تحياتى ليك استاذ محمود وانا شايف ان من اهم الخدمات اللى البلد فعلا محتاجاهاهى تشغيل المستشفى احنا عندنا مساحة مستشفى تنفع لمستشفى عام ولكن للاسف هى ليست الا عباره عن وحده صحيه لو محتاج ربطة شاش مش هتلاقيها وعن تجربه ثانيا لو حضرتك تابعت الفلاحين فى الفترة اللى فاتت هتلاقى ففعلا فى ناس اراضيها بارت عشان مش لاقيين ميه يرووا اراضيهم فيا ريت يتعمم مشروع الرى المطور وهذا طبعا على سبيل المثال وليس الحصر

برافو محمد عز العرب برافو محمد ابوبكر برافو محمود سعد اتحنى امام عقليتكم وفكركم الناضج
ويا استاذ محمود يسعدنا ان نرى اجابتك على هذة الاسئلة يا حكيم المنتدي ولكم مني

يااااااااااه
الحمد لله ان بعض الناس بدات اخيرا تتكلم بعقلية وبفكر



أعتقد يا جماعة إن إحنا أصلا ماعندناش اى حاجة
علشان نقول احنا نقصنا ايه وايه اللى محتاجاه شباس
لانه ببساطة
احنا ناقصنا كل حاجة


كل حاجة علشان تعيش عيشة بنى ادمين


ناقصنى أشرب مياه نظيفة

ناقصنى مشوفشى المجارى ضربة فى كل شارع فى شباس
ناقصنى اشوفها متسفلتة ولو حتى شهر واحد

ناقصنى لما اجى اركب من الموقف الصبح متعذبشى
ناقصنى لما يجيلى ضيف فى الشتاء مبقاش مكسوف من كمية الترمبات اللى ناس لابساها
ناقصنى ان اخويا لما يروح الكلية فى الشتاء مايبقاش معرووف انه من شباس والدليل طبعا معروف كمية الطينة اللى فى جزمته

ناقصنى انى لما ابنى يتعب بالليل الاقى مستشفى اوديه فيها مش اطلع على كفر الشيخ ولا دسوق

ناقصنى ان المصلحة تبقى للكل مش لناس معينة فالمسرح يتسع للجميع

كفاية كده وزى كل مرة
لازم نقول مهما حصل
على راى محمد الجرن


قــــــــــشــــــــطـــــــة

قشطة ابوكريم

قــــــــشـــــــطـــــات يا باشا


بس الرياض عندكم ( نــــــار ) يا حبيبى نــــــــار

يعني جدة اللي جنة ما الحال من بعضه

زبده

أخوى شريف
خليك فى الرياض
سيب جدة فى حالها

انا حاسس انى فى معمل لبن. قشطه وزبدة وحليب احمدك يا رب

بشكر الاخ محمود على اسئلته والاجابات بتاعتها هى الحلم اللى حلمته وكتبته فى الموضوع

وانا برضه بكرر كلامى عشان نعرف نختار ويبقى لنا راى لازم نعرف حقوقنا وواجباتنا تجاه بلدنا .على افتراض ان لنا حقوق فى بلد اصبح شعارها الفساد فى كل شيئ.

مش حلمك لوحدك يا حسام حلم كل شاب
فى شبــــــــــــــــــــــــــــــــــــــــــــ عميرـــــــــــــــاس

مش حلمك لوحدك يا حسام حلم كل شاب
فى شبــــــــــــــــــــــــــــــــــــــــــــ عميرـــــــــــــــاس
نعم ابا امنية صدقت

