كل ما نسأل اى حد عن النائب بتاعكم عمل ايه فى شباس يرد ويقول عمل قرارات علاج كأن هو المنوط بعمل القرارات دون غيره من الاعضاء وكأن دى ميزة بتميزه عن غيره من الناس او الاعضاء
اقولكم يا جماعه النائب بتاعنا نائب خارق وصانع معجزات ومكشوف عنه الحجاب ويمكن كمان من الاولياء الصالحين ومعاه الفانوس السحرى
دحنا ملناش حق دعمل كل حاجه فى البلد دا خلى بلدنا مدينه احسن من قلين والبلد مرصوفه والمداخل والمخارج مزينه بشجر وورد ولا فى كفر الشيخ
والناس الغلابه اتوظفت وطلع الناس حج .وعمل ملعب ثلاثى للبلد وخلى المستشفى احسن من مستشفى المركز فيها سيارة اسعاف وفيها وحدات غسيل كلوى وفيها معمل تحليل وفيها مركز علاج طبيعى .......يسلام
وعمل موقف خارج النطاق السكنى احسن من موقف قلين وعمل جمعيات خيريه وطهرها من الناس اللى مسكاها وعين فيها ناس بتراعى ربنا وساعدت الشباب على الزواج وساعدة الاسر الفقيرة وانا بقصد جمعيه تنميه المجتمع .
ودخل البلد خطوط مياة نظيفه بتوصل لحد عزب نصيف وريح الناس من التعب ويا عينى ميه نظيفه اشرب وانت مطمن
وعمل ميدان فى البلد فيه نافورة خلى البلد احسن من المدينه وسماه ميدان الحريه نسبه للحريه ايام الانتخابات واسألونى انا عن الحريه
وردم الترعه بتاعتنا بمواسير ونضف مدخل البلد وبقى احسن من مدخل كفر الشيخ
ويسلام وظف ولاد الناس الغلابه فى البترول والمحكمه والكهربا والاسكان والجمارك ومفيش عائلات بالاسم استفادت منه لانه مبيعرفش المحسوبيات
وكمان الرصف ووضع السن فى البلد مستفدش منه قرايبه والمشروع ده مرساش عليهم رغم انهم قرايبه شوفت الحياديه والعدل
وعمرة ما دافع عن الحكومه وطول عمرة فى صف الشعب والناس الغلابه ولا عمرة وافق على قانون حاسس انه هيبقى عبء على الشعب
والبلد نضفت من تجار البانجو والمخدرات لان دى بلد النائب

معلش انا كنت نايم وصحيت من النوم

يااااااااااااااااااااااااااااااااااه كل ده عمله النائب بتاعنا واحنا مش عارفين
دا احنا كنا ضالمين ياخى مش تنورنا ياعم حسام من الاول عشان نعرف احنا فين ولايمكن احنا قاعدين فى بلد تانيه غير شباس
روق يا سمسم شعورى كله معاك وربنا معانا

لك الله يا شباس
يا عم اصوات شباس مضمونه من غير عمل مصالح فيها
خليه يرصف في الحصة ويظبط في البكاتوش ويوظف في قونه اهو يلم اصوات من بره البلد
واصوات البلد كدا كدا مضمونه
وكفايه علي شباس شويه قرارات علاج
احنا هننهب

ابشر يا سمسم
حصلت علي رقم قياسي جديد
نسبة مشاهدة موضوعك في اقل من 15 ساعه الي الان47 مشاهده
عدت مواضيع من ست اشهر

دكتورة ندى دعى الماضى في حالة


حبيبي حسام انت معبي قوي وياريت ماصحيت من النوم لان اللي احنا فيه فعلا كابوس
كاتم على نفسنا يارب رب زيل الغمة يارب زيل الغمة النائب(النايب)والحاشية بتاعته
يارب احنا غلابة يارب زيحة وخلاينا نفوق من الكابوس ونعيش فعلا حلم حسام
وسلامي لشباب شباس الجدعان

