ههههههههههههههههههههههههههههه
والله انك صادق اخ علي

وقامت بعض الأخوات الفاضلات من أنصاره بتجريد بعض النساء من ملابسهن على مرأى من كل الناس
الاخ علي اعتقد التعبير خانك في اخوات فاضلات
لانهن معروفين جدا للناس ومايشرفش اي حد يقول عليهم اخوات وكان نفسي اذكرلك اسمائهن ولكن وعدت ادمن المنتدى بعدم ذكر اسماء

لا يا أخ عز أنا لم يخنى التوفيق فأنا أقصد ذلك علشان أشوف رد حاتم بيه ..فالجميع فى شباس يعرفهن جيدا ويعرف سمعتهن (الطيبه) ويعرف أنهن فوق مستوى الشبهات فمن تقوم بمثل هذه الأفعال لابد أن تكون على درجه عاليه من ............

اسف اخ على خاني ذكائي وشكرا

هههههههه والسكر غلى ونحلو باييييييه ههههههههههههههه
قـــــشــــــطـــــة

افتكر كويس ياحاج شريف انك كنت من انصار النائب فى 95 و 2000 و 2005
واذا كان الكلام ده حصل فعلا يبقى انت كنت مشارك فيه وانت راجل بتقول انك صاحب فهم وفكر
طاب صاحب الفهم والفكر كان موافق على الكلام ده ليه يومهااذا كان حصل اصلا
وبعدين لسه جاى تفوق النهارده

كنت اعمى وفتحت
كنت فاكره صادق وكويس وطلع كداب
كنت فاكره شريف ونزيه وطلع العكس
حرام ان الواحد يراجع فكره ويشوف حاله
95 كنت في اولى جامعة وكان اول مرة وكنت مبهور بيه
2000 طبعا 4 سنين بيعد عن البلد
2005 كنت لسه جاي من السعودية وكنت مفكره انسان ماهو انت لما بيقرب منهم كلامهم زي العسل واولهم عمي كان خدعني وكان مخلي الناس التانية في عنينا ذي الشياطين ولما بعدت عنهم وشفت الحق بينباع ويروح لصاحب الواسطة
والغلبان ينداس بالجزم وان اخذ كلمتين حلوين يبقى كفاية عليه ولا حتى يبص لمنظر وهيئة الباشا يبقى ده اخر مناه
ولقيت التفرقة العنصرية اللي اتلغت في جنوب افرقيا جات عندهم
يبقى لازم نفوق
وعلى فكرة يا عم حاتم لو ترجع لاول الموضوع دة او اللي قبله حتلاقي انا كاتب فية كنا مسحوبيين بروايس وانفكانا منها عقبالك يارب ولك منى

يا حاج شريف رأيك ده واجب علينا نحترمه ونقدره
بس يا ريت بدون غلط فى حد ( اى حد ) مهما كان اتجاهه.
يعنى لما تقول ان جزمة الحاج عبدالعزيزخطاب الله يرحمه احسن من محى القطان يبقى ده رأى واحد فاهم ومتعلم
ليه الغلط والتجربح فى الناس اللى لما سيرة اى حد بتذكرك قدامهم بيذكره بكل خير
يا اخ شريف انت اخونا الكبير وواكل فى بيتكم عيش وملح مع اخوك محمد بس عمرى بأى حال ان ارضى بالسب والغلط فى اى حد ولو اى حد ده سبك او غلط فيك هيكون ده موقفى برده

يا حاتم عشان كده بنقول الاسلوب ده غلط يعنى والله شريف قال حاجه يا عم ده رايه وهو المسئول عنه متبقاش انت اللى فى الصورة والناس تغلط فيك والله احنا ما حبين ان الموضوع يوصل لكده ولا فارق معانا مين اللى يبقى عضو مجلس شعب ياريت بقى نخلص مالفيلم ده احنا كلنا فى المنتدى اخوات والناس اللى فيه على راسنا من فوق فياريت متبقاش الانتخابات سبب اننا نخسر بعض

والله يا محمد ده رأى من زمان وربنا العالم انا بقول ايه للناس فى البلد وبهديهم وبقول ان يوم الانتخابات كلنا نتقعدوا مع بعض واللى عايز واحد ينتخبه براحته.
بس لما يبشوف حد اى حد بيغلط فى خلق الله عمال على بطال يبقى ده ناوى على خراب وبناخده الاول براحه وبنعرف اننا اخوة والغلط مالوش لازمة
لكن لما يصر على رأيه لازم يكون فيه موقف تانى

ولك تحياتى

يا محمد رقم المحمول الخاص بيا

0103383067

منتظر منك مكالمة

مساء الخير على كل اللى فى المنتدى معلش اتاخرت عليكم شويه بس كلكم عارفين التشطيب عايز واقفه بس انا كل بوم متابع ابداعتكم خاصه حبيب قلبى شريف وابو امنيه وابو هابدى وكل الناس المحترمين المثقفين .
وبشكر برضه كل الناس اللى ساهمت فى الموضوع وسلوا وقتنا فى المنتدى.والكل عارف كل واحد بيقول كلمه بيفكر فى ايه ونيته ايه