والحلم ده علشان يتحقق لازمله100سنه
لاننا بنحلم بطريقه سلبيه او بمعنى اصح بنحلم
فى الضلمه ومحدش شايف الحلم ده غيرنا
حتى الناس اللى بتوصل الكلام من المنتدى لبره
مبيوصلوش غير جانب سلبى ويقولك دول بيشتمو
فلان وبيسبو علان وفلان قال كذا علشان كان ليه
مصلحه ومخلصتشى وعمره ما بيقول ان الناس اللى
فى المنتدى بيتكلمو فى مشكله المجارى بيدورو على حل
ولا عن المستشفى اللى مش مستشفى ولا على الرصف
ولا......ولا.........ولا
احنا مبنتكلمش على حد فهمه كاشخاص ناس محترمين
واهلنا وحبايبنا لكن كمسؤلين فلنا حق بانتقادهم ومحاسبتهم
للحصول على الافضل لينا كلنا وهمه اولنا
وبشكر كل الخوه الافاضل على التفكير العقلانى
البعيد عن التعصب وربنا يوفقنا كلنا للخير

هو معمل لبن بعقل بس يا ريت فعلا الكلام يوصل يا حسام وده دورك طالما فى البلد وهنا مش نار بس د نفخ يا معلم يعنى لولا القشطه علينا فبردك واجب علينا نقو ل فى الاخر قـــــشـــــــــــطــــــــة

مـ المستحيل انت تخدع أي طفل صغير

و تلف عقله و تعطيه القليل بكتير

لكن بأهون طريقه تخدع الجماهير
وتشغل المجاري وتجري الهبل يا محي الدين
لو كنت أغبى غبي تجري وراك و تسير

خليل يصقَّف , يصقف شعب ويا خليل

من غير ما يسأل عن الأسباب و التفاصيل

و حمار يغني , و جايب من يقول له : آه

حالاً تقول الخلايق كلها و يّاه
الباشا راح بكرة يرصف البد يا ولاداه
الحق يخفى و في وسط الزحام ينداس

و ناس في فهم الحقيقه , تتكل على ناس

و يساعدك الحظ ياللي تحسن التجعير
وتقول اللي توظفوا احسن الحمير

لا لالا لالا

كده بصراحة يا شريف

تستاهل

نقولك

قـــــــــشــــــــطــــــــــــــــة

بصراحة يا بو اكرم انا قاعد ادور على تعليق مالصبح بس فعلا مينفعش غير اننا نقول جمع القشطة كمان ( قشطة بالهبل)

