اولا يعجز لساني عن شكري لاخواني اعضاء المنتدى
مثل احمد وابوهايدي وابونس وحسام وانتم اعجزتم
لساني عن الرد على هذاالسفيه

فسيكفيكهم الله
يكفى ان نقول حسبى الله ونعم الوكيل فى كل منافق ومرائى يرمى بالكلمات جزافا ولا يلقى لها بالا وينسى او يتناسى ان الله سوف يحاسبه بذنب كل فرد فى هذه البلد لانه يعلم انه يتكلم بالباطل ولكنها لاتعمى الابصار ولكن تعمى القلوب التى فى الصدور يا عبد الله يامن تركض وراء مصالح دنيويه فانية وعقليات فاسدة باليه وكلمات ملطخة بالرياء عفا عليها الزمن واكل عليها الدهر وشرب تذكر ربك وكلمة حق تقولها ستسأل عنها يا من مازال يملك قلبه بين جنباته وعقله بين جدارن رأسه تذكر ان الدنيا فانيه . اربعون عاما من العضويه فى مجلس الشعب واصبحت بلدنا احط واقذر مظهرا من مقالب النفايات بدلا من تكون وجهة حضاريه بصفتها اكبر قريه فى المنطقه ومع ذلك مازالت هناك اصوات عابسه ضاله تنادى بصوت باطل ويعبثون بمستقبل ابناءنا واخواننا وشبابنا ان لا اقصد احدا بعينه ولكن الواقع يشهد على ما اقول فانا لم اخترع شيئا او الفق تهما لاحد بالباطل يامن تملك عقلا ان الاوان لتخرج عن صمتك والقمقم الذى عشت فيه طويلا وتختار ولو مرة واحدة فى حياتك قرارا صائبا
ما تزعلش ياشريف
فخير من مخاطبة ......... السكوت انا بجد حزين لانحدار مستوى الحوار الى هذه الدرجه

هذا الشبل من ذاك الأسد

شكرا اباامنية فالحمد لله انه يوجد في بلدنا اناسا مثلكم ومثل معظم اعضاء هذا المنتدى المحترمين واحب اضيف
ان الجبان اللي اتكلم لم يوضح اسمه الحقيقي

صاحى و مركز يا بو حميد
مشكوووووووووووووووووووووووووووووووووووور

'طبعا يا استاذ محمود ده قائد قديم فى الجواله ولا ايه يا admin

قشطة

شكرا لك يا شعلة المنتدى

بتاع التلات ورقات
فتح يااسطى

شكراً

قرّب .. قرّب .. قرّب .. قرّب ..

فتّح عينك .. طرطق ودنك

شغّل عقلك .. شغّل إيدك حتى وجرّب

قبل ما اقول شبيك لبيك

وارمى بضاعتى على رجليك

عايز افضفض لك ياأخينا ولجل السعد يحط عليك

صلّى على اللى هيشفع فيك

بقة بصراحة .ز وكده م الآخر

مين غير ما احكى حكايتى فـ ساعة

صاحب المصنع مات ياجماعة

وجماعته بقوا ليا جماعة

واحنا فـ ساعة صفا يا اخوانا قالت لى : يا كيمو

لجل الود ما بينّا نديمو

لازم نخلص من أموال مرحومنا وصيته

وعشان بيتنا تبان أساساته

لازم نخرب ياجميل بيته

ماذا وإلا ..

حلفت بالخلع تلات أيمان

لو طنشت وسُقت جنانى

راح تستخدم حق الفيتو

المقصود يا اخوانا ودوغرى

أنا مش حاوى .. حرامى .. ونِوَرى

بس معايا تلات ورقات

وأنا بتاعهم

أول ورقة:

كتالوج زير

شكله مبهدل خالص خالص بس خطير

مين قال هات ؟

علشان لما أقول أسرارى يقول لى السر فـ زير

آخر صفحة فـ الكتالوج

مكتوب السعر الغالى جداً تحت ملاحظة :

" إكفوا الزير على بُوزه ياهوه

يطلع النائب الابن لابوه "

بس لعلم السادة العملا

لما هتكفوا الزير على بوزه ينقط غم

مين قال هات ؟

- حاجة تغم

- مين قال هات ؟

- غالى جداً

- آسف جداً جداً مش مسوح لى أنزل قرش

علشان يفضل موحه قاعد فوق العرش ّ

وعموماً الورقة التانية :

كتالوج تانى عشان برميل

شكله قديم ولكنّه أصيل ومأصّل

كل مشاكل الغيط علشانه بتحصل

فى البرميل كام خُرم

الأول بيسقط جاز

والتانى بيسقط نار

والتالت لو تندَه منه " قزمان - شباس .. قزمان – شباس "

يطلع صوت صوت وتبان الريحة ... يسرسب غم

كل فيران الغيط تتلم

على ترابيزة بوكر .. يلعب .. تخسر

يكبر أكتر .. ينزل غم

كل فيران الغيط فـ جحورها تروح تتلم

أيوه يا أونكل .. أيو يا عم

شوفتوا السعر ؟ .. مين قال هات ؟

- بردك غالى جداً

عارف إنه ما يسواش نكلة

بس السعر يزيد يا اخوانا لما نريّل يوم على أكلة

مين عايز بقى برميل ؟

طب أجيب واحد على الأبونيه ؟

طب أجيب حاجة لحد ما تُفرج ؟

حاجة تحزن

يظهر إن بضاعتى الغالية

مش لاقية فـ القاعدة زبون

حيث الفقر الدكر الساكن جو جيوبكم

طالل منها ومطلع لى لسانه

راح ادخل فـ المضمون

و آدى الورقة التالتة :

صفحة واحد .. كتالوج نملة

قِلة صحيح لكنْ يا اخوانا حمارة شغل

لو نضربها تموت من خوفها ..

تدارى كسوفها ..

تزيد فى الشغل

واخدة شهادة أيزو " الطاعة العامية "

لا بتهش ولا بتنش

لما البرميل يرمى النار فوق أم نافوخها تخاف م النار

تتخبى هناك تحت من الزير

صفحه اتنين .. نوع تانى منها

واخدة شهادة أيزو " التهليل "

لما النار تحرق فـ هدومها

تدين بهدوء وبحب

وامّا تزيد النار .. فـ ثوانى ترمى هدومها وتعمل قعدة

تلم الشلة.. يقزقزوا لب

آخر صفحة .. نملة كَ ...

سبكم بقة من آخر صفحة

مين قال هات ؟

النملة بتاعة الطاعة العامية .. بجنيه واحد

مين قال هات ؟

طب يا جماعة .. بنص جنيه

..........

ماشى يا سيدى .. هاجيب م الآخر

عشرين نملة بجوز جنيهات

مين قال هات ؟

آدى عشرة .. وكمان عشرة

آسف جداً خلصوا خلاص

هتودونى فـ داهية يا ناس

همه يدوب عشرين يا اخوانّا

أيوه يا أخينا .. النملة التانية بتاعة التهليل ؟

كده م الآخر عشرة بقرش

مين قال هات ؟

أدى ألفين .. ألفين .. مليون ..

وآدى كمان مليون

بتقول إيه ؟ آخر صفحة ؟

آسف جداً .. نملة وحيدة ومش للبيع

أديكوا فكرة ؟

ماشى يا سيدى

نملة كسيحة بس عنيها بتشوف بكرة

لمّت حوالين منها النمل الصاحى

مدّوا إيدهم

لجل يشدوا الفجر التايه

تحت عباية الليل السودة

الواحدة بكام ؟

ولا بكنوز الدنيا بحالها

دا هيه الأمل إن الدنيا تغيّر حالها

بكرة النمل دا ينزل هاتك هاتك

ثم يقرقض رِجل الكرسى لحد ما يسقط من فوق منه الزير

يتكسّر .. ياخد النمل شقافة الزير

ويسدوا خرام أوسخ برميل

تتحجز النار جواه .. يحرق نفسه

ونعيش فـ هَنا

عندك يا اسطى ..

نزِّلنى هِنا

عندك يا اسطى ..

نزِّلنى هِنا

ههههههههههههه انزل يا اخويه

السادة الكرام اعضاء المنتدى

زى ما وضحنا قبل كده اكثر من مرة نحن لا نرضى بتدنى مستوى الحوار
فنحن جميعا فى النهاية اخوة ابناء بلد واحدة وهدفنا فى النهاية واحد وان اختلفت الطرق.
الاخ اللى سمى نفسه صقر مصر اسلوبه لم يرق لمستوى الحوار فى المنتدى وانا طلبت من الاخ احمد بقوش ان يحذف ما كتبه صقر مصر
لسبب بسيط جدا ان ما لا نرضاه على انفسنا لا نرضاه على احد
فكما اكدنا قبل ذلك ان لكل شخص حرية لكى يعبر عن فكره ورأيه ولكن بدون سب فى احد او ذكر اسماء.

