــــــطـــــــة

انا بقترح حاجة
ان كل واحد يبعت اسم تلات مرشحين من وجهة نظرة
عملية (voting ) تصويت يعني
ودا من النهاردة ولمدة اسبوع ونشوف في الاخر مين جاب اعلي اصوات

واول واحد يبدأ احمد بقوش عشان يوضح انه موافق علي الحدث دا

كلهم سلطة

حلوة اوى voting دى يا اخ ماو بس يا ريت نعرف مين حضرتك

الاخ MAW
يبقى قريبك قوى قوى يا عم محمد

بس انا مش هاقول هوه مين

انا عرفته يا ابو اكرم

مش هتقول ليه يا بو اكرم وبعدين مين ده اللى قريبى وقريبك سر يعنى وبعدين اكيد هو هيقول انا مين

بقولكم ايه مبلاش الموضوع ده وخلونا نفكر بجد في موضوعات أو مشروعات تهم بلدنا وسيبكم من الانتخابات ووجع الدماغ ونفكر مثلا في مشروعات تخدم شباس من غير مساعده من عضو مجلس شعب اوشوري ميلزموش غير الكرسي ممكن أعرض بعض الافكار لو سمحتولي يتم اخذ الآراء عليها ونفتح الباب لبعض الأفكار الأفضل : مثلاً
انشاء جمعيه لحمع القمامه من شوارع القريه بالجهود الذاتيه وبمشاركه ماديه من كل منزل يتم تجميها وذلك للقضاء علي الذباب والناموس ونظافة القريه ومحاربه الأمراض المعديه وكذلك تشغيل بعض الشباب وفتح أبواب رزق لهم
وسوف اترك لكم فرصه اقتراح افكار أخري وأرجو التواصل

اقترح مشروع ازرع شجره
قدام بيتك

تصدق يا ابو اكرم الاخ maw طلع قريبى فعلا ده طلع طلع قريبى من ايام (الجيزة) انت عاوز الصراحه انا اول ما شفت ماو دى قلت الواد ده بتاع شكلاته جيرسى واكلة الجو بن (ذوات) يعنى
ههههههههههههه بس مش عارف ليه مكبر نفسه يا خى ؟؟؟؟؟؟؟

استاذ خالد اولا احب احييك على اسلوبك الجميل فى طرح وجهة نظرك وانا شايف انها صح 100% والدليل ان شباس طول عمرها فيها العضويه واقل بلد فى الخدمات مع انها من اكبر قرى الجمهوريه وانا من وجهة نظرى اننا نشوف بلدنا محتاجه ايه الفتره اللى جايه ويتعمل مناظرات بين المرشحين وكل واحد يعرض البرنامج بتاعه ولو ملتزمش بيه تكون دى اخر دوره ليه يعنى يتاخد عليه ضمانات باى شكل من الاشكال انه ميترشحش تانى واتمنى ان شباب البلد الموجودين فى شباس يتوحدوا على طلب خدمات عامه ويتقدموا بيها بطلب جماعى منظم يعنى كوسيلة ضغط على العضو الحالى ودى افضل فتره ممكن ناخد منه خدمات واهو نبقى استفدنا حاجه

اية يا جماعة بقي انا اسافر يومين الدنيا تتقلب عليا كدا
واللي يرمي بكلام واللي يقول انا عارفة واللي يقول مش عارف اية

انا عاوز اعرف مين سيحلي في المنطقة يا اما
ههيك علي المنتدي واسحب الداتا بيز بتاعتو يالا بقي ومش بعيد اهيك علي السيرفر نفسة

انا مكنتش عاوز حد يعرفني عشان كنت ناوي ارشح نفسي في المجلس
بس انتوا الخسرانين
قدامكوا مهلة شهرين تقولوا مين سلااام
هههههههههههههه

الأخ / maw
لا تعليييييييييييييييييييييييييييييييييييييييييييييييييييييييييييييييييييق