يوم الجمعه بقى وبعد الصلاة وقف النائب الخارق فى المسجد وللامانه انا مكنتش هناك بس عرفت من واحد ثقه المهم وقف وقال انا مش مترشح تانى وباهل البلد اختاروا حد واتفقوا عليه
متقولش الرئبس عبدالناصر بيتنحى شوف ياخى السياسه وحشه ازاى مفكر الناس هتقوم تعيط وتبوس ايده وتشيله على الكتاف وتقول لبيك يا سيدى النائب دا انت اللى موكلنا ومشربنا ومهشتكنا ومبشتكنا.طيب لو جدع وصادق متترشحش
المشكله ان الناس فاهمه وعارفه وواعيه .طيب لما انت مش عايز تترشح واقف تقول كدا ليه
المهم انا مش عايز اطول .
والله يا جماعه الناس فاهمه وواعيه

لقد قررت أن أتنحى تماماً ونهائياً عن أى منصب رسمى وأى دور سياسى، وأن أعود إلى صفوف الجماهير، أؤدى واجبى معها كأى مواطن آخر
قعدت ادور فى الوجوه الضاحكه عشان الاقى واحد بيضرب كف بكف مش لاقى
شكــــــــــــــــــــــــــــــــــرا يا سمسم على الاخبار الطازجه

ممكن اسأل سؤال واحد وحد يجاوبنى عليه بصراحه هل اى حد من الجماعه اللى اتعملهم مصالح شخصيه وشايف البلد قصدى الخرابه بالشكل ده بقالها اكتر من 30 سنه على الوضع ده ومفيش فيها اى حاجه يكون عنده الشجاعه الادبيه والنخوه ويقول انا مش هانتخب العضو الحالى عشان ما بيعملش خدمات للبلد على الرغم من انه عمله مصلحة شخصيه ولا طبعا وده الاكيد المصلحه الشخصيه هتطغى على فكره انا سألت السؤال وانا عارف الاجابه مقدما بس حابب اسمع كلامكم

قال بخت يغور في داهية
واحنا نكره
مرحبا بعودتكما حبيبي قلبي محمد ابوبكر وحسام باشا

الزاي ياابة كنت تعالى شوف الناس خرجي الكليات لما كان عامل مؤتمر طبعا بعد نجاحة بكتير انا مش فاكر بالضبط المؤتمر ده كان عشان اية بس الحزب كان عاملة في كل الدوائر على مستوى الجمهورية على ما اتذكر بس الموقف اللي مش احنساة الناس دول (الناس اللي انتدبوا للضرائب واللي شغلهم في المياة بمائة جنية ) كانوا بيرسوا ويشيلوا في الكراس كانهم عمال فراشه والاخ قريبه كان منتدب بردة كان عمال يشخط فيهم كانهم شغالين في الابعادية بتاعتهم وسلمي على الذريبة ام دوريين وان كنت ناسي افكرك

محمد أبو بكر
حمد لله على السلامة

لا تعلييييييييييييييييييييييييييييييييييييييييييييق

الله يسلمك يا محمود

الســـــــــــــــــــــــــــــــــــلام عليكم
سمعنا ان المحترم نائب دئرتنا قام في المسجد وقال انه بيتنحى عن الانتخابات

والله ان كان حصل يبقى يا جماعة الراجل صادق
والله صادق
والله صادق
يبقى هو عرف كدة انه نكسة شباس
نكسة في خدماتها
نكسة في شبابها
نكشة في طرقاتها
نكسة في صحة ابنائها
نكسة في اراضيها البائرة
نكسة في المجاري
نكسة في مياه الشرب
نكسة في المستشفى
نكسة تسبب فيها ومن قبله ابية لمدة 40 سنة

روح ياخي يالي عارف نفسك وبلغ الجميع لانه اتصل عمي على ابوية وقاله ان شريف بشتم محي نحن لا نختلف مع محي كشخص فهو لنفسة سواء حلو او العكس انما نختلف على افعالة وعلى مكانته وعلى الامانة التي لم يؤدي حقا
وعلى الاحاديث الكاذبة وعلى الوعود التى اخلفها هذا وجه اختلافنا وبتبليغك فاعلم جيدا اننا لن نسكت عن الحقيقة واعلم ان هذة البداية