مشكور أخ حسام على حلمك
بس يارب الباقى يصحى من الكابوس

كان ممكن يكون الكلام ده حلو ومقبول لو حد تانى غيرك اتكلم فى الموضوع ده خلينا فى بيتنا ده أكثر شفافيه وصدق مع أنفسنا مش نتسلى بس
ونقول شعارات ومين اللى بيقول أول المستفيدين الظاهر حجم الاستفاده لم يصل 100ب%

ملحوظة :
الغرض الأساسى من المنتدى هو التعارف - الحوار البناء
و ليس الإنتقادات الشخصية
مع كامل إحترامى و تقديرى للجميع

السلام عليكم
الأخ/ أبو هايدى
واضح إنى وصلت المعلومة لك و للأخوة الأعضاء بشكل غير واضح
لذا أرغب فى توضيح المعلومة مرة ثانية :-
الذى قصدته هو تناول بعض الأعضاء للموضوعات بشكل شخصى بمعنى :
1- الأخ حسام مشكوراً تناول الموضوع من وجهة نظره التى لابد من إحترامها و بصراحة تناول الموضوع بشكل موضوعى و منصف لأنه يعكس الصورة الموجود فى البلد بالضبط الرجل لم يجامل أحد على حساب أحد
2- بعض الأخوة الأعضاء تناولوا الأخ حسام بالهجوم و النقض لشخصه و ليس إعتراض على الموضوع ( أرجو منك مراجعة تعليقات الأخوة الأعضاء السابقة ) و هى دى النقطة اللى انا أقصدها بمعنى :
أنا شخصياً متفق معاك أن كل إنسان من حقة يعبر عن وجهة نظره بحرية تامة دون الحجر عليها منى أو من أى حد لكن من غير المرغوب التعليق على الأشخاص كما هو واضح من هجوم بعض الأعضاء المثقفين على الأخ حسام
أرجو ان تكون وجهة نظرى وصلت لحضرتك و الأخوة بشكل صحيح
و تحياتى للجميع

تحياتى للجميع
بس بصراحة انا شايف ان الموضوع ده كل واحد هياخده من وجهة نظره بس

الموضوع مش مشكلة شخصية يا جماعة
الموضوع ده موضوع عام

مشكور كل الاخوة اللى علقوا على الموضوع
اما بالنسبه لندى وريناد دول انا عارف هما عايزين يجروا رجلى لكلام غلط عشان اغلط
لكن مش هنولهم الفرصه دى
اما بالنسبه لاخوانى المحترمين المثقفين فى المنتدى لو لاحظتوا الموضوع انا لم اتناول اى اسم فى الموضوع يعنى انا ببص لحاجه تخصنا كلنا سواء كان عضو انا بايده ولا مش بأيده .اما بالنسبه للاستفاده فانا الحمد لله فى الخارج بكون مستقبلى بتعبى ومش مولود فى بقى معلقه دهب ولا لى اخ اشتغل فى شركه الكهرباء ولا البترول ولا المحكمه ولا الضرايب ولا اى مصلحه اىا كانت
واكيد الكل يعرف مين استفاد وبعدين ريحته الكلام المكتوب ده واضحه قوى وكشفه صاحبها انه انسان اعمى مريض هو اللى بيدافع عن مصلحته لكن يا اخوتى انا لابقول شعارات ولا غيرة انا نفسى تنقشع الغمه ويدور كل واحد مننا جواه على الحقيقه الحقيقه هى الوحيدة اللى هتغير مستقبل بلدنا
وانا منكرش على اى حد انى كنت بايد عضو معين وعمرى مغلط فيه ولا هغلط فيه لانه دخل بيتنا واكل منها لكن انا بقول حاجه نابعه من يقين ان بلدنا اصبح بها رجال وشباب واعى مثقف متزن غير متعصب بيراعى ربنا فى تفكيره
اما من تناولنى فى شخصى سواء ريناد او ندى فانتوا حريم مينفعش ارد عليكم مع انى على يقين انكم شخص واحد يفضحه عصبيته العمياء التى لايرى منه غير مصلحته
اما اخوانى اللى بيقولوا انا معبى طيب هعبى ليه هو اللى بيقول الحقيقه يبقى معبى .بل بالعكس المفروض انافق عشان اوصل لمصلحتى لكن" يمكرون ويمكر الله والله خير الماكرين "صدق الله العظيم