لا تعليق علي اية

انت لية واخد الموضوع قفش واضح قوي ان انا بهرج

الأخ / maw
دعواتى لك بالتوفيق
أنا عارف إنك بتهرج
بس حبيت إنك توضح دا لى شخصيا و لكل الناس تجنبا للظن السيىء
و إلى مزيد من التألق

ممممممممممممممممم ان كان كدا ماشي

هههههه تحياتى للاخ maw 2010 اظن محدش هياخد باله من 2010 دى وبعدين هنخسر ايه يا اخويه لو مترشحتش هى ناقصه مهى بايظه بايظه ههههههههه وبعدين لو خلى بالك انا ممكن اسيحلك رسمى وانزل الcv بتاعك كله maaaaaaaaaaaaaaaaawwww

أنا لسه مسجل فى المنتدى ودى لسه أول مشاركه ولما قرأت الموضوع فى الأول كانت لغة الحور راقيه ومتزنه ولكن بدأت فى النزول ومع هذا المعدل أعتقد إن حنشوف شتيمه مع إقتراب موعد الإنتخابات خصوصا إن فى الأيام الجايه حتلاقى ناس مسجله بس علشان تبس الفرقه والكذب والأكاذيب والميزه الوحيده إن الأغلبيه خارج شباس يعنى بعيد عن الأحداث ونغمة مصلحة البلد ..وكأن مصلحة البلد دى تعنى ضرب العبايده وبعدين القطانين مع بعض وأخير عائلة خطاب وياترى الدور على مين

اولا اوجه خالص تحياتى الى جميع ابنا ء شباس عمير وبالاخص المغتربين

ثانيا لماذا نأخذ الموضوع بنظرة ضيقة عقيمة وهى عائلة المرشح ومكانته ولم نلتفت الى شئ مهم جدا وهو القدرة على التعامل ممع المسئولين والوعى السياسى والاندماج مع الجماهير والتى اعتقد انها موجودة فى النائب الحالى فقط

تحية الى اخوانى ابماء شباس عمير فى كل مكان
اولا يجب ان نتفق ان الاختلاف فى الراى لا يفسد للود قضية
اما عن السادة المنتقدين للوضع فى البلد والعايشين فى احلامهم واوهامهم واضح من كلامهم ان وراه مصلحه شخصية لم تتحقق وهل لو كانت اتحققت كان هيبقة ده كلامهم ؟
وارجو ان تتابعوا الموقف ماذا لو تحققت المصلحة ؟
ثم اللى وظفهم النائب هم الاحق بكل المقايس ولاسباب يعرفها الجميع والكل مقتنع داخليا بها.
ام عن الخدمات بالبلد فهى سلسلة متصلة ببعضها وهى ان ماينفغش رصف بدون صرف صحى اولا
ومياه الشرب كل يوم خطوط جديدة بتركب فى البلد اما عن قرارات العلاج فيجب ان نشكر النائب عليها فالرجل يقف بجانب المرضى ولا يقصر معهم ويعالجهم فى ارقى المستشفيات

وفى النهاية اذكر بقول المولى عز وجل ( يا أيها الذين امنوا اتقوا الله وفولوا قولا سديدا )

صدق الله العظيم

حسبى الله ونعم الوكيل
هم يضحك وهم يبكى

اولا شكرا احمد على نصائحك
ثانيا المحترم حاتم الكاشف
يعني عشان النائب وظفني مثلا اقف اخرس واقول على المجاري اللي ناس بتشربها شربات وابقى منافق ذى ناس
ثانيا ردا على القران
الم تسمع قول الله تعالى
( أتامرون الناس بالبر وتنسون أنفسكم وأنتم تتلون الكتاب أفلا تعقلون)44 سورة البقرة

ثانيا منيين حكمت ان اللي وظفهم النائب احق
هل هم الاوائل على دفعنهم وانا كان نفسي اذكر اسماء ولكن وعدت الاستاذ احمد بعدم ذكر اسماء عشان انتو ما تزعلوش وكما قال الاستاذ محمد ابوبكر حبيب قلبي حسبي الله ونعم الوكيل

تسلم ياشريف
قولت اللى كنت عاوز اقوله