تكلموا في احاديثهم عن الجناح العسكري
اوضح لكم شويه مين اللي عندة جناح عسكري
الباشا النائب بتعانا يوم الانتخابات يتجمع مجموعة من الناس (.......) طبعا المعنى معروف بقيادة ضابط شرطة وجزار وموظف في التامينات قلين
وقسموا الناس دول الى مجموعات كل مجموعة عند لجنة معهم طبعا اسلحتهم
والاسلحة تختلف من شوم و جنازير وسنج وخلافة
وويتم توزيع المجموعات ليلة صبيحة الانتخابات وكلهم بينامو مع بعض في منزل واحد او اثنين حصل دة ولا انا كداب
انا ماذكرتش اسماء اهو يا بقوش عشان لا تزعل بس شويه ايضاح
الضابط من عائلة القطان
الجزار من عائلة شرف
موظف التامينات من عائلة الهواري
مين بقه اللي عندة معكسر وعندة جلادين وعنده جناح عسكري وعندة لوبي
وبردة مش اهسكت عن الحقيقة لاني رديت على ابي وقلت له ان كنت بقول اكاذيب سوف اسكت ولن اتكلم ولكن لن اسكت ابدا
واللي يزعل يشرب من البحر

احنا اهالي شباس عمير عايزين وجه جديد لعضوية مجلس الشعب وارجو ان يكون بصدق مش يجي ويحب الارجل قبل الانتخابات وبعدها ما نشوفش وشه الا في المناسبات
يا اهالي بلدنا العزيز عليكم باختيار الشخص المناسب في المكان المناسب وسلام عليكم

يا جماعة لو نرجع لاساس الموضوع هنلاقى ان كلام حسام هو فعلا حلمنا كلنا وهو اننا نشوف بلدنا احسن من كده يعنى يبقى عندنا مستشفى نتعالج فيها مش مجرد قهوة للموظفين يشربوا شاى ويقزقزوا لب فيها نلاقى موقف محترم للركاب . نشرب ميه نظيفه والفلاحين يعرفو يروا ارضهم ونشوف شوارع بلدنا نظيفه ومرصوفة زى اقل عزبه فى المركز نشوف فى البلد عدد من الكوادر زى وكلاء النيابه وظباط مثلا يا جماعة والله فيه عزب
فيها خمس او ست وكلاء نيابه ده عشان الناس اللى وصلوا لمكان ويقدروا يساعدوا الناس
كانو بيشتغلوا لوجه الله ومبيحسبوهاش بنسبة
البلد او العيله الفلانيه فى التصويت
والله ده حلمنا او جزء من احلامنا العضو اللى شايف فى نفسه انه ممكن يقدر يساعد حتى فى الاحلام دى على راسنا من فوق ويورينا البرنامج
والشغل بتاعه وايه اللى هيضيفهولنا وايه اللى ممكن يقدر عليه واحنا وراه نحن لا ننتقد اى عضو فى شخصه يعنى يا ريت الناس تفهم كده مش مجرد ان الناس تقول احنا عاوزين تغيير وفكر جديد يبقى كفر وضلال والتاس تروح تشتكى وتهبل
ولكن وبرغم كل الظروف لازم بردك فى الاخر نقول
قــــــــشـــــــــــــطــــــــــة

الناس اللى بتشتكى دى ناس مريضه
مفدرش يقنعك بالحوار حتى ولو
كان اسلوب حواره افضل وصف ليه
(مقزز) فاتجه لاساليب اخرى
رخيصه حتى يسكت صوت
ارتفع للتوعيه وفى سبيل الحق
ودون اى مصلحه
فماذا تنتظر من مرشح يفكر من يساندونه بتلك الطريقه؟؟؟؟؟؟؟؟؟؟؟

الخميـس 1/7/2010
شبـاس عمـير على موعد مع الـقدر
شبـاس عمـير على موعد لتحديـد المصـيـر
شباس على موعد لتقول كلمتها لتختار من سيكمل مسيرتها ويحمل رايـتها
فكما كانت شبـاس عمـير دائما وسـتبقى هى القـدوة والمـثل لجميـع الـبـلاد.
هى الـقدوة والمـثل بفكرهـا وسـياسـة أبنائـهـا.
هى التـى تحـدد الطـريق وترسم معالم دائـرة قـلـين.
فشـباس هى الـتى تخـتار وتـحـدد
شباس هى التى تصـون ولا تبـدد
فشباس عمير باقية والأشخاص زائـلـون.
شباس يا بلد أبويـا و امى شباس يا بلد اخويـا وعـمـى
شباس يا مهد اجدادى شباس يا مستقبل اولادى
أنا من قلبى والله بـنادى
من أجل رفعة شباس ونهضتهـا واستكمال مسيرتـهـا
من اجل ألا تخرج العضويـة من شباس عمير
فـيـا أبـنـاء شباس تـعـالوا واتـحدوا على كلمة سـواء ....
تعالـوا وقـولـوا رأيكم بمنتهى الصراحة والوضـوح
والله الموفق لما فيه الخير والرشاد