الأخ / حسام
تحياتى لك
حبيبى من حقك تعبر عن رأيك بكل حرية لأنك بتتكلم عن إنجازات نائب البلد فى البلد - و دا دوره الرئيس -بصرف النظر عن الخدمات الشخصية سواء فيه مستفيدين أو لا
و أنا سبق و نوهت قبل سابق ( راجع التعليقات على الموضوع ) إن من حق كل واحد يعبر عن رأيه و يعلق على الموضوع بكل حرية حسب وجهة نظره مع تحفظى على تعليق بعض الأعضاء - بدون ذكر أسماء - على شخصية صاحب الموضوع أو صاحب التعليق و لكن لأسف واضح إن ما قصدته لم يصل بشكل واضح - دا أكيد عيب عندى لأنى لم أوصل المعلومة بشكل مفهموم و أنا بأقدم إعتذارى و بأحاول أوضح الصورة أكثر

ملحوظة هامة :
يا جماعة المنتدى هدفه التعارف و تبادل وجهات النظر و ليس إنتقاد بعضنا - كأعضاء بالمنتدى - لعلنا فى النهاية نقدر نقدم فكرة أو رأى تستفيد منه البلد أما إنتقادك لنائب البلد دا طبيعى لأنه شخصية عامة

تحية للأخ / حسام :
انا بأحييك لأنى متابع جميع التعليقات على الموضوع و عجنى جداً عدم تعليقك على الموضوع مرة ثانية و كأنك بتراقب الموقف من بعيد و بتسمع لجميع وجهات النظر .
عتاب على الأخ / حسام :
أنا بأعتب عليك على تعليقك الأخير و خاصة عند تعرضك لبعض الأسماء فى التعليق أنا عارف إنك لم تقصد و لكن خليك هااااااااااااااااااااااااااااااااااااااااااااااااااادى و إستمع للناس .
و فى النهاية كل منى أجمل تحية

عجبتنى قوى الحتة دى يا حسام


" ويمكرون ويمكر الله والله خير الماكرين "صدق الله العظيم

ردك التانى عجبنى بس برده خليك كووووووووول يا اتش

أبو يوسف
موافقك الرأى

يا جماعه انا اول مرة اشارك معاكم رغم متابعتى للمنتدى
واحب اعلق على الموضوع ده لانه فعلا يمس بلدنا وكل الكلام اللى فى فيه مظبوط احنا فى كابوس
وباحيى الاخ حسام لانه فعلا وضع برنامج انتخابى باسلوب ساخر ظريف دون المساس باحد .ولازم نطالب بتنفيذه
وانا مش مع رينادdr nada لان بجد واضح انهم مش عايزين مصلحة البلد لانهم سابوا جوهر الموضوع والهدف من الموضوع
وتحيه لك مرة اخرى اخ حسام

انا فرحان بجد لان فيه فيه فكر جديد وتجاوب ولاعزاء لمن يبحثون على مصلحة شخصية

الحمد لله صحيت من النوم

دا كان كابوس والإيه

يايت
نفك
بمنطق أفضل من كده

ونختار

الأفضل للبلد

كفايه مواضيع وكلام معسول


ونفكر بجد

في مصلحة البلد

الحمد لله صحيت من النوم

دا كان كابوس والإيه

ياريت
نفكر
بمنطق أفضل من كده

ونختار

الأفضل للبلد

كفايه مواضيع وكلام معسول


ونفكر بجد

في مصلحة البلد

حبيبي حسام والله ماقصد معنى معبى بما فهمته ولكن ايضاح للاخوات انك ليس من اصحاب الاستفادات من العضو المعروف مع علمى الشخصي بانك وانا من اوائل الناس الللي كانوا موعودين بجديه ولكن للاسف ليس في اخر اسمنا عصر ولا الحشاش ولا القطان وشكرا