شكرا ماتركس وشكرا ابوكريم
وقشطة يا ابه

الاخ عز العرب شكرا على اسلوبك وذوقك

لا شكر على واجب استاذ حاتم

الاخ شريف
شكرا جزيلا على اسلوبك وعلى ادبك فى الحوار
شكرا على وصفك لابناء بلدك واهلك وناسك اللى وظفهم محى القطان بالحمير
شكرا على هذا الذوق الرفيع
شكرا على هذا القلب الكبير الملئ بالخير والحب لجميع الناس
الاخ شريف
بمكاننا الرد على هذه الالفاظ بأفظع منها الف مرة ولكن سنفوت عليك هذه الفرصة ولن ننزلق الى هذا النوع الرذيل من الحوار فليست هذه هى شيمة محى القطان ورجاله
محى القطان الذى ذكرته فى شعرك يا اخ شريف يعمل ويعطى من اجل بلده ولله فى الله وانت اول العارفين بذلك.
والملاحظ يا اخ شريف انه لا يوجد احد من اعضاء منتداكم الكرام لم يلفت نظرك الى هذه السقطة الكبيرة التى لم نتوقعها ابدا ولم نتوقع ان تقوم بسب اكثر من 150 فرد من ابناء بلدك من عائلات مختلفة ليس لهم اى ذنب فى اى شئ ولو حذث العكس وذكر احدنا اى انجاز حصل فى شباس لقامت الدنيا ولم تقعد
فالحمد لله ان تبينت النوايا جيدا لهذا اللوبى وتبينت اهدافه واغراضه .
يا اخ شريف اقسم بالله اننى لا اخشى فى الحق لومة لائم ولو ان النائب الحالى او اكبر منه اخطأ فى شئ سنكون اول المواجهين له ولكنها كلمة حق اقولها ومن يتفق معى على العين والرأس ومن يختلف فله وافر الاحترام.
قل لى يا اخ شريف وانت فى غربيتك ( وفقك الله ) ماذا تعرف عن ما يجرى فى شباس ؟
هل تعرف انه تم تغيير 7 كم مواسير لمياه الشرب داخل شباس هذا العام فقط واذا قلت لك من سبب اعتمادها فستحزن ولكنك تعرغه
هل تعرف ان شباس عمير هى القرية الاولى على مستوى خمسين قرية على مستوى الجمهورية يتم تنفيذ فيها مشروع صرف صحى متكامل من محطة رفع رئيسية واخر فرعية وخطوط انحدار ومحطة تنقية لمياه الصرف الصحى وانتاج الحمأة التى تستخدم كسماد ويشرف على تشغيلها الجانب الالمانى
حتى قرارات العلاج يا اخ شريف لم تسلم من السنتكم ومش عجباكم يعنى لو فيه واحد غلبان ومش لاقى ومش عارف يروح فين وقصد محى القطان فى قرار علاج علشان يتعالج زى باقى الناس المفروض عندكم انه يكرشه ويطرده علشان تستريحوا
الراجل بيعمل لوجه الله ولا يمن على احد ولا يبغى جزاءا ولا شكورا من احد الا من الله ولو ان اى حد فى مكانه وانجز سنكون له من الشاكرين.
يا اخ شريف ارحموا من فى الارض يرحمكم من فى السماء لان فيه ناس مش لاقيه اللقمة وبتعانى فما بالك بالعلاج وتكاليفه والراجل ما بيتأخرش على حد وفاتح بيته ليل نها فمايكونش ده هو الجزاء
حتى الموتى اللى اللى بيموتوا فى حوادث او غيره ويقف ويروح الراجل يطلعهم من المستشفيات ويقف جنب اهلهم فى ظروفهم الصعبة مش عاجبكم وبتقولوا ان المستشفيات ما فيهاش مقابر وكده كده جاى بقى ده كلام يا ناس ؟
افترض يا اخ شريف لا قدر الله ان الموقف ده حصل لحد من قرايبك وقرت المستشفى تشريح الجثه هيكون موقفك ايه؟


يا اخ شريف احنا اتفقنا من الاول ان الاختلاف فى الرأى لا يفسد للود قضية لان ان تتعرض لناس معينة بالسب والشتيمة
فهذا لم ولن نتقبله ابدا.

واقبل تحياتى

اولا ياخ حاتم يا محترم لو مات احد عندنا وقالوا يشرح يشرح
لا يضر الشاه سلخها بعد ذبحها
ثانيا الناس كلها بتعمل قرارات
ثالثا اللي انا عارف كويس ان بلدك متاخرة في الخدمات خمسة وثلاثون عام
العزب فيها مجاري وفيها رصف قبلك بمائة سنة
ثالثا اين المستشارون في بلدك
رابعا كيف حال مستشفى شباس عمير
رابعا كيف حال فلاحين شباس وعاملة ايه مياه الري
خامسا ياخ حات احنا برة بس اهلينا جوة ابويه عندة ستين سنة بايت في الغيط اسبوع عشان يعرف يروي الارض وعندك يا حلاوة عضو مجلس شعب يا فرحتي
والكلام كتيييييييييييييييييييييييير بس مش عايز انفعل واغلط والاخر سيادتكم تقولي مش عايز اكلمك بنفس اسلوبك اتكلم يا باشا حد مسك لسانك
وعندنا الجعبة مليئة وكل اللي قلناه دا شوية رغاوي اللي فوق بس عايز نفرغ لك الجعبة احنا حاضريين وانتظر المزيد انشاء الله

واضح يا ماتريكس ان مفيش افل ان الفرح مبظش

بس عاوز اقولك


اهدى وهدى اعصاب الكبير بتاعنا
مش كفاية ام الحر اللى احنا فيه ده هنا
انا درجة الحرارة عندى يا جدعان فى جدة 49
بالهولندى
رستخ رستخ يا زكى يا رستخ