طيب ماشى كلام زى الفل بس هو ايه يعنى اللى هيحصل بكره ؟؟؟؟؟؟؟؟

حيعملوا إنتخابات بين محيى القطان ومنافسه الشرس محيى القطان والصاروخ محيى القطان والمرشح عن مقعد الفلاحيين محيى القطان .وطبعا اللى حينج من المرشحين دول حتبقى البلد إختارته وأى حد تانى حيقى ضد مصلحة البلد ولازم يتأدب وزى الأخ المحترم الكيميائى الذى لا يخشى فى الحق لومة لائم عنما قال(لكن لما يصر على رأيه لازم يكون فيه موقف تانى)ومعروف طبعا الموقف التانى

بردك محتاجين توضيح اكتر من كده ومين اللى هيعملو وهيعملو ايه ايه يا بقوش كده مش هنعرف نقول قشطه ولا ايه فين يا عم

إستفسار موجه للأخ / حاتم الكاشف
لو ما فيش عضومجلس شعب فى شباس نهائيا :
ياترى من وجهة نظرك إيه مصيرنا ؟؟؟؟؟؟؟؟؟؟؟؟؟؟؟؟؟؟
و هو إيه الدور الرائد اللى بتقوم بها شباس ؟؟؟؟؟؟؟؟؟؟؟؟؟؟ أرجو التوضيح

منتظر رد حضرتك مع ملاحظة الآتى :
إن الخلاف فى الرأى لا يفسد للود قضية
و إن كل واحد مسئول عن رأيه و إختياره
و شكرا

اصل العضو المحترم
جاى من اثيوبيا
وهيعملو مؤتمر علشان يحدد
اذا كان هيدخل الانتخابات ولا لا
بس الهدف الحقيقى اللى بيسعى ليه اتباع
العضو وهو ان يظهرو للعضو مدى حفاوه الناس بيه
بعد عودته من السفر
والله انا اعرف ناس من انصار العضو
كانو بيجمعو اهلهم واصحابهم وجيرانهم
علشان يروحو يقابلوه فى مصر
لو ترجعو لوره شويه لما كان العضو راجع من المجر
ناس قد ايه راحو يقابلوه ومن نفسهم من غير ما حد
يقلهم علشان كان عندهم امل ان ده اللى هيغير حال البلد
وانا شخصيا كنت واحد من اللى راحو
بس دلوقت الناس فهمت وللاسف الياس ملا قلوبهم
لان لو فيه حاجه هتتغير كانت اتغيرت من زمان
وطبعا شباس ليها الرياده طول عمرها
فيها مجارى(طافحه)ومرصوفه(بروث البهائم)وفيها
مستشفى تكامل(خاليه من الجهزه)وفوق
دا كله فيها عضو مجلس شعب(.......)هى دى الرياده
ولا بلاش
عرفتو موعدنا مع القدر
يوم الخميس1/7/2010
عامل ازاى ربنا يستر علينا

اللهم هيىء لهذة القرية
أمر رشد يعز فيها
الصالحين - المظلومين - الصادقين
ويذل فيها أهل معصيتك
الفاسدين-الظالمين-الكذابين -المنافقين
ويكون فيها الخير والبر والبناء والنماءوالإنتماء
ولا يكون فيها الشر والحقد والغل وكل شراً

الناس غلابه

استسلموا لإيد القطان

يرسم لهم شكل الملامح

يتهجي ليهم حرفهم

والناس ياعيني اتعودت

واقفه حياتهم في انتظار

فتوي الأمير

ومحددين ليهم مسارهم

ومخّتّمين حتي المصير

ممنوع ياخطوه تحددي

ف يوم اتجاهك

وبدون أوامر م الكبير

الناس غلابه ومطحونين

مابين رحاية حضرة النائب المٌهاب

و بين رحاية الاحتياج

ومافيش علاج

لافي الانتخاب

ولا الانتحاب

ومشواورنا ويا الليل طويييل

والفجر رافض حتي إنه نشوف ضياه

الحلم تاه

والناس ماعدشي بتفتكر غير بس

آآآه

النائب راجل مستقيم ؟

آآآآه

النائب حُكمه في السليم؟

ويردوا

آآه

والنائب يحكم في الرقاب

وبشرع غاب

والناس خلاص استعذبت

طعم العذاب

والحلم غاب

وماعدشي فاضل ف الصدور

غير بس

آآآآآآآآآآآآآآآآآآآآآآآآآآآآآه

قول يا شريف وسمعنا
اصل الكلام ده ليه معنى
هوه صحيح بيوجعنا
بس احسن من عذاب
الاأأأأأأأأأأأأأأأأأأأأأأأأأأأه
اهاتنا سكنه فى القلوب
وبلدنا ملياها العيوب
والحلم تايه فى الغيوب
حتى النهار ما بان ضياه
اه يا بلد والف ااااااااااه