الاخ حمادة شكرا على ردك على الموضوع ولكن لا تنسى الاتي

العضو المدافع عنه انت من خمسة عشرا سنة هل نسيت ان ابيه كان نائبا لمدة خمسة وعشرون سنة
هل نسيت مشكلة المجاري
هل تعلم ان قريتك اكبر قرية في المحافظه ليس بها وكيل نيابة او مستشار
الم تنظر الى قزمان القريبة
كل شوارعها مسفلتة
اذهب الى عزبة جودة
عزبة داوود
اذهب الى اي قرية ستجد فيها الخدمات افضل من قريتك وبها من القيادة والكوادر احسن من قرية بها عضوية مجلس الشعب لمدة اربعين سنة قبل الحكم اقرا التاريخ صح

الأخ / حمادة
لا تعلييييييييييييييييييييييييييييييييييييييييييييييييق

الأخ / محمد أبو بكر
لك منى تحية تقدير و إحترام

الى كل الناس الحلوة المنورة هنا دول

انا شايف ان الموضوع سخن شوية
وبما اننا متفقين يا جماعة ان البلد بتاعتنا لازم يطلع منها عضو مجلس شعب علشان منتبهدلشى مع انها مش فارقة قوى لاننا فعلا متبهدلين
وبما اننا اختلفنا فى الرأى على الشخص وليس المبدأ

هنا بقى عندى سؤال ؟
مين فى البلد نقدر نرشحه ونثق فيه يحللنا كل مشاكلنا

وياريت مش عاوز كلام مرسل ومتنقى وخلاص



احنا عاوزين تغيير فعلا

طيب التغيير هيكون إزاى ؟

ومين الشخص ده ؟

متشكر اوى يا استاذ محمود من زوقك
بس بجد لازم نغير الافكار دى عشان نقدر نبنى فكر جديد
دا حتى ربنا بيقول ((ان الله لايغير مابقوم حتى يغيروا ما بأنفسهم)) احنا اللى مش عاوزين نتغير

السلام عليكم
أبو أكرم تحياتى لك
حبيبى أرجو قبل ما نقول من اللى يصلح نحاول كلنا نجاوب على الأسئلة اللى الجاية و أرجو من الجميع الرد و التعليق عليه و هو :

السؤال الأول: إيه اللى مطلوب من نائب شباس تحديدا ؟؟؟؟؟؟؟ بعيد عن الخدمات الشخصية ؟؟؟؟

السؤال الثانى : بناءا على الإجابة على السؤال الأول و حسب طبيعة الناس فى شباس من حيث إن النائب بتاعنا بيعرف يجمعهم و يفرقهم إزاى ( يعمى ناس طيبين زيادة ) السؤال هو :

ما هى المواصفات المطلوبة فى نائب شباس ؟؟؟؟؟

أرجو الرد و التعليق من الجميع
مع تقديرى و إحترامى للحميع

الاجابة من وجهة نظري المتواضعه
1- ان يكون صاحب فكر ومكانه علمية
2- مشهود له بحسن الخلق والدين
3- له علاقات اجتماعية وخارجية تؤهله للمنصب
4- شعبي في نفس الوقت ومحبوب من اغلبية الناس
المطلوب منه
اولا مصالح عامة
ثانيا مصالح شخصية تؤدي في النهاية لمصالح عامة بالفعل لناس تستاهل بمعنى
اختيار اشخاص متفوقين علميا وخريجي حقوق ومساعدهم ليكونوا مستشارين مثلا وعلى هذا قيس