وبردك لازم اقلك فى الاخر


قشطة يا باشا

قشطة يا ابوكريم

هههههههههههه ياخويه الحرارة عندك 49 عندنا 53 يعنى الحال من بعضه وربنا يعيها على خير وبردك لازم نقول
قــــــــــــــــــــــــــــــــــــــــشــــــــــــــــــــــــــــــــــــــــــــــطــــــــــــــــــــــــــــــه

شريف باشا حبيبى مشكوووووووور بجد
مش عارف اقولك ايه مش عارف
اخوانا ليه مشيلينك الليله لوحدك
واحنا مش عايزين ننسحب لمستوى دنئ زى اللى
ناس بتتكلم بيه وبعدين المنتدى شغال من سنه
تقدر تقوللى ليه بس ابتدو يتكلمو دلوقت؟؟؟؟
ويقولك انت سبيت 150واحد بالحمير
والله يا عم الحمير ليها حق تزعل؟؟؟؟؟؟؟؟؟
ويقولك مش هتكلم باسلوبك
انما لم هوه يقول
انا دلوقتى عرفت اهداف اللوبى بتاعكم
ويشبه كل اعضاء المنتدى باليهود الصهاينه
يبقى هوه ملاك واحنا برده اللى شياطين
ايه يا ابو حميد دا مش سب لكل عضو فى المنتدى ولا ايه
وانت اللى قلت مش عايزين نشتم حد بالاسم
ادى المنتدى كله بيتشتم المفروض يكون فيه موقف
اقل واجب العضويه تنسحب ولا ايه ودا علشان المنتدى
ميكنش فيه الفاظ مش كويسه بعد كده لان ده
اسمه استفزاز لا اكتر ولا اقل

شكرا ابوانس واوافقك الراي تماما

شكرا شريف باشا
والوقفه اللى انت واقفها
دفاعا عن الحق ربنا مش
هيغزلك فيها ابدا
وربنا معاك والله

السلام عليكم ورحمة الله وبركاته
مش عارف ارد اقول اية
بس هو رد واحد
بيقولوا نكتة
ناس راكبة ميكروباص
وراكب جنب السواق واحد طويل عريض
وكل شوية يقول للسواق نكتة
السواق يضحك يفرمل الركاب تتخبط في الكراسي
ويتكرر الحال
فقام واحد من الركاب انفعل
وقاله اية يا سطة خمسين مرة فرامل اتعلم السواقة
فقام رد علية الطويل العريض
اية ياد انتة فية اية000000
الراكب لما شافة قام من الكرسي
قالة اية ياعم الأسطي احسن سواق في الجمهورية
بس احنا اللي ما بنعرفش نركب0

ماشى يا ابوحميد انت تعرفنى كويس جدا
وبعدين انا مسجل على المنتدى من فتره كبيره
لا عمرى سبيت حد ولا اهنت حد
لكن لما نلاقى اى حد مهما كان مين
كل هدفه تعكير صفو المنتدى يبقى لازم
نرد عليه ناهيك بقى عن اسمى اواسم غيرى
طول ما انا مش بغلط فى حد وبحترم
نفسى قبل ما احترم الناس يبقى اسمى
هيزودنى ولا هينقصنى فى ايه
ولا انت ليك راى تانى يا ابو حميد
وارجو ان تتقبل مرورى

مرورك مقبول ابو انس وانا لقيت اغلب الناس ال بتسجل بتسجل بأسماء مستعارة يغنى مثلا فيه ايه لو الواحد يكتب اسمه

شريف عبدالستار طه عز العرب الجرن

مش قصدى والله يا استاذ شريف وبعدين انت تشرف بس حبيت اوضح لابو انس نقطة الواحد ممكن يسجل باسم مستعار بس يعرف نفسه مش اكتر وعلى فكرة ياسر بيسلم عليك قووووووى

ايه ده يا ابو امال تعارف وماله ميضرش
ماتريكس **** محمد عبد الستار طه عز العرب الجرن****** وبردك لازم نقول
قــــشـــــطـــــة