روعة روعة روعة يا صحفي المنتدي الاول ابو انس الغالي

هتعمل إيه يا شيخ مستور ؟

يا راضي بنص لقمة عيش

وعايش في النكد مسرور

أهم سرقوا خلاص خطاويك

هتعمل إيه بقه برجليك ؟

هتمشي لْهم على كيفهم ؟

وتحسب إن طول صمتك مكتفهم

هتمشي ولاّ راح تقعد ؟

ولو طال القُعَاد برضه أهم ماشين بدال منك

لأنك باختصار رافض يكون لك دور

وحابس في الضلوع خوفك

وقاتل في العيون شوفك

وميت صرخة تموت في الزور

ودايرة الساقية يا صاحبي

وحابب إنك إنت الطور

تموت بالصبر ميت مرة

ويتغير مِتين دستور

ويتحسّر كتير قلبك

فتتغمى بهموم غلبك

وأهي الدايرة عليك بتضيق

كما الساقية عليك بتدور

بسم الله الرحمن الرحيم
لو انفق ما فى الارض جميعا ما الفت بين قلوبهم

صدق الله العظيم

سجل يا تاريخ الخميس 1/7/2010
اشهد يا عالم
شباس عمير قالتها للعالم
قالتها بكل لغات العالم
قالت رأينا واحد ومرشحنا واحد
فنحن بلد الرأى الواحد والمرشح الواحد
اختارت شباس عمير مرشحها
اختارت محى القطان ليحمل رايتها
فقد ضربت شباس عمير المثل بفكرها ورجالها
اتحد رجال شباس على كلمة سواء
اتحدوا ووضعوا نصب اعينهم مصلحة شباس
قالوا له اكمل على بركة الله مسيرتك
ولا تلتفت للمضللين الحاقدين
قالتها شباس بكل حرية
قالتها مدوية
وجاء المؤيدون من جميع قرى المركز
قالوا يا محى لا نعرف مرشح سواك
يا محى لا نعرف مرشح يحمل طهارة قلبك ويدك
قالوا له بكل الحب جئنا نبايعك يا محى
فالحب يا سادة لا يباع ولا يشترى
تلك هى الاغلبية
تلك هى الاغلبية
تلك هى ألسنة الحق
تلك هى شباس عمير

فالحمد لله
الحمد لله وحده لأنه وحده يعلم النوايا والقلوب
يعلم ما تكن الصدور

شباس عمير ورجالها يخصون بالشكر ابنهم الكابتن / مصطفى حامد وابن شباس الحاج / عبدالفتاح عباده لحضورهم مؤتمر شباس عمير ومباركتهم استكمال ابن شباس محى القطان لمسيرته.
فنقول لعم تلك هى معادن الرجال
وهؤلاء دائما رجال شباس عمير وابنائها المخلصين الذين نفتخر بهم وبفكرهم ورأيهم وحرصهم على مصلحة شباس عمير

شباس عمير ورجالها يخصون بالشكر ابنهم الكابتن / مصطفى حامد وابن شباس الحاج / عبدالفتاح عباده لحضورهم مؤتمر شباس عمير ومباركتهم استكمال ابن شباس محى الدين القطان لمسيرته.
فنقول لهم تلك هى معادن الرجال
وهؤلاء دائما رجال شباس عمير وابناءها المخلصين الذين نفتخر بهم وبفكرهم ورأيهم وحرصهم على مصلحة شباس عمير

الحلم يا حاتم لا يمكن يضيع

حتى لو الوطن الأصيل بقه محرقة

قولي لصبحك بالأمل علّي موسيقى الشقشقة

بكرة الحصان اللي صبح فينا خروف

يرفض يعيش المأمأة

ويعود لمضمار السباق

ويسيب عنانه للمدى

ويدوس على أرض العدا

فيعود حمامنا للسما

يفرد جناحه بالهدى

وتقول حروفنا كلمة الحق اللي ضاعت بين كلام التأتأة

الحلم بالوحدة هيتحقق ونخرج للحياة

حتى ولو طبقت إيدهم فوق جدار الشرنقة

شباس عمير قالتها للعالم
قالت رأينا واحد ومرشحنا واحد
قالوا له اكمل على بركة الله مسيرتك
قالتها شباس بكل حرية
قالتها مدوية
قالوا يا محى لا نعرف مرشح سواك
قالوا له بكل الحب جئنا نبايعك يا محى

>>>>>>>>>>

الكلام ده كله كويس
بس انا لى استفسسار واحد بس يا اخ حاتم لو تكرمت تجاوب عليه
....
وماذا قال الكابتن محيى ؟

بعد كل اللى اتقال ده قال ايه؟
ولا هو تهليل ونبايع وهيييييه ونؤيد ونشجب ونستنكر وخلاص
بعد كل اللى انت بتقول عليه ده
مقلش هوه بقى هيعملنا ايه بعد ما ينجح؟
.......
مجرد استفسار بسيط بارك الله فيك وفيه ؟؟
ويلا بقى نقول