المصالح العامة المطلوبة كتير وسنوافيها لكم بعدين لاني مشغول الحين

ياجماعه كل كلامكم مظبوط وباحيى الاخ محمد ابوبكر على رده المباشر
ثانيا الاسئله دى كويسه بس فيه حاجه
لولاحظتوا الموضوع اللى كتبه الاخ حسام فيه حاجات عامه وهى طبعا على سبيل السخريه بس لو اتنفذ منها خمسين فى الميه هيكون النائب ده ناجح .بس طبعا هى منتفذش منها حتى واحد فى الميه
واما بخصوص مين هيكون النائب
اقبلوا رأى اختكم فى الله .مينفعش احنا نروح لحد ونقول تعالى اترشح .اى حد عايز يترشح يترشح واحنا اللى نختار ويكون مطالب ببرنامج انتخابى احنا والناس نقتنعوا بيه ونحاسبوه عليه ومفيش اسرع من الايام يعنى نفذ البرنامج بتاعه حتى لو ستين فى الميه نأيدوه. منفذش نقولوا له شكرا
وهى دى الديمقراطيه اللى جعلت دول الكفر فى مقدمه العالم
ولكم منى التحيه اولاد بلدى الكرام
وعلى فكرة البلد مليانه ناس محترمه كتير كفيله بنقل البلد للامام بدل الناس اللى خدوا البلد للوراء واللى شايف حد جدير بالثقه دى يذكر اسماء وميخفش من حد

اولا بشكر الجميع على التفاعل الذى ان دل على شيئ انما يدل على وجود حب عميق ومشاعر جياشه تجاه قريتنا العزيزة على قلوبنا جميعا وشكر خاص لحبيبى قلبى محمد ابو بكر وكل الاخوة اللى علقوا ووضعوا اقتراحات تصب فى اتجاه واحد وهو حبهم لبلدهم
اما بخصوص اخى احمد بك ابو اكرم انا عارف ان فيه ظروف كتيرة بتساعد وبتتحكم فى تسميه العضو زى مثلا الحزب الوطنى او وشعبيه العضو ومدى قبيليته لدى الناس .لكن
لو العضو اعتمد على علاقته عند المسئولين وضمن النجاح تبقى مصيبه.فحنا كل اللى هنقدروا عليه هو توعيه الناس بس الكلام ده طبعا لو احنا مجموعه و
ونعرفهم اى حاجه من حقوقهم فى النائب اللى هينجح
واكيد فيه ناس كتير هتنضم للفكر ده وهتأيده

عارف يا ابو اكرم احنا بقالنا 15 سنه بنقول عائله كذا وكذا هى اللى بتنخدم ليه؟
لان الناس دى عارفه هى بتعمل ايه وبتعرف تطلب ازاى وعارفه ومعرفه النائب لو منفذش طلباتهم هيعملوا ايه وخلى بالك مبينكسفوش من حاجه وبيبقوا متغدين معاك ولحظه يقلبوا ومعندهمش غالى تلاقيهم تانى يوم عند المرشح التانى وكمان تلاقيهم فاتحين خطوط مع كل المرشحين
عارف مرة كنا متفقين مع ناس معينه فى كل عيله عشان يجيبوا اسماء عليتهم الخطأ ونصححوها ورحنا لواحد من اكتر الناس اللى نخدم فى البلد يمكن محدش اتخدم زيه وده كان بناء على موعد منه
فابنه طلع لنا وبنقولوا له جهزتوا الحاجه قال حاجه ايه قولنا كذا قال لا قولنا ليه قال ابويا نسى
انا قصدى من ده كله ان الناس لازم تتعلم تطالب بحقوق بلدها على الاقل وزى تعرف تجيب حق بلدها سواء النائب ده نجح او غيرة نجح

السلام عليكم
ياجماعة والله ده كلام جميل بس اية الحل ونعمل اية هى دى المشكلة ان احنا ضاعين وتايهين فى هذة الحياة انا ارى من وجهة نظرى انه لا يصلح احد لهذا المنصب لكن الظروف ستخدم هذا العضو رغم انف الجميع عشان الدستور والمادة 76منة وياريت تيجى فرصة ونتكلم عن هذة المادة فيما بعد فالانتخابات هتبقى نظام قوايم واللى النظام عايزة هو اللى هيكون ولا انتو اية رايكم