يا احمد يا ريت تسلملى كتير على ياسر وعلى حزوم الصغير

يوصل يا محمد باشا ان شاء الله

سلامي لك اولا ابوحميد وسلامي الخصوصى قوي لاخوية ياسر له مني الف مليون سلام

يوصل يا شريف باشا وكل سنة وانت طيب وايه رايك فى موضوع الاستفتاء على المرشحين ال قال عليه محمد اخوك

كويس بس هم مين الاخرون نحب نعرفهم ونعرف برنامجهم او السيرة الذاتية
عشان نقدر نصوت عليهم

انت عارف ان مفيش مرشح عنده برنامج انتخابى هما مخلينها للظروف وحضرتك يا استاذ شريف ادرا بالحاجات دى هما مخلينها على البركة.

والمرشحين هما النائب الحالى ( محى القطان ) والدكتور سامى حامد والحاج عبدالحميد القطان والحاج جمال سعيد..

يا حاج ابو انس افندى كلمة لوبى معناها بالانجليزى مجموعة او جماعة ومالها دعوة باليهودية او الصهيونية

مجرد معلومة لسيادتك

والله ياحاج شريف مشكلة مياه الرى اصبحت مشكلة عامة على مستوى الجمهورية ومش نافع معاها عضو مجلس شعب او غيره
ومحى بيع ان شاء الله مسافر اثيوبيا يوم الاحد القادم ضمن وفد برلمانى علشان يشوف حل للمشكلة دى

الاخ ابو انس

اولا وصف الاستاذ شريف للناس اللى وظفها الكابتن محى بالحمير لم يحزنى بصفه شخصية لكن انا زعلت علشان كلهم ولاد ناس محترمة ملهاش ذنب فى حاجة

فعلا مش زنبهم دا ذنب اللى وظفهم
وبعدين اى حد لو مكان واحد فيهم يعنى كان هيرفض الوظيفه
دول ازكى ناس فى البلد انهم عرفوا ازاى
يخدوا اللى عايزينه بغض النظر عن
الطريقه اللى استخدموها لجعل العضو يسعى فى توظيفهم
منهم70%ميستحقوهاش و70%من الى متوظفوش
يستحقو الاماكن دى يعنى مفيش عداله توزيع
وانا مش بلوم عليهم انهم اتوظفو
بس مش خلاص بقى يقعدو يهللو على المليان والفاضى
ويخترعو اقاويل ويقذفو الناس بالباطل
ويغيروا الحقايق ويقلبو الناس على بعض
يا خوانا احنا فى المنتدى مش بنهاجم حد
ولا بنساعد حد احنا بنوضح حقائق ملموسه
وبنناقش مشاكل وممكن تتحل ازاى وكل واحد
بيساهم باراء وافكار مش كل هدفى انى انتقد فلان
واهاجمه شخصياعلشان مبينتخبش فلان
يا اخوانا اعملو معروف هتنتخب الكابتن محى وماله
هتنتخب الدكتور سامى وماله هتنتخب الحاج عبد الحميد وماله
هتنتخب الحاج جمال سعيد وماله هتنتخب حد من
بره البلد براحتك مش هتنتخب حد خالص شء يخصك
بس باسلوب كويس مش توصل لدرجه انك تحجر على اراء الغير
علشان مختلف معاك فى الفكر وتنتقد اشخاصهم وتصرفاتهم
يبقى كده انت عايز تثير الفتنه وبس

تسلم ايدك يا ابو انس
ووضح يا اخ حاتم يعني ايه ( بيع )
انت كاتب محى بيع وضح بيع دي

جل من لا يسهو
قصدى محى بيه

اهم الانباء
اجتمع امس السادة اعضاء اللوبى المزعوم
تحت شعار نداء الى كل مظلوم
وقال ايه هههههه علشان يرجعوا حق البلد المهضوم
وفى البداية وقف الاعضاء صفا واحدا وغنوا بصوت واحد اغنية ظلموه
ثم هتف احدهم علشان ايه تنتخبوه
ثم قص كل منهم حكاية والتى يدعى انها لم تأخذ من النائب اى عناية