قـــــشــــطـــــــة

ههههههههههههه شباس قالت كلمتها ويلا يا شباس نعيش الحلم ويلا يامه ويلا ياخالة ويلا يا عمه ويلا ابه الكلام كنا بنسمعه من عبد الحميد زغلول يا حاتم يا عم قولنا شباس قالت ايه والنايب قال ايه وايه اللى ناوى يعمله لاستكمال مسيرة النجاح ؟؟؟؟؟؟ واين هو النجاح اللى هنستكمله ويلا بردك لازم نقول يلا ياخالة سيبى اللى وراك ويلا ياعم سيب شغلك ويلا نقول
قـــــــــشــــــطــــــة

بسم الله الرحمن الرحيم
انا دايما اكرر كلامى واقول تعاولوا نفكر اكثر بعقلانيه بلاش تحكمنا العواطف
الاخ المحترم المدعو / sakrmasr اى صقر مصر المفروض المسمى نفسه بالصقر يكون حاد الرؤيه او على الاقل عنده بعد نظر مش مجرد امعه انا احسن الناس احس وان اساءو اساء
المفروض ان كاتب الوظيفه مدرس اى متعلم واضح من كلامك انه لاتفقه شى بسبب انه ذكرت ايام العموديه وهوعمرك 28 سنه اى انه سمعت من الناس لم تعيش تلك الايام ( اى انه امعه او يكرر كلام الناس مثل ........)
لازم يا اخ صقر تدينا وجهة نظرك انت مش تفكر بعقل الغير
...... كلنا عارفين ان الكابتن محى هينج فى الانتخابات وان كل اللى بيحصل ده مجرد مسلسلات محفوظه لو عايز احكيلك اللى هيحصل من هنا الى يوم الانتخابات اقولك عليه بس احنا عاوزين الاقضل ان كان الكابتن محى هينج لازم يدفع الثمن
لازم يقدم خير لبلده - لازم برد الجميل لكل اهل البلد مش الخاصه فقط -
انا مع محى فى الانتخابات بس يقول هيعمل ايه عاوزين شى ملموس مش مجرد كلام عام غير مفهوم عاوزين 1. 2 .3 .4 .5 بمعنى خطه معينه يقول ان شاء الله سوف انفذ كذا وكذا ونيجى بعد 5 سنين من دلوقت فى نفس المكان ويقول هو نفذ ايه بالضبط واحنا اللى نحدد ان كان يترشح ولا لا
اخ صقر مصر نفسى اسال سؤال
اساله لاى حد ممكن يقابلك وتجمع الاجابات وتروح للكابتن محى وتقوله دى اجابات الناس عن ( قريه بها عضويه مجلس الشعب لمده اربعين سنه تتخيلوا ازاى يكون حالها )
وخذ الاجابات دى للكابتن وجمعها وقوله تقدر تعوض ما فات وترجع للبلد دى حقها فى عضويه 40 سنه بمجلس الشعب
بتتكلم عن الرصف والمجارى يا راجل دا احنا اخر بلد فى المركز هتترصف مش عيب على نفسك المفروض تتكسف من الكلام ده على فكرة انا طرحت السؤال دة ونفس اعضاء المنتدى يردو عليا
قريه بها عضويه مجلس اشعب اربعين سنه تفتكروا ممكن تكون ازاى
انا ممكن اتخيل البسيط من الاجابات
1 - قريه كمدينه
2- وظائف مرموقه لاهل القريه
3- على الاقل 100 ظابط شرطه بمختلف الرتب من جميع العائلات
( مع العلم لو احنا عندنا ضباط او ساعدوا الناس فى الدخول فى سلك الشرطه كان هيوفر عليهم كتير لان كل واحد كان هيهتم بأفراد عائلته يدخلهم الشرطه او الجيش مكنش الحمل هيبقى عليه فقط كان ممكن تلاقى فى كل بيت ظابط بس خيفين من ايه معرفش يا جماعه دم اربعين سنه فى مجلس الشعب )
والله لو عملوا بجد لصالح البلد كان زمان وضع البلد غير كدة خالص انا نفسى يبقى وضعنا احلى بس نفكر اكثر بعقلانيه
ارجو اعطونى ارائكم
ياريت تركزو اكثر فى اللى انا كتبه لانه للصالح العام ولست ضد اى مرشح
لو الكابتن وعد انه يقدر يعوض التقصير خلال الاربعين سنه يبقى كتر خيره

اخ صقر جمع الاجابان من عشرة افراد فقط بلاش تكتر عليك
وروح للكابتن وقوله ده راي الناس فى البلد فى اربعين سنه عضويه فى مجلس الشعب