افهم من كلام الاخ عبدالفتاح ان احنا نقعد ونقول وانا مالي
من لا يهمه امر المسلمين فليس منهم ودي بلدنا احنا نعمل اللي علينا والباقي على ربنا ياعم

احب اولا اصبح على جميع الناس اللى زى الفل اللى مشاركة فى الموضوع ده



بس انا شايف برده يا جماعة ان احنا بالكلام مش هنوصل لحل
اخويا وحبيبى حسام باشا / طرح الموضوع والمفروض ان احنا نتناقش ونطلع بحلول للمشكلة دى

يبقى مش هنقضيها كلام مرسل لانه الكلام ده من الطبيعى ان اى عضو ييجى لازم يعمله لان ده واجبه تجاهنا

بالنسبة للاخ عبدالفتاح بيقول ان مفيش حد يصلح فى البلد لهذا الاختيار ... مع كامل احترامى لحضرتك ... انا شايف ان البلد مليانه ناس كويسة ومحترمة جدا جدا


وعلى فكرة يا حسام فيه حاجات حصلت اشد من كده بكتير قوى بس ان الله حليم ستار بقى
المهم دلوقتى ان احنا زى ماقال الاخ / أبو حمزة كفايانا كلام حلو




انا اول واحد هأرشح
بالرغم من كبر سنه ... مع ان احنا اصلا مخدناش حاجة من صغار السن

أنا بأرشح

&
الأستاذ المحترم / تــــوفـــيـــق الـــحـــشـــاش



واذا كان كبر السن هيعمل مشكلة

فانا بارشح
الدكتور/ مــصطــفــى أبــوبــكر

الاخ العزيز احمد ارجو الايضاح د/مصطفى ابوبكر مين
استاذ الجامعة
ولا الدكتور المتخصص في الطب البيطري
اذا كان استاذ الجامعة فاولا قبل ما ترشح العضو
السؤال
هل العضو المرشح من قبلك موافق على الترشيح
هل فكره السياسي مقتنع اصلا بمجلس الشعب
اولا اسئله
ثانيا انا شخصيا موافق عليه لاني اعرفه جيدا لانة قبل ان اعرفه من شباس عرفته من الجامعه لانه ببساطة استاذي في جامعة المنوفية

انا اقصد طبعا / الدكتور مصطفى

استاذ الجامعة

واجابة سؤالك يا عز باشا

أعتقد إن مفيش حد عاقل فى الدنيا هيرشحه اهل بلده شباس عمير ويساندوه ويختاروه انه يبقى عضو مجلس شعب ................. ويرفض


لان البلد بتاعتنا لو طلع منها مرشح واحد بس كلنا اتجمعنا وراه
اكيد لازم ينجح .... البلد كبيرة واصواتها كتيرة جدا

طب اسئله الاول

الساده الأعضاء المحترمين أولا انا لا ادافع عن هذا العضو وانا على يقين ان هذا العضو ملى بالأخطاء ولكنى أحب ان أنوه عن شىء مهم كان الهدف الأول من كلامى هو اعطاء الأخ / حسام الكاشف حقه الذى هو اقل مما كتبت ردا على الأخوه الذين قالو ان نسبه المصلحه لم تصل 100 فى 100

ازيك ياحماده اخبارك ايه معاك فريج عماره وعلي العموم ميهمكش حاجه انا عارف انه خطأ بدون قصد وطمني عليك

الله يخليك يا ابو حمزة وكل سنة وانت طيب وتحياتى للجميع والهدف الرئيسى من المنتدى هو التعارف والتواصل بين ابناء القرية فى كل مكان واختلاف الرأى لايفسد للود قضية.

أنا أتفق معك على ما قلته فعندما تخرج الأمور على السيطره يجب أن يقف الجميع ويراجعوا كل شئ فشباس تحتاج جهود المخلصيين من أبنائها وليس عضو مجلس شعب