فقال الاول
ذهبت لأطلب وظيفة لكى تعينى على المعيشة
وتأخرت الوظيفة علشان كده وصفت اللى اتوظفوا بالحمير
وجوايا له غيظ وكره كبير لأن نفسى اتوظف ولو حتى فى التشجير
او حتى فى الجامعة لأنى شاطر وجايب تقدير
انا طول عمرى له من المتعصبين وفى ثانية قلبت وغيرت المبدأ والمصير
علشان قال ايه هههههه خلاص فقت كأنى كنت واخذ حقنة تخدير

وقال الثانى

انا من العيله اياها اللى على طول منشقين
وعمرهم ابدا ما كانوا مع البلد متحدين
اذا البلد قالت واحد قلنا احنا ثلاثين
بس مش عارف العيب فينا ولا العيب فى مين
لأن الناس فاهمة سياسة وعارفة المخلص من اللعين
ومحى عايش فى قلوبهم عمرهم عنه ما متخليين
ودا حالنا مع البلد على مر السنين

وقال الثالث

انا مبدأى الاساسى خالف تعرف
اذا حد قال كلمة اقوله اسكت دا انا الاعرف
وعمرى ما اتحدت مع الناس على كلمة ولا اصلا بعرف
وعامل انا بس لمصلحة البلد بعرف
دا حتى من قلية ضميرى مش عجبانى قرارات العلاج
علشان مش حاسس بالناس كأنى عايش فى برج من العاج
وبأيد وبساند اللى كانوا بيضربوا الناس زمان بالسياج

وقال الرابع

يا جماعة فوقوا من الاوهام
دا محى ده نائب همام
وسياسى كبير ما تنفع معاه اقوى السهام
لأنه بيعمل لوجه الله المعين على اللئام
وعمره ما التفت للمهاترات ولعب العيال وعمره ما قال بكام
دا اللى يقف جنب المريض المحتاج عمره ابدا ما ينضام
وفاكرين نفسكم عارفين وفاهمين وانتوا عايشين فى الاحلام
انا صحيح مش معاه بس هى دى الحقيقة اللى لو مش عارفينها هتكون اكبر مصيبة

وقال الخامس

يا جماعة نفس اعرف السر فى النائب محى الدين
ولو حتى هروح لأكبر العرافين
ليه هو على طول عند الناس من المحبوبين
وما نفع معاه اى شئ حتى الاخوان المسلمين


وفى النهاية قام الاخ قائد اللوبى المزعوم وقال
يا جماعة لازم اجتماعتنا تدوم
علشان فينا غيظ وحقد كبير مش لازم يكون مكتوم
لأنى فاضل شوية واتجن او اشق الهدوم

شاطر هيه برافوا يلا روح وخدلك رواسة جديدة من الكابتن مكافاة على هذة العباطة

الأخ حاتم الكاشف شكله من الناس المعجبين بالكابتن محيى جامد لدرجة إنه بيقول شعر فيه وكمان فى أول كلامه إنه لا يخشى فى الحق لومة لائم...جميل أن تقول كلام والأجمل أن تعمل بهذا الكلام ..ولكن ما رأى سيادتكم فى تاريخ الكابتن محيى بيه...أولا فى 95 قام بضرب العبايده وقامت بعض الأخوات الفاضلات من أنصاره بتجريد بعض النساء من ملابسهن على مرأى من كل الناس .. وفى 2000 تم حبس الكابتن مراد فى حظيره للمواشى ..وفى 2005 قاموا بضرب دار خطاب (الإخوان المسلمين فى قصيدة سيادتكم) .
أرجو من سيادتكم (وأنت لا تخشى فى الحق لومة لائم)أن تقول لى رأيكم فى هذه الأشياء وبلاش تقول إن الغايه تبرر الوسيله .أو أنا كنت صغير ولسه بلعب فى شختى