لا تنسى السؤال
قريه بها عضويه مجلس الشعب 40 سنه تفتكروا ازاى يكون حالها

صح لسانك يا رامى

لالالا فعلا يسلم لسانك يا رامى

قشطة

كلام سليم استاذ جمال واهلا وسهلا بك بيننا

الاخ اللى داخل (زائر )امسك المدرى ودرى
اللى مش بيفهم يقول عدس وانت قولت بصاره
اعتذر لاخوانى على تدنى الاسلوب بس بصراحه حاجه تزهق

مشكووووور ابو حميد
وهوه دا القرار اللى لازم يتاخد
مع اى حد يتكلم باسلوب قذر

بنعتذر للاخ حسام والاخ شريف
معلش جات فيكم
اصل كلمه الحق بقت
عيبه فى الزمن ده
بس اعرفو ان الشجره المثمره
دائما تقذف بالحجاره
ويكفى انكم فهمتونا حاجات كتير
مكناش فهمنها واحنا استمتعنا بمساهماتكم
ومواضيعكم واكبر دليل على كده
الاسلوب المثير للشفقه اللى بيتكل بيه
الناس اللى مش فاهمه حاجه
فدعوا الكلاب تعوى والقافله تسير
وربنا يوفقكم لما فيه الخير

مشكور يا احمد وده القرار السليم ولو انى بردك مصمم على رايى فيه وصدقنى هو مكنش هيفهم الا بالاسلوب ده الناس فى المنتدى متجمعه على كل حب وخير وبينهم كل الاحترام فمثل هذه الشخصيات لايمكن ان تؤثر بشى وكلامها متمثل فى راى حسام
قشطة

اولا يعجز لساني عن شكري لاخواني اعضاء المنتدى
مثل احمد وابوهايدي وابونس وحسام وانتم اعجزتم
لساني عن الرد على هذاالسفيه

فسيكفيكهم الله
يكفى ان نقول حسبى الله ونعم الوكيل فى كل منافق ومرائى يرمى بالكلمات جزافا ولا يلقى لها بالا وينسى او يتناسى ان الله سوف يحاسبه بذنب كل فرد فى هذه البلد لانه يعلم انه يتكلم بالباطل ولكنها لاتعمى الابصار ولكن تعمى القلوب التى فى الصدور يا عبد الله يامن تركض وراء مصالح دنيويه فانية وعقليات فاسدة باليه وكلمات ملطخة بالرياء عفا عليها الزمن واكل عليها الدهر وشرب تذكر ربك وكلمة حق تقولها ستسأل عنها يا من مازال يملك قلبه بين جنباته وعقله بين جدارن رأسه تذكر ان الدنيا فانيه . اربعون عاما من العضويه فى مجلس الشعب واصبحت بلدنا احط واقذر مظهرا من مقالب النفايات بدلا من تكون وجهة حضاريه بصفتها اكبر قريه فى المنطقه ومع ذلك مازالت هناك اصوات عابسه ضاله تنادى بصوت باطل ويعبثون بمستقبل ابناءنا واخواننا وشبابنا ان لا اقصد احدا بعينه ولكن الواقع يشهد على ما اقول فانا لم اخترع شيئا او الفق تهما لاحد بالباطل يامن تملك عقلا ان الاوان لتخرج عن صمتك والقمقم الذى عشت فيه طويلا وتختار ولو مرة واحدة فى حياتك قرارا صائبا
ما تزعلش ياشريف
فخير من مخاطبة ......... السكوت انا بجد حزين لانحدار مستوى الحوار الى هذه الدرجه

هذا الشبل من ذاك الأسد

شكرا اباامنية فالحمد لله انه يوجد في بلدنا اناسا مثلكم ومثل معظم اعضاء هذا المنتدى المحترمين واحب اضيف
ان الجبان اللي اتكلم لم يوضح اسمه الحقيقي

صاحى و مركز يا بو حميد
مشكوووووووووووووووووووووووووووووووووووور

'طبعا يا استاذ محمود ده قائد قديم فى الجواله ولا ايه يا admin

قشطة

شكرا لك يا شعلة المنتدى

بتاع التلات ورقات
فتح يااسطى

شكراً

قرّب .. قرّب .. قرّب .. قرّب ..

فتّح عينك .. طرطق ودنك

شغّل عقلك .. شغّل إيدك حتى وجرّب

قبل ما اقول شبيك لبيك

وارمى بضاعتى على رجليك

عايز افضفض لك ياأخينا ولجل السعد يحط عليك

صلّى على اللى هيشفع فيك

بقة بصراحة .ز وكده م الآخر

مين غير ما احكى حكايتى فـ ساعة

صاحب المصنع مات ياجماعة

وجماعته بقوا ليا جماعة

واحنا فـ ساعة صفا يا اخوانا قالت لى : يا كيمو

لجل الود ما بينّا نديمو

لازم نخلص من أموال مرحومنا وصيته

وعشان بيتنا تبان أساساته

لازم نخرب ياجميل بيته

ماذا وإلا ..