ولكم تحياتى

وعلى فكرة انا واحمد بقوش قعدنا معاه وفهمناه ان اللى عمله ده غلط
وهو حس بالندم وقرر ان ما يدخلش المنتدى ده تانى سواء باسمه او اسم مستعار وانه يترك كل وحد يقول رأيه وما يتدخلش
وعلى فكره دى كانت اول مرة يدخل.

شكرا حاتم على العموم بس كيف عرفته
هو مين

واحنا من حقنا اعضاء فى المنتدى ده
اننا نعرف هو مين؟


قـــــــــــشـــــــــطـــــــة

ايه ياجماعة القسوه دي علي سمسم مش عارف ليه متخلوا الراجل يحلم من حقه ولا الحلم بقي حرام ولا ايه وبعدين الراجل كان تايه شويه وعاد لصوابه ايه المشكلة هتعلقوا ليه المشنقه عشان كان في يوم غايب عن الوعي طيب مافي ناس كتير كانت مع النائب ودلوقتي ضده واهي مشاية وبتعدي صدمه في لطمه في قضمه
وهي دنيا وبتعدي ومين ميحبش محي


وتحححححححححححححححححححححححححححيييييييييييييييييييييييييييييييياتتتتتتتتتتتتتي ليكم

تحياتى ليك يا حاتم هو ده فعلا هدفنا من الحوار فى المنتدى احنا لما قعدنا اربع شهور نصحح اسامى الناخبين كن هدفنا تكون العضويه فى شباس عشان مصلحة البلد والناس ولكن وللاسف انا من وجهة نظرى ان شباس فعلا اقل بلد فى الخدمات عشان كده احنا انتقدنا الوضع ده يا حاتم يا ريت توصل الصورة دى صح احنا مبنتقدش العضو فى شخصه احنا قلنا احنا عاوزين نشوف بلدنا احسن وهدفنا النقد البناء اللى يوصلنا لخير البلد لان انا عرفت ان الصورة وصلت اننا بس داخلين نشتم وبناء على كده اتصرف المدعو صقر مصر واللى كنت اتمنى انه يمتلك الشجاعة يعنى زى ما بتقول عرف غلطة ويقول انا فلان ويعتذر للناس لانه فعلا زى ما قال احمد وشريف احنا من حقنا نعرف هو مين ويا حاتم باكد مرة تانيه يا ريت تنقلو الصورة صح يعنى يا ريت توضحو النقاط اللى الناس اتكلمت فيها مثلا المستشفى والموقف والميه ونقولنا الكابتن محى قال ايه وايه كان رده وايه اللى ناوى يضيفه لشباس ان كان ليه نصيب فى الدورة القادمه هو ده هدفنا اننا كلنا كشباب سواء كنا متفقين او مختلفين فى الاراء يكون الهدف الاساسى مصلحة البلد احنا بفضل من الله ونعمه ليس لنا اى مصلحة شخصيه عند اى عضو ولسنا مع احد ضد احد

وضح اكتر يا محمد لازم يكون لك موقف
انا مثلا باقولها بالفم الملايان
انا ضد محي الدين فتح الله القطان

قشطة يا بو امال وبالفم المليان
اظن كده واضح

االاخ العزيز محمد الجرن
اولا يا اخى صقر مصر ده ندم على اللى قاله ومالوش لازمه ذكر اسماء حد
ثانيا يا اخى بالنسبة للخدمات اللى فى البلد فيه بعض النقط عايز اوضحها يمكن مع احترامى الشديد لك انا اقرب الها شويه يمكن علشان وجودى فى البلد او يمكن من خلال عملى وشغلى فأنا يا عزيزى واعوذ بالله من كلمة انا بحضر كل يوم خميس اجتماع المجلس التنفيذى لمركز قلين والذى يحضره قيادات المركز فى جميع المرافق مياه وصرف وكهرباء وصحة وتعليم وخلافه ويتم فيه مناقشة جميع المشكلات بالمركز وكذلك الحلول ويتم ااستجوابى فى جميع مجالس المركز الشعبية عن جودة مياه الشرب يعنى يا صاحبى عارف الكواليس كويس وايه االلى بيحصل فيها ومستوى الخدمات فى كل قرية بالمركزواقسم بالله ان ما سأقوله نابع عن قناعه شخصية وما لها دخل اننى بأيد محى القطان او غيره المهم عايز اوضح الاتى
بالنسبة للمستشفى
صدر قرار وزارى بتحويل مستشفيات التكامل الصحى بالقرى الى وحدات لطب الاسرة مسجل بها جميع الاسر بالقرية على ان تكون الاجهزة بالمستشفى المركزى فقط ووحدات طب الاسرة دى فيها علاج مش موجود فى الصيدليات بره دى يا اخى سياسة دولة وما ينفع معاها عضو مجلس شعب او غيره
زى بالضبط ينفع محى يقول انا نزلت مادة الالمانى فى مدرسة شباس عميرالاعداية ؟ طبعا لا يصح بس اللى ما يعرفش يقول عدس والناس بتبحث عن حجة والسلام
واعرف يا اخى ان لو الوزارة بتسمح بحاجة زى دى مستشفى شباس هتكون اول واحدة واى عضو مجلس شعب يتمنى يعمل المستحيل

بالنسبة لمياه الشرب
شباس اول قرية بالمركز مستفيدة من تركيب الخطوط الجديدة السنة دى بس غيرنا 7 كم داخل البلد وحصل طفرة كبيرة فى كمية ونوعية المياه داخل شباس ولسه قدامنا شغل كتير داخل شباس لحد ما نوصل الى ما يتمناه الجميع فى مجال مياه الشرب.
بالنسبة للصرف الصحى
انا معالك ان العزب موصلة قبلنا بس شباس عمير مش عزبة ولا قرية عادية شباس عمير كبيرة
العزب التنفيذ فيها بيركبوا شبكة وتصب على مصرف مجاور للعزبة وده لا يستغرق اسبوعين لكن شباس فيها اول مشروع صرف صحى متكامل ينفذ بقرية داخل محافظة كفر الشيخ مكون من خطوط انحدار ومحطتين رفع ومحطة تنقية على اعلى مستوى المشروع ده تخطيطه لوحده خد 3 سنين وتنفيذه عشر سنين اقسم بالله ان قلين البلد اللى تعتبر مدينة لسه لحد دلوقت بتشتغل على مشروع خفض مياه جوفيه واللى نافعها المصرف اللى بيحاوطها ومشروع الصرف فيها قدامه اقل حاجة خمس سنين على ما يشتغل
بطبعا انت عارف يا محمد والتخطيط السليم بيقول ان ما ينفع رصف بدون استكمال البنية التحتيه من مياه وصرف وتليفونات وان محى لو شخص بيعمل بدون تخطيط كان رصف البلد من زمان بتليفون منه
لكن للحق الراجل بخطط صح وبيبنى صح حاجه كلنا ان شاء الله نفتخر بها.وعموما يا سيدى الرصف بدأ
بالنسبة للكهرباء
ما فيش وصله سلك فى شباس دلوقت مش معزوله وتم تطوير جميع المحولات اللى فى البلد.

هى دى يا عم محمد الخدمات اللى بتتكلم عليها.

ولك تحياتى

مشكور يا حاتم عالتوضيح بس يعنى كده احنا مش مفروض نشغل بالنا بعضويه مجلس الشعب يعنى على حد قولك الخدمات دى سياسه دولة وكده كده شباس بتاخد دورها زى اى عزبة حسب المخطط ؟؟؟؟ وانا شخصيا شايف ان الخدمات هى اللى تهم اهل البلد
وطالما كده كده موجوده يبقى نشغل بالنا ليه ده راى يبقى فعلا عضوية مجلس الشعب فى شباس او بره شباس متستاهلش ان اى حد يزعل من التانى بسببها تحياتى ليك وتقبل مرورى
قـــــــــشـــــــطــــــــــة

زى ما ذكرت يا محمد انت عملت لشباس قعدت 4 شهور تصحح اسماء وتسهر وتجد على قد ما تقدرعلشان كان قدامك هدف وهو مصلحة شباس والحمد لله يا محمد ربنا سترها و جبرنا وكرمنا ومحى والله العظيم يا محمد عمل الدورة دى كتير ومقصرش فى حاجة اقسملك بالله .
انا الحمد لله مش لازمنى حاجة من حد وبقول والله العظيم اللى يرضى ربى وضميرى.
ان لما اعرف يا محمد مثلا ان النهاردة ان محى وقف جنب واحد غلبان وجرى معاه فى علاجه ودخله مستشفى كويسه والله والله كمان مرة دى عندى بالدنيا كلها لان يا محمد يا اخويا الناس فى بلدنا غلابه وطيبين وبدون سند مش هيعرفوا يروحوا ولا ييجوا والله يا محمد انا بحزن جدا لما اعرف ان فلان علشان زعلان من محى راح قلين وتحالف مع المرشح بتاع قلين
ليه علشان ايه ما تيجى واقف وقول يا جماعة انا زعلان علشان كذا كذا واحنا كلنا هنبقى معاه ونطالب بطلبه ونشكره على موقفه
يا محمد يا اخويا انتم اكبر من كده انتم مكانتكم كبيرة عند شباس واهل شباس ما تسمعوش كلام حد وانا عارف والله ان قلوبكم كلها خير ومحبة وانت يا محمد لو قعدت اليومين اللى فاتوا وسط اهل شباس انا متأكد انك هتزعل
هتزعل لان هتعرف قد ايه الناس فى شباس اهل شباس بيحبوكم وزعلانين جدا وصعبان عليهم
ده يا محمد ده خطك الاساسى اللى انت واخوك شريف وغيركم يامه بنوه وتعبوا فيه وما ينفع دلوقت تتخلوا عنه او تهاجموه اقسملك بالله يا محمد انى ساعات بزعل من الكابتن محى بس عمرى ما ابعد عن خط البلد او اسيبوه زى ما علمنى ابويا وابوك واهلنا ان نكونوا مع الناس ومع الخير وزى ما قال الرسول صلى الله عليه وسلم ان السنة الناس اقلام الحق
وبرده الاخوات نفسها ساعات بتزعل من بعضها بس عمرها ابدا ما تكره او تشتم او تبغض بعضها ده يا محمد اللى علمهونا ابويا وابوك علمونا اننا نقفوا مع الخير ونساندوه وان ابدا اكون مع المصلحة العامة حتى لو جيت على نفسى
يا محمد احنا اتربينا مع بعض وتعلمنا سوا مع بعض على مقعد واحد وعارف كويس اخلاق بيت الحاج عبد الستار شكلها ايه

طبعا يا حاتم احنا طول عمرنا اصحاب واخوات وباذن الله هنفضل اخوات واصحاب وشباس و اهل شباس على راسنا من فوق احنا لما بنتكلم بنتكلم من منطلق حبنا لشباس ونفسنا تبقى احسن بلد فى الدنيا اشكرك واعتز بصداقتك وربنا يولى الاصلح للبلد

هما دول اولاد الحاج عبدالستار الجرن
وهى دى معادن الرجال الشرفاء
وهو ده عشمنا فيهم
حتى انهم لو اتخلوا عن شباس وعن خط شباس عمرنا احنا عنهم ما نتخلا

بردة احنا ضد محي الدين فتح الله القطان
كلنا بيت عبدالستار طه الجرن

الاخ حاتم
طيب تقدر تقولى الخدمات دى كانت فين
من بدء الدوره الانتخابيه اللى فاتت
ليه مظهرتش غير قبل الانتخابات بست سبع شهور
ويا عالم هتكمل ولا لا
يعنى سلوك الكهرباء محلاش انها تتغطى غير اليومين دول
الرصف شرحه المجارى شرحه
ومتقوليش المهم انها اتعملت
لا كان لازم تتعمل من زمان
واظنك عارف كواليس المجارى والفلوس اللى بتندفع
علشان الخطوط توصل لناس ملهاش حق فيها اصلا
وكمان انت بتعيب على الاسلوب اللى اتكلم بيه صقرمصر
انت اول واحد استخدمته فى المنتدى
وجاى دلوقتى تقول انا قعدت معاه وفهمته غلطه
(اتامرون الناس بالبر وتنسون انفسكم)

الخدمات اتاخرت شويه بس
علشان يمكن فضل
اربع سنين ونص يخطط
ويجى فى ست شهور ينفذ هوه دا التخطيط المظبوط
فالفتره دى متكفيش فالناس تنتخبه علشان يكمل اللى بداه يابلاش
ولا ايه يا ابو حميد

يا جماعه ما تبقوش متعجلين ففى العجله الندامه وفى المتوسيكل السلامه هىهىهى
فيها ايه يعنى لما اتأخرت الخدمات اربعين سنه قولو الحمد لله واصبروا

الاخ ابو انس
خلى الكلام ده لحد تانى غيرك
يعنى ما ينفعش ان الواحد يتخفى ورا اسم مستعار ويخاف المواجهه
وبعدين ييجى يعدل على غيره
وبعدين احنا اتفقنا على مبدأ وماشيين عليه ان حرية الرأى مكفولة للجميع بس بدون سب فى حد او غلط فى خلق الله
ان يا عم ابو انس انا لما احب اقول رأى بقوله واسمى مكتوب قباله ومباخفش من حاجة ما دام ده نابع عن قناعة شخصية
لكن الاخ اللى اسمه مستعار ذى حضرتك ( صقر مصر ) قال كلام لا اقبله وسب سباب ارفضه رفضا باتا وارفض طريقته واسلوبه

وراعى الشاة يحمى الذئب عنها ---- فكيف اذا الرعاة لها الذئاب
الوضع فعلا ماساوى وصعب وربنا يستر علينا فى زمن تجزات فيه المبادىء
يعنى مش عارف والله الناس ممكن ازاى تبقى بمية وش فى وقت واحد يعنى الغاية تبرر الوسيلة مهما كانت الوسيلة دى رخيصه سواء كانت هتنافق ولا لا
ولكنى لست متعجبا لانهم عرفوا صح ازاى يقدروا ياخدوا مصلحتهم مالكابتن محى يعنى بحكم قربهم منه عرفوا الطريقه اللى يوصلوا بيها للغايه وعرفوا هو بيفكر ازاى ؟؟؟؟؟؟ منطق غريب وتفكير بطريقه انا اشرت ليها قى بدايه كلامى
يعنى ناس بتموت نفسها عشان الكابتن محى وفى نفس الوقت كانو قاعدين مع خليفة
لما محى منفذش طلبهم ومش عارف الكابتن محى منفذش الطلب ليه ده كان فيه وظيفتين تلاته حلوين بس يلا بجملة فعلا كان عنده حق ابو اكرم حبيبى اننا برغم كل الظروف لازم نقول
قشطة

انا لا اخشى سوى من الله
وعندى من الشجاعه باذن الله انا اخبر العالم باسره من اكون
ولكن انى احمى نفسى واهلى من الاساليب
الملتويه القذره التى يسلكها بعض الاشخاص المرضى
واكبر دليل وان هناك من اخبر اسره الاخ الفاضل شريف
بانه يسب ويلعن ولم ارى هذا منه ولكن الكذب والنفاق
الذى يتمتع به بعض المراؤون لتزييف الحقائق وتحوير الاقوال
وجميع من فى المنتدى يعلم ذلك
اما بالنسبه لصقر مصر فهو متخفى فى اسم مستعار
مفضوح بكلامه واسلوبه القزز وهو ما فعل ذلك
الا لتكمله ما بداته انت فسؤالى لك
واتمنى ان تملك الجراه لترد بصراحه
كيف علمت من هو صقر مصر بما انك جلست انت واحمد بقوش معه
كما ذكرت سابقا فلو كان احمد يعرفه ما جعله يكتب هذا
الكلام فى منتداه لانه اكثر منا حرصا على نظافه المنتدى
فكيف تعلمه انت الا اذا كنت تعرف مسبقا انه سيكتب هذا الكلامه
وقد تكون من دفعه لفعل ذلك ومن يدرى؟؟؟؟
وبايد الاخ محمد عز العرب فى كل اللى قاله
وتسلم ايدك واكيد الكل فاهم وعارف ان فيه ناس كل هدفها مصلحتها ومش كده وبس
لا وبعد ما يخدوها مش عايزين اى حد يقضى مصلحه
ولا اى مصلحه عامه تتحقق وهمه دول اللى جايبينا ورا
وقال ايه خايفين على مصلحه البلد لا حول ولا قوه الا بالله
وبعتذر ليكم جميعا على الاطاله والله المستعان

ابوانس ارح بالك فنفخر بك ونعرفك من اسلوبك ويهمنا في الاول وفي الاخر اسلوبك
وكلمتك التي تعبر عن شخصية يفخربها من يتعارف عليها ويعتز بصداقتها والامثلة كثيرة في هذا المنتدى يا صحفي المنتدى الاول

إحنا كده

ننسى اللي فينا ونتهم الاخرين

نجري على خليفة ونقولوا الناس خائنيين

نسيب خطنا ونرجعله ونتهم الاخريين

خليفة مين خليفة عباس اللي في قلين

نوزع منشورات ونشتم فيها نائب قلين

ونقول لخليفة انت منقذ دائرة قلين

ونرجع وندوس على مبادئنا في وسط الطين

ونقول على الناس اللي في المنتدى خائنين و من الخارجين

احنا كدة
احنا كدة

لو ننضرب بالسوط على الضهر الكسيح

ننطق أوام:

بتمام يا أفندم للندا

خدنا على طعم الأسى

نلحس في صحن الذل بلسان اتخرس

ونقول رضا

إحنا .. كده

ابن الحاج فتح الله * الكابتن محى الدين
خسر اصوات البلد* بسبب شوية تعابين
بيمثلوا الحب ليه *وجواهم الحقد الدفين
عالوش ابتسامة منافق* وفى الجوف شرارة تنين
مع اول رفض لطلب * يقولوا مصلحتنا فين
سواء مع خليفه عباس * ولا مع محى الدين
ويسيبوا خط البلد * ويرجعوا بعدها بساعتين
ويقولوا ياهل البلد* مفيش غير محى لشباس
وهما قبلها بيومين *قاعدين بخليفه عباس

ويلا يامه و(ياخويه)* ده مفيش غير محى لشباس
ويقولو يا شباب البلد* احنا كلنا اخوات
فعلا صحيح يا صديقى * اللى اختشى مات
انا مش كاتب خلاص *بجد فعلا اتخنقت
فقد قالوا قديما * ان لم تستحى فافعل ما شئت

قــــــشـــــــــطـــــــــة

قشطة يا رجااااااااالة

والله العظيم حاجة حلوة قوى اللى بتعملوة فى بعض
نسيتوا انكم كنت زملاء ونعتبر اننا كلنا تربينا مع بعض



كلامك صح يا ابو اكرم

قشطة بس اسمحلى ازيد عليها كلمة بالهبببببببببببببببببببببببببل

على فكرة انا باكتب اسمى
لانى لا اخاف من اى مخلوق على الارض سوى الله عز وجل


مش تكبر بس اللى مش عارف يعرف حامد المغربى

العب
وادى كمان واحد من الدفعة بتاعتنا وصل اهه
عقبال باقى الدفعة يا رجالة
يلا خليها تولع

قشطة
وبالهبل كمان يا عم حامد

هههههه يلا يا قرموطى كش ملك والحصان بتاعك مات هو ايه يبنى اللى احنا عملناه احنا لسه عملنا حاجه حبيبى يا حامد منور المنتدى يا ريس عازين بقه الجماعة بتوع الجنوب عشان الدفعة تكمل وبردك هنقول
قشطة

شكرا جزيلا حبيبى شريف
ونحن من نفخر بصداقتك ومعرفتك
يا فنان وشاعر المنتدى
وميه ميه يا محمد ايه الكلام الجامد ده
وحلوه اللى اختشى مات ووراها ان لم تستحى فافعل ما شئت

عز العرب
كتب
بردة احنا ضد محي الدين فتح الله القطان
كلنا بيت عبدالستار طه الجرن
هههههههه
اعجبني ردك شريف جدااااااااااااااااااااااااا

ايوة يا اخ سليمان شبعت .اجيبلك شويه بس ابقى جيب معاك كيس اديلك فيه

يا اخوانا نحن لسنا مع احد ضد احد
يعنى بنتكلم بصفه عامه بنتكلم بلدنا عايزة ايه مليش دخل بقى بنائب ولا دكتور ولا ضابط
المهم اللى بنحلم بيه يتحقق فى يوم من الايام

ايه يا حج سليمان انت
انت داخل على الصبح ومحدش همك
حمار وتبن
وجاى دلوقتى تتكلم على حسام
انت مين اصلا علشان تتكلم عليه
وشبع ولا مشبعش انت ايه دخلك
خليك فى نفسك احسن لك
واتكلم فى اللى يخصك

السلام عليكم
السادة / أعضاء المنتدى المحترمين

ياريت تتقبلوا إعتذارى بالنيابة عن الأخ / سليمان أبو بكر
و لكم منى أطيب الدعوات بالتوفيق

و فى النهاية بأكرر أسفى للجميع

يا جماعة انا اسف اصل النت فاصل طول النهار وكنت بدخل من على الموبايل بس اسمح لى يا اخ سليمان نحن لسنا ضد او مع احد نحن نتكلم فى المصلحة العامة وليس الخاصة ومستوى الكلام الذى تتكلم به لايرتقى الينا جميعا لاننا لو تكلمنا باسلوبك يبقا المنتدى ليس للم الشمل ولكن للتفرقة وبعد اذنكم جميعا سوف يتم مسح جميع مشاركات الاخ سليمان والاخ العربى الذى ارسلت له اكثر من رسالة حتى يعرف الجميع بنفسه ولكنه غير مهتم وسوف يتم ايقاف عضويتهم اذا صدر منهم اى كلام اخر مستفذ

بسم الله الرحمن الرحيم
يا جماعة الخير ويا اعضاء المنتدى خلوه منتدى خير لابناء شباس عمير ولو هو فعلا منتدى خير وحق مستحيل يكون فيه سراع لان مفيش صراح بين حق وحق لو كنا فعلا كلنا على حق ولو فيه بنا باطل اكيد هيزول بس بالطناش انو يحس انو باطل لوحده وبدون ما حد يعلق على كلامه

بسم الله الذى لا يحمد على مكروه سواه.

السلام عليكم ورحمه الله وبركاته .

أولا أسف على غيابى الفتره اللى فاتت .لظروف خاصه والحمد لله فاتت على خير.

الموضوع مع انه قديم لكن لأول مره اشوفه يمكن نظرى بدأ يريح شويه.

أعتقد شخصا معروف انامين ولا أحتاج لستار ولا اسم مستعار .

طبعا من المستحيل قرائه كل الردود لكن قرأت قدر المستطاع .

أولا شكرا ياحسام على الحلم الجميل .ولكن,,,,,,,,,,,,,,

وشكرا يااستاذ حاتم على الردود المقنعه وبرضه ولكن,,,,,,,,,,,,,,

واحط تحت كل ولكن فى دول 80خط ,,,

لكن الأولى ....... محدش قال انت مستفيد ياحسام او غيره لكن اللى حصل انك مع كامل احترامى لشخصك الكريم ردودك يشوبها بعض التناقض.

الحلم معناه خير اللهم اجعله خير .. رفض لواقع حادث واضعف الايمان مطالبه بتغير .والتغير فى الواقع من الطبيعى يكون بتغير الفرد الذى يستطيع التغيير فيه.وهو بديهيا عضو مجلس الشعب ايا كان اسمه .لأن منصب عضو مجلس شعب هو الوحيد القادر بعد الله عز وجل على تغير واقع وحال بلد .

لكن فى بعض ردودك .بعض الخوف وبكرر كامل احترامى وتقبل كلامى من أخ اصغر .وكأن لسانك حالك بتقول .عاوزين نغير . لكن بلاش نقول مين عشان منبقاش من المغضوب عليهم .أعتقد زى منته قلت فى أحد ردودك الناس واعيه وفاهمه .انت كمان فاهم.
وقبل أى شئ انت أخ غالى .لكن بالمعنى البسيط او زى مبنقولها بالفلاحى ...الراجل يقول للاعور انت اعور فى عينك ....أتمنى تكون رسالتى وصلت ويصلك ما بين السطور.

نيجى ل لكن التانيه ........

أستاذى وأخى الأكبر .استاذ حاتم الكاشف...

طبعا حضرتك واضح الانتماء .ودى غير محتاجه لجدال .

طيب نتكلم بالعقل شويه بدام انت بطالب بتحكيم العقول......

هل حضرتك تعرف عن حاجه اسمها سياسه العزل؟؟؟؟أعتقد لا...

سياسه جميله جدا وللأسف ناجحه الى الأن فى شباس.

أوضح أكتر ... تقدر تقلى واحد زى حضرتك على قدر كبير من الثقافه والوعى .ليه بيكون ظهوره يوم الانتخاب الوحيد انه يحط صوته او ان زاد يكون مندوب فى لجنه معزول عن العالم الخارجى..

أقلك ليه ... من انصار سياده النائب ..المثقف.أمثال حضرتك مثلا .

والجاهل المعمى ودول كتييييير جدا .

والعصبى الهمجى ودول للأسف برضه كتير . وهنا اللعبه الأكبر .

حضرتك بعيد عن الكواليس مش زى منته بتقول ..لأن اللى بيوصلك انت ومن هم من فئتك.أقصد اصحاب العقول ...يصلكم حقائق مغايره للواقع.

مش عارف انا حاسس ان كلامى هيكون الغاز على ناس كتير ف نتكلم بالفلاحى ....النبى عربى .......

على سبيل المثال ... أخ فاضل من انصار حضره العضو المحترم . من الفئه ج .اللى هى فئه الهمجيه والتعصب .ضرب واحد من انصار المنافس ايا كان المنافس .ودى حصلت كتييييييييير جدا وعاوز امثله على استعداد للذكر والثائمه طويله . وعلى شرط الضرب من غير سبب لمجرد انه .....كما تقال الكلمه الشهيره ... ضد مصلحه البلد ...

السؤال بعد اللفه الطويله دى ...هل فئه أ اللى هيا حضرتك هتوصلها الحقيقه بنفش ما حدث؟؟ طبعا ومليون طبعا لا .
هيوصلكم ان فلان من انصار العضو المنافس غلط فى علان من الفئه ج عندنا فمسكه ضربه . يبقى اللى حصل كالتالى ......

1 ....غسيل عقول للفئه أ واصبحو كل اعتقادهم انهم على الحق لذا يهاجمون.

2.. زياده حماس الفئه ج ,,فأصبحو أكثر شراسه بعد الغاء تام للعقل .تحت شعار ..احنا فداك ياباشا .

3 ...الخوف الكثيرين من انصار الخصم .تحت شعار .. وأنا مالى ياعم ده فيه ناس بتموت .

وطبعا أخوانا الفئه ب .لا لهم لا فى الطور ولا فى الطحين . بل هم مجرد حلقه الوصل بين الفئات ..يعنى الحدوته اللى بيسمعوها من ج يحرفوها ويقولها ل أ .

بعد كل كلامى ده انا واثق مليون فى الميه كتير من اللى مفهمش كلامى كويس بيقول هو خالد ماله اتجنن ايه اللى هو بيقوله ده .

لكن أقسم بالله ان ده الى بيحصل .وسمتها انا شخصيا ..سياسه العزل .. انى اعزل بين الطبقات واعمل لكل فئه غسيل مخ باأسلوبها .

يارب يكون كلامى اتفهم ,,,

نيجى للخدمات :::::::: أين؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سمعنا عن فلان كان عاطل وبتاع مخدرات وبلطجى ربنا كرمه واتعين .أصل الباشا راجل مخضرم ..
بيفكر ازاى بقى ؟؟؟ الاخ البلطجى هيقلك الباشا شغلنى .أصبح فى الدوره القادمه من الفئه ج ودول طبعا عليهم طلب .دول الجند المشاه .
الناس ....... هيقولو والله الباشا كتر خيره ده شغل واحد كان صايع فى البلد .

ما علينا من كل ده .لأنى لو اتكلمت فى الموضوع ده عاوزلى منتدى كامل لواحدى ..
خلاصه كلامى ........

لا أعيب على اشخاص ولكنى أعيب على أفعال ...

عندما نشاهد حضره النائب فى مكان ما ..نرى كم مهول من النفاق ليه انا مش عارف .

عندما يسئ أحد انصاره الى شخص محترم شئ عادى ولكن عندما يحدث العكس تنقلب الدنيا .ليه برضه مش عارف.

عموما انا مبدأى معروف .وبقولها علنا أنا ضد محى القطان .مش لأنى بكرهه ولا لأنى طلبت منه حاجه ومعلمهاش .الحمد لله ربنا غانينى عن الجميع .

ولكن لأنى لا أتبع نظام غسيل الأدمغه .

وأقسم بالله العظيم لو أقنعنى بأفعاله لكنت اصبحت من أول المناصرين . ولكن كل احترامى للجميع ..لا أقبل على نفسى ولا أرضاها ل أهل بيتى اتباع بدون اقتناع . والا ما الفرق بين انسان مفكر ميزه الله عز وجل بالعقل وحيوان عديم الفكر مقتاد ..........

...10سنين قريه ظلماء واستاذ حاتم بيقول فى تحسن

..10 سنين شوارع تغمرها المياه .. واستاذ حاتم بيقول المجارى خلصت

...10سنين والبلد خرابه زى مهيا ولما رصفو .كانت ترضيه 200متر او يزيد قليلا .بطبقه اسفلت لا تتعدى ال 5سم.

....ما علينا لأن العد كتير .وغالبا هيكون ليا رد تانى ان شاء الله لما تعدلى الخدمات اللى اتعملت يااستاذ حاتم .

سلامو عليكم ..................... وقــــــــــشـــــــــــــــطه ياجماعه

طبعا اللى هيفهم كلام يا باشمهندش لازم يقولك يسلم لسانك

الاخ الفاضل /خالد بك القطان
اقبل تحياتى وخالص احترامى وتقديرى لشخصكم الكريم

وكذلك كامل احترامى لفكركم ورأيك الذى يدل اننا امام عقل مستنير متفتح .... قابل للحوار .... وقلب متسع لم تطمسه الكراهيه العمياء .... وادب جم فى الحوار كثيرا ما نفتقده هذه الايام لذا قررت ان اوضح بعض الاشياء.


اخى خالد
اتفق معك فى بعض النقاط هناك فئة مثقفة تتبع النائب وهناك المتعصب الاعمى وهناك الجاهل نعم اتفق معك ....
ولكن اقول هذا ليس ذنب محى القطان ان تتبعه فئات مختلفه فهذا شئ طبيعى لشخص يملك الاغلبية المطلقة فى بلده ... لكن اكمل وقول ان الواجب علينا ان نصلح من هذه العقليات على قدر ما نستطيع .... نقنعهم ان نقابل دائما السيئة بالحسنة .... ان الانتخابات ليست افتعال المشاكل واظهار القوة ولكن هى ان تنال ثقة من امامك بالادب فى الحوار والاقناع واحترامه واحترام تفكيره ورأيه.
وهذا والله يا اخى ما نفعله نجتمع كل ليله ما يزيد عن 200 شاب اقول شاب من مختلف الفئات الفكرية ونتداول ونتحاور ونجتمع بالاشخاص المعروف عنهم الهمجية ونوعيهم ونهديهم ونقول لهم انك بعصبيتك هذه تضر مرشحك ولا تفيده
لدرجة اننا نقول له اذا كنت تحب مرشحك فلا ترد على من يسبك وان هناك اشخاص يريدون لك الخطأ ففوت عيهم الفرصة .
حتى انا والله يا خالد فوجئت بمجموعة واعية من الشباب ينصحونى ويقولون نحن نعرف اكثر منك اشخاص بعينهم فى المنتدى وكانوا اصحابنا ونعرف فكرهم الحل الامثل لهم هو الطناش ولا تمشى وراء واستفزازاتهم واتركهم يقولوا ما يشاءون كأنهم يكلمون انفسم ما دام حوارهم مستفز ولا يرقى للحوار الراقى المستنير
اخى خالد اكتب اليك واعلم ان بكلامى هذا ستقوم الدنيا ولا تقعد من اشخاص فى المنتدى لا يهمهم الا النقد والسلام لكن والله يا اخى هذه هى الحقيقة .....
الحقيقة هى ان محى القطان واخوته والمقربون منه يقولون بنقص عضوية مجلس الشعب مدى الحياه ان كانت ستتسبب فى جرح شخص.
وانى والله عندما جلست مع الكابتن محى منفردا وسألته ايه كانت وجة نظرك فى قرارك بعدم الترشيح اقسم بالله انه قال ان فيه ناس داخل البلد وخارجها مش عايزين استقرار وعايزين كل يوم مشاكل وتعالى يا محى طلع فلان وفلان شتم فلان وفلان ضرب علان طاب ليه علشان ايه دا كله وبأمارة ايه بنقصها وقرر الرجل ان يريح ويستريح ولكن جاء رأى شباس بالاغلبية المطلقة .... واكرر بالاغلبية المطلقة وقالوا انت مرشحنا لا نعرف سواء شئت ام ابيت.
اخى خالد لى الفخر كامل الفخر ان اجلس يوميا وسط شباب شباس واعرف فكرهم واسعد كثيرا لحوارهم البناء الناضج .
اخى خالد لى الفخر كل الفخر ان امضى وامشى فى خط شباس خط البلد الخط الذى يقوده اساتذتنا واباؤنا الاستاذ توفيق الحشاش والاستاذ عبد العليم يعقوب والاستاذ عبدالقادر الجرن والاستاذ عبدالجواد عقل وغيرهم
ام بالنسبة للخدمات فكما ذكرت قبل ذلك محى كان بمقدوره ان يرصف حتى اصغر شارع فى البلد من خمس سنين فاتوا لكن ما فائدة الرصف والمجارى لسه ما خلصتش .
الراجل بيخطط وفكره مش همجى زى ما بيقولوا وكانت سهله جدا انه يعملها وبعدين انت عندك مشروع صرف صحى فى شباس ضخم مكون من خطوط انحدار ومحطات رفع ومحطة تنقية استحالة يخلص فى سنة ولا اتنين ولا حتى عشرة وخلاص اهو الحمد لله اشتغل والبلد خلال 6 شهور هتكون ان شاء الله مرصوفة كلها
وانت بتقول يا استاذ خالد ان لو محى اقنعك هتكون معاه .. طاب محى هيقنعك ازاى وانت بعيد عنه.
عموما لك وافر احترامى

ربنا يولى من يصلح

امين

يا بوحميد

استاذ حاتم . أولا شاكر جدا لردك واهتمامك بمجرد الرد .

..لكن لى بعض التعليقات اذا سمحتلى ..

وبجد انا فى قمه سعادتى انى لقيت حد اتناقش معاه بدون الاتجاه الى العصبيه فى حوار اتمناه هادف بااذن الله الى ما فيه الخير.

انا لما قلت انا معاه ان اقنعنى .حضرتك بتقول انى بعيد طيب نتكلم بالعقل .. هل يجرؤ شخص ما ان يجلس مع محى ويقله انا مش معاك واقنعنى بيك ؟؟؟
أعتقد انت عارف ردود الأفعال من فئه الهمجيه هتكون ازاى .دى وصلت مشكلتنا اننا اصبحنا .فى شباس بنتكلم بمبدأ ..حريه الرأى غير مكفوله لأحد لأن اللى بيظهر فى العلن ينتمى لفئه أخرى بيكون النظر له نظره المرتد وليعاذبالله.
يمكن كلامك لانك بعيد عن الشارع يااستاذ حاتم .

سؤال ...كل مرشح فى الكون يتبعه جميع الفئات ... ليه حضره النائب من الاشخاص اللى تتبع فتره الدعايه له .المشاكل والخناق وأوقات كتير تصل الى الدم؟
اجابتى الشخصيه عن قناعه .... لانه شخصيا كل اللى يهمه عدد اصوات لا اكثر .لا يمتلك الشخصيه القياديه بالمعنى الواضح لها انه يكون له التأثير على اخلاق مناصريه . هو للأمانه واشهدله انه ذو تأثير ماشاء الله على العقول . واعتقد انه شتان بين الاتنين .تأثير على عقول وتأثير على اخلاق .
عموما ما علينا من النقطه دى .

هفنط كلامى القادم فى نقاط خفيفه وأتمنى تجاوبنى بحياديه بشهاده أمام الله ..

1... محى القطان فى الدوره الأخيره .بلاش نقول اللى فاتت ... لكن هنتكلم فى الحاليه .. ظهر فى شباس عمير كام مره ؟؟؟
..للأسف فى المناسبات فقط .وطول الفتره بعيد عن اهله اللى هو بيطالبه يناصروه .هتقلى مشغول . هل ده حال كل اعضاء مجلس الشعب؟؟؟

2... محى القطان وعن معرفه لصيقه . الله يرحمه الشيخ فتح الله لم يترك العمارات ولا الاراضى ولا الاطيان . محى بكشف حساب الأن واتحدى ان حجم ثروته تعدت الملايين . من أين له هذا؟؟من راتب مجلس الشعب اللى على حد علمى تفاهات ؟عارف ان النقطه دى ليس لى التطرق اليها ولكن احنا بننظر لشخص هيمثلنى ويمثلك ويمثل بلد كامله . يعنى لازم تكون النظر والحكم شامل حتى من الناحيه الاخلاقيه .

3.. مشروع الصرف على حد معلوماتى المتواضعه .ان المشروع ل 26قريه على مستوى المحافظه ليه شباس اصبحت اخرهم .ولا التأخير كان متعمدالى قرب الحمله الاعلاميه للدروه الجديده؟؟؟

4... ليه كل اللى بنشوفهم بيتوظفو او نقول معظمهم .. من الاعيان واصحاب العائلات الكبيره .هو مبقاش فيه غلابه فى البلد ؟ولا لازم اللى بيتوجع يقول اااااه بأعلى صوته والا يتهم باانك مشتكتش.

5.. حضره العضو . تناسى تمام الناحيه الاجتماعيه . بمعنى . عمرك شفت حضره العضوراضى حد زعلان منه او اتنين اخوات حرموا بعض بسببه او واحده اتطلقت من جوزها علشانه او صاحب ضرب صاحبه ...الا قبل الانتخابات بفترات بسيطه ؟يعنى الغرض واضح .وكأن لسانه حاله بيقول انا عاوز الكل بعيد عنى ميلزمونيش وقبل الانتخابات هلف لفه اراضى الكل .وللأسف اهل شباس طيبين .

6 .. موقف حصل أدامى شخصيا وأقسم بالله العظيم انى صادق فى كلامى ومن يوميها نفسى اسأله ليه يامحى عملت كده ؟كنت خاطب واعتقد السيد عطاالله كان حاضر الموضوع .نسيبى عمل حادثه راح مستشفى طنطا .السيد مشكورا لأنه صديق مقرب ليا وأكثر من أخ . اتصل بحضره النائب .يبلغه بمدى سوء الحاله . للعلم.رجليه كانت بايظه كلها والعظم مدغدغ . شوف بقى اللى حصل وقلى انت الحكم بعدها .
العضو مشكورا جه الى مستشفى طنطا ودخل للمدير والازم اتعمل . ظهر أدام كل الحاضرين ودول كانو عشرات المتواجديدن من الأهل والاقارب مظهر البطل اللى حضر يلبى نداء استغاثه .
لكن اللى حصل بعد كده كان خلف الكواليس للأسف لم يراه غيرى .
بعد اسبوع تقريبا كان المفروض ان حد يروحله البيت يديله ورق القرار عشان يخلصه .وذهب نسيبى المصاب محمولا من قبل اخين .الى بيت حضره العضو. والمفجأه .الكلام اتغير تماما عن كلامه فى المستشفى ...
الباب اتفتح حضرته نازل بعد اكثر من ساعه انتظار .كلامه موجه الى المريض العاجز ... بنفس اللفظ .... انتو مش عاوزين تبعدو عنى بقى ..انا مش عامل لحد حاجه .
صابتنى حاله من الذهول وكأنى لامست سلك كهرباء اكتر من الفين فولت .

اقسم بالله للمره التانيه انى صادق فى كل حرف قلته . بعد ده يبقى ايه يااستاذ حاتم ؟؟؟
للأسف .كل ندمى الوحيد انى غصب عنى ذهبت له برغم رفضى المسبق ولكن حاله المريض استدعتنى ادوس على كرامتى الشخصيه .لان ببساطه حاله كانت تصعب على الكافر.
من باب العلم بالشئ ... انا بنفسى بعد كده جريت فى ورق القرار وخلصته الحمد لله .
تيجى تتكلم بقى مع حد وتقله الباشا عمل ايه؟؟يقلك .. بيعمل قرارات علاج ويجيب حالات الوفاه ..وكأن دى بقت المهام الوحيده المكلف بيها عضو مجلس شعب .
عارف هتقلى انه الضغط عليه كبير والطلبات كتير . اظن ان اى نائب لازم يكون عارف حجم المسؤليه اللى على اكتافه . مش يكون الوضع .ان حضره النائب راح وحضره النائب جه ..والا هو ليه داخل من الاساس اذا كان عاوز يرتاح وميتعبش روحه بطلبات الناس الغلابه.

انا تطرقت ل اشياء ربما الكثيرين لا يمتلكو الشجاعه لذكرها ولكن احنا بنتكلم بالتزام بأداب الحوار ولم نتطرق الى اى عصبيه او مشادات لكن من حقى اقول مساوء شايفها .

طيب اقترح حاجه صغيره وتتقبلها ؟؟مع انى واثق مليون الميه انها هتلاقى الرفض..
انا ذكرت انى ضد محى القطان ولكن ليس معناه انى مع شخص بعينه .وللأمانه مازال بحثى جارى عن شخص تقنعنى افعاله قبل كلامه .يعنى مش لازم اقعد معاه .
وبما ان المبدأ لدى الكثيرين ..عاوزين واحد فئات من البلد ...
طيب عندنا اتنين مرشحين حاليا على حد معلوماتى .
ليه ميتعملش مناظره بين الاتنين كل واحد يعرض برنامجه الانتخابى .
وبعدها نشوف مين كلامه هيعجبنا ومين يتمتع بثقافه الحوار اللى نقدر نقول انه يكون ممثل لينا .
على شرط المناظره تصور فيديو . ولا يحضرها الشباب . الحضور يكون افراد معدوده من اصحاب العقول المستنيره .تفاديا للهمجيه فى المناظره .
مع تعمدى لفظها بلفظه المناظره .

وبكرر انا مازلت غير معلوم الاتجاه الى الان .لأن مبدأى هو شخص خلوق قبل اى اعتبارات اخرى .شخص يجبرنى على احترامه ليس بااقوال او شعارات تقال فى مؤتمرات .ولكن بمواقف وافعال .

وفى الختام .خالص ودى وتقديرى للجميع .وشكرا استاذ حاتم على سعه صدرك.واسف بجد على الاطاله .وان كانت القائمه بكل اسف مازالت مليئه ولكنى ذكرت ما يحضرنى حاليا فى الذاكره .

السلام عليكم

الاخ المحترم / خالد القطان
اقبل تحيتى....

اسعدنى اكثر اسلوبك الذى وان اختلفت معك على بعض النقاط لكنى احيى فيك اسلوبك الرشيق المهذب الهادف.

اولا يا اخى وعن قناعة شخصية محى القطان مستعد لأن يجلس مع اى شخص وان يوجه له هذا الشخص ما يشاء من اسئله او اراء وهذا يا صاحبى اضمنه لك لأنها حدثت فى الانتخابات الماضية وجمعنا الشباب كل يسأل ما يحلو له ويوجه ما يشاء من انتقادات وكان محى يجيب بسعة صدر والخيار الاخير للشخص نفسه سواء اقتنع ام لا ثانيا لماذا تصر يا اخى انى بعيد عن الشارع وما يحدث به
على العكس تماما اعرف ما يدور على الساحة وما خلف الكواليس واجلس وسط الشباب يوميا كما ذكرت سابقا واجلس مع الكبار لأنهل من خبرتهم وارائهم.

بالنسبة للصرف الصحى
كما ذكرت سابقا شباس عمير القرية الاولى على مستوى المحافظة التى يتم تشغيل فيها مشروع صرف صحى متكامل من خطوط انحدار ومحطات رفع ومحطة تنقية على احدث مستوى ستستوعب ان شاء الله هذا العام ما يزيد عن 40فرصة عمل وتعالى يا خالد وانظر بنفسك ان قلين البلد اللى تعتبر مدينة لسه شغاله لحد دلوقت على مشروع خفض مياه جوفيه ومحطاتها وشبكاتها الجديدة لسه قدامها وقت.
وبعدين شباس مش عزبة صغيرة ولا بلد عادية شباس بلد كبيرة والمشروع خد فيها وقت للتخطيط والتنفيذ هذا يا اخى ما اعلمه على الاقل من خلال عملى ووظيقتى

بالنسبة يا اخى لفكرة المناظرة
اعتقد من خلال فكرى المتواضع ان ان المناظرة بتكون بين اتنين مرشحين متقاربين فى الشعبية والناس مش عارفة ترجح كفة حد فيهم فبيعملوا المناظرة علشان يقربوا فكرهم اكتر للناس
لكن الوضع فى شباس يختلف وهو ان النائب الحالى معاه الاغلبية المطلقةوعلى الطبيعة وشباس معاه ويتأيده يبقى اظن ان المناظرة دى مالهاش لازمة.
وانا كنت اول واحد هأيد المناظرة لو كان فيه حتى شبه تقارب فى الشعبية لكنها محسومة ان شاء الله داخل شباس.
وكما ذكرت قبل كده يا خالد محى قال بنقص عضوية مجلس الشعب ان كانت هتتسبب فى جرح اى حد او جلب المشاكل .
انت ذكرت يا اخى ان محى تناسى الناحية الاجتماعية............ بالعكس والله انا بس مش عايز اذكر اسماء بس اللى متأكد منه ان محى عايز اصغر طفل فى شباس يكون راض عنه.

والله الموفق

واقبل وافر تقديرى

يااستاذ حاتم .مع كامل احترامى وتقديرى لشخصك الكريم . ولكن ان لم تخنى ذاكرتى عن مناظره محى الدوره الماضيه واللى اتذكر انها كانت امام بيتكم تقريبا .من غير اللائق للأمانه اننا نقول انها كانت اى شئ وليس لها علاقه لا من قريب او من بعيد بالشباب .لان فى اليوم ده انا كنت حاضر وكان من المفترض انها هتكون بالمعنى البسيط او الشعبى ...قعده بينه وبين الشباب . فوجئت انا شخصيا باأعمار تجاوزت ال60عاما دول كانو شباب؟؟؟ ولا زى مبيقولو الشباب يبدأ بعد الستين . وغير كده انت نفسك يوميها شفت . لما احد الأخوه وجه سؤال قد يكون صعب الاجابه عليه بالنسبه له تهرب من الاجابه واهتاج الجميع من انصاره .اذا كانت الفكره منظمه نوعا والغرض منها مؤتمر شعبى وليس جلسه مع الشباب . عشان كده انا لما بقول بلاش شباب لانى عارف اللى بيحصل فى الحالات دى .
ثانيا انت بتقول الشعبيه ...اولا اقسم بالله انا معرفش الطرف التانى فى الانتخابات شخصيا ولا ليا اى انتماء له الى الأن لأنى ذكرت مازلت لم أجد من يقنعنى .وكلامى مش عن شعبيه . والا اذا كانت محسومه فى شباس زى منته بتقول يبقى كلامنا ده ملهوش اى لازمه .
وبعدين احنا بنختار الاصلح اللى يقنعنا اللى يوعد ويوفى .اللى نتفق عليه كلنا . لكن تقدر تقلى لأمتى هنفضل كل واحد فى وادى ؟؟
ومع كامل احترامى ليك بكررها ....... منين جبت كل الثقه دى بضمان الاغلبيه داخل شباس .. مع انى أرى العكس للأمانه .
يمكن نظرتى من بعيد عن محى تختلف عن نظرتك من قريب بمعنى .. انت عشان قريب شايف كل اللى بيسلم عليه مثلا يبقى بيحبه ..انا بالعكس ..شايف كتييييييييير جدا من اللى بيسلمو عليه اما خوف او نفاق ..المعظم وليس الكل.

عموما ..ما علينا ...

لكن لى بعض الأسئله اذا تكرمت بصفتك من المقربين او على حد قولك لك الوصل انك تقعد معاه ....

.... لما قالو كل عضو مجلس شعب تابع للحزب الوطنى جاب 250الف جنيه .عرفنا من الجرايد والاخبار ان المبالغ دى نازله لخدمات عامه و دعم الحمله الصحيه اللى كانت نزلت ..فوجئنا فى شباس يحدث اشياء مغايره تماما لما اعلنته الحكومه . وهى ان بيتم توزيع 50جنيه لكل فرد .
اعتراضى هنا مش على سياسه التوزيع فى حد ذاتها اعتراضى على مين استفاد .بالفعل فيه غلابه استفادو فعلا بخمسين جنيه ,لكن لو تحب اذكرلك اسامى استفادت باألوفات وهيا ماشاء الله كما نقولها من الاعيان ... ده يبقى العدل يااستاذ حاتم ؟؟؟
لما قالو قصه ال12مليون وامن الدوله وتحريات وقرارت علاج وخلافه .. تقدر تقلى ايه اللى حصل؟؟؟ أقلك انا ..لمو بطايق الغلابه عشان يثبتو عدد حالات .
الناس بكل تلقائيه وطيبه . افتكرت انهم بيلمو بطايق عشان يوزعو فلوس تانى .بقت الناس بتتخانق على اللى يودى صوره بطاقته ..ده يبقى العدل يااستاذ حاتم ؟؟؟العدل انهم يغلط وانت على يقين بده وندارى غلطه ؟؟؟

لما تلاقى اكثر من 90% من قرارت العلاج اللى هو جابها واتقدمت فى تقرير أمن الدوله ..كلها كراسى معاقين .فى حين الواقع مغاير لده ..ده يبقى العدل يااستاذ حاتم .؟؟؟؟

لما تبقى فى بلدك مكتوم الصوت وخايف تقول كلمه لتتحسب عليك يبقى ده العدل يااستاذ حاتم؟؟؟

لما بلدك تلاقيها فجأه اتحولت لساحه حرب ابطالها الهمج والبلطجيه واللغه المعتمده لغه السلاح والدم والصوت المسموع صوت اللى صوته أعلى . وكل عضو بيحاول يجمع اكبر كم من شباب الشوارع أسف فى اللفظ ...العواطليه اللى هيتخانقو ويولعو ....يبقى ده العدل يااستاذ حاتم ؟؟؟

سؤال شخصى ليك يااستاذ حاتم . وبالله عليك تجاوبنى عليه بكل صراحه ..

انت راضى عن الحكومه ؟؟وبتكلم عن الحكومه ككل .. بمعنى أدق .حكومه نظيف ..وبرنامج انتخابى للريس لم يكتمل الى الأن منه ولا 5% حتى .انت راضى؟؟؟راضى عن ضرايب ؟ وروتين عقيم ؟واسعار فى السما؟ووظائف متوفره بالواسطه ؟ واقسام شرطه عباره عن مجازر؟راضى؟؟؟
لو كانت الاجابه نعم ..يبقى من حقك تقتنع بعضو من انصار هذا الحزب ومن ابرز شخصياته . لو كانت الاجابه لا ..يبقى انت بتناقد نفسك .واعتقد انت هتفهم مقصودى من كلامى ...

أقسم بالله العظيم يااستاذ حاتم انى اتمنى انه يكون كويس ومش بكرهه .عشان كلامى ميتمش اخذه بمحمل التعصب . لكن انا وضحت . انى يهمنى .عضو مجلس شعب ..على خلق .فى المقام الأول وملتزم بوعوده على المقام الثانى.

طيب هقلك كلمه ممكن تكون أول مره تصدر منى لمخلوق لكن بقولها على الملأ .لو عبد العزيز فتح الله اللى مترشح انا معاه . لانى عارف كويس انه شخص احترامه يفوق الوصف . ومهذب جدا مع الكبير والصغير ..من هنا المنطلق ... شخص يحترم الجميع العدو قبل الحبيب .. بالمعنى الشعبى ده يكون فيه الخير.

لما طلع بعد صلاه الجمعه وقال مش هترشح .تقدر تقلى كان المقصود بكده ايه؟؟؟انا محضرتش الموضوع لانى كنت فى سفر لكن وصلنى التفاصيل . بس اللى افهمه حاجه واحده ودى يراها الأعمى المقصود حاجه من اتنين ..
اما كسب عطف الجموع وبرهنه انه لا تعنينى العضويه .
او محاوله منه لتقييم الوضع .يعنى كان المفترض حدوثه خروجه من المسجد محمولا على الاعناق .صح كلامى ولا انا غلطان ياااستاذى الغالى ؟؟

اصل بديهيا انا مش عاوز اترشح فدى سببها ..

اما انى شايف ان شعبيتى قلت . وفى الحاله دى الطبيعى احافظ على كرامتى الشخصيه . وابعد فى صمت .

او انى مستغنى واستكفيت .وفى الحاله دى . مطلوب مننا الندم على مناصرته .

او انى تعبت من خدمه الناس . ودى برضه يبقى مينفعش نناصره . لأنى قلتها قبل كده عضو مجلس شعب . دى فى حقيقتها تكليف وليس تشريف يعنى اللى داخل عارف انه هيشيل حمل مش أده دى تبقى مشكلته مش مشكلتنا .الناس غلابه يااستاذ حاتم .

فى فرح فى البلد من يومين او تلاته . حصلت مشاداه كان سببها احد انصار العضو المنافس مع احد انصار محى فى وجوده طبعا فى الفرح . والفرح كله اهتاج لمجرد حركه طفوليه من شاب عمره قد لا يتجاوز ال19عام .

ما علينا لكن غالبا انت كنت موجود ..وشفت القصيده اللى اتقالت بعد كده من أحد ابائنا المحترمين بدون ذكر اسامى .دى كان المفروض تتسمى نفاق ؟ ولا تأكيد ولاء وطاعه ولا ايه بالظبط ؟انا لو مرشح ذو تفكير رشيد .كان موقفى كالتالى للأمانه همسك المايك وهدى اللى اتعصبو بكل حب واخاء . وبدون ذم فى الاخ اللى عمل المشكله . وفى نفس الوقت أأكد انه فرح ومينفعش نبوظ للناس فرحها .هل ده حصل؟؟طبعا لا اللى حصل شويه نفاق على شويه بلطجه مش أكتر من كده ..من بعض الانصار..

وجهه نظر أخرى ...قد يكون محى فى شخصه مش وحش .لكن وحاشته فى بعض انصاره ...وتصرفاته مقابل افعالهم .
بمعنى .. خلى واحد ابن حلاال مثلا قابلنى فى الشارع ضربنى وادينى بضرب المثل على نفسى برغم انها حصلت كتير جدا ... لكن فرضا واحد ضربنى وانا مثلا مش معاه .
حصل ان بوكس خدنا احنا الاتنين .مين هيطلع ومين هيبات ؟؟؟؟؟جاوب بصراحه يااستاذ حاتم مع العلم انها حصلت قبل كده كتير ولو عاوز امثله بالاسماء اذكرها . وقد يكون التابع له هو المخطئ .
ممكن يكون تصرفه بتلقائيه لكن تصرف يحرض اكثر على العنف . مهو انا بقى مطمن الباشا هيطلعنى لا ده انا هولع واموت براحتى . صح ولا انا غلطان ؟؟
طيب ميخلى اللى يغلط ياخد جزاءه .
شفت بقى ان رجعنا لسياسه العزل والفئات اللى اتكلمنا عنها قبل كده .

انا عضو مجلس شعب مفيش حاجه اسمها مش ذنبى ..
انا مسؤل على الاقل امام الله . عن أخ قاطع اخوه بسببى .
عن ست اتطلقت بسببى.
عن شخصيات محترمه اتهانت بسببى .
عن شباب ضايع وعاطل بسبب اهمالى له .
عن بلد ودايره كامله تحولت الى حرب عصابات بسبب بعدى عنها .

هقول شهاده حق أمام الله ..
محى القطان سياسى مخضرم وعارف لعبه الانتخابات كويس وازاى ينجح دى محدش يقدر ينكرها .لكن بكل أسف مش عارف لعبه ارضاء الله عز وجل فى كل من هو مسؤل عن رعيته .

لقى ان الصوت الأقوى فى الانتخابات .ولعبتها ..هى..

تظبيط من فوق ...عشان الحزب . يبقى ضمنا الحكومه وبقينا قرايب مشمهم بقى اظبط باأى طريقه ايا كانت .المهم اسند نفسى من فوق.

واظبط قيادات البلاد المجاوره عشان اضمن فيها عدد اصوات .

وارجع اراضى البلد قبل الانتخابات بشهر ولا اتنين . ودول غلابه طبله بتجمعهم . ومسيره بتلم شملهم مقدور عليهم .

عرفت اللعبه يااستاذ حاتم ؟

عمرك شفت محى القطان طلع من ماله الشخصى وهو ماشاء الله ربنا يباركله . عمرك شفته طلع من جيبه وادىلفقير محتاج؟
عمرك شفته وظف غلبان مش لاقى غير يوميته لو تعب يوم وريح من الشغل بينام جعان ؟
عمرك شفته دور على رضى ربنا عز وجل بدون هدف عدد الاصوات

عموما انا بعتذر لو كلامى كان فيه اى اساءه لأى شخص .

لأن ربنا وحده يعلم انى بحترم الجميع الكبير والصغير والمثقف والبسيط . لأن كلنا اخوات . حتى مع وجود اختلاف فى وجهات النظر .لا انا اقدر استغنى عن اهلى واصحابى ولا العكس .
وأكبر دليل صداقتى باأخويا ابو محمد الغالى ولى العهد الجديد .... السيد عطالله .برغم اختلاف كامل ما بينا فى الانتماءات لكن الصداقه تدوم .

أخيرا وليس أخرا . اتمنى مكنش ضيف تقيل عليكم وبعتذر عن الاطاله .

خالص ودى واحترامى وتقديرى للجميع .

شكرا خالد والله ما قصرت

اه ياعم حسام اه الاخبار تمام

صح لسانك يا خالد والله كلام جميل جدا وياريت الناس تفهم اللى انت كتبته وانا اتفق معك فى الموضوع كلى وجزئى وانا طرحت فكرة الحوار دى من زمان (المناظرة ) وللحديث بقيه

الاخ حاتم
السلام عليكم
ذكرت اشخاص من البلد نكن لهم كل احترام وتقدير
ولن اتحدث عن اي منهم غي اللي يخصني
الاستاذ عبدالقادر الجرن
للمعلومية الاستاذ عبدالقادر في خط محي من يوم ماقوالو انتخبات او عضوية مجلس شعب من ايام المرحوم الشيخ فتح الله القطان
تقدر تقول للاستاذ عبدالقادر ماهي الفائدة اللي انت حصلتها من وراء هذا الخط
خدمت واحد في عائلتك عن طريق هذا الخط
الاجابة والله لا محي ولا الشيخ فتح الله خدم اي شخص في عائلة الجرن
اذا ماهي الفائدة من هذا الخط
قول مصلحة عامة ولو تعمل مصالح للغلابة اكيد هتعود بمصلحة عامة
انما المصالح للعائلات الكبيرة فقط
فالاستاذ عبدالقادر ليس من عائلة عصر او القطان او الحشاشين
عشان محي بيه يخدمة او يخدم احد من عائلته
اذا النتيجة ما مفيش فائدة ان نسمع كلام الاستذ عبدالقادر ونمشي وراء واحد كل همه فقط مصلحته ومصلحة العائلات الكبيرة فقط دون النظر لمصالح الغلابة او المصالح العامة
واذا كان الاستاذ عبدالقدر لم يقتنع بعد بعدم فائدة محي القطان فنحن لدينا اليقين بعدم نفعه وكل انسان حر في اختيار من يمثله فلا تفرضوا على الناس ارائكم الغير مقنعه للاطفال مش اناسا متعلمة ومثقفين

احيك استاذ شريف