ههههههههههههههههههههههههههههه
والله انك صادق اخ علي

وقامت بعض الأخوات الفاضلات من أنصاره بتجريد بعض النساء من ملابسهن على مرأى من كل الناس
الاخ علي اعتقد التعبير خانك في اخوات فاضلات
لانهن معروفين جدا للناس ومايشرفش اي حد يقول عليهم اخوات وكان نفسي اذكرلك اسمائهن ولكن وعدت ادمن المنتدى بعدم ذكر اسماء

لا يا أخ عز أنا لم يخنى التوفيق فأنا أقصد ذلك علشان أشوف رد حاتم بيه ..فالجميع فى شباس يعرفهن جيدا ويعرف سمعتهن (الطيبه) ويعرف أنهن فوق مستوى الشبهات فمن تقوم بمثل هذه الأفعال لابد أن تكون على درجه عاليه من ............

اسف اخ على خاني ذكائي وشكرا

هههههههه والسكر غلى ونحلو باييييييه ههههههههههههههه
قـــــشــــــطـــــة

افتكر كويس ياحاج شريف انك كنت من انصار النائب فى 95 و 2000 و 2005
واذا كان الكلام ده حصل فعلا يبقى انت كنت مشارك فيه وانت راجل بتقول انك صاحب فهم وفكر
طاب صاحب الفهم والفكر كان موافق على الكلام ده ليه يومهااذا كان حصل اصلا
وبعدين لسه جاى تفوق النهارده

كنت اعمى وفتحت
كنت فاكره صادق وكويس وطلع كداب
كنت فاكره شريف ونزيه وطلع العكس
حرام ان الواحد يراجع فكره ويشوف حاله
95 كنت في اولى جامعة وكان اول مرة وكنت مبهور بيه
2000 طبعا 4 سنين بيعد عن البلد
2005 كنت لسه جاي من السعودية وكنت مفكره انسان ماهو انت لما بيقرب منهم كلامهم زي العسل واولهم عمي كان خدعني وكان مخلي الناس التانية في عنينا ذي الشياطين ولما بعدت عنهم وشفت الحق بينباع ويروح لصاحب الواسطة
والغلبان ينداس بالجزم وان اخذ كلمتين حلوين يبقى كفاية عليه ولا حتى يبص لمنظر وهيئة الباشا يبقى ده اخر مناه
ولقيت التفرقة العنصرية اللي اتلغت في جنوب افرقيا جات عندهم
يبقى لازم نفوق
وعلى فكرة يا عم حاتم لو ترجع لاول الموضوع دة او اللي قبله حتلاقي انا كاتب فية كنا مسحوبيين بروايس وانفكانا منها عقبالك يارب ولك منى

يا حاج شريف رأيك ده واجب علينا نحترمه ونقدره
بس يا ريت بدون غلط فى حد ( اى حد ) مهما كان اتجاهه.
يعنى لما تقول ان جزمة الحاج عبدالعزيزخطاب الله يرحمه احسن من محى القطان يبقى ده رأى واحد فاهم ومتعلم
ليه الغلط والتجربح فى الناس اللى لما سيرة اى حد بتذكرك قدامهم بيذكره بكل خير
يا اخ شريف انت اخونا الكبير وواكل فى بيتكم عيش وملح مع اخوك محمد بس عمرى بأى حال ان ارضى بالسب والغلط فى اى حد ولو اى حد ده سبك او غلط فيك هيكون ده موقفى برده

يا حاتم عشان كده بنقول الاسلوب ده غلط يعنى والله شريف قال حاجه يا عم ده رايه وهو المسئول عنه متبقاش انت اللى فى الصورة والناس تغلط فيك والله احنا ما حبين ان الموضوع يوصل لكده ولا فارق معانا مين اللى يبقى عضو مجلس شعب ياريت بقى نخلص مالفيلم ده احنا كلنا فى المنتدى اخوات والناس اللى فيه على راسنا من فوق فياريت متبقاش الانتخابات سبب اننا نخسر بعض