حلفت بالخلع تلات أيمان

لو طنشت وسُقت جنانى

راح تستخدم حق الفيتو

المقصود يا اخوانا ودوغرى

أنا مش حاوى .. حرامى .. ونِوَرى

بس معايا تلات ورقات

وأنا بتاعهم

أول ورقة:

كتالوج زير

شكله مبهدل خالص خالص بس خطير

مين قال هات ؟

علشان لما أقول أسرارى يقول لى السر فـ زير

آخر صفحة فـ الكتالوج

مكتوب السعر الغالى جداً تحت ملاحظة :

" إكفوا الزير على بُوزه ياهوه

يطلع النائب الابن لابوه "

بس لعلم السادة العملا

لما هتكفوا الزير على بوزه ينقط غم

مين قال هات ؟

- حاجة تغم

- مين قال هات ؟

- غالى جداً

- آسف جداً جداً مش مسوح لى أنزل قرش

علشان يفضل موحه قاعد فوق العرش ّ

وعموماً الورقة التانية :

كتالوج تانى عشان برميل

شكله قديم ولكنّه أصيل ومأصّل

كل مشاكل الغيط علشانه بتحصل

فى البرميل كام خُرم

الأول بيسقط جاز

والتانى بيسقط نار

والتالت لو تندَه منه " قزمان - شباس .. قزمان – شباس "

يطلع صوت صوت وتبان الريحة ... يسرسب غم

كل فيران الغيط تتلم

على ترابيزة بوكر .. يلعب .. تخسر

يكبر أكتر .. ينزل غم

كل فيران الغيط فـ جحورها تروح تتلم

أيوه يا أونكل .. أيو يا عم

شوفتوا السعر ؟ .. مين قال هات ؟

- بردك غالى جداً

عارف إنه ما يسواش نكلة

بس السعر يزيد يا اخوانا لما نريّل يوم على أكلة

مين عايز بقى برميل ؟

طب أجيب واحد على الأبونيه ؟

طب أجيب حاجة لحد ما تُفرج ؟

حاجة تحزن

يظهر إن بضاعتى الغالية

مش لاقية فـ القاعدة زبون

حيث الفقر الدكر الساكن جو جيوبكم

طالل منها ومطلع لى لسانه

راح ادخل فـ المضمون

و آدى الورقة التالتة :

صفحة واحد .. كتالوج نملة

قِلة صحيح لكنْ يا اخوانا حمارة شغل

لو نضربها تموت من خوفها ..

تدارى كسوفها ..

تزيد فى الشغل

واخدة شهادة أيزو " الطاعة العامية "

لا بتهش ولا بتنش

لما البرميل يرمى النار فوق أم نافوخها تخاف م النار

تتخبى هناك تحت من الزير

صفحه اتنين .. نوع تانى منها

واخدة شهادة أيزو " التهليل "

لما النار تحرق فـ هدومها

تدين بهدوء وبحب

وامّا تزيد النار .. فـ ثوانى ترمى هدومها وتعمل قعدة

تلم الشلة.. يقزقزوا لب

آخر صفحة .. نملة كَ ...

سبكم بقة من آخر صفحة

مين قال هات ؟

النملة بتاعة الطاعة العامية .. بجنيه واحد

مين قال هات ؟

طب يا جماعة .. بنص جنيه

..........

ماشى يا سيدى .. هاجيب م الآخر

عشرين نملة بجوز جنيهات

مين قال هات ؟

آدى عشرة .. وكمان عشرة

آسف جداً خلصوا خلاص

هتودونى فـ داهية يا ناس

همه يدوب عشرين يا اخوانّا

أيوه يا أخينا .. النملة التانية بتاعة التهليل ؟

كده م الآخر عشرة بقرش

مين قال هات ؟

أدى ألفين .. ألفين .. مليون ..

وآدى كمان مليون

بتقول إيه ؟ آخر صفحة ؟

آسف جداً .. نملة وحيدة ومش للبيع

أديكوا فكرة ؟

ماشى يا سيدى

نملة كسيحة بس عنيها بتشوف بكرة

لمّت حوالين منها النمل الصاحى

مدّوا إيدهم

لجل يشدوا الفجر التايه

تحت عباية الليل السودة

الواحدة بكام ؟

ولا بكنوز الدنيا بحالها

دا هيه الأمل إن الدنيا تغيّر حالها

بكرة النمل دا ينزل هاتك هاتك

ثم يقرقض رِجل الكرسى لحد ما يسقط من فوق منه الزير

يتكسّر .. ياخد النمل شقافة الزير

ويسدوا خرام أوسخ برميل

تتحجز النار جواه .. يحرق نفسه

ونعيش فـ هَنا

عندك يا اسطى ..

نزِّلنى